今日本公司員工都打醒精神
攪埋呢個function, 都係得7月頭一個節目, 唔會再有大型既野了
總算, 鬆一口氣
本人負責既野, 無病無痛, 過骨了
------------------------------------------
暫時未有消息6月份有OT日....
(but各位唔好鄧我開心住, 係可能少數人要返, 未公佈住)
因為我估計....應該係有"中途插入"客仔既筆試 ( 有份帶人上去考3個主科)
以及一仔後補既interview
(無錯呢, 我有份in人架....哈哈 )
呢2件事係分開進行, 所以應該會有2次OT.....唔知幾時講我地知呢 ??
為了聽日一年一度既大事...
今日既安排係4堂既綵排 + 綵排 (本來係話1110-1300)
變成830 -1300既綵排 + 綵排 再繼續綵排
咩都有我份
由典禮既司琴
到表演既小司儀training,
我全日都在場standby....跟出跟入
教佢地, 整正返d野....
禽日都已經練左大半日
今日再黎, 真係命都無
慶幸既係 1600未夠就放左我地走了 ~
(禽晚半夜, 右腳抽筋了....)
今日老闆話我張resign letter有野錯,叫我打返岩
原來3months,我打左2次months....
之後佢問我喎
Dean : um, 你真係打算唔教
GG:係呀(仲唔心熄 ??仲要問咁多次把鬼 ?)
Dean : 其實你覺唔覺你係度捱 ?
GG:下, 校長, 唔可以用挨呢個字喎! (我老闆有事話既野都幾唔經大腦, 亦無老闆應用既字眼)
Dean : 係係, 咁又係既,. 呢個字又唔係咁岩 ~
GG: 咁我都有去做, 我都認真去做 , 學到既野做過既, 都係對自己有幫助 ; 我無做admin既公事, 又點知自己可以承擔到呢
Dean : 都係既 ! 咁你都唔旨在份人工喇 (佢其實係想暗示出面找唔到呢個價我係唔係都無問題 )
GG: (好肯定咁答 )係, 我唔介意 !我屋企人全部都知呢件事, 佢地都無問題
Dean : 呢個圈都係好細既 (你又想暗示咩 ?)
GG:係架,校長, 我都唔否定我找份工係contract, 1-2年後找唔到工, 我亦有可能會教返書都未定架, 呢d野講唔埋既 ! (我咁答係因為大把人出完去, 都有機會再教書, 我要留返條後路比我自己)
------------------------------------------------------------------
後記 : 今日綵排中段,老闆係台下召左係台上負責小司儀既我, 我以為係d司儀有野做錯...點知係
Dean :呢, KT 弦樂果邊個個學生同負責老師主任都有件Polo shirt (oh!,唔係綵排事, 係另一件事, 我老闆係果d想到咩要人地即時應佢既人) 今個星期日係邊個返黎負責
GG: 係ha ha sir (我地自己人)
Dean : (老闆面有難色) ar....ar....佢呀., 叫佢負責問下學生 (有本校亦有同區既中小學生)著咩size喇 ! (下刪佢吩咐我做既)
最後 : 如果我無聽錯, 放工時,我位阿頭通知我, 我好似係負責主任及音樂老師們既size....)
不滿, 我有架! 問size又係我, 訂櫈又係我, 下星期選左書後又係我呢個負責書簿既去跟進 (我明明整好哂架喇, 就係呢個阿頭唔知咩叉事, 上星期傳左份下年度書單先走黎話轉書 - 上次講好唔轉架嘛 ! 早你又唔做, 而家去領工定補鑊 ??)
呢幾星期即係又有排我忙喇.......
(今日我都想問校長, 係你而家係唔係捱住等退休呀 ??)
話說星期二 (27/5)
早上利用公司資料去print自己張resign letter
入埋入信封,就等早上11點既吉堂去比老闆
其實午膳後我都有時間, 不過怕佢同主任們開行政會
星期三 聽聞佢唔得閒 (即係今日…..無錯既, 早上出左去聽talk, 下午先返黎,不過見佢都唔得閒)
星期四, 同校名既友校 (前身為本公司既上午校)畢業典禮, 我老闆又要出席
得返星期五, 不過當日全日 (學生放1點)要綵排及下午我地佈置
that is why, 上星期我已知最理想就係星期二 (多謝同事提示)
---------------------------------------------------------------------------------
講返當日
早上佢又叫書記 intercom黎叫我比找佢, 話睇完佢餘興節目既小司儀稿, 叫我睇一睇再去改
佢講完哂, 我咪順手比封信佢囉
我估佢都幾surprise ( 明, 完全明, 同事都覺佢鬧我地係應份, 因為我地好旨在佢份糧, 我地應該跪拜佢 ) 佢點都估唔到, 我會有走既一天
佢不停問我咩事, 係工作量多 (仲使講既), 工作唔開心 (我好like比你鬧呀!) ??
