我的生日+聖誕禮物

呵呵....上星期五,

天蠍E沖完涼, 佢就好開心咁比左條Club monaco既皮帶我

(早一日佢先問我腰圍幾多... - 咁多年無買褲, 唔知....因為唔敢買喇...)

唔知佢點買架.....以為佢叫人幫佢買....

ok, 岩size.......

(註 : 當普遍gift, 唔覺係生日禮物)

之後...因太子入侵, 佢pack哂我既野入喼/ 櫃頂.....

佢先係櫃頂拎左份禮比我

同原來仲有份禮係地下 (成盒野)係我床邊, 我無為意.....

哈哈....其中一份係

佢上星期唔知邊日都問過我張係咩床 (單定雙)

呢件係一個墊既物體, 插左電就會發熱......

係墊係床"肉" 上面既, 再加埋個床單係上面就ok

要用就按開關...仲有2個溫度調較

呢個墊其實上年佢都係買 (哈哈 ,因為我怕凍, 佢住左2年自己一直都無買, 係為左我先去買...)

上文提過boxing day當晚太子返黎瞓, 所以我漏晚閃走左先....晚上返自己家, 第一件事就係整好佢先去沖涼...

不過...哈哈, 因國內2腳頭要轉返hk3腳...我個萬能蘇...我唔識用 (好大舊架..原來用其中一舊就ok...怪不得開左成個鐘都唔熱)

之後...死心不息再研究多次個插蘇先明白咩事....跟住....10mins唔夠就發熱喇....

張野係咁既

無分底面既.....不過我用抓毛呢面向上囉 !

係之之島度有得賣,不過唔知價.....唔好問我....

哈哈...之後仲有份係

咩黎就唔post相了,

係一件one  piece既黑色裙及一條頸巾...(佢話好怕我唔鐘意,因為我眼光同佢好唔同)

其實呢...成日佢都好想買衫 / 裙比我, 不過次次個價都好貴, 我情願佢花花筆 $買其他野比我 ( 有次有特賣場, 佢想買條lavin 既裙比我.....折完都 好幾千.....唔記得4定6喇....) 咪傻喇......

本來咁多野拎返黎, 我想唔拎條裙 , 因為天氣太凍條裙著唔到住...比佢鬧我喎! (買咩比你, 你都唔拎 - 上次條褲我有拎架, 不過著完又拎返佢之嘛.....) 所以...迫住拎囉 ! 頸巾就帶走左, 因為 日日都用得

佢都有禮物架.....我次次都中哂佢要咩架.....

哈哈....本來睇中sony,不過呢部sales話有noise cancelling....所以最後要左呢部

咪就係佢......花呢銀行請飲b仔囉 !

補充:點解我話條皮帶唔覺係禮物, 因為佢第2晚同我講,條皮帶佢買完就走左, 返到黎先發現唔岩佢size....佢原來係買比佢自己既 !!!!!!!

**今次佢最叻係 : 佢無我呢個GPRS, 自己揸車出廣州東站, 泊完車再坐地鐵去花園酒店果個淘金站度shopping ! - 佢回程次次都唔記得點行架....

 

好臭呀 !

某日係cwb果間印尼店度八卦

比我發現樣野

呢隻野叫臭豆

上年天蠍E買左本cook book返黎, 話叫我點下菜 (緊係佢煮喇)

不過佢話好多料都係國內找唔到....

包括呢隻臭豆

hohoho 被我發現有, 緊係報告下喇

佢叫我買.話煮下黎食囉

買完...整緊佢先話會覺臭...(你唔早講 !!!)

食完, 唔臭,不過個味係好青BB 既, 如果有人唔鐘意青瓜既味...我估都唔會鐘意食佢

食哂, 天蠍E先又話.....食完臭豆連D尿都會臭...(妖, 你又唔早講.....)

** 不過真係架, 食完野都2點幾, 我到晚上11點幾痾既尿都仲有陣青BB既味......(期間都痾左好多篤喇, 不過都仍然有味)

到晚上同天蠍E傾電話, 佢話佢次次食完都會快速去大既.....(係呀, 因太子星期日晚返去瞓, 所以我明明星期一早上先走既, 都係O徒左張車票, 即時去買張即晚7點幾走既) 佢車完我返去佢就大左......我就話我無事 .....

