XL @ Zara

Zara係一個品質好嚴既品牌

例如佢地既條子恤衫係前後幅對位既

又係睇戲出事喇

入去打左個百鴿轉

買左件童裝XL size

４骨袖，鐘意既條pattern,　仲有頂帽係後面

成件都唔使＄３００

我間唔ｃ都會買Zara既童裝，買過幾次one piece dress，同大人款差唔多，不過價錢就差幾百。買最大ｓｉｚｅ就岩架喇　～

Panash 麵包店

星期日出左去尖沙咀

頭痛痛，好想快ｄ食野

考慮緊上３樓定basement果層食

見到Panash(habitu對面）都幾多人食，去試下先

見佢又有卡位坐又唔使等位，又岩哂唔想食太大碟既我

睇完menu有少少想食意粉，又想食有薯條既（不過佢配jumbo burger我又唔想食喎）

最後決定食呢隻new zealand 薄牛肉baguette (不過唔明點解佢要加多個Sandwiches係後面，baguette明明就係麵包喇）

喇喇喇，又係話加左黑松露．．．．去左邊樹？？

勁juicy,一路食，一路有汁係尾度漏出黎，唯一唔好既係．．．次次食完baguette,我口腔頂都損損地．．．．（不過個包係熱熱地入口．．正！）

之後用左Coupon係Haagen-daz度換左一杯single scoop黎食

餃子@王府

果日先買左飛睇The Time Travellers' wife

點知半小時果場full哂得返一個第一排既位

所以決定先去醫肚再等睇5點多果場

跟呀蘇去呢間度食先

中環威靈頓街 (係行人電梯果邊, 行幾步就見架喇 )

好彩等左一陣就有位了

飲左碗酸辣湯 (＄１５）

是日有冬瓜餃，不過我都係想食羊肉京蔥(半打$38)

我偷聽到對面果對情侶話咬左一半都唔覺有冬瓜ｆｅｅｌ住喎！見佢食哂成隻都無講野．．．唔知好唔好食呢？不過好多枱都有叫！

講返我呢隻羊肉，唔食羊既真係唔好叫，因為真係比較羶

 

 

The Time Traveller' s Wife 時光旅的戀人

由全球暢銷小說『時空旅人之妻』改編，由《忘了‧忘不了》麗素麥雅當絲及《變形俠醫》艾力賓拿主演的愛情科幻電影《時光旅的戀人》The Time Traveler's Wife，將於9月24日上映。

《The Time Traveler’s Wife》根據柯德莉尼芬格(Audrey Niffenegger)的成名作改編，小說在03年出版時已造成「書荒」，不久這部作品已在英國賣出了逾一百萬本，在美國更賣出了超過一百五十多萬本。

故事講述Clare與Henry的奇幻愛情故事。Claire一生都在等待與Henry的每次相遇。6歲那年，遇見36歲的他；結婚那年，她23歲，他31歲；離別後再度相遇，她82歲，他只有43歲。他們本是天造地設的一對，但Henry不幸遺傳了穿越時空能力，隨時會不受控制地穿梭於人生各個階段。儘管Henry會突然無聲無色的「消失」，但也無減Clare對他的鍾情，珍惜大家相聚的每刻。

只要係改編, 都想像中小說應比戲內形容得更為細緻

如果可能有咁既機會識到一個從小就識既人都唔錯 ; 當然就唔係隨時隨地失蹤!

至於結果如何, 留待大家去睇吧 !

口水婆

星期四坐船回港

入思思縮扒前

先去左近cova既toilet

洗手時, 我左邊有位女士,不停連珠爆發勁爛口既粗口

臭x, 死x, .....當時唔知佢鬧邊個, 潛意識以為係幾個化妝, 拎住個名牌手袋既美少女

不過當佢經過佢地身邊時, 又唔見雙方怒啤大家喎 !

點知行到電梯邊時, 此爛口女士突然向佢身邊經過既另一少女 (黑皮膚的外籍少女

...........

............

.....................

噴口水 !!!!!!!!!!!

果位少女都打左個突, 完全唔識有反應呀 !

嘩 ! 真係咁dirty !!!真係有反應時佢都行左去了 !

