09 夏威夷 - day 9 - Dolphin excursions

Jun 16, 09

無錯呀,又係用dolphin有關呀

乜你唔悶架, 唔厭架, new zealand睇過, bali又睇過, 前幾日先係lagoon度同dolpin玩遊戲

我答你 : 唔厭, 因為呢個同以前睇既完全唔同, 同前幾日係lagoon果d人工化既又唔同

上張既相係早上我係露台影架, 好勁浪架 ~

個團早上pick up, 成車有8個人, 之後坐左成粒半鐘先到 (應該近north shor既位置)

呢邊好多遊艇呀 ! 我地都係度等左有半小時先出發, 因為前一團係日本人, 要等佢地返黎

上船後不久, 就準備穿上救生衣,  出發去找海豚, 好快就找到, 而且仲要係仍然望到岸邊架 (之前係nz或者bali果d,係要出到大海, 四周連山都睇唔到既)

後面已經有幾條喇 ! 職員要make sure呢區有好多海豚再安排我地落水 (哈哈, 係呀, 有得落水呀, nz果次太凍, d人著哂潛水衣, 點知最後都無機會落水)

以前我都覺得同海豚一齊游泳係無可能既事, 但原來只係我未見識過

我地係以浮潛式咁望向水底, 間唔c就望到佢地係自己腳底游過 (當然係好底喇,不過水清所以感覺好近囉 )

呢次既數量同以前見既為多, 仲要好多次數呢 ~

見過一批3條一齊, 一批5條一齊

最勁果次係下面, 12條 !!!!!!!!!

好震撼呀 ! 而係水底, 我都望到過第一批果3條 ( (應該係爸爸媽媽同一條bb)及12條果批

上船後我地再出發去2區, 仲要見到有條海豚自己玩跳水 (係spin果種, 就似海洋公司睇頂波果種) 唔止一次, 係幾次....

之後我地再落水睇海豚

(註:船上有零食 - 生果, 芝士,yogurt條, 果bar同餅仔比我地充飢) 亦有汽水同水

最後一次落就係睇魚魚同大海龜 !!!

不得不提既係我地找左好耐都唔唔見有海龜, 最後係職員出馬找左再叫我地去睇 !

我地就係坐呢d橡皮艇, 最好玩既係佢比我地好似坐香蕉船咁跨住黎住, (所以一隻腳係係艇外, 當開得快同有勁浪時,  d水係會濺埋面度, 心情勁high呀)

怕唔怕暈浪, (因為我見網上都有人話頂唔順) 我係有食事前丸打底, sofar都無咩大問題

最好著拖鞋去, 不過上艇前已放左係岸邊lock起哂, 帶定防曬喇, 自備毛巾,防水相機

佢令我好有興趣再去睇whales ! (艇上有3位職員隨團出發) 全團人數應該在18人左右

我亦見佢地係我地落哂水浮潛時都會數人數既,

我係佢地dolphin excursions 自家網站度報, 雖然roberts hawaii都有介紹佢地 (自家報價錢平d架)