到左第2朝......我D CC真係仲有陣臭豆味.....哈哈 !

天蠍E 傑作

材料有用blender打碎左既指天椒+紅椒....炒香左既魚仔乾....同蝦

當然就唔少得食完d尿同c都有味既主角- 臭豆 (呢包野買左 $11)

我做既野 :

蝦要剝殼,但要剝淨係尾......(我想請教呀, 而家買左把剪刀就好D, 我會剪走頭, 剪哂腳, 再係個背度剪開哂先剝殼,不過未熟黎剝真係好難剝得靚, 有咩方法呢 ?????)

臭豆一開二....係個C忽度用刀片佢開一半, 再分開佢地.....)

抹好枱同墊柖墊......事後所有清潔......

我的平安午餐

12月24既下午

因家母唔知出左去邊

所以.....迫住出去午餐喇

因為岩岩既前一日(被迫)係SML 度lunch (因為心儀食肆被人包場, 隔離既貴既法國餐竟然full喎!) 係sml度食左個favour青口...所以引發我24號出中環食野

天大的膽子....下午3點幾要開工, 飲啤酒喎 ~~~~~~

熱氣嘛, 點可以唔飲呢 ???

呢間上次同tal黎食過架喇

1/2 kilos既青口.....

有set lunch (不過set既係無青口選既)

個sauce要 refill呀....好味道 !

雖然入座已係12點半後 (中環人放1230晏既)

都仲有少少位, 之後無位喇....

係中環架...自己search地址喇 ! (係H&M 果條皇后中道中....中旅對面)

早餐 @ 翠華

前個星期六,

因為再之前既星期六想去某間茶記早餐, 點知入到去, 無位喎!

攪到最後我要去食麥記....

所以唔去天樂里果間, 轉去謝菲道既翠華, 仲早左少少去,

(好彩咋, 因為食完埋單係門口就見人龍喇 !)

叫左個沙爹牛公仔麵, 配炒蛋及牛油麵包, 要杯出名熱奶茶

10個正 ! 埋單 $27

個牛肉好正, 無咩筋...好嫩 !

當然杯奶茶亦好得

(印象中好多人都讚翠華, but, 我第一次去係在中環果間....4個字 : 不知所謂, 勁唔好食囉 )

果次真係完全唔明點解d人講好好囉 !

今次去第2間, 超讚呀 !

多謝花呢銀行

上星期去左time 四方形度shopping

記得用citi 銀行卡有jetso

(上次用係送屈人士 coupon）

滿＄５００就送agnes B cafe 既卷

係包一杯野飲(latte / cappuncino 凍熱都得）另加一片pound cake

星期四當日家母唔知去左邊度威，無煮晏

所以我就出去左用左佢先

but.....真係飲唔慣佢．．．

定唔知係無食早餐（我通常只飲野）又太晏未食野

所以．．．飲完無耐反反地胃．．．（定咖啡太重？？？）

or係早一晚瞓得唔多好．．．．

都係鐘意星爸爸多ｄ

過引 印仔

上星期去商務 book shop買野

打個轉之制發現呢類印仔

無教書2年多, 唔好怪我見識少.....

我以前都整左個原子印係欠帶音樂書同笛既....真係印落去好過同佢地罰抄.....

仲有好鬼多款架......

Apps

我部仲係3GS 既艾瘋

上年年尾先換 (因為部2G 機成日無故熄機)

無穿無爛, 唔想再預繳去轉部 4

我仲叻到部機係無得上網既 (係, 我無join)

到之後....要大既air time (因轉返hk返工, 晚晚傾電話, 又岩岩遇到朋友家庭有事, 傾多左幾次...果個月....比左成千蚊電話費 --- 因為爆左air time...)

即時知, 即時轉plan.....

上個月收到薯嘜仔打黎, 話我呢幾個月都講唔夠個plan既分鐘數

叫我轉個平d既.....(幾好 service呀...)

我話我怕唔夠, 佢就叫我另加 $68 就可以有多 1000 mins

問我咪問埋無限上網點....

最後轉左個平 $200度....既plan

而家先有得上網

一直用微博都係開網頁, 唔怪得點解無得load相, 先知..係有apps 可以download既

仲好用過用電腦上 (因即時收短訊update, netbook上就要click "更新", 唔show時間所以根本唔知邊個update左....)