同事已教路, 乜7都唔好認 (因為…佢會唱我既, 佢會將所有對話 +上佢個人意見再轉述比主任知)
dean : sim city 辛苦呀
GG : 下, 上年都有果囉喎!
Dean : p 主任話上面好多人想走喎! (我問過, 當事人話係佢自己想走, 佢想唔do返去湊仔 )
GG: 我唔知喎! 我無同人傾過,我唔會知
Dean : 咁上面咩氣氛呀 ?
GG: 呀, 我都唔同人傾計,我唔會知果喎!
Dean : 咁佢地做野點呢
GG: (想我八野比你知, 無咁易, 我唔係當年既我了) 咁佢都做呀, 我聽唔到有人有聲音喎! (有都唔講你知喇, 當我25乎 ?)
Dean : 咁咪係囉, 又唔係唔開心, 做咩要走呢 ~
GG:其實係我想轉下工作環境, 我想找份admin既工
Dean : 咁轉環境即係你唔想留係度喇, 你今日都做左好多admin既野呀
GG:無, 就係因為今日做多左, 我先覺自己始終在admin上佔優,我想襯仲可以轉, 我想試下
Dean : 咁我地都有admin呀? (我同事話: 挑!貪你d admin香呀!)
GG: 就係因為又教書又做admin, 我想全面d! (我都好比面, 絕唔提負面野)
Dean 又問係唔係小圈子既事 (我唔知佢想暗示d咩,係因為我被佢label係小圈子一份子…佢想問乜得佢知)
Dean :咁你都想走, 你唔怕坦白講, 你覺我地分野公平嗎 ? (超,.你就坦白得可愛了,咪以為我走就氹到我講野, 我唔會上當)
GG: 都公平既 ! (係好公平架,上星期日你去爭工, 拎左個乜7 kt 區弦樂黎做, 7月又有表演, 要音樂科老師分哂返黎on duty, 每日一次, 連主任都要, 有d就返7月表演果日, 我都好叫好彩只返綵排日 )乜野又全體返齊, 點會唔公平 ! 我名就次次都榜上有名, 我係專醫奇難雜症, 起死回生咁, 有咩都第1時間想起我
Dean : 我仲岩岩同9副同醫生主任講,話你好做得野, 又跟得好, 開始都係有少少錯, 不過都進步左好多喇 (醫生主任已回覆,dean婆無講過, 只係提及我5年前果句金句 : 私人時間 )
GG: 咁真係唔好意思喇, 不過都多謝你比機會我學野, 我開頭的確做得唔多好 !
Dean : 唉 ! 我都預左今日會有人走架喇, 睇怕今個星期喇, 新人佢地就一個月通知
GG: 咁我唔知喇, 我都唔知邊d新同事係合約 (真係唔知架嘛 !)
總結:佢埋尾堅持係我已找到工先走 (我已答佢, 我無必要講大話,你遲早知我係唔係仲教書) 佢亦叫我有2nd thought就去找佢 (呸 !我才不會 )
我話咁早講係因為我想早d決定, 早d去份工, 我唔想找到先辭, 影響公司運作
Dean婆話, 其實要通知,都係賠唔足一個月之嘛 !
GG:我唔想賠 ! (醫生同事話 : 賠一毫子都浪費)
Dean 又踩 : 你出到去找唔返呢份人工, 亦唔同競爭,唔似呢度咁 (你都short既, 呢度做又36,唔做又36, 出面公司以你落力表現加薪 ) 我都係咁年都加多返d, 前果幾年, 做少過我既咪一樣人工高過我 ….. 出面你都係做返CM (即係蛋散 )
GG:係呀, 我已有心理準備 (使你講,起碼我出去做, 新入職, 人地唔敢比野我做住, 我又可以準時收工, 係度, 哼 !做返蛋散都大把野做喇 )
我亦堅持話係 “ 平常心”去做野, 係架, 幾個月前都plan左會走, 我咩都唔火, 我就放長對眼睇個音樂科會咁死 (因panel 今年都好吃力, 我分擔左唔少野, 佢本身預計會再瀉多d黎比我同另一副pan, 睇怕都無人可以承擔 ., 因新黎果2個係spicy girls, 有一個仲4個多個, 9-10月應放產假, 愈想我就愈心涼………)
老闆當然唔想我走, 一來唔使in 人,二來佢仲有2-3年就榮休,佢唔想煩, 如我同事講,佢想好光榮咁走。我好鐘意我同事呢個sms :dean唔想睇GG辭職,因為我真係做到野, 要搵另一個GG唔易,……..
