完了, 沒了 !

岩岩先過左一年....

真係估唔到

感情話咁快就無....

連我都預料不及

唔好問我咩事

因為連我自己都唔知

年30係最後一次通電話,

佢話原來一直都逃避我 (不過見到面就無野喎)

1月時, 大家都無野架

到最後通話, 都係無野, 佢只係話唔知自己想點, 又問我覺佢份人點....

佢話要時間考慮下...新年後再傾

之後....佢就無再開電話

知佢應該初8開工, 我初7 有sms佢big 6 手提 (因我想比空間佢, 所以我無打)

到初8 我都再有sms佢, 希望可以同佢傾 (我都想了解咩事架嘛 )

雖然.....呢2日都無消息, 我亦有最壞打算....(好彩仲未喊過,不過我估...一喊就收唔到聲架喇 !)

前晚打去 (晚上11點) 電話係off 機既 , 到第2日早上我再打, 都係off

即係話 : 佢無開過機, 我估佢可能轉埋number (我唔明囉, 公司number, 佢上次唔記得帶卡返去, 都可以開過張新sim card ; 咁而家用咩理由改number呢...做左3年工, 好多人都打佢呢個number架嘛...一改就好煩) 而家為左我而改....我有咁得人驚嗎 ?

朋友話會唔會未返黎 ? 我估唔係

會唔會已辭職, 我又唔覺 ! 因為當我ee知我去左檳城時, 都問我有無搵佢  (下, 佢唔係檳城果喎) ee又無話佢辭左職, 所以我覺得呢個可能性好低

可能佢希望不了了之卦....

男人係唔係就會咁架呢 ? (當然我試過男友分手時都係唔再理我既電話, 唔覆, 話唔得閒打發我來電, 話遲d覆不過最後當然唔覆...)

好彩呢幾日都唔多舒服,  (傷風) 食左藥都瞓到, 不過就真係瞓得唔多順, 幾小時後就醒, 瞓返到天光都再醒 ! (亦幸好食到野, 唔會有情緒病 / 厭食症)