今年轉左係琴行度教
其實只要係成日見既家長, 我都expect 會收既
其實真係唔計較個餡幾多, 只係在乎心意 (當然多就緊係好喇)
通常都係單封為多
$10 - 我覺係唔多想比, 不過是做係咁衣
$20 - 最common, 唔好失禮自己咁 (ok, 我好接受)
雙封 既. 真係得體
今期.....結果....有d轉由工人帶黎....+接走, 自己唔出面
有d....當唔係新年....照問個仔女學成點, 我都費時應咁多, 講幾句就算( 呢d以後都唔比靚貼紙)
今年收左2封大野, 最大果封仲要係雙封既勁位數字
真係咁大個人, 教咁多年琴 (都1x年喇 ) 從未收過雙封咁大額既, 真係一封就低哂全條數 ( 真係好彩雖則個女成日唔練, 不過我都會用大貼紙氹下佢)
收到大利是就最開心！
ReplyDelete[版主回覆02/18/2011 11:08:00]係呀!
龍鳳胎以為會比, 點知都無 !我上星期仲同問佢會唔會唔比個女學, 因為真係唔多得 ; 點知禽晚主管問我知唔知點解佢想轉老師喎! 家長叫佢唔好同我講, 話 "你明架喇, 唔係咁夾囉 !" 我次次教完, 下次返黎都變左野既, 音彈錯, rest又無數,一係就按住音黎rest....激死我, 浪費我時間同佢媽媽溝通 ! 2件野又無教養, 次次同佢呀媽傾時,佢地就當琴行係遊樂場, 仲可以由page 1門口跑去另一門口再返黎琴行, 真係繞場半周, 我拍手掌叫主管轉老師呀....(不過我怕愈想轉佢愈唔肯轉, 呢d 咁既騎呢學生比邊個老師呢...主管話佢地似hyper )
大利是正啦! 可以SHOPPING
ReplyDelete[版主回覆02/18/2011 22:50:00]下, 應該唔夠買件衫果喎!
我最勁都係收過雙封500呀 WA....果次真係勁開心 亦都係唯一一次 我.....好多年無係公司度收過利是啦 我以前其中有一間....超級白痴 出通告話唔比封利是比老師 不過就放個盒係入口當眼處 話如果真係想送比老師就放入盒度 佢都白痴架 係人都知會收歸佢家人所有啦(呢間係家族生意學校 我地都好憎呢個家族架) 所以暗地裡叫佢地唔好放入個盒度唔好封 不過有好多公公婆婆都硬塞入我地個袋度 而家當然無呢回事啦 直行直過
ReplyDelete[版主回覆02/18/2011 22:49:00]我前任公司咪貼左notice話唔比派同收利是囉 !
$100又好, $500都好, or even$1000, 總之個家長咁有心真係多謝哂佢囉 !
收到大利是又真是很開心的....
ReplyDelete[版主回覆02/18/2011 22:50:00]係無諗過個額大囉, 一般都係 $20之嘛 !
有d家長可能諗住, 你收埋一次過拆都未必知邊個比, 咁咪利利是是算lor. (其實都好易記得, 哈~) 我以前學琴, 阿媽見唔到miss都會交低比我, 每個星期都見一次, 呢d都無謂慳
ReplyDelete[版主回覆02/21/2011 10:02:00]講真, 可能真係收幾多 $唔會知, 但邊個有邊個無比就一定知囉 !
我地都唔可以收利是既~ 前幾日有家長比我，我話唔收得。結果~~第二日佢買左兩盒古古力比我
ReplyDelete[版主回覆02/21/2011 10:01:00]學校老師就預左唔收得架喇 ! ICAC 會查架嘛 !
琴行呢D私人就唔同既......
外省人派單封, 係廣東人先派雙封利是.
ReplyDelete[版主回覆02/21/2011 10:00:00]以前可能係, 而家唔興咁架喇 !
親戚既, 只會係partner 過左世先會比單封, 否則全部人都係雙封
比看更 / 好似老師咁..先會比單封 !
hahah.... 家長有一大部份都無比... 最大係雙封(100+50) 好攪笑, 因為好怪, 一係就 50 50 算, 一係就100 100... hahah btw, 有機會收利是好感恩... 幫補下脫牙...
ReplyDelete以前教過高官女兒, 第一年 100 100, 第二年係 500...
[版主回覆02/21/2011 09:59:00]係呀,我都係用黎幫補下 !
我估個家長可能一放錯, 二: 佢比 $100, 老公比$50....哈哈 !