上星期好忙,
今星期一樣咁忙
今早先趕起哂下年度既訂書list比同事check 及簽署
希望今星期check完就send比書商比price
呢個星期六既大型function又要rehearsal
今日1點之嘛
咪有電話到, 先問我禽日同佢度左尺寸未 (都唔知我阿頭做咩, 老闆叫我同佢, 佢就叫左我 )
仲有呀, 今日放工時, 隻行beat 9叫我要負責訂某房間既椅子, 因為呢幾年爛得幾勁下
我都好想問, 點解唔係我阿頭負責, 佢死架, 咩7都唔使做
下年又轉唔切書, 本年度咩都做完喇,
好......就埋尾, 我就好好醜醜幫埋你地呢筆
我睇你地來年邊個做得哂我負責開既野 (雖則我負責唔多,不過另一組長就好多野都唔使做....)
下年轉書無我份做, 找人係d咁密又無期既情況下叫人tune琴又唔係我喇
買Hifi 又唔鬼奸我樹 (係呀,阿頭你知我當年幾忙呢,呢d係你承認做既, 就黎成年你都未做呀,某次又係度暗示你唔識,你去fung 澤問一問, 佢地都出price list比你喇) 我家下擺明唔會執佢手尾
(我唔係能者, 老闆口又曾話我唔積極呀,發洩不滿呀,你咁有種咪咩都唔好比我囉, 你信其他人咩, 事後咩事都有我份, -- 係呀, 衰野又有我份, 做到死都有我份 ; 有咩事係唔提我既名既呢 ??)
OH!
今早秘撈完, 睇怕都要買Mac噹噹orSt.安娜既 飽飽
就要趕返去下午既OT
由1230做到清哂場既1700 (走哂人就走得)
之後, 要挨到星期六做完既一年一度盛事....
(即係今星期我返足7日咁多, 星期六仲要被迫留係度食埋佢提供既到會午飯, 再等佢通知先比我地走人, 年年如是)
我老闆鐘意星期六做埋呢咁既野, 至在要大家陪佢返工之餘, 食埋你個weekend
吹咩 !
友公司就唔係喇, 人地鐘意family day,
永遠weekday做 (人地星期四舉行, 星期五補假比員工)
又係友人講我知,老闆同佢講我5年前既金句:
星期六係私人時間
無前言, 無後尾 (都話我係諗同事唔想返,係因為當時我地返半day, 放工已係1740 ,仲要等齊腳開會, 每星期一次, 開到1900都未走得, 星期六係返shift ;即係唔夠9小時又見到同事,所以唔多同事會星期六再OT o者!)
講真,家下佢咩都星期六日黎做, 我邊有說話過 !
禽晚又無家人在家
教完琴,又要食自己
去買外賣
(本來有下午茶餐至1900)
不過買果時都已經係2000了
最後,要左個泰式炸醬撈麵
右邊果個係撈麵既上湯 (唔係例湯,不過都好入味)
close up
$15 低呀 ~ (大碗都係 $20)
飲埋禽日, 一個人飲哂呢支酒
2000年份, 口感幾好 (係city super買左唔知幾耐,應該都半年lu)
澳洲酒唔錯唔錯
公司話收到地區單位話要捐$
不過因事發緊急, 叫大家填會捐幾多
第2日交比話事人, 由老闆先簽發支票
(唔可以由董事簽,因為佢一星期得1日黎,簽唔切)
我唔想經佢地捐, 我話我會自己捐
註:我點知佢張收據寫邊個, 我自己一手一腳整, 張單點都係我自己個名
---------------------------------------------------
今早起身check email,
收到united airlines寄黎既news
每捐US$50就會送500 miles
呢幾日都忙, 未得閒網上去捐 (不過得HSBC account, 我無呢個既戶口)
所以....見方面, 比credit card過數算
又可以做善事, 又可能比信用卡, 又有miles送.....
