偷聽

岩岩既星期五教完琴

係房門口同家長傾左幾句

話說呢位7歲既小朋友學左岩岩一個月

媽媽講佢都學過下, 不過手指姿態真係麻麻

想佢改下, even我想從新學返學過既都無問題

佢隻隻手指都無咩力, 所以係扁平指再加力大無窮咁壓落去, 咩都捽死咁 !

不過頭果2堂, 佢態度麻麻

麻麻既意思係 : 佢會用好多excuse  :

(1) 隻5手指係咁架, 佢唔聽話架, 等我打下佢先 (之後就指隻手指幾下)

(2) 咁我無力呀嘛,. 咁佢咪要咁彈先有聲囉 !

我既反應 : 咁你叻過佢呀嘛, 咁你幫下佢忙, 你去控制佢囉 !你教下佢嘛 !

去到第3堂...教(提)左佢2次, 佢隻5手指真係可以彎住黎彈, 其他手指及手型都係perfect既

課後, 我仲鼓勵佢示範比媽媽睇, ,大家一齊讚下佢

到even而家第5堂, 佢真係每次到用5手指時, 都仍然keep到 (咁我當然一見到就次次都讚佢喇 )

仲要有次我要求佢再彈, 話如果佢做岩哂, 我就醒個最大既sticker比佢

雖然唔係話100分, 只要佢做到,我真係有比佢自己選sticker

所以....到今堂為止, 我已無再聽到佢任何excuse

星期五果堂, 再教佢唔好lazy hands (即係唔好將手掌成隻咁攤係琴鍵下既琴面度)

----> 要求佢彈多次, 唔好掂到我放係琴下面既手...佢又做到喎

係彈2 +4 手指一齊落時就麻麻地發到力, 不過就真係無以往果d 隔硬黎....

相反, 佢問左我一個好好既問題 (因為我叫佢唔使太大力)

咁....如果我彈左唔出聲呢 ....?? (幾叻仔)

我答 : 由佢喇, 唔出聲好過你硬要大力, 手指唔岩姿態仲唔好 ! 咁等我一陣同媽媽講 ,叫佢見到你彈到無聲都好, 係可以接受既, 費時一陣誤會你喇 !

就係以上說話....呀職員係企係附近位偷聽喇

我當然唔mind喇, 因為你聽到我同家長傾咩, 咁教, 佢地自己會了解我多左

仲可以幫我收多d學生

***星期六咪講我知, 下星期又收多左個學yamama 音樂班既小朋友, 家長又係買返一套我呢間公司既琴書系列, 又係話唔mind由頭學過囉 !

其實教d已有基本知識既係有一定難度, 如以上既小朋友, 我都提家長, 如果佢有反感, 一定要同我講, 我會改一改教法, 因為佢真係識, 你強行要再教...邊個都唔like喇 !

(我係一開始就不停講, 我知你識架, 咁你識既, 我地就一齊去改下d唔好既地方. 我唔係話你唔識所以要你再去學以前學過既....)

真係會死好多細胞.....