多謝好多人既關心
對眼, 醫生無話有其他問題
至於之後既事
請容我日後再公佈
(唔係話收埋唔講,而係隔牆有耳, 我唔想節外生節)
我亦好怕有人睇唔到而問, 睇得到既人就代我回答, 這是我萬分不願意既
(因為曾有blogger問我, 你係唔係邊度上班, 我無係度打過, 我未見過既blogger都係得2個知, 因為...某d原因大家好明大家既地理位置....., 所以我唔想一陣有人錯爆響口,一陣轉接到傳到我老闆耳中, 我就大件事的了)
抱歉要諸多隱瞞 ~
給我多一點時間, 我會同大家交代一切 !
----------------------------------------------------------------
早前我已修改部份"朋友"名單, 有人睇到, 有人睇唔到 ;
某d..係因為佢把我剔除先....
某d....係有得睇,但"永世"都唔回既,咁即係我既事同佢地無關, 所以...最後我剔除左佢地 (that is why我唔希望有人代我轉達我既事比無得睇既人知)
星期一...
睇完醫生, 無家人/ 朋友講到, 好朦呀, 睇得好唔清呀
係完全無事....我亦唔覺得有擴張到
只係似眼框撐住咁
見天色咁暗, 我無帶or戴太陽眼鏡, 不過都係睇光果5-10分鐘唔多適應
之後仲要去埋晏先返家
我地去左Simply Thai (因為我想食thai food)
11樓有2間thai food
是但選左呢間 Simpy Thai
都唔full
先黎一杯Lemongrass tea (家母叫杯係熱既Lemongrass & Fruit Tea ) 不過佢話我呢杯好飲好多
要左一個set share, 再另叫多一客野食
先黎set既其一 : 香芒紙米卷 ( 加埋sauce會入味d, 太淡了)
呢個另叫既 : 蝦餅, 熱騰騰的...加醬好好味
最後呢個係set既 : 豬肉濕河 (有幾條菜, 好多豬肉同大片磨姑)
家母係呢碟未黎前, 仲話打算叫dessert, 最後當然係無食到喇 (dessert可以另加 $25)
埋單 : $210
自己又去食餐好既先.....
本來係想試Freshness burger(睇埋地圖都係找唔到....LCX果層 ??)
線把, 拎住袋crabtree唔想行
Habitu...食過, Spasso..lunch唔想去...
最後去左鄭太成日提既Miso
(我係度諗, 乜尖沙咀,2點幾, 間野無咩人既 ??)
我對面一枱日本客, 埋邊有2枱
此時我醒起, 係喎!今日係星期日...唔係星期六...怪不得係無喇...(星期六d人會放半日架嘛 !)
好想食海膽, 不過係碗海膽飯就過份左d (我怕左佢會full哂成個碗面 ,我想食其他sashimi嘛 )
最後....要咩自己再睇
先黎 - salad (個sauce都ok,不過以新鮮度, 稻菊好味好多,不過價錢都唔知幾多倍, 呢個係包埋既)
我要左個海膽手卷only
($55, 所以...都好多下)
再叫個海鮮魚生飯
咩都有少少咁
個湯都係包既
飽哂 ~
好鐘意佢盞燈
禽日１ｐｍ 放監了
本來星期六已打算出去買新系列既crabtree
不過原來唔記得帶卡
星期日先出去買
係左邊呢支
好香既ｃｉｔｒｕｓ味hand therapy．．．．
右邊係買完唔記得幾多＄，送一支大同細既消毒ｇｅｌ（我買過一支細既去旅行用，因果次怕去nz玩，萬一ｄｉｒｔｙ又無水洗手，可以頂住既）點知．．．最後係返香港係呢個流感期用得最多．．．
我最後係買多支ｃｏｎｄｉｔｏｎｅｒ同支foot therapy就夠＄了
sales話滿$700 / $750 (??)就送呢個Tote bag
我以上買２樣都係有必要用既，就已經夠＄ ($235 @), 平時係$３７５＠）
（hand therapy好似要買２支先得．．．請自己再ｃｈｅｃｋ）
個底夠闊，要放蛋糕既就一流了！
之後去左harbour city度食晏．．．．返黎再ｐｏｓｔ （而家出發往養和了）
星期5收到電話
報價有關隻錶既事
回覆係唔收喎! (包括幫我抹油, 打磨..)
另有optional(可整可不整)
就係話6字位歪左少少位,$270幫我整返喎!