你地捐左未呢 ~
今日下午要開會
不過當時我根本係另有任務,
所以...早上唯一既休息, 要同同事調左去
即係變相無哂休息
已經係好慘架喇
某位同事仲要請左假
4點我又要代佢工作
今日我係由830正式做野到5點 (5點係全體會議, 幸好535放工了)
oh! really exhausted !
今日去左都唔知有無3次toilets...
仲要早餐730飲完盒牛奶, 到1點先食lunch...
真係想暈低
第一個20mins既休息, 同大客傾電話
第一個10mins既休息, office打上黎問下午開會既文件, 我又要落去交低
佢又鬼死咁細心一齊左check右check,
大佬呀, 打鐘喇, 我遲架喇!比我上去開工喇...
總之...今日係好慘痛既一天
開會後, 仲有跟進工作
天呀 ! 我有要訂書check書架....
今日出去聽講座
原以為1220走得, 但一時忘記因為呢個talk, 我與同事調了工作時間
我今日全日由3堂休息, 變得一堂 (呢堂仲要走去出卷...即係無左, 簿又再次未改了)
多得禽日睇sharon既blog
佢介紹左長沙灣永隆街度食野
我都係果邊附近
呢間係樂園
我叫左牛肚麵....凍檸茶
好好味耶
黎多碟菜心
碟菜..............................原來......係白菜型
都好甜
之後行左個圈, 隔2個舖就係陸記甜品, 不過飽飽地, 一陣間先
原來後一條街有van仔可以返家.... (想找巴士站,不過唔見有, 見到van仔就very good tim喇)
行左一陣...點都要試下個甜品
呵呵
comment : 皮薄, cream唔"漏", 個餡係有一絲絲既durian
側面
(後補 :呢個$13，以收價黎睇，水準一ｄ都唔差）
禽日1點以極速離開公司 (去覆診呢)
都要145左右先到cwb
city super既foodcourt太多人 (見到郭啟華同人食緊野)
其實都一心想去登龍街找野食
記得有間食thai food都ok既
就係呢度喇...小曼谷
睇下有咩食...
發現...原來野食係包一杯 龍眼冰 / 椰汁紅豆冰 / 椰汁珍多冰...低呀
(粉麵飯由 $30-38不等) 杯野飲都$1x喇, 碟碟都幾大碟, 絕不是例牌size
紅豆不多, 慢慢飲下, 開始覺椰汁不夠味了 (不過... $30包埋野飲,算係咁上下了)
大大支飲管....加返少少分喇
我要左....冬陰公湯河 (因為我太想飲Tom Yam Kung)
not really spicy (泰國果d係spicy到彈起, 呢度, 哼! 水都可以唔使飲呀)
蝦...係蝦仔...mushroom...係一粒粒, 我like thai果d大大片既
食得我飽就算喇 !
上星期一係公眾假期, 星期三又係公事必不能外出
所以改為今日下午作第一次覆診
對上一次係手術後翌日
因此, 今次視光師會講我知手術後我既最新度數
結果係 :
左眼 25 散光
右眼 perfect !
such a good news!
因為眼乾 (我feel唔到乾,不過我左眼間唔中有d野咁) 醫生話係眼乾喎 !
以及有紅筋 (醫生又話好少, 問題不大, 果d係血管...) (**我理佢係乜, 總之我唔想見到有)
佢改左d藥水比我 (3支, 1支去紅, 1支人工淚水,另加一支eye gel - 佢話潤d )
多謝哂 $120 ~
我都幾背...
呢間野開業咁耐我一次都未幫襯過
前幾日路過....發現buy 5 get 1 free (即係半打喇)
又無咩人喎
今日咪入去試下囉
我舊舊都cut開左dd黎食
哈哈...我都怕果件new york cheesecake,家母幫我食埋剩低既 (最漏就係佢呀)
其他果d都唔錯的說...
(一陣先出相)
上行 :左至右: 玉桂沙翁, 杏仁朱, 彩虹脆圈
下行 : 左至右: new york cheesecake,黑白朱, 蘋果玉桂
聚會無我份
飯局更無我份
(to angel: 你都知佢地style, 疑心大, 邊個係話事人...你我心中有數, 酒局取消後,我都係早幾日先被邀請出席黎緊一次)
(希望遲d有好消息再同你聚一聚 )
今日閉關公事中
順利幾粒鐘整完閱讀理解2篇文章 (妖,又要限字數,又要限形式...)
SpeAkiNg paper,已找到有關圖片,不過read aloud既text...研究中....一步一步黎喇
仲有一份要有好多sectons既worksheet....未有頭緒 (又要2篇reading comp,又要2篇作文..好頭痛...)
