上星期五由尖沙找返到紅磡
就係想買對涼鞋
係尖咀見到架,不過著上腳後就覺個筒位太高 , 唔多舒服 (而且個底好平, 似好滑..) 另一對就無我size......最後無買
事後返黃埔果邊, 見到係尖沙賣 $199, 紅磡只賣 $99 (不過得果對有, 其他既款唔見既)
好喇, 睇中對都係 $99, 一試....點解鞋頭2行釘珠, 有一行無左1/3架 ?? ok 試另一隻色喇, 今次就換右邊果行無左 1/3....姐姐話會唔會"啤"果時都係咁 ( 姐姐...你放display果對2隻腳都有齊珠仔果喎 ??)
佢仲勁到叫我拆左佢喎 !!!!
岩岩星期六日係big６，一心都係果邊睇下有無平野岩
係廣州公園前站連接地鐵既場內就買到了（通往五月花廣場）
佢有對粉紅及藍既（不過粉紅無我ｓｉｚｅ了）原價人仔１５０（不過全場減價）
為免一陣有人同我講ｈｋ幾$--> 我買貴左，所以價錢唔公開了
之後行去另一相通既商場（唔多記得叫動漫咩城），果度似家樂／潮流特區既舖仔，都有對幾靚，不過唔想買２對，所以都唔知咩價．．．
粗粗地著住先．．．．．
此片於8月5日才會於hk上影
我就係6月28日係廣州既影院內睇左
因今次睇12點半 , 所以50人仔...( 今次叫平過hk喇)
原裝故事講高中學生Ralph Macchio隨單親媽媽由東岸新澤西州搬到洛杉磯，人生路不熟，被校內惡同學欺負，他的鄰居老雜工森田則之原來是個深藏不露的高人，從他那裡學習到空手道的奧秘在於心而不在於手，更同時領悟到做人的道理。
為遷就具叫座力的11歲積頓史密夫，新版故事把高中學生改為小學生，隨被派往海外工作的寡母到北京上學，得到隱居當工人的功夫大師成龍指點，苦心潛習功夫，打敗學校惡少，更挑戰高手雲集的頂級武術賽事。
長城武當山取景
新版《功夫夢》是中美合作，資料顯示製作費約4千萬美元，中方斥資約5百萬美元，並提供多個包括長城、紫禁城、武當山等拍攝景點，擁有國內發行權及亞洲區若干附屬版權，當然少不了有權審核劇本，也因此本片有兩個些微不同的版本。
--------------------------------------------------------------------
好多年都對成虫既戲無咩興趣,
無咩做, 找野睇下吧了, 睇完亦對佢無咩comment
因為主角只得12歲, 要打.....氣力都唔可以太耐, 太長..所以上擂台都係打3分制.....場面適可而止 !
中國推得咁勁，我估係因為係內地拍既關係．．．．．
找死了....
耍左一個月了...
攪到幾時呢 ???
咪就係琴行囉...
我明...大公司...有制度...
不過d制度真係不得不講句 : 你老味 !
5月尾in完, 幾日後叫我去簽約
好喇, 簽完拎左套書返去話等電話再去上training
ok, 好不容易係2個多星期後先收到電話叫第2日去training
train完當晚就問我去果間分行教ok嗎 ?
training當日仲話confirm邊間分行後,會再由果邊通知我先見見分行主管, 再之後...又話要經佢地再安排由顧問呀 dr yeung 再作深入一點既master class ( 即係再教多次深入d點用佢套把鬼alfred 書)
完得未呀, 我幾時開得工呀 ?????!!!!!!
*** 題外話
當日training仲有2位似剛中7畢業既學生, 女果位簽約當日我見過 (等咁耐都係等多一位.....浪費我時間) 男果個....真係擺明就無睇過套書, 問左個好白痴既問題
男 : 我想問呢,. 會唔會歌就教哂,不過techincal果本 / theory果本就無用哂, 咁咪淨係買升級書囉 ??
教學部小姐 : (幾把閉, 有教學部 ) um.....其實呢個機會無可能發生囉 ! (咪係囉, 80後既後生仔, 你好"火羅囉", 套書咪似學校text book同作業及補充囉, 會唔會教哂A冊, 不過A冊既作業一半都無做過呀, 佢地有互相有連繫架, 教完邊頁之後就會叫你用邊本既第幾頁架.....你有無睇過本書呀 ??
仲衰既係 (我好彩呀下 ) 我地係度玩示範, 佢唔好彩連中左2次要彈伴奏位, 另一女仔就中左一次, 個男既sight reading 勁唔得囉....某一首仲唔知要點做....錯哂.....