 

hOT sALsa

呢星期都離不開食 ~

無錯呢 ~

無得去旅行, 遊記又完哂

點都要找點靈感既 ~

上星期係pp地庫既超市

見到呢樽野, 行左2個圈都係決定買左佢

點薯片食一流呀

雪雪佢唔知會唔會再好食D呢 ?? ( 都得媽, 同你上次自己整既差無幾,不過你就當然落多更多料同心機喇 !)

註 : 呢隻sauce真係多人party時買一樽, 可再自己加多少少鐘意既料, 係party小食之選

買返包細包, 因為唔想整污穢未食果d, 所以我"杯"左幾匙出黎dip dip !

一檸再檸

睇返前一篇, 我話熱到要飲野

入左坐車附近既7仔,

新出品

出左青檸呀

我覺得佢根本就係自己另一副線既--冬蜜青檸個味道係一樣既 !(不過初出時唔係間間都有得賣)

幾鐘意佢個句 : 一檸再檸 !

定期失蹤的GG !

幾日都唔見左我 ???

幾日都無回覆

幾日都無留言

係呀 ~

撤離左香港幾日 ~

咪亂想亂估 ~

not travel TOO MUCH!~!!!!!!!!!!

講左我等緊10月1呢個weekday既假, 所以...我緊唔係請假去左玩 !

我被徵召要返big 6 office坐陣, 以後都可能要一星期留幾日

我個座位係跟production manager一齊坐係佢房內(睇下我幾巴閉...哈哈哈 ),我個位就係佢前面, 唔方便上網架喇 !

FB又block左唔上得 (係big 6 block既)

大利清湯腩

無可否應,

我係岩岩個星期睇返蘇good既介紹先去既

星期六同家人提早食中秋果餐, 哥哥話有人話阿蘇無野做....翻炒以前有線時代介紹過既野

不過呢 ~ 作為無睇過 (因家無裝)有線既我, 睇返都幾回味 (不過有集太攰了, 等睇時瞓左岩岩半小時..哈哈哈 !)

先去巴士路街果間, 點知...好多人企係度等位, 走人喇 ~

好彩行後街囉, 比我發現仲有另一間係活道, 都心大心細會唔會係A 貨, 不過入去到見menu同係openrice度睇既係一樣....

活道呢間新淨d, 又有卡位, 都有人等緊位, 我就唔理直入最後, 比我發現有張得2個位既...好野.....!!!!!!!

叫左金錢肚同牛腩雙拼麵 !~ $28, 杯飲 $11 (凍飲)

唔錯唔錯, 記得有人提過佢既腩汁蘿蔔好多枱都有叫, 死唔執輸... 要 ($10之嘛 !)

嘩 ! 好飽好飽呀 ! (回程時去左尖咀, 係travel max買左幾條Pro Cam Fis既褲, 又熱喎, 買完野飲就上車返歸, 連最重要既任務都唔記得左....妖 ~ 我就係為左呢個原因去尖咀架, 又要等黎緊星期六喇 !)

張membership card儲左好耐分, 今次姐姐話夠分可以 upgrade白金喎, 以後去買野又有85折了 ~

醉爆伴郎團 The Hangover

《四仔旅行團》導演杜德菲力斯今次帶來全新作品，一個關於搞出大堆麻煩的單身派對喜劇。誓言要在結婚前過一個畢生難忘的單身派對，準新郎多治約埋老死菲爾和史督，夾埋未來舅仔阿倫結婚前兩日，齊齊去拉斯維加斯玩番晚。三個伴郎飲飽食醉，第二朝起身又頭痛又失憶，豪華酒店套房變成垃圾崗，最弊連新郎都唔見埋！
玩到所有事都記唔起，婚禮又就快舉行，三個烏龍伴郎要在最短時間內追查尋晚發生過的事，諗返大家究竟搞出了甚麼大頭佛，希望可以趕得切婚禮前搵番個新郎。當大家知道內情愈多，就發覺大家的處境愈來愈麻煩。

====================================================

開頭睇內容完全唔明點失蹤

中段都未知攪咩鬼住,

真係無戲睇又想睇先睇喇 ~

呢套係翻梘黎既, 中文字幕唔睇都罷, 英文字幕仲出現法文版, 真攪野

(哥哥度仲有而家上畫中既海雲臺, 佢話譯得勁不知謂, 故事亦不見好喎 !)