怪不得怪不得,我地呢級既文件成日脫稿, 都5月喇, ws得2定3份, reading comp出得3份... ( 應該出左5份架...) 我脫期一份咁大把....
不過呢幾日我仲要整埋份接送車合約, 來年訂書既list...好多好多野..
(註:我不是高層.....唔知點解我既工作比某屎片高層還要多...佢仲要呻自己好多野做, 無空間...)
唔知各位公司有無成日將DrEsS CoDe掛在口邊
本公司唔止一次係開會時段提及
內容為:
要樸素，端莊（真係虛無縹緲，定義是什麼？）
唔好背心，吊帶裙都唔得（我地當然唔會咁著，通常都加外套既）
（仆ｘ，客仔房全部１０點１０分先比開冷氣，全層staff room，每邊都係比開２部，total 4部）全層即係５個課堂打通咁大．．．４部喎，仲要每部開２６度．
要有領（我同事話，有咩衫會無領？？）
（不如加條兔女郎領上去？）
唔同露背！（會唔會露背，有架，係背後綁繩果ｄ呢，不過係人都加件外套架喇）有時都係用黎打底，不過即係而家見到有條野係頸後都唔好喇
ｌａｃｅ就不嬲都唔得
裙又話唔好過短 （似老闆咁，後尾個叉開得好高又得唔得呢，我有次係佢背後見到佢裙叉內stockings，係大脾上幾吋喎！）
褲又話無３個骨，無４個骨，根本就無人再會
又話no cargo pocket(褲），而家邊個都無喇！
要咁煩，整套制服比我地吧喇，我無所謂呀，比＄整我都比，起碼你唔好再限制我地著咩返工．．．
自己著唔到就唔比我地著 ！
呢．．．就黎無冷氣日喇，話發通告比家長
（你最好寫埋除電腦房，得老闆房同校務處有冷氣好喇，咪連staff room都唔比開，事後被家長誤會我地有，話我地唔一視同仁呀）
禽日聽talk地點 (唔係我地既talk ,呢個係食環署負責既talk)
係樂富
所以...係九龍城慢慢食完先坐van仔去
唔再去上次食泰菜既檔, 去左金寶
先黎杯青檸水....好味
再黎個香茅豬扒檬
近鏡
d芽菜生菜係哂個底到....都好好味的說
我貪心...要多個醬爆蝦丸
熱辣辣....好香口.....
今日上網睇某政府部門舉辦既問答遊戲(我係收到表後就copy哂比全公司所有客仔, 叫同事代收 )
之後我檢查哂佢地d答案岩唔岩, 再睇埋佢地既個人資料齊唔齊
(其實有部份同事遲左交, 我都寄哂表格出去了,而且客仔又唔睇指示, 人地叫圈佢地就填係橫線, 又答唔岩, 有d連個人資料都無, 最終寄出既都唔知有無200份)
今日知結果了, 我地得到頭獎, 客仔可得到書卷 $500.... (哈哈, 我又拎一功了)
今日去左聽呢個talk
入去到 (真係唔使做 )
次次去呢d場合,都係打好哂名叫我地去sign
今次 ,哼 !叫我地自己寫.......
(唔知今次既talk有無得報進修數既 ??)
拎左紀念品
計有file一個, 裡面入左2支原子筆,幾多posters及一張leaflet
另有一個環保袋
本來430完既....好似有答問時間, 不過就黎4點時, 都已開始有人走
所以...你走我又走....
(今日聽talk, 好多人著牛仔褲...唔通真係可以咁free??)
禽日好忙到plan定聽日下午出差既工作安排 (去聽講座)
咁又無左時間做野
出去都好既, 可以早d收工
我仲好開心咁, 聽日唔帶愛心lunch box,可以出去食
星期一就要覆診, 不過工作安排...慘, 有段時間找唔到人頂我既野做
星期二又要聽講座.....呢個幾重要既講座黎既
月尾果星期又要忙了, 因為...月尾又有大型節目, 又要training, 又要訓練
聽日既考試, 唔知係邊批幸運number呢 !
星期5既一個消息
令我晴天big big~~~~
竟然..想喊係喊唔出既
究竟係淚已乾, 定唔值得再流淚,. 定係手術後....咩都封閉哂?
如果係半年前....大滴大滴的已流出黎...
禽晚專登食返星期日買既扒(買完返家就收到ee電話) ,仲開左支當日雪定既moet,
因為....我想瞓得好d....