呢間琴行仲要....你要教更高級...唔該彈返今年8級 A, B ,C 3個SECTION各一首再填表作一個upgrade interview呀....想幫人伴奏收多d $呀, 唔該又係佢指定既3/ 5 / 8 級list度彈一首佢assign左既曲目吧 ! 再自選一首係樂器/ singing exam既歌呀...再黎多個sight reading...
要唔要咁pro呀 ??
定你d顧問價好貴, 你要比多d野佢地做 ????
仲有呀.....學生唔考試而要升級, 唔該要幫佢地報個成績滙演, 再等comment出, ok左要2個月後先升及收升級學費....
一係就係果級就考果級, 考完就可自動收新學費 (呢個似最好 , 不過當然要家長合作唔跳級考喇 )
[明報專訊】由港美日三大影帝周潤發、尊古錫及渡邊謙聯同鞏俐一起合演，成為暑假電影檔期最受關注的電影《諜海風雲》，將於6月17日選擇在上海作全球首映。發哥於1980年以電視劇《上海灘》紅極一時，30年後再戰上海灘，飾演黑幫老大，依然有型有款；鞏俐則繼06年《滿城盡帶黃金甲》後再與發哥續情緣，她的驕人身材依然是演技與劇情之外另一睇頭。
諜海風雲》的劇照與國際版預告片，昨日陸續曝光，在兩分半鐘的片段中，發哥的《上海灘》加《英雄本色》的混合體再度重現大銀幕，同時為突顯其心狠手辣龍頭大哥形象，有一幕被槍傷而露出紋身的鏡頭。至於鞏俐的驕人身段在片段中亦一再出現，有一場她與尊古錫的激吻場面，讓她的感情糾結內心戲盡情發揮。《諜》片有不少槍戰與爆破大場面，盡顯荷李活大片風範，所以對票房充滿信心創出佳績。目前各位主角都定下出席上海首映的行程，發哥繼\文強後，今次演龍頭大哥安東尼，會否再掀起上海灘熱潮？
6•17上海全球首映
據該片出品人華誼兄弟總裁王中磊指，該片是與美國著名的韋恩斯坦電影公司聯合推出的中美合拍電影，由於美國甚重視內地票房，故經過商討先在6月於內地上映，美國則暫定9月，換言之該片創了先河，作為首部在內地率先上映的中美合拍電影，可見中國電影市場在世界地位進一步提升。
故事展開三角戀
《諜》片是講述1941年第二次世界大戰偷襲珍珠港事件爆發前4個月，尊古錫飾演的記者到上海尋找殺朋友的兇手，過程中，結識了上海黑幫老大周潤發及其太太鞏俐，並展開一段三角之戀。同時，也揭發出一個涉及中美日間碟的驚天秘密。
from: http://hk.movies.yahoo.com/news_detail.html?id=9b503ff34be44ff79078b427c7198eeb
*******************************************************
呢套係hk仲未上影既, 我係big 6 度睇 (亦係第一次在big 6 睇戲)
先講 big 6 睇戲真係唔平, 成 80人仔一張 ( 不過某d時間就 40人仔都成交)
睇發哥同鞏俐講英文都唔錯..
不過又有中國人又有外國人....好似唔多好feel咁既
講得亦唔係好深入 ( 因為涉及政既野, 又要賣埠, 都係少講為妙呢!)
入場都算多人, 不過....好多上左年紀既...( 我都打左個突, 因為...睇得切字幕嗎 ?)
前排都多雜誌 / 報紙介紹,
不過時間次次都唔多岩, 所以一直無試
今日下午去左買lunch返黎食
因唔想過馬路影門口, 所以影左張宣單算數了
佢係位於寶其利街 ( 係紅磡區, 無入到去黃埔果邊咁遠既...係市政街市隔2條街度喇, 你問人寶石戲院係邊, 佢就正正在對面架喇 )
有少少食物介紹, 最出夠既係炒年糕, 魚蛋同泡菜
\
以下係韓式魚蛋, $10一串, 因為我外賣,所以佢用個紙杯盛好, 仲加入熱湯 ( 個湯好好似架, 唔多有味精既感覺)
食一串已有少少飽既感覺
再之後係 $20既壽司
估佢唔到咁多喎 ! (仲有1/3我無放低黎影咋 )
之後係炒年糕, 只有泡菜加入, 如果可以多少少料就好了 (不過就好入味囉 )
$30 一大盒既泡菜, 都好大盒架 !
呢間野好多韓國人幫襯架.....
又有GIFT換喇
大家去左crabtree 度換未呀 ?
今次收到2張卡, 一張係送3支既, 另一張就送一支
星期四係landmark度換既...