是但喇 (不過我真係唔明, 點解上次拎去都係抹油打磨就收)
我無記錯架, 因為我一次拎左2隻去整 (另一隻換電池)
我比卡既, 佢仲話因為有2張單, 所以要我比2次$
今次就一個仙都唔收 ?? 奇怪奇怪 !
不過唔使比唔係話我會拎返筆出黎亂使既
我幾有節制架 ~
今早隻左眼總係覺得唔係好舒服..
之後, 係度照鏡, 路過既一位同事仲講笑話靚爆鏡
我講返比佢知, 係我覺唔舒服, 好似有d野係度咁...
之後. 眼角係出現左少少紅筋既
-----------------------------------------------------
早上通知音樂panel,禽日我發現個電子琴瓜左......
而家借左另一位老師既私伙
係呢個同時, 佢話禽日佢地係hall rehearsal時,
老闆見到有個譜架貼左我名既label
(我同事明知呢個係我私人既...)
我都唔知佢有無幫我解釋..
(佢無明言老闆態度如何)
不過估都知....咩事要寫我名 (我借出黎果囉 )
----------------------------------------------------
聽日有function, 我幫手負責hall
幫埋另一組同事整野...之後515先返上樓
書記intercom上黎,
頭先老闆係一樓, 話校車果d排隊用既車牌係中文, 唔得喎!(聽日係英語活動日)
(咁我落黎整走佢喇 )
唔使喇, 隻9撕走左喇...而家放左係我度呀
(咁我黎你度拎返喇...)
唔使, 我話聲你知係我度, 我幫你keep起佢喇...
(書記的確同我幾好架..) 好呀...不過有無過到膠 架 ??(我只係想問我會否要print過新既)
老闆要怪都要怪一樓既負責人, 睇完校車走左, 130我先上返去食lunch, 2點就話要開會....開完會就開工做野, 無停過手
我邊度得閒再去睇一樓 (我負責既係4樓)
真係...不知所謂
--------------------------------------------------------
上返staff room,我發現係出哂紅筋架,返黎第一件事係滴眼藥水, 而家無事lu
不過.....我係一個唔多捽眼既人,所以唔會因為自己而攪到好似發炎咁紅左既
一定就係因為....環境污濁....
----------------------------------------------------------
家母返黎見我咁都擔心話咁怕唔怕架, 唔做喇...
我答佢,星期一檢查咋, 同分析做唔做得, 及幾時做, 有時佢一定唔會比我做架, 你咪使咁快擔心先得架.....
聽日都唔知收幾點...
5點趕人走, 仲要巡哂所有樓保証走哂..
再等電話通知我地先走得.......
睇返呢個topic, update一下....
3月本來係返1日
最後係返左1日半 (半日係有假期中被人call返公司)
4月 - 本來係2日...點知最後係3日另加禽晚既夜更
5月...1次變成3次
6月.....2次..而家好似無哂 (因為加哂係5月度)
7月.....1次
註: 我知大把人要OT,不過....你地可能係5天工作, or 長短週5天半..
我地係老死唔會補返你返多左既....
有d就唔公平地只係某d人要返....
我老闆亦好鐘意咩都安排星期六,因為安排係星期日係要補假比我地(死Cheap 精)
我唔係勞氣,而係...頂佢唔順o者! 你唔係我同行, 你無法感受,
1日假要醫生紙.....半日早走請你自行找人代你....sorry私人事無可能比你走 (私人事除左覆診果d or 產前檢係無問題之外,但都係你自己找人幫你)
真係唔好話請半日假去high tea了....去銀行都唔得呀 (這是監獄, 無得假釋既亦無特赦)
lunch少於半小時....(出街食no way,咩特別放早都好,都唔可以出去食呀) 你話唔似坐監係咩 ??
無醫療,睇醫生唔該自己比, 檢查..自己比喇
無福利...有福利組既,不過咪就係用者自付, 聚餐度係拎$, 周年聚餐又係度拎, 唔夠埋數就要再比, 離職同事禮物又要再夾. 你唔去食呀, 無問題不過都要夾$架...)
文具呀.....比你一次幾支架咋, 喇, 唔好無比呀,有架,幾支都係有...我全年都用2x支喇 ! (我買芯都半打半打,買過幾次喇)
唔係為公事, 亦唔係為感情事...
總之.有時某d既發現,
某d既行動, 都會引黎自己反思....
有d真係要比comment你, 你先會比返comment我 ??
唔通有時既野就係要自己咩都作主動 ??