所以...多得ee果日叫我食飯, 一家人圍埋傾下笑下
沖完涼就同uncle睇下dvd....之後返上房ZZzzzZZZ....都唔知幾好瞓...
不過呢個刺激....令得做咩都更下定決心....
星期六一口氣寄出左3封信....
仲有2封,不過未有cert copy, 今天回公司print (d jpeg....print得真係慢....仲要一次得一張....一次print幾張佢係同我取消列印喎!)
仲要為安全, 企定定係printer旁等佢嘔出黎 (係呀, 某年某日既早上, 我一開printer, 見到佢嘔左我同事既resume出黎呀....你都咪話唔小心呀)
仲有幾星期既倒數......
為著某d原因...
係時間要放棄一d野
係ee家睇到fashion magazine
睇中左hermes.....
我幾時才找到我真正既愛瑪仕呢?
---------------------------------------------------------
e知家母跟家父返左他鄉下
叫我出去食dinner
之後....當然係返埋佢家中留宿喇...
食飯前係time square見到伍詠薇同佢老公
食西苑食飯見到鄭家穎
今日係馬會見到寇鴻萍..因為佢老公隻馬有入出賽.佢地坐我地既斜對面
上星期去ee家留宿養病..
第2日好返哂, 又見無咁曬
出左去花園影相....
一見到就想起Cindy了
玫瑰花剪哂了, 成個花園都係得呢d繡球花了
狗仔新相 (用iphone影)
我係大家姐,我成日"柄"埋係sofa底, 又懶, 只係有野食先會反應好快
比個背你地睇only
我係二家姐, sofa頂係我地盤, 我最鐘意坐係果度睇住門口有咩人埋黎
我至鐘意佢pat pat位既白紋..佢條尾又攪野, 成日擺左擺右, 180度咁既, 打到d 欄柵同門邊"亨亨"聲
我係最細,得1歲多dd. 呢度好食好住, 所以我肥過大家姐好多好多..
我係灰色. 大家姐係啡毛....我識give me five 同ten 架...
(上圖係想我摸佢肚肚...)你睇下...幾圓......
boring ! ! ! !
各有各地盤.....
上星期已試埋第2次,不過試Harbour City果間
又唔多人喎!
今次唔要薯角
改再cheee burger另加搽香奶茶
好味過Cheese Dog
佢老味呀...
今早因有同事外出,叫我調堂
ok ,無所謂, 所以早上咪自己拎封請假信老闆同講聲唔該 (我有家教既)
點知被佢叫左入房 (下..我想講句唔該之嘛,入房做咩呀 ?)
一坐低就讚我件衫靚, 同副眼鏡好襯色 (我戴左眼鏡邊睇到自己襯色)
之後黎料了
老闆 : 你件衫透唔透架?
GG: 唔透架,仲有"呢"係裡面 (我拎起左少少比佢睇) 雖然有"呢",不過我都有著打底衫
老闆: (另目標) 咁呢, 我又無講過唔可以著得好d, 不過你呢件呢, 我就覺得去飲都可以著去囉, 你平時都有d好樸實架....
GG:哦哦....哦....(你想我點答你,你都有病既, 我去飲我一定唔會咁著, 我都唔知幾唔想著條咁既色西褲, 我係去飲, 我著3個骨match對平底鞋 西褲喎 !你去死喇, 返工返到去大酒店funeral咩 !黑白灰, 定係你至鐘既啡呀 ??)
(你地話呀,有咩問題呀???)
無point入我,再轉話題
你地果班熟既同事, 有時呢唔好行埋講貓貓狗狗之後就跟住借意講是講非...
你都有病既, 我同事我知,我亦見佢地有講貓狗, 唯獨真係無黎同我講 (因我在自己位我聽到及睇到)
GG:無喎! 無人黎同我講過貓狗喎!
老闆 : 我又無講唔比傾,你地私下約出去我都唔理架喇, 不過總之就唔同影響其他人,你呢排做野都改善左好多喇, 我唔想你返回去開頭咁囉 !
GG:哦 (係呀, 我就係因為想走亦準備信中, 我費時埋尾仲要比佢篤)
再黎,
老闆 :阿婆主任話唔知你講病假呀,話點解你係TSA後備,走左去呀?
GG:下,我係六年級後備,今星期係三年級之嘛, 咁唔影響架
老闆 : 佢話你係負責果個喎!