見到朋友有weather 既news...我又去download...

不過唔見佢地既靚靚公仔背景

用左2日先知可以自行download背景...

攪掂左

 

不過太多野玩都要4先可以玩

但........................費時呢頭出完呢頭黎部新既...唔換住 (你估仲係10年前, 一出新野就trade部舊野咩......用得打得咪算囉 !)

天蠍E試探左我幾次要唔要部4, 又話買部新notebook比我

我緊唔要喇.....(電腦我講明我用黎玩facebook, 佢唔mind就買部mac air pro比我喇 ~)

前晚又佢又話太子拎左佢呀媽部iphone放....(又黎試探, 我先唔要人舊野, 出機只係預繳, 最多比合約綁死o者, 咩事要人舊機.....我情願唔換..我又唔係咁恨要....連上網都可以無呢個服務成年, 有咩唔可以忍....)

註 : 天蠍E仲爭我份生日禮物嘛 ~~~~~~~

岩岩先發現, 連open rice都有apps, 即時download先

airlines都有架....岩用就去download喇 !

加州手卷喎~~~~~

上星期食完crumbs周圍行

見到原來sogo後門有間"司壽長板".....

可以唔再齋去千兩

咁就星期二時試下喇

......先黎1248落Order, 115先黎第一個手卷.... (餓死了 ~~~)

5分鐘後先再黎齊其他第一round既sushi..

不過....睇下呢個手卷

我從未見識話得蛋 + 原條蟹柳既 "加洲"手卷.....

完全無heart...青瓜呢 ?? 有, 之唔係得果半條仔咁大把, 仲要放係底部...我食左第一啖先見到果丁丁咁多多

魚子呢.....唔見喎! 呢個聖誕特別版黎卦....

呢間野, 無下次.......不知所謂 !

咁special, 真係要影張相 "表揚"下佢呀 ! sharing先 !

crumbs yogurt

試完yomama

今次試另一間 - CRUMBS

都知知地呢間仲有scones係出名既,

細杯 $28( 1款topping) 大杯 $32 ( 2款toppings)

因為本著想試多個toppings (佢比yomama既 topppings吸引好多)

所以要左個大杯

不過食到一半已勁飽....(雖然因趕住去cle de peau度做皮膚test - 做完有免費samples嘛)

食左個格仔餅.....不過呢度既細杯裝我都覺佢勁過yomama喇 !

始終唔係太就腳....未必會有機會試第2次了 (雖然都ok好食)

至愛泰

睇完呀老年食神米高既介紹

好想去食果個坑腩 (其實我係想試果個咩秘制spicy 醬)

不過去灣仔 ( 我上星期經過一次, 又係2點幾打後,都仲係太多人...未食)

問下facebook各方好友, 個個都叫我食泰麵麵算喇

都好耐無去, 好排住果d spicy粉粉

出發去九龍城喇....

呢個路邊美食 (係王心心隔一條街) 我已介紹過...

次次去都想試下海南雞飯/ 豬手飯

但都係為左可以落d粉呀, 辣汁汁..次次都係食雞河...

不得不提, 佢果d唔知係豬紅定雞血 , 好入味架, 完全係一流呀..不過...咩事少左咁多, 得返一舊....唔夠喉呀 !

點都要叫返一杯奶茶.....都係正 !

太太太太太太好味喇 !

連d湯都飲埋架, 因為吸引哂d spicy 汁汁既精華 !

Sushi / Sashimi lunch

係呢區返工,經常食既都會係日本野多

原因係

(1) 一定有位 (我次次都係1230pm前到)

(2) 可以hea得一陣得一陣...(我夠想食池記南記, 係呀, 講左幾次想去, 不過真係超多人排隊, 我無可能早d去等位, 食完大把時間又未返工住...又唔想行街- 唔想破財; 個個miss都係差唔多準時到, 係我次次都早15mins返到, 無法....以前既職業病)

上次見時間多, 去左皇室堡睇衫 (呢 !!!親子店呀) 之後就去左峰度食 (原來白沙道都仲有間, 下次可以唔使行咁遠..因為食多左千兩想轉下囉 )

好想散叫, 不過唔係太岩食, 所以只係叫左呢個手卷....好味 !