不過人地當你透明...最終先係自己無引, 何必呢 ~ ~ ～
－－－－－－－－－－－－－－－－－－－－－－－－－－
可能會唔寫blog幾日，
要知道我最新消息既友人，你絕對有方法知．
7日工作天,的確好難挨...
今日office通知我, 忙完呢個星期
你又有野趕喇, d 新書list要出喇...要落order架喇
(你放心,我前日已收curricular...我知)
(睇怕又要回家趕工, 係公司根本無時間做得哂呢d野 )
今日見完客...有d大客真係識打交道, 亦不忘show off
可以走後門, 又要好, 又話邊個出名designer係千金個auntie, 佢幫手都一定我 (咩 TAM果個喎)
又要望女成鳳....又話幫佢出書 (找出版社)
我知.....貴客戶 你都出身名校, 對千金好有期望, 亦望佢系出名門可以找到個金"龜"...
你就咪鬼煩我地喇, 你都有齊打算...
又有個貴客...上次我有事相求, 你比說話我聽, 話另一機構早d通知你有活動, 你必定唔會認承我返黎, 你臨尾起我尾注..仲話都仲有幾個月都走喇....
我係記仇, 所以今日你問我意見, 又問呢又問路, 我係笑容都無既, 我根本唔想答你, 難為你仲有guts走黎問我意見...(我blacklist左你喇 )
快d過埋今個星期喇, 好難挨呀
今日隻dog突然同我講
聽日個meeting你要返喎! 6點開始接待, 應該8點半左右完
聽日就係囉喎!,你早唔講遲唔講,今日先講....
如果我唔得閒..咁點呀 ? 你又打小report乎 ??
I hate this week
先黎聽日開OT,9點都唔知走得未 (唔清埋嘉賓係唔比走既,所以佢地一定唔要留係度問咁多野)
星期六日要開OT
先黎星期六早上我要進修, 之後再趕返去, 有大型function呢
星期日係呢個活動既延續..又黎半日工作
星期一先補返1日咁多比我地
真係咩都補唔返 ~
禽日既blogTonkichi
answer is : 圖 1 及3係用iphone
得iris及珍妮他估中.....(你地2個撞岩架??)
因為我都要睇返iphone既相簿先知,因為都唔係幾分得出....(如果係影.近鏡就會好易分)
星期六本來係想食餐好既, 點知又紅又黑....
攪到咩都無得食
仲原來家中連公仔麵都無包, 最後要係"頭大"叮叮點心
所以星期日出左去尖沙咀, 食返呢間
原來係漢口道附近都開左間新野 (4月14日開左lu)
我係在廣東道果間見佢張poster先知 (不過唔多記得地址)
圖(1)
今次坐卡位...
圖 (2)
好野,私人水壺, 唔使成日叫佢倒茶
圖 (3)
圖(4)
圖 (5) 救命鐘
今次都係只食蠔..每個識既朋友食完都話最好味都係oyster
圖(6)
放大版(圖7)
點解要寫圖 1, 2, ,3, 4,5,6,7 ???
因為想你地估下邊d相係用iphone ,邊d係用DC ????
今個月真係使得＄多
食果筆無得好講．．．預左既
對眼．．．．月又要比多＄８００人地喇（都唔好計前幾次果ｄ醫藥費）
今早．．．．呢筆先勁囉
－－－－－－－－－－－－－－－－－－－－－－－
話說２日無帶錶，換左另一隻帶
今早發現佢停左唔郁，我當然好明（自動錶來的）
咁今早咪較返岩時間．．
點知較完，一陣再睇返，唔係好岩時間
再較．．．點知佢支秒針唔郁．．
之後出門教琴
返黎再研究多次，certified－－－－－－－－－－－－－－－－－－－
最後當然要拎返去專門店度，放低比佢叫師博整喇
睇怕呢一整又黎幾千．．．（上次抹油都比左$2XXX喇）
下個月．．．如果真係要”請病假”，又無左２皮喇，夠我買多條Circle of Love鍊lu! 今日去睇，Trinity系列又出新野，係黑繩，Trinity係分無石，幾粒石，單一個圈全石，ｏｒ３個圈全部石．．．．
不過我立場係，頸得一個，我又唔好日日換（返工都已經夠早，我連介指都唔係成日記得戴喇）相反手指就有１０隻，所以我鐘意買介指多ｄ！不過．．．太貴了！痴線既．．隻隻都過萬．．．有成萬蚊我用黎坐機去玩仲好呀！
下午先黎黃雨
唔夠2粒鐘就轉紅雨
jess仲打黎問, 佢今日要考試,會唔會cancel
幫佢上網睇 , 係會改期既
之後...而家改左黑雨了
我同事曾講過
呢幾年既typhoon真無用, 次次都吹唔正
明明見到就黎到就黎到
點知一個唔該改左方向
次次都應該要黑雨,呢個天文台就遲遲唔黑..攪到每次返哂工返哂學佢就黎料
真係吹脹....