GG:我只知我上年係負責做助理, 我唔知係長年制果喎!
老闆 :(佢都奇呀 ) 咁呵婆主任都係做一次就以後都係 (奇奇奇, 我無睇清上年文件,做左一年唔係再做要再申請架) 你自己同佢傾下喇, 佢唔係好滿意呀 (呢件事我一陣再交代最後如何, 因為當時我都唔知發生咩事)
最後, 係我被條"妻憑夫貴"既主任跣
呢條友都唔係第一次,(我係第一次,不過圍內就真係唔係囉 ) 佢都唔知係咁天真咁傻, 定係"有心人"
上一次既英文活動, 我有同事帶埋個囡返工, 咁我多口, 口快快講左句 : 上次我陪媽媽主任既仔坐lift, 佢叫我拖住細佬既野喇...
條粉皮竟然講返呢件事被老闆知
老闆 :ａｒ．．你地有時約埋去街呀，點解會同媽媽主任個仔坐ｌｉｆｔ
GG:呀，好耐之前喇．．．．．
------------------------------------------------
呢條粉皮今日黎問我：哎呀，佢地好多個都知你對眼有事，不過唔知做手術，佢地 （邊個？）話你去做矯視呀？（我知佢試我，而且唔係圍內人，我唔會講其他野）
GG:下，緊係唔係喇，做左就開心哂喇，仲戴住眼鏡咩！
－－－－－－－－－－－－－－－－－－
我已知佢多口（ｅｓｐ佢知既事就扮代表），所以上次初步知眼出事時，我見佢問過我，我乘機借佢把口用，（不過當時我未打算做lasik既）
GG：係呀，醫生話如果嚴重就要做手術架喇，
所以今次入院都無咩破綻！
大家明白點解我要咁low profile！
－－－－－－－－－－－－－－－－－－－－－－
講返呵婆果筆，２點後先見到佢
第一時間埋去道歉話我唔知星期３果日要在場
佢話：係呀，你做後備架嘛
GG:我唔係上年幫手一年做助理的嗎？
呵婆：係呀，果個就一年，今年係哨牙做
GG:咁我唔係六年級下星期先係，我今星期應該唔關事架
呵婆：唔係架，你就算係六年級後備，因為要有委任書，咁佢地有事時，你都要去架！咁我又唔知你請假喎
（其實我都唔係好明，４封委任書，２個３，２個６，同事唔得，我都係下星期先出去代．．．點解係入我罪．．．）
我件”飲衫” 我一陣ｐｏｓｔ出黎比大家評下理
佢都痴既，我以後日日都著到去飲咁！
今日係手術後既第2天
今午出左去比人洗頭 (去返自己stylist度, 起碼佢一定叫洗頭果個好小心 ; 樓下果d認你係老鼠)
洗完頭途中接獲醫院電話, 打黎問下眼有無特別問題
亦查問下滴完有無苦苦地咁
當然係有架喇, 不過...我呢d滴左半個月有類固醇眼藥水既人....呢d算得係咩..
姑娘之後教輕按眼角位,等藥水吸引多d, 就唔會留咁多入口度..
我其實都唔知幾時叫眼乾, 所以我每2小時就滴一次人造淚水
又因為下星期有事真係走不開去覆診, 再為再下一星期, 我都係果度買多一盒藥水 (雖然佢話屈人士度有...大間d果隻先有)
我都買定一盒做後備....
仲有....想知自己做唔做得, 千其唔好問我
我都係只會叫你去聽講座, 再去book一次 $800既檢查, 等專業既醫生跟你既個人情況等作出分析吧 !我睇唔到你視網膜有無事,我亦睇唔到你角膜厚定薄 !
禽日中午比預期仲要早完成
出到去倒杯水飲即打比家母
原來佢都到左
之後叫司機黎平台度車我地返ee家
工人已預先鎖哂３隻狗係kitchen（其實主要係大狗，佢太熱情＋開心，佢一企就到我腰架喇）
之後係樓上食congee
再食醫生比既瞓覺藥（姑娘叫食完好上床了，好快有效）
聽住ipod．．．忍住對眼拿拿地咁．．．
一起身已係下午５點多６點了
７點congee當dinner,睇到９成野，不過唔sure因為戴左咸蛋超人眼罩
瞇住對眼食哂杯粥，合上眼聽電視一陣，又上返房再瞓
一直無再起身 （除左中途起身飲下水同去toilet)
今早．．．．司機早上黎接我去覆診
醫生話埋口得好好呀．．．（一隻９成，所以感到似有野係眼內，醫生話係正常既）
休埋聽日就返工了．．．．
一陣滴埋眼藥水就nap.....