之後再叫set

不過不失喇 ! 可能時間早, 店內唔係太多人....(都成1點半架喇)

以下係隔左幾星期去千兩既 ( 因為星期三返得早放得晚, 所以次次我都係選擇係返公司附近食, 唔使11點多就食lunch才出門, 等到晚上8點幾先有得食dinner嘛 !)

影呢張相係因為碗湯, 今次唔知咩事有蝦...令到碗湯好rich...膏味...10個正呀 !

 

繼續神秘

記得我講過好想知某同事買既大大貼紙嘛

星期六見地下放左2pack勁大既包裹, 面上寫左2位老師既名

裡面都係貼紙黎既 ( 下,可以收快遞架...早講喇, 叫mel 送黎我公司嘛..)

** 都係未經証實,可能人地自拎返公司放呢...我唔知呀下, 我連係邊2位老師都唔知

好喇, 講返果位老師....

岩岩見佢一齊等學生

即問佢 : 你d貼紙好大張喎 ! 係邊度買架

老師Y: 佢地果D係CWB度買架....

GG: (妖, 我問你呀, 咩"佢地"呀, 我都唔知邊個係佢地, 你指地上果2包野既物主呀 ??) 啊, 係咩.....

之後我當然無再追問係CWB邊度.,....把閉得你呀....唔講咪唔講囉 !

用哂我自己呢pack, 我先再係淘寶搵過...哼 !

 

我的聖誕禮物

教琴咁多年...

真係第一次收多少少既禮物

(教書....唔敢收, 費時被人請問咖啡 -- 好似 over $500以上唔收得)

第一份係crabtree, 想買呢隻味好耐, 不過成日都提我家中大把存貨, 所以呢隻咪出果時唔敢再去買.....

第二份係日本藉學生送, 係一支sugarbuns既鉛筆, 真係擺明唔係出自媽媽手送既...好開心

第三份係呢個月先轉比我教既男仔學生....一入門口就拎比我喇...古古力....from beligum

唔知下星期仲有無得收呢 ???

星爸爸的包包

今星期有一天, 本來想煮個雲吞食

點知家父係廚房煮佢既寶茶 (即係佢自行調制加入不同藥材 - 唔好話邊d唔放得一齊煮, 我唔理得佢咁多, 人到咁上下年紀, 就覺自己咩都係咁岩, 你唔認同係你唔識野.....所以為免不必要既爭辯....少出聲為妙 !)

半個廚房無左, 最後我無煮, 出去街食完先返去教琴

想去池記/ 南記/ 森記 ( 係., 比人話佢一定去池記..)

妖 ! 我夠知喇, 不過.....2點半都仲有人係門口排隊.....食完又要迫住快手走.....(我教345呀, 好多時間, 我又唔行街window shopping)

最後...去返星爸爸 (係....星爸爸既包係貴, 不過我prefer食佢都唔食麥記囉 !一個唔知收老公定送隻iwc比老公既人話星爸爸包貴.......oh! )

上幾星期試左個唔知咩蛋白火雞肉...都好正 !

今次呢個係煙鴨胸芒果raspberry 香草包

個煙鴨胸真係好正 ! 我一直都唔知有raspberry ...係再去食第2次先見到個牌仔有寫 (怪不得有少少酸甜味喇 !)

**食第2次係因為當日返145pm, 收730pm, 點知返到去先有個學生330pm臨時請假, 因為佢, 我有成1個半小時break, 所以咪出去食返個包 + mocha囉 (好彩是日要煮ｃｗ大餐，所以有帶ｎｅｔｂｏｏｋ，時間充實呀！）

from呵華田

前幾日同一眾網友hotpot

多謝b姐送上泰國手信

好耐無見b姐了 !

食過呵華田既餅未呢 ?

唔係太濃 + 甜既古古力味 !

早上無野送cappuncino時, 食左3件都ok既 !

