米飯類

個題目好正呢！呢度打BLOG好處係： 字好大隻，唔使我下下放大左先打野 （仲好似自動備份 ﹣ 係，真係有COPY而不是草稿）
先講明：呢篇當分享， 當大家都反思下來檢討“自己”咩都好！
我記得上次係FB度寫左話 （大約，我無delete ，不過status  段野找不到）我唔係因為少少野嘈，係同一件事不同人度發生，真係有感而發～
事情係： 約另一友人食大閘蟹（拿，我問，而我又有資料，咁當然係我打去訂，OK 無問題）；因為住既地方好不同，所以當然問下友人邊區回家近佢一點。問完我話過幾日先訂，佢答話OK ！我打蛇隨棍上 ： 唔使唔該，下ROUND你負責咪得囉！佢既答案係 ： HEhehe. 咁即係咩？？ 下次先算？？ 好？？ 唔好？？ 及後佢話牙要做矯齒，牙套要戴20小時，唔食得！仲SENT 埋張相過我 （ 係，我要檢討，友人怕左我會係FB度嘈，以示証明卦？？ ﹣﹣ ＞我多心卦～～ ） 咁我咪答話知佢前日脫左牙，明白架喇！
前日另一邊既聚會，有人問起KR 有咩skin care 好用，咁訂位人6月去完，咁就不停話自己買過乜，又平幾多咁 ～ 之後我話有朋友11月會去，問我join 她的團購嗎（即係圍內人自己GROUP，再一齊EMS SHARE費用），我朋友見我話蛇毒OK ，又話想試！（我答左要問下幾＄先，因為以往係NR FREE EMS 既，朋友只收實價，呢轉要SHARE返，我都未知 ， 大約HK25／ KG ）
之但係呢 。。。。呢位友人....我覺都幾唔識做（ 難聽係自私）因為我問朋友佢試左隻代餐得唔得（日本牌子），朋友話下次食飯比2包大家試。（因一包試唔到D乜） 。呢位朋友上ROUND 剛去完日本，都比左少少零食大家， 但呀訂位者，從來都無。（你講到入左咩MASK 又10片一SET， 邊隻又 5片，自己入左幾多SETS， 又唔見你SHARE一片比大家試？？）你家下叫我幫你請我朋友代入， 你“平時”又付出過什麼 ？ （ 可能大家覺我selfish , 我會咁講，平常大家點幫大家既，我會相同付出； 佢真係從來無做過什麼福利， 我真係唔會幫） 因為我D朋友會幫我去BKK買野， 我地買 G market 都會share 1／2 樣大家未用過既skin care 大家試下！
佢連“呂” 有咩款，我都唔知，叫我幫佢入 （價咁低，我唔會落，落都叫佢自己上網找， 咁多不同價同重量，我費時買貴左背上罪名）
我只會講，我選人來幫～～～～ （ 天蠍係勁記野，N年前去完澳洲，手信都無，之後見我去，叫我入左3支玻璃size既toner ( 無1 L 都半L）, 買完先勁後悔，所以先記到今時今日。所以除非待我好好者， 否則真係謝絕再買咁重既野 （ 仲要退稅， 所以要hand carry)
我諗下呢幾年，當一年食4次，我印象中無一次係佢先比＄再夾，大家都唔想比卡既，佢咪叫waiter放底單我地夾完先埋單！ 我明有時某D卡先有折，唔係人人都有果張（但係呢。。。。前日餐飯係咩卡都有85折，佢都唔會比）同佢食飯， 我而家都好精，唔會拎錢包出黎囉， 試過借尿盾 （ 點知係另一友人負責比左，因佢真係唔郁 ﹣﹣ 高手呢 ～～～）
我知我有時講野都好倔（話左反思嘛，不可只數人不是） ， 但真係唔到最後一秒我都好少爆發 ； 而家仲會考慮下點寫， 收工先返去慢慢打， 道氣過左可能連打都不用！