睇張卡我無理咩size以為好大支, 原來收完得旅行裝既size (是但喇, 唔使 $ )
按完返黎, 行過對面氹仔官也街
本來smile話可以用coupon去食buffet, 不過我都係想去食魚翅多d
入完門口要上樓上, 都係得2張大枱及3張細枱
都好多間分店架
一人一份魚翅撈飯$ 38
唔好expect too much, $38....2個洋蔥圈既翅喇......不過話時話 , 湯飯入味, 又張熱.....低過食mac 噹噹喇 !
又有瑤柱津白 , 都係 $38....好飽呀 !
食完行左去見到莫義記,不過飽得滯, 無買 !
之後去埋鉅記買左D手信返黎食喇 !
返到酒店沖埋哂涼都11點多. 之後4個傾傾傾, 傾到2點先瞓...
老人家......回HK後...要午睡返幾粒鐘先夠呢 !
Jun 12星期六想慢慢食完先坐車
一心想hea耐少少, 點知去到paper rice已有幾位等位...
最後去左page one既cafe度食
不過都無位要坐bar位
想試蜜糖雞翼, 點知佢話無哂, 改左要芝士火腿三文治
芝士溶溶地好好味, 個唔知咩薯片 (我覺似珍珍)亦勁好食.....
係杯mocha勁似古古力...唔多得之外, 呢間cafe可以再黎食
無update幾日, 因為星期一,二都無咩mood update
之後星期三就出發去澳門玩
呢次係smile 邀請, 難得又有幾位大學同窗一齊去
因為未有房, 所以先係酒店內開餐 ( 又有9折喎, 呢間面館都好ok, 不過影完一張waiter先話唔比影相喎 ) 車...睇野食都唔得.....人地vegas既casino只要唔影響賭緊既人, 唔開閃燈都ok比人影喇....)
食完就有房喇....唔該哂smile令我地有唔使 $既住宿
住威尼斯人都幾方便, 間房又夠大 !
有bath , 有shower, 亦有梳妝台, 洗手盤都有2個, 夠哂比我地3位女士放野.....
good!
之後我地就過埋拱北度八下, 做左個足浴....舒服哂 !
之後就坐返shuttle返酒店再出去食dinner
食左咩就下一篇再講 !
而家逢星期一至五都好唔得閒
因為....
星期一 : Ugly Betty
星期二: Drop Dead Diva
劇情講述美女模特兒Deb於一宗車禍中喪生。她不甘自己英年早逝，與天堂守門人Fred起了爭執，她在既沮喪又憤怒之際擅自按了「Return」按鈕，使她重返人間。可惜，陰差陽錯，Deb居然進入了一個聰明能幹，但身材肥胖的律師Jane的身體！
在天使Fred的幫助下，Deb開始以 Jane 的身分生活。她一時之間要適應新身體及新生活，又談何容易？幸而Deb雖失去美貌，但卻換來Jane的智慧；她過關斬將，打贏了一場又一場官司。事有湊巧，Deb的未婚夫Grayson也加入了Jane的律師樓工作，還跟Jane的死對頭同事 Kim發展感情。在融入新生活的同時，Deb 要學習放下自己的過去……
星期三: Desperate Housewives
星期四 : Medium , The good wife
星期五 : CSI- NY
你話呢,套套都好睇...
其實係830呢個時間無記真係無野好睇
所以連上2輯既ugly betty一直都無追開既都睇埋呢
星期一至四既都係pearl，CSI 就９點係world 果邊連播２小時
係喇係喇
又約人食飯
講得又黎飯局就當然係一個我成日都見佢約佢既好友喇
鐵板超 Teppan Chiu (資料請篤我)
係太子道近honda車行旁
location係都得媽選既
呢度午市好多set, 係真係勁多......
我呢個係山葵set, 有炸豬扒, 綠茶麵, 幾片三文魚同加州卷 (包燉蛋同麵豉湯)
都得媽要左個牛柳, 有2隻蝦刺身同三文魚
連多杯野飲 ( 可選咖啡/ 茶 , 熱蜂蜜綠茶, 汽水 ) 凍飲 +$3
每個set都係 around $55-60
低食架!
係呀, 唔係正日post呀
前幾日係家母生日, 當日成家去左食飯
我就係cova買左個cake回家
款款都鬼死咁鐘意, 又想試
不過怕家父唔鐘意太多cream feel既tiramisu.......
cheese又怕佢唔慣(係...全家最多"食"既問題就係家父......)
最後要左mango mousse !
因為唔想太早到車站等車, 所以早d去又一城度食
食完仲可以行一陣再坐地鐵去車站
今日去左pizza express度食, 一來可以hea耐d無人催你走, 二來個場又有野行
先黎焗蘑菇.... (果日睇pearl見佢介紹意大利即時製造既mozzarella....好想食架...)