劍雨

故事簡介： 明朝初年，武林一代高人「羅磨祖師」的遺體重現江湖。據說，在失蹤的「羅磨」遺體中，藏著一個絕大秘密：誰能拿到遺體，參透其中的秘密，就能夠練成「羅磨」的絕世神功，稱霸武林。江湖上最神秘的暗殺集團「黑石」派出旗下的女殺手「細雨」奪取遺體，不料「細雨」卻在遺體到手之後，帶走遺體，反出黑石。「黑石」發出江湖追殺令，懸賞黃金五萬兩要「細雨」的人頭。叛逃的「細雨」，則易容改裝，化名曾靜，隱身南京城中，作起賣布的小生意，並且嫁給了在城裡面幫人跑腿送信，一個只賺十五兩七錢的普通漢子江阿生。似乎，她終於告別了江湖舔血的日子，過起正常人的生活……

評語： 看到「心」也看到「情」

監製吳宇森在一次記者會上笑言，今次在《劍雨》中不會見到他的招牌慢鏡、也不會見到白鴿……意指他沒有干預導演蘇照彬的創作，然而我們卻不難見到《劍雨》的劇本有點脫胎自吳宇森至今拍得最好的西片《奪面雙雄》，甚至有人指片中楊紫瓊和鄭雨盛的夫妻關係有點似《史密夫決戰史密妻》的影子。

而事實上，劇本本身的確不盡人意，部分戲簡潔得有點交代含糊，諸如開場不久陸竹對細雨的「我願化作石橋，任憑五百年風吹，五百年日曬，五百年雨打，只為那少女從橋上走過。」的情深，對白動人，卻沒有足夠篇幅交代二人如何情深，鋪排過於簡單，陸竹以死了結一段孽緣，亦不足以營造打動人心的戲劇效果。而鄭雨盛和楊紫瓊易容重生的時間重問題，存有似通非通的漏洞，「易容鬼手」緣何會向他倆互爆對方的身世秘密(連鄭的心臟在左邊都講埋，好無醫德)亦叫人不明所以，看似有點粗疏。其次，江湖中人為了稱霸武林，爭奪藏有驚天秘密的羅摩遺體，乍看下，亦是武俠電影中的陳套公式。

數了一堆缺點，猶幸電影的優點還是足以彌補這些暇疵和過失，這都是出於導演有「心」也有「情」，對角色人物的塑造下過不少工夫，最吸引人的當然是男女主角的愛情，楊紫瓊和鄭雨盛由雨中相遇邂逅，一場雨、兩杯茶、幾分錢都拍出味道來，及後楊充滿內心掙扎求助法師，再而掙脫世俗枷鎖主動向鄭求婚，得以掩藏殺手身分過平凡生活，皆拍出與別不同的情味，亦散發出在古裝片中罕有反傳統的女權意味，剛柔兼備，直到在銀庄為了護夫而不惜敗露身分，亦看到導演為這個角色的細心部署。她因為暗藏羅摩遺體而引來各路人馬追殺，面到強手當前，也以愛情行先，這都是同類片中較有新意的處理手法。

另外，較有趣的是導演對故有江湖的顛覆，一個武功蓋世、一個富甲一方，爭奪遺體的目的原來並不是想要稱霸武林，而是為了要站起來做個真男人。一眾高手打生打死、互相廝殺，為的只是彌補一個太監和一個雙腿殘癈的巨富下半身的遺憾，對比起楊紫瓊真女人角色，更見導演的用心良苦，而這樣對江湖的嘲弄與戲中刻意營造的憚意與詩意又起有趣的戲劇衝擊。還有是演員的努力，由影帝級的王學圻，到甚少演過奸角的大S和余文樂都很用心投入，個個都在奸險背後還流露點點人性，盡見人物設計的心思。

info from 頭條日報

------------------------------------------------------------------------------------
話說天蠍E買左碟後講我知, 佢當晚 (星期六想睇), 不過我叫佢等埋我....

呢套戲其實上影時佢想去睇, 不過國內睇實在貴, 之後佢又話記錯係想睇狄仁杰 (我又唔想睇Miss lau)

咁佢緊係話等埋我先睇 ; 收完線, 佢打多次黎鬧我 : 而家又叫我等你, 果次叫你去戲院睇又唔睇 ----- 戲院貴嘛, 呢套野都唔值去戲院睇...

今個星期一齊睇完, 佢既comment係 ; 都拍得麻麻地

我既comment :

用劍打得幾好, 好溫柔...

情講得好, 不過...如上文comment一樣, 個李鬼手好無醫德, 點解要同男既講細雨都整左容, 仲要去左邊度落腳, 讓男既可以去搵佢....

大S ...都唔明點解要露背....有咁既劇情需要嗎 ?????

有無咁低呀 !