而家呀,星期6就黎....
今日知唔使開會
所以book 左去聽talk
因為...想聽多d, 亦可以問多d
今次係在謝道欣醫生所講
佢都幾風趣, 講既途中亦有人問下問題, 佢亦樂意解答
因為我聽過某d bloggers話, 有d只比人問3個問題
此talk 由630開始講到815左右 (應該係830完既)
不過815未夠,已有人離場
離場都只不過係外面book 檢查時間
因為眼既問題, 我都想check得全面d, 因為好多野係肉眼睇佢唔到既
好彩忙完黎緊星期六日2日OT,我會放一日weekday
所以就book呢日喇...(因為醫院只開weekday..朝9晚5)
本來想book下午,不過..得返2點幾, 家母晚上要去飲, 怕佢走黎走去,所以最後book左早上....(死喇,唔知咩醫生...)
好友Jess禽日去見工, 呢份工仲要present
知道結果後,今日見我又得閒,佢又唔使返工
咪約佢出黎食飯傾下囉
因為我地都好耐無出黎見面了
找唔到係壽司亭做既jess朋友
佢又想找個露天既地方,方便佢"透氣"
所以選了Spasso
真係好開心..因為Jess有新目標, 好希望佢一切都順利, 幸福會眷顧佢喇
(相片要遲d先post, 要
Jess未到, 影下相先
食完連jess都話好味既飽
睇唔到邊隻飽...睇返呢個blog就知spasso @ Harbour City
係最上面同中間果隻
要左杯Lemoncello (都幾勁酒精呢)
之後要左個Black Mussel with creme sauce
caesar salad (我地分左一次我先記得影相)
最後要左個calm + 車厘茄及寬扁麵 (d麵好食,而且又唔厚..似蛋pancake)
好耐之前,Crabtree寄左張卡黎
可以以優惠價買一set3支既Gardener
其中包括呢支Hand Recovery
(註:我無影相, 張相我係website度download架咋)
呢支野, 有朋友用完話似雞蛋咁滑,又話好神奇,
咁我先開黎試下...
佢係好粗既磨沙
先唔好加水, 不過rub雙手...之後用熱水沖下
(記住一定要熱水or溫水先有滑既效果)
之後抹乾淨你就可以feel到對手會好滑
埋尾了
攻完生野,再到熟食,輪到dessert了
有2隻古古力fountain, 有白古古力同黑古古力...
試左用士多啤梨,甜左少少
右轉一步係紅豆糕, 可以接受
再轉係桂花糕, 太甜...Lee garden果間西苑好味d
再到Cheese cake, 好好味 (佢係已經cut到呢既size, 又方便唔會比人cut到肉肉酸酸)
最後係crepe, 唔似marriott咁大件, 不過我都係覺個皮厚左dd咁多多
係個時間我又係休息, GG就拎我部DC影左佢部DC
再出動去食甜品,唔覺唔覺咁被我發現有人話要Souffles,我即刻又死跟
佢要3件,所以呢一件就比左我先,係古古力味 (所以話呢, 呢度既野唔係比人自己拎既, 全部都收收埋埋咁, 真係唔多覺架)
d 馬卡龍又係...收埋係第2層既角位度...唔係八八卦卦..又會miss (定係佢遲左出,我去toilet果幾次路過都唔覺)
最好味係最右邊既raspberry,同下一粒既古古力味,其他既我係試左一啖..就放棄了
!(咪浪費我少少位嘛 !)
黎個大特寫
右上角係Grape juice,我要左1/4試下味..都ok既!
之後見人拎住個好靚既盤..似有雪糕,但係又唔多人拎
我八話係有個雪櫃仔係整crepe既人既身後,不過得玻璃兜,同似cream既物體
之後GG行埋位,話真係有, 分別係Vanilla, coffee & Lemon Sorbet
我就即刻出動..
下面果舊米米地色係Vanilla (唔似呢 )上面好白既就係Lemon Sorbet(好醒神,好開胃呀)
ice cream....好正 !(雖然marriott係一杯自己食..不過我都enjoy一球, 起碼唔使食太多)
Close up again
最後..太飽了
餐茶要了hot lemon tea
茶太濃...
waiter又好好人,好主動咁黎幫我倒茶 (已係飲緊我停哂手既途中)
我話茶太濃, 我加水飲咋 ! 佢就即時道歉再幫我倒水入已有茶既杯中
服務一讚 !