之後要左個什菌螺絲粉, 可能係d菌咸左少少...不過好入味呢 ! (我係食剩少少, 不過因為1點食完後要成7點多先再食晚飯...係要食飽少少呢 )
食完星爸爸既菠蘿油, 上左一陣網我就出發去cwb度行一陣再去食野
上網時發現呢間未搬前都幾出名既小店
而家去左優食橫町度
即係......羅素街旁既電車路, 天橋口旁就係, 果度仲有越棧等食店 (原店係駱克道)
oh! 可能係下午, 多食set. 選擇好似唔多咁 !
唔多似我想像中咁既feel囉
先黎湯及沙律
我要左個5色刺身跟飯....
是但果2款找來八爪魚一片加唔知咩魚一片以及蝦一隻....
先黎八爪魚....oh! sorry囉....冰feel既.....已大打折扣
其他3款落足料既就完全ok.....
再講個飯, 我唔expect佢入口係仲咁熱既, 我expect佢應該係好微既微暖......
仲考慮緊....晚餐應唔應該仲比多次機會佢呢 ????
lunch就真係no way囉 !地址及openrice資料請篤我
Feb 20, 2010
因為怕找唔到車位,都早少少出發
可能我唔係最早既團, 所以去到已唔係得返好多位, 仲要泊得遠左d
睇topic都知我去邊喇
呢個係專睇whale既團,
以下係一早起來時係露台影既
咁好天. 應該出到海既 !
近近地, 又係motel旁果間dolphin餐廳食早餐
eggbenedict
泊車後影既, 禽日下午黎既就中午後, 早上景係唔同d既 !
睇返早一日既相, 請按 我
等左一陣先可以check in (係呀, 夠鐘先可以check in, 之後再等佢安排入一個半開放式既房度睇介紹片 - 講你知一陣要注意既事項, 係等開場時, 周圍都貼左D學生出海睇whale之後既答謝信....)
一睇完片, 就從側門出去坐shuttle bus到另一碼頭上船 (所以建議大家睇片前去埋toilet)
佢地有好多船, 每位都有唔同名, 而且你張ticket係chech in後會show你將會上邊隻船
上船後影既
海上遇到另一艘同公司既船
係出海到咁上下, 開始找尋目標既時間, 職員就會比我地離位上甲板 / 依欄去睇景架喇 !
目標出現, 留意邊度有得噴水就可以找到牠們, 不過暫時得一隻
佢都係不時露少少出水面, 再噴水, 有幾大條真係唔知
強烈建議大家想影佢地就要轉支 55-200mm既鏡頭, 否則影個屁喇 !
還要用sport mode, 因為動作太快, 你唔連環既係會miss左佢地任何一個動作架 !
佢都浮面一陣時候, 最後彎彎腰, 同我地講88就沉返入水去
之後隻船會轉向另一方向, 有時就唔郁, 等收風邊度再有目標出現
突然我地同另一公司既船快速向某方向進發, 大家心情又再度緊張
又有另一條出現喇, 呢d係有少少唔同色既
又係起魚尾88又走人了 !
成個海又點會得一款生物呢 !
所以....當大家坐返埋位回航之時, 必定會遇上牠
無錯呀, 係dolphin, 所以一來我已參加過此類既團, 二來無必要再花$去睇呢個團都會睇到既野 ( 不過你想落水做dolphin swimmer就要參加專門團囉 )
佢地游得更快, 所以更要連環拍既功能
因為今次我係企樓下既旁邊欄杆位, 所以好多dolphin係旁邊同隻船一齊游
我都係唔同地方跟過幾次呢d dolphin團, 以hawaii最好玩, 因為又多, 又可以係水內睇到佢地 (不過呢個kaikoura都可以做到)
bali同nz既picton都去過, 都係以kaikoura最無令人失望
所以, 難怪呢度真係最出名就係睇海上生物既名勝地
係bali果時搵又花時間, 又大浪, 仲要得果幾條仔....(可能係bali既另一方向, 即係...north果邊會多d既, 我果次就去左南邊)
唔好以為好近呀 (近鏡果d就真係在船邊, 呢d係zoom到最盡既200mm先影到架咋 )
之後就回航了, 呢間就係接我地來往碼頭既shuttle bus
完團後, 我就係呢度既餐廳食晏
呢日應該有27-8度喇 , 好曬呀 !有遮既被人坐哂, 無遮既的確勁曬
所以我無坐呢d露天位, 我坐左係餐廳對開既長櫈度
因為唔係太餓, 要左個湯 (好似係mushroom既湯....)
咸左少少....
食完就揸往此行的尾站