註 :都係翻梘野 ~

蓮

今日星期六短週

忍左無時間剪既頭髮, 今日終於可以去剪

下午就約埋修甲 ~

不過修甲前先去lian度醫肚 (呢間食過一次生牛肉河)

食左香茅單骨雞翼 ( 咸左少少, 唔通係多左魚露 ??)

本來另一個係叫左New Zealand curry mussels, 不過無哂喎！

改為牛肉面珠紅咖哩

麻麻地，因為ｄ肉太大舊了（個ｐｏｔａｔｏ完全唔得）

最得既係個法包，加埋ｄ汁食係一流呀！！！！！

Lian @ IFC

都得小聚

今日(9/19)終於約到都得媽一齊食飯相聚了

因為前2星期都有2日在big 6

 下星期開始會開始留3日2夜 (無辦法, 因為....唉 ~ 雖然一開始已預左, 不過今次係因某d原因要我留多少少時間係big 6 寫字樓)

今日亦係部腦既outlook, 比本來可以走既時間遲左45mins先走人

因為都得媽今日會係太子教琴, 所以約左係新世紀既apple green

無限 refill lemonade

蕃茄海鮮 + 脆片 (唔記得正確名稱)

真係有海鮮架, 好入味 !

泰國生牛肉沙律

都得媽建議包住d沙律黎食....

完成圖

叫多個煙肉忌廉意粉

全部都好好味 ~

好開心我地2個傾左好多近況同八卦事 ~

忙到死, 真係需要朋友們傾下hea下 relax下 !

3年了 ~

早前找舊post

以後就不停提自己, 9月18,9月18

今日係我在yahoo寫左3年blog喇 ~

3年的確唔易

唔記得上年幾時開始, 堅持每日一篇

睇返.............

前年係最難挨同最難受既一年 ( 無陰公, 一星期幾篇都係公事)

上年係我人生中最開心無憂既一年 (充滿開心事既)

今年將會是我再出擊的一年 (因為已返新工3個多月, 轉了行- 至於做咩就唔想講了, 雖然唔知日日幾點收得工- 最勁係9點3, 不過起碼回家唔使再做公事, 星期六日唔使返工既日子絕對係我既私人時間)

 人生有得必有失

記得 亦舒既舊作中提過一句; 要得到就要去爭取

任何野都得來不易, 所以更要好好享受同珍惜

共勉之 ~

sUsHI

睇完The sister's keeper

入左去taste度野回家食

個三文魚好食過思思縮扒果d , 飯無咁凍, 三文魚又甜喎!

亦好耐無食過鰻魚了 ~

好飽呀....

酒店MEMBER

係09夏威夷之旅作完結

係想講下入酒店會

因為我經常住大集團既酒店, 所以上年美國訂酒店時已入左會(有時你一訂房就迫你入埋既) 又唔使 $, 當然無所謂喇 ! (仲定時收到有咩優惠)

上年就入左SPG ( Starwood Perferred guest)  - 包括sheraton...(其他唔記得)

今次夏威夷全部都係Hillton

成日睇UA mileages既hotel partner都話double / triple mileages, 原來真有料到

hilton果邊既分就唔係平時儲開既500@ stay,佢係分3種choices入分

> 定額酒店分x10, 再500 飛行哩數

> 定額酒店分x10, 哩數就以 us$1 作1 miles

全部酒店分可transfer返入mileages ( 10000 points > 1000 miles)

我今次因房價勁, 所以唔會咁笨拙選 (1) , 我係選左2, 仲要果期mileages係double, 全部開雙哂 ! (夏威夷成日都有優惠架, DOUBLE / TRIPLE, 不過就要限定住幾多日)結果就係我係由blue tier會員升呢到silver tier( 我見升左就即要求有張會員卡, 因為一開始時無打算拎既 - 唔想浪費嘛, 而且check in 時已比哂所有資料, 根本唔使再出示會員卡)

升呢係因為我住夠天數 (或者住夠分都得)

中間既Hilton Waikoloa VIllage 就選左package係另加10k既酒店分

可以一提既係, hilton果邊因一早已入哂資料, 所以book房後只要入哂信用卡no就ok, 咩size床, 有咩另外要求 (我填左高層, 唔近電梯) 就一一有record

check in同out亦快左, 因為埋單都用我book房時已入既credit card no去比, 前後唔使2mins就ok哂C/I & c/o

 