上星期都知今個星期三,四會落雨

亦估到氣溫會降

不過真係估唔到番禺天氣會咁囉

4-5度 ??

上年最低我印象中都係7度

不過佢既7度無hk既風咁刺入肉.

除非係碼頭上落船, 否則真係無hk咁凍

今年就真係唔知了 !

天蠍E上年為左我買左張插電既墊係床面, 所以瞓覺唔係一個問題

前幾星期係廣州Uniqlo度買左d 保暖既底衫同打底褲....所以都應該無事既...

聖誕kitty @ 國內麥記

星期六等天蠍E時, 我通常都會去麥記買等COFFEE等佢黎接

因為賓館果邊個sofa 搬埋左去之後, 次次都好多野飛飛下, 都唔知係蚊定咩黎既

所以明知要等佢一陣, 我家下都行去麥記,

等佢開車前打黎我預到時間先行返去

一入去, 見到呢個版

再去買野時, 加12人仔就換到

換返一個先, 因為hk一定無呀 !

我換左扮鹿果隻 kitty!

 

小小的聖誕禮物

呢個星期去思思縮扒度買野

買左呢d 糖比學生 (因為有d得4歲多d, 唔敢買太大粒既糖)

呢d棒仔就ok喇 !

有5隻味, 仲可以玩野叫學生抽.....唔比佢地自己選

**有d真係激死你架, 又要唔練琴, 你同佢做ear training / theory功課又要自己剔 (所以有個學生今堂我鬧佢, 下次你返去練足琴, 我比你自己剔哂同自己蓋印仔, 今次咩都唔比你自己做)

按按面 !

呢2年好少出去做facial

而家都係用買既按摩cream自己按下..

一星期用雪花秀既gel 磨下皮 (d 粒粒好soft, 唔會磨乾既)

岩岩用哂既mask都入返新貨 (用美麗日記之嘛, 平野)

敷返2次都有返彈性

禽日去左laneige度拎左2包仔peeling & repair pack

佢仲即場示範左係我隻手度, 用完真係滑哂

咁我就當然無買喇......(家中仲有舊版既存貨, 唔會o徒 $)

 

外來者

前晚天蠍E一打黎就嘈

妖.....

有人話業主要趕住收返

你表弟要係我度住.....

哈哈哈 ~~~~~

老闆娘仲爛好咁叫HR果邊話叫呀姨去執下野喎!

天蠍E有自己既呀姨 (唔係公司提供既 ,因佢話公司果個執得唔乾淨, 呢個係佢自己比$既)

另一間房...呢個月都放滿一箱箱公司既文件 (因有小道消息話有官黎睇野, 會周圍搵文件查野, 所以咪成1X箱塞滿間屋)

OH! 我又要清下toilet內我既物品喇 ! (仲要星期六/日幫天蠍E吉返另一房內既衣物先)

仲有.....床上既magazine (佢又死都唔肯掉...)

雖然呀太子表弟係一個好唔計較, 好causal既人..

不過...夜夜要行5層樓梯回家, 天蠍E要晨早返工 ( 都嘈唔醒佢既....)

廳度無電視 (因為放左係房內)

無得上網 (  佢問左, 天蠍E答佢無, 因為係佢自己比$上網既 ; 佢答"晨早返工, 夜夜先收工, 邊有時間...)

我估佢都會快快手去租返第2度 (而且.....佢唔鐘意住咁近公司, 出去玩都唔方便)

天蠍E前幾星期都叫我pack下自己野, 因為佢都打算搬,佢話想搬返出市中心, 想附近有泳池喎 (而家都12月....游得水都7月既事.....)

聖誕果子蛋糕

一睇個名

9成都估到

唔會係我整既

不過亦唔會係我買

因為我不會花呢d $....(食其他野好過喇 )

呢個蛋糕係珍妮仔整架

上次見佢去睇人整既相, 已覺好有興趣 (食)

佢整完就通知我...過黎拎比我 (又麻煩哂你了)

反光睇唔清....

整多張

一開蓋影時都聞到好勁酒香味呀...

不過食入口就唔覺...

個餡好多料呀...正！

早上配杯熱既cappuncino....一流！

咁都有得送 ???

睇睇以下物品

原本佢放入膠袋內, 我唔多知佢係咩....

以為係毛巾...

