叛諜狂花 salt

故事簡介： 依芙蓮索特（Evelyn SALT）是美國中情局（CIA）人員，然而在一次秘密行動中，卻被指為俄羅斯派來的秘密特工，潛伏美國多年，務求在一次名為「Day X」的行動中實行驚天刺殺，依芙蓮索特一方面要擺脫昔日同袍追捕，一方面要阻止刺殺行動，力證自己清白……

劇情描述一名美國CIA女特工被俄國變節間諜指正為內鬼，她要逃避美國官方的追捕之外，更要找尋懷疑被擄走的丈夫。影片開始時，觀眾都會設定安祖蓮娜被冤枉陷害，但劇情演進下去，才發現果然另有內情，而且接下來的情節鋪排都有點故弄玄虛，令觀眾如墮五里霧中，開始不知誰忠誰奸，各人行動背後的動機，因此故事的懸疑性和刺激感亦大增。至於片中主角明顯是亦正亦邪的特工，完全開正安祖蓮娜瓣，由她來演確實較靚佬湯適合得多！而安祖蓮娜演繹動作場面時，亦勝在唔錫身，所以出來的效果亦有型得要命，絕不比任何一個動作片男星失色(肯定她的身材好看過史泰龍，頭髮又多過布斯韋利士)！打得夠狠之餘，在演繹對丈夫的情深義重時，安祖蓮娜亦交足戲。

----------------------------------------------------------------------------

呢套戲我記得dora提過好睇, 話打得好好, 叫我一定要買番梘睇

我成日唔記得同天蠍ae講, 點知上星期佢買左返黎喇...

上星期我地睇左喇...真係打得一流

只係 : 睇佢唔明....佢係不自覺成為俄羅斯的spy ??? 因為父母過左身, 被人救左, 潛意識被人控制, (好似被催眠咁 ??) 到某個合適既時間就會醒返 ??