有需要人士，我的確推荐養和呀
食完飯, 係呀...好早呀
因為一陣會閃過ee家....暫住幾日
亦有幾天唔方便.....用電腦上網
所以要暫別各位親愛既bloggers幾天咁多喇 ! ~
------------------------------------------------
今晚又可以玩狗狗了......
聽日要全日休息.....
我禽晚又瞓得唔好, 今晚一定要早d瞓.....
比拖肥媽提及好多次, 去喇去喇, 拖肥爸話好食
拖肥媽又出過2次post講
禽日係一月一度係Bobbi Brown修眉既大日子
係PP出發往CWB(其實都會過果邊, 因為呢期都係果邊買衫, 勞動節果日睇中左條, 見之後食飯就唔買住, 點知...2條都唔見哂, 但又返左d款 - 呢間每樣都係得一件, 所以次次都買唔足額($2000) 可想我唔係敗家既人....佢話分單就要1個月 $3000, 我話半年就無問題, 一個月..我又唔係呢頭住or返工....無可能一個月黎幾次..)
ok ! 買完衫就出發往食lunch (都成2點幾lu)
食左 : Cheese Dog + 薯角 + 柚子soda = $60
Comment : 呢隻Cheese dog,唔係我想像中咁好食, 下次我會試返burger
薯角 : 入口好熱好熱....如果鐘意食potato skin,一定會好鐘意, 因為仲有d好乾既皮係度. Triple O 果d就無咁熱, 但似返薯條d
飲品 : 呢度多選擇好多, 唔似得Triple O ,一定要飲洗汽水; 轉milk shake就要加$, 加完埋單又接近成舊水....
近鏡cheese dog
唔係太鐘意佢隻cheese, 我亦唔多好 onion~
無家教, 點解 ?
無人教即係咩 ?
禽日收工前, 送客仔上車
呢位客仔平時都咀gel gel..
又以自己為最高級果類, 成日同我某一位同事混熟 ,有事無事都上黎傾計
我見到佢都煩
上次就問我, 今年走左好多人喎!
佢地話有成10個呀, 其實真係有好多個 (唔知呀, 無數呀, 你自己數喇 )
禽日...
佢同我無拿拿say hi
都上車走喇, 我咪同佢88
佢一句駁我 : 同你hi ,你同我88, 真係無家教喇
你老x呀...一野的住背囊條帶, 帶佢埋黎
問佢 :你唔知唔知咩叫無家教
客人: um..無人教囉
GG:係呀，咁你想話我無父母教，咁即係唔係話佢地死左？
客人:(真係O哂咀喇）呀．．唔係呀．．
GG:你知唔知唔應該亂話人無家教架，你即同我上車，以後咪亂講野！
呢ｄ人，真係唔罵佢一野係唔識驚既，仲以為自己好威．．．（雖則我好明佢亂嗡）
好開心....等左呢個飯局好耐了
今次......有我份了 ~
每次都覺遠無去..
今次...幫手去剪第2次綵先得!
期待今午既
-----------------------------------------------------------------------
要各位久候了
不過各位要失望了, 因為今日入廚既唔係我, 係都得媽
smile未到, 我地先食... (好大粒...好鮮味)
隻碟係都得媽專登去買既
傾下講下...smile及她姐姐到了
大家再一齊食.
包菜係成包買現成既,不過都幾新鮮下, 蕃茄又大粒
再黎南瓜湯...怕肥所以唔係加左好多cream, 不過...隻大粒元貝可以整細絲一d, 咁就唔使痴埋我d牙度...
再黎係我既至愛 : 白酒煮...唔係蜆係花甲..好大隻耶
Smile點菜既 銀雪魚
又係好味, 賣相又好, 白露筍係買肉時送既..
之後入廚房影下呢個新用具, grill pan
右邊煎扒, 左邊煮伴菜
煎扒中......
翻轉
呢舊係澳洲和牛
再黎係美國rib eye
側面
食完主菜. 都得媽話呢餐既主角出場
原來係佢買左個雪糕機...
用左4個半芒果去整出黎既Mango Sorbet
好鮮味,
好勁mango feel, 下面係smile既裝飾傑作
都得媽, 多謝你呢一餐,因為辛苦哂你係廚房受盡酒煙...
我下次要拍多次都都得得, 因為個video唔知咩事....出唔到相....