再scan下, 以為係放浴室既抹手毛巾連掛勾......(有個圈果d)......

點知....係一個咁有用既ear warmer

係mannings送既....

買咩有得送......

估下呀.........

...........................................................

..........................................................

..........................................................

...........................................................

............................................................

.............................................................

哈哈哈.......估佢唔到呀 !

要換就快手喇 !

long time no shop

呢件衫係網上睇既時間都已經好鐘意

而且亦唔貴 (同一般係旺角 / cwb 既小店差無幾)

幾次想去店內睇下都無時間

岩岩星期五見仲早,未教琴住, 就去睇下有無貨

鐘意既紫色仲有 (不過得細碼, 好彩仲著到...我怕突我個肚腩呀....)

邊間 ?? 咪果間成日親子店....CCK呀！我買埋另一條灰色

加埋仲有９折．．．＄２００有找一件．．．著一季都低！

呀姑無學喇 !

11月30日,見到12月1日既學生list

見到樂理呀姑未交學費

以我估計....係有d野

因為12月交要比penalty ($20 - 遲交學費, 呢度要prepaid既)

佢呀女星期日都要交喇...所以我知有事

到左12月1日星期三, 下午點幾職員打黎話佢要stop下喎 ! (好呀, 佢月尾果堂都話想stop個零月去清下功課喎 ! 我應佢好, 不過怕佢到時隔左一排先開黎做, 就會唔記得, 到時都要找返老師問. 停唔停都分別唔大, 咪一樣唔能完成 )

係呀, 月尾果堂我串9左佢 ! 鬼叫佢次次都唔做, 到叫佢試1-2題, 佢睇左幾秒就話唔識, 叫我再解多次, 我反應勁大,  """" 下, 又解, 解左幾次架喇......你自己睇返notes喇 """""

無錯, 佢係客仔, 佢咩request我都應該照做, 不過.....點解係佢唔做, 比埋notes佢自己唔睇....假如係佢蠢, 佢做完有唔明 / 錯, 我解多次都無問題,but佢唔係！

自己理解完ｄ野係錯既，又吱又左，我再好串咁話: It's easy !

係呀，我係咁既態度架喇，鬼叫佢成日用英文應我

－－－－我get唔到你講乜

－－－－ｉｃ　ｉｃ．．．．

好彩８１５－９００個學生即日通知佢都可以上６４５－７３０時段，否則我就要吉個半鐘．．．．．

佢返黎學都唔會再教佢呀！

淘寶貼紙

麻煩哂mel mel既幫忙

send完條link比佢後, 佢就幫我訂同先付款...再幫忙由big 6 廠轉往佢hk office

一次我訂左40張..共有8款

都幾厚下...40張喎! 面果張係送既....

人仔 2.5一張....我八左花園街睇左一次, 差不多既款都要成 $6.....

even要比快遞$, 加埋都平一半呀 !

今次應該有排用呀 !

個網都分開唔同款黎訂, 因為太多, 又唔想每個訂1-2張....

所以睇哂1x款, 我都選d公仔靚d既 !仲要大大個

整多個新幹線....

thanks mel again!

港島線快好多 !

呢個11月開始開埋星期六教

故此坐過2次呢邊開去番禺既直通車

第一次坐因買唔到理想班次, 就遲一班

點知去到有架加班車, 姐姐又比我早上 (點知.......)

坐左豬仔車, 因為班車無情情行紅隧, 仲去埋太子接客, 再行tuen mun公路

沿紅隧都有班c9+老公係度嘈嘈嘈...

又complain坐左幾個鐘 (又話西隧- 即去埋上環既, 45mins就到深圳灣....)

咁又係既, 真係坐左一個多小時先到深圳灣...(我以前成日坐旺角班次, 所以已慣)

岩岩今個星期, 教完琴就滾水"陸"腳咁走, 因為得20mins趕去候車點 (有好多架巴士到架, 只要準備收工, 係得既....已經車一定唔準時...我預佢遲5mins喇)

點知....緊係遲喇.....不過比旺角就無咁遲, 而且旺角行條洗衣街去太子location, 夠膽死幾個紅綠燈位都可以塞15mins.....真係唔得佢死 !