End
Thanks !
續上回
13 April, 2008
食完海鮮就攻魚生 (講左食到得返2舊先記得無影相,不過已無quota再去為影相而拎多次黎食)
之後到熟食區...
先有3款肉 (我唔想試,無留意係咩,其實即係燒牛肉...果d )
我試左印尼抄飯加curry beef, spicy呢 ~
仲有多款curry配薄餅
熟食方面就無Marriott咁吸引
之後選左食中式區既燒賣(亦有粉果,congee , 雲吞noodles )
仲有乳豬 (上圖, 右邊)
個蒸籠旁係2口食得哂既pizza, 有肉腸, 香草,3-4款味
右邊果個係醋, 用黎食下面果樣野
無錯係翅....因下面有個爐熱住, 所以仲係好暖好暖既 !
呢杯係Guava ,同場仲有grapefruit, pineapple, mango, orange,grape....
好處係一杯杯, 想試少少又得 (你唔想自己去,都可以叫waiter幫你去拎返黎,因為我地隔離枱既外國人就叫左個waiter幫佢拎多次grape juice)
再黎花瓜....比marriott既薄．．．不過都無問題 ！個多士我無食，因為太油了！
鵝肝近鏡
上面果個係片皮鴨．．由師博親手切，親手包既
之後聽到師博話出新野，即去拎
馬拉糕．．．．可以接受
再一回帶大家去”食”甜品！
係book左食JW Marriott既同時
我收到Hange S Bank寄黎既coupon (可以用於Intercon, Conrad同香格里拉既食肆)
所以我相約我既好姐姐 GG一齊去食
呢間有我至愛既Moet呢
that is why禽日禁食 (食麥片咁多囉 )
每位$638 (另加一服務費) 時間係11:30am- 15:00pm
Harbourside係於lobby落一層
準時11:30am先比入座 (因為佢set緊野喎)
同場都有客人係度食緊早餐....
亦有外藉人食brunch後一小時就離場..... (真係飲幾杯,食下沙律海鮮就走人)
GG飲左一啖就話. 無Marriott果d咁dry
緊係....都話左Moet比Piper高班 (不過我都愛飲Veuve Clicquot)
飲既係Moet Imperial
一去到就當然先黎海鮮喇
comment :好有衛生 (亦無咩自由行呀, 爭先恐後既無禮人,全部都係有教養既人)
因為..有牌寫明夾係專for 生蠔,. 邊個就專for 下層熟食...
邊d係魚生既, 邊d係sushi既....我見各人真係無點亂用亂放)
oyster :有2款,我地坐正佢對面窗口位, 全程見好快refill
lobster :得 !
mussels :有2款,我緊係食green shell mussel喇
scallopp : 麻麻地
蝦: 都係...mama 地
我好鐘意睇香檳既bubble...由低升上去.....
睇下我地個位睇到乜
海鮮區
後尾2點幾後見無咁多人,我咪掛住部相機, 快速咁影左張近鏡
下層左起 (影唔到d )有蟹(原隻), 翡翠螺 (我地開頭係唔見有既), green shell mussel, 長腳蟹, 另一隻黑shell既青口, 蝦, 帶子,lobster
上層係2款oysters
上下層都各有夾子
海鮮旁就係魚生區
(我有食架....不過食到最後2舊...先發現我無影相....我遲d會係GG度偷相架喇)
Comment :有赤貝, 甘蝦, 三文魚,有隻味咸咸地既魚..鮪魚...yes....
sushi都有5-6款, d飯係有醋味, 好重人氣,唔似果d元x係機度o即出黎既機械氣)
I like it !
另 :有魚生sauce及sushi sauce,已經加好多分, wasabi係已整好放係一旁, 地方又乾淨
第2區係熟食區
熟食有3款肉..(我唔食lu) 有noodles, 亦有"花瓜" ,比marriott 薄少少..
有印尼飯, 糙米飯, pizza (兩口食完size...) 好多curry 類
第3區係.......juice (好多味,唔係一支支, 自己倒..)仲有cheese, dim sum (不過唔係太多款)
仲有片皮鴨, 乳豬, 麵同congee.... (即整既)
轉左彎既第4區係dessert
呢d資料係waiter等我地一坐低無耐就主動埋黎講既
