Gems of Britian

呢個就係我係英國報既scotland tour 的路線圖!

真係環島遊咁 ! (下次唔知幾時再可以重遊呢 ??) 

恒生跳躍音符伴成長 - 學生音樂會

今日帶學生去聽+睇音樂會!!!

不過就令自己無左2堂吉堂 (), 事後返去即趕上堂....同學生午膳完又黎訓練, 直踩到放學又要輔導!

最終係由730無休咁做到1700 (個半個鐘咪又係度改改改哂成班既dictation

1730....趕返浸會

真係命都無~

今年由phoneus (係harbour city彈琴而出名果位)做MC...佢真係生動好多! (不過講野就俗左d...可能唔係咁岩小朋友聽 !)

第2對boots

上星期五終於買左喇 ~~~ 不過真係好高跟 ~~~3吋??4吋?? 買大左比平常一號 , 因為怕佢向前推.....會夾腳 (幾ok架 ~)

上

中山參觀篇 - 學校變酒店 ??

睇下幾豪華 (或者講寬敞..)

點解一間學校有咁既房間...唔通我睇宿舍相比你睇 !

 ( NO~~~~)

有埋tiolet 架 ~

係唔係我扮野, 去左樓盤度睇黎呃你地 ~~~~ (橫掂又有雅居樂 )

The answer is : 這是校長室內既...睡房 !

 副校長室都有呀 !

個個同事都話 " 嘩 ! 一定要入去睇下, 參觀下呀 !"

午睡地方

係第一間小學既禮堂見...咁多lylon袋既..放冬天衫架 ~~~乜學校可以存咁多野架咩 ??

去到呢間....見到放哂墊 ....先諗 ~~~午睡 ! (oh~ 我都想係學校瞓下覺 )

不過校方早年已落order....唔比同事扒係枱度瞓喎! (除非好唔舒服!) 事關, 怕一陣有嘉賓黎, 影響市容 (即係失禮呀 !)

今日既lunch box

而家既天氣....食沙律真係怕涼左d, 都係整返d熱野返工食!

媽媽出左去玩, 星期六已叫佢幫我買定菜 + 超市既餃子! 咁我晚上就食幾多, 整幾多,入哂落盒,咁今日返工就可以叮返熱黎食!

都夠飽架 !( 4-5粒 加菜 )

考試篇

12月中就開始考試, 仲有2日撞正學校考試! (學生就話放1點,我地老師....sigh ~~~仲要放工後開會 )

好彩既係考1930, 否則打的都分分鐘趕唔到 !

phonics呢科測左2次,(1)係7x, (2)係86.5 (3)黎緊tues測 !

好希望今次都8x就心滿意足了 !

另一科星期六都係同一個lecuter教, 第一次...巧差, 第二次進步返d, 第三次係同phonics同一星期測 !我都無野望, 望 8x我好好架喇 !(呢2科係最深既 )

至於星期四既dr. kong ~~~ (無測驗, presentation 係A- ,份功課我都有 A- )真係睇考試架咋 ~

help about upload video

我有個video想upload,但因size係over 100MB,唔可以upload上youtube!

可以點整細呢?有人話有樣野叫power director (不過我唔識 !)

另 : 如果我用直立式拍video, 點先可以令個方向旋轉返岩?? (亦有人話可以用ACDsee,不過我找來找去都唔知邊個function key ??)

WHO know????

今日既lunch

好耐無食過魚生喇.....唔食咁多囉 ~ (都唔係肥肉, 海鮮黎之嘛 ~) 芧樹既 ~~~~

加左魚子既沙律 ~~~~

salmon + scallops ~

中山石歧小學 - 校園篇

呢度就係佢地既校園....

以上2張都係近校門位置既 (仲有自己既小種植園地, 比學生種野 !)

以下2張就係學校building內最盡頭 !

老師話, 個池係比學生放佢地d 魚 / 龜去養 !

呢張就係呢個池既所在地, 先睇下校舍幾骨子 ~~~

中山石岐小學 - swimming pool

呢間係第2間參觀既小學,係石岐果邊! (同第一間果間係有關係既, 不過呢間係公開招生)

因都係剛落成, 學生唔多, 不過...大到成間國際學校咁 !

你睇,.......香港有邊間小學有咁既swimming pool拍得住佢呢??

中山小學 - 校內遊樂設施

真係唔好講笑,呢度唔係公園既遊樂場,而係學校內既遊樂設施!

講真, 見佢地放小息/ 午膳....完全無老師當值 (唔知幾令我地羨慕)

學生又無香港咁...拔足狂奔...而發生意外!

係喇....點解呢...

中山小學 - 校園電視台

香港係近呢幾年先興什麼校園電視台, 好多學校都申請QE funds去爭取資源去買好多器材! 今次我地參觀既呢間小學, 真係不由得我不影 ! 睇下...幾pro (因本人之小學而家先申請資金)相比香港...中山就真係先進得多!(當然, 我前幾日講漏左, 呢間係一間主流既小學, 全部學生都幾乎係高幹 / 省專員既子弟 )佢地唔中央派位入黎既!老師話佢地唔係under教育部, 而係直接under省果邊, so 有好多資源 ...