講返hk呢條線, 一陣就到上環, 我發左夢一陣, 以為去左藍灣半島附近, 點知睇真d, 係奧港城了 ! (即係15mins就到九龍區, 再行 (3號幹線定大欖隧道????) 果然係45mins多d就到深圳灣

過埋關, 再上返車, 都比平時九龍上車既快......(不過到賓館時間都係差不多, 因為由深圳出發時, 行左唔係平時行既路線.....去到東莞先相同返....唔知點解會咁行)

(註 : 係hk定國內都好, 如果有位既, 你早坐一班車都得架, 不過遲到就當然唔得喇 )

 

勁宣傳

琴行呢排宣傳都幾勁下

11月中旬, 已開始派月曆

職員話上年無架, 因為今次要整廣告 (當然係sell佢最賣得既k字牌琴喇)

所以送左好多比家長....

我就無要到, 因為我幾個月前已買左個

點知.................................佢個教師會寄左個黎....

又得個擺字 !

 

番禺住酒店

岩岩今個星期 (11月28日晚), 天蠍E收到秘書SMS

話星期一早上要用車, 因要去深圳灣 (830am) 接hk同事 (包括太子)

平時我地星期一已經要早上630起身, 7點出車送我出市橋 (即番禺市中心) 所以830要車的話, 即係630多已要還車比司機...故此星期一用車....(我地)係impossible

好彩幾星期前我地都溝通過, 萬一星期五我買左車票先知星期一要用車,

我就租酒店瞓一晚 (即瞓星期日)

果日知道時, 仲岩岩洗左菜....因為又要煮, 事後又要洗

最後.....決定出去食

天蠍E先返公司轉部車 (因為是日雙號, 因為星期日早上佢返公司時, 都係揸返單號車返黎 - 我地住細TOWN仔, 所以可以避過公安車既, 唔出大路就無事)

哦左佢一陣, 終於有機會食小肥羊.....呵呵 (又表哥表叔..唔好喇卦, 下次要試埋毛家飯店先得)

我上網找左地址架喇, 泊車又岩岩有位, 所以唔使比$呢 !

食完9點多就返到酒店

多得BLOG友順德人,佢早前介紹左個網係book國內酒店既, 即時報價

唔使比deposit (check in比酒店除外)

我幾星期前就mark左電話

本來想坐禺山酒店, 因早前見佢話亞運有特價

點知佢無聯繫...

最後住左龍泉...(番禺賓館貴...緊係唔住喇)

$270( 其實係ok, 平過天蠍E set比佢既價, 因為太平可能佢都唔放心卦)

其實賓館同一條街 (即唔使過馬路)除禺山仲有添怡

而家我住呢間就係賓館對面, 行天橋就到架喇 ! 同我呢條街既就仲間愉園 (不過BOOK果時唔記得佢叫咩...佢又話好似無聯繫)

有10層咁多, 我住7樓

係scan卡開門, 唔係插卡, 型 !!!

亦無咩煙味,或怪味 ( 現時大堂裝修緊....)

仲有得泊車, 天蠍E 泊左部車, 蓋埋印仔, 陪左我幾個鐘先走

係燈罩爛左既.....不過又唔掂佢,無問題...

toilet就細左少少, 不過光潔, 要行埋少少先閂到門,

我就係等天蠍E換車時沖埋涼....所以無用花灑...

出門先記得無拎牙刷, 好彩佢地有提供

放心, 我無用杯

窗係望賓館既, 對面就係添怡

早上仲有buffet breakfast, 好勁下呀

有煎蛋, 有麵粉 (即煮, 即煎) 有炒麵同飯, 多士麵包, 我就食左碗皮蛋粥 (加炸菜)

仲有熱食, 不過我無打開哂黎睇 ( coupon寫好似 $30@)

我房租係包埋既....

早上check out後,我都八左去禺山同添怡度找左張價目表 (禺山平好多, $250以下就得了) 下次再有需要都有電話打去問價

***亞運係完左, 不過仲有殘亞呀 !!!!

當晚我地睇埋義海大結局佢先走呀, 返到去都有覆返電話比我 (又怕得2支水我唔夠飲, 未到酒店前又怕我無早餐食.... ** 我拎左個生果走...) 

第二朝佢8點多返到公司都有打黎睇下我點....

少補充 : 打完去book酒店, 之後confirm係會send sms去我電話度, 會顯示入住既姓名, 入住日子同 $, 另有酒店地址同電話