和幸

又到星期日

又係教完琴去開餐既日子

前幾星期係sogo附近收到派傳單既野

今日出門前..帶埋去...試下先

印象中有2間和幸, 都唔知邊間岩...是但喇 ~

傳單話有款一人前係$58起, 燒肉就 $68, 有款極上自選一人前定食 (A款選一, B款選一) $88起

我要左A款 ( 海鹽特選黑毛和牛) 及B款 ( 岩鹽上等牛舌) (各款都有6種選擇)

好正呀, 唔乾...仍有肉汁, 真係好食過盛八呀 ~

飯後仲有士多啤梨雪糕

地址 : CWB 謝斐道496號金利文廣場3樓

 

 

姊姊的守護者 The Sister's Keeper

故事簡介： 莎華和拜恩本來是一個幸福小家庭，惜女兒姬蒂得到血癌以後，一家人的關係受到巨大轉變。兩夫婦為了拯救女兒的生命，不惜一切再度生育，新生的妹妹安娜成為了當中的犧牲品。依靠妹妹才能令姐姐得以維持生命，加上密集式的治療使兩姊妹關係密切，有著微妙的感情。父母疲於奔命，母親莎華為了照顧女兒放棄了大好前途的的律師工作；拜恩亦因為妻子女強人的性格，對比下往往顯得軟弱消極，使夫妻間感情問題漸生，亦因而忽略了年幼兒子澤西的身心健康，使他成為終日遊盪欠缺關心的小童。直至妹妹安娜11歲那年，她抵受不了終日為生病的姐姐而受盡醫療折磨，更請了代表律師，發動了一訟離間自己家庭關係的官司。她追求自由的同時，卻使患血癌的姐姐生命危在旦夕，生命進入倒數邊緣。

本來睇左the proposal既trailer係睇果個既, 點知前幾星期見雜誌介紹呢套, 更想睇

即日買即日睇, 2場都係同時間上影...都係睇呢套喇 ~

以為會喊到死, 點知...禮儀師流得多眼淚d !

都唔係全套會喊既, 都有少少笑位 ~

雖然Anaa ( Abigail Breslin) 做得好好, 個人都係鐘意Kate ( Sofia Vassilieva)多d ~

好開心雜誌無揭露一切, 睇左先知點解會引發呢場官司, 留待大家睇時就會明哂 ~

睇完既第一個感覺係......珍惜眼前一切喇.......唔好無果時就好恨好恨有, 已擁有既就唔好係度抱怨, 不知足, 要知道...無果d人點呢 ???? 

我所講既包括健康, 朋友, 親人, 工作, 愛情同$$

09 夏威夷 - day 12 日本機場買買買

Jun19

坐左7個多小時, 終於到達日本

因為轉機時間太短, 一出閘口, 見到自己個大名被寫左上白板, 前面仲企左個地勤。

話左比佢聽我係當事人後, 就比左貼紙我貼上,再指示我去另一通道 (過x-ray) 上左全車得3個人既shuttle (係專比我地3個要轉去另一terminal趕上機既人坐)

轉機時間得45mins度

先掃貨, 之後剩返半小時都無, clara講既food court應該唔係呢邊, 亦無力再行了 (時間就得返15mins), 真係買完都唔知有無時間食哂及行返黎

戰利品一包

綠茶及蜂蜜蛋糕各一條

有得試食完先買既抹茶有甸

個角係我倒出黎時整爛既

左邊係威化餅, 右邊係香蕉蛋糕

有caramel , blueberry 及棉花糖味

一日內執好野喼, 只不過係將d野轉哂係琴面同地下吧了 !

啤a ing ~

呢排攰到唔想郁

有時無力到要啤一啤佢

上面2支理論上都唔可以話係啤酒黎, 不過麻麻 ~

下面就係德國啤, 我見係lemon先試下 ~

不過都係幾星期既事, 上星期都無買過

星期一皮膚又敏感, 見2日都似爆"擦", 搽完好潤既野都唔得

最後去左睇醫生, 佢話係食物敏感,不過我同家母就估係我呢排掂多左d chemical既野, 唔小心掂左上面....(呢個醫生咩Q都打針架, 感冒又打, 連我皮膚敏感都打左支)