中山小學 － 操場篇

呢間真係小學黎架，我地有入去睇佢地示範課

鬼死咁大～～～

有無攪錯　～

睇下佢地上體育課，企得咁死咁齊（註：我地係上面影，佢地唔知架，ｓｏ一定唔係專登做show,係事實上一定係咁排位）

有個小朋友企係前面做示範！

秋季旅行

註：如果你識相中任何一人，拜託唔好揚．．．我唔想比學生知GG老師有呢個blog!(此仍個人私隱，同地址電話一樣唔想比學生知） (deleted pics)

睇下我呢班小頑皮~~~~~ 今日去左九龍寨城公園( 主任話都唔知幾醜, 邊個建議去呢度) 因為 : (1) 呢度真係參觀多, 去旅行都係1次見 (2) 3, 4年級共11班....好嘈呀佢地　（不過事後有另一學校都黎左，好野，有人陪佢地一齊嘈，轉移視線） (3) 地方又唔係大....都唔知有咩玩 ( 賈炳達道果邊唔比過) (4) 又無空間比佢地玩集體遊戲 職員話唔比野餐 (即係唔比佢地佈枱墊係地下坐喎!) 臨走時, 我班 ~~~~唔見左一個...找完我地留既場地(因我已叫佢地唔准離開呢個範圍) 最後 ~~~係集合地點見到4年級既老師帶住佢 ~! 之後點 ~~~~比我炳喇, 叫住唔准行開..佢未死過 !（爆喎幾個一齊去，自己顧住影相，人地走哂都唔知，最後唔識返黎）不過同學既口供就係：Kelly叫我地走先架！（返到學校，係４個再比我炳多次，你地有無攪錯，明知佢唔見左，你地無人出聲講我知佢行開過，當無事發生呀！下星期一你地就一齊比我罰！） 仲有其中一個唔知死，係學校去完toilet返黎同我complain另一同事（唔知跑定咩．．）我話：教你地幾多次，你自己都有錯無權去投訴人，我叫你唔准行開，你有無呀．．．仲話人地～係咪比我未鬧過 佢地先識收聲！ 呢班真係成日要比我炳先得架！ 次次收功課收我１５mins,上次黎一劑，遲幾耐就無午膳小息幾耐佢地第２日我入去前已收好哂！（所以都話唔罰唔嚴教佢地係無效既！）

中山小學 - 課室外

真係無得比 ~~~~ 睇下佢地幾整齊

回想我地香港既學生....係library上左platform...之後竟然可以換錯左鞋,2隻完全唔同size / 款都可以穿, 有時仲要係細左 / 大左好多都唔多理 !著完就走人...成日要library既主任陪d一年級生去哂咁多個p. 1既訏室去找邊個著錯人既鞋

(註: 呢次去左2間小學, 2間既學生都係咁 )

澄清啟事

blog友...網友...睇完我試晚裝既blog就問我:

你好事近 ~~~~~

連我位放左產假既同事都問我, 你減咁多仲咩?? 好事近??

喂 ~~~~ 哥哥結婚咋 !!!唔係我呀~~~~~~

GG的分享空間

 

小G自從睇多左人地既blog, 係11月初就開始日日寫,天天寫.... 努力下....個blog多左好多唔識朋友黎留言! 有d就係小G自己先去人地度留言, blog友再黎我度回覆既! 而自己既朋友...同事無叫佢地入黎 !而朋友就有睇,不過佢地無開blog, 所以未能/ 未有留言 ! (而有些網友, 小G則有邀請佢地黎,未被邀請既..係我唔想佢地知 ) 自己已少左係forum內分享亦唔會再係forum度分享旅行既事 / 相. 因為....花咁多時間, 換黎就係一句佢"唔會去呢d地方, 無興趣留言...唔通話個教堂影得好靚咩" 所以...我唔會再花時間係一d無反應既地方, 至於blog....係我個人空間, 係小G既回憶..我絕對願意花時間係自己blog度就算無留言...我一樣會寫 ~ 呢多個月....睇既野清左...心亦淡左...係呢度..我反面識到好多大家唔同國籍...唔同工作範疇..(不過原來好多行家..既地方) 我真係衷心多謝好多blog友既留言...(如..傻寶寶...Abu....居於法國既Sylvia....充滿笑容既Alwen....比好多晚裝資料我既花生糖& Ka Bee....新相識既vyvy....) 你地令小G會繼續努力去開更多topics~

中山參觀小學 - 升旗禮篇

呢日係在中山既第二朝, 6點幾morning call,目的就係因為要參與小學既升旗禮 !

有movie, upload 上youXXXX.com當中...睇下可以點整條link比大家睇!