09 夏威夷 - day 7 Mauna Kea

Jun 14

呢個團係其中既一個highlight

不過書仔一直都無介紹, 都係我誤打誤撞先找到有邊間公司有團

找下找下又多d, 我而家報果間係只辦呢個睇星團既 ,好pro架 !

(我有跟書仔網址打, 點知得日文......當時我連個山都唔知咩名, 找得好苦呀)

我報既係Mauna Kea Summit, 係當日我都八下邊間公司多團出發

最多既係日本人公司, 勁多車, 不過全車都係日本人...

我呢間當日有2團, 其他既 : 一間係Polynesiand adventure tour, 一間係Roberts Hawaii

有d就自己揸車去 !

一團頂多得14-5人, 所以要報名一定要早, 唔好以為即日/ 早一日就ok ! (否則飲恨唔好話我唔提你 )

呢間公司唯一唔好處係限左2個地方集合同解散 ,不設酒店pick up !所以我選呢間酒店, 因為佢地係king shop / queen market place集合 (要睇返網址, 因為佢地會轉地點, 不過都會係呢2個其一, 另有一區地點,不過我唔識果度, 網址有提及地方, 仲提供 google map及GPS既code比你去查)

 (不過當日可能近同有幾個客都係住hiton, 佢肯車返去囉 !) 否則呢 ~ 要早d叫酒店開架車黎接自己 / 唔係住呢區就最好call定的士 / 自己一早租車 !

都坐左成粒幾鐘車先到步, 先到旅遊中心, 去到先派餐盒, 去埋toilet, 有紀念品店同少許呢度既資料

你睇d雲幾勁高 ~

呢個山都可以講係呢度最高既, 所以....

係網上報名時, 會訂埋食咩餐盒, 仲有要咩size大褸 (係呀, pro到有衫借埋比你著)仲有手套架 ! (日本人果d仲勁, 有埋雪褲同down jacket)

個餐都ok架, 日本人果d係成個錦盒, 仲要一舊舊細飯團....呢度得露天位坐住黎食野 ! 天氣都有少少涼既 ! (我就勁怕凍, 所以我已自備fleece + gortex )仲有頂帽帽

 (不過我去到已後悔點解拎走返頂冷帽出黎, 有ear warmer既我都會建議你帶埋去, esp 你似我一樣的怕凍)

真係讚嘆d雲海 ~

我而家先發現, 唔係一 "對"個頭埋去就可以從天文望遠鏡睇到野 ! 原來係有技巧架

食飽飽, 就上車出發到山腰, 因為要慢慢比我地適當海拔, 怕有高山反應 !

雖然個團接受成 us$200 (我果段時間仲要網上報名唔比折, 明明有折架..因為high season就無喎 !)

但係呢...好值架 ~

請導遊先生幫我影既, 好鐘意呢張架, 睇落好似日本妹架 ~

睇完上車我已頂唔住要著衫架 ~ (我亦後悔無帶條pashima圍頸)

所以你地明點解我要拎2個急喇....又fleece又褸, 仲要為左呢日, 我帶左對行山鞋...點會唔左訂同重呢 ~

呢度係各地既天文台 (包括德國, 日本....)

之後我地架亦會停一停, 講解下 (不過我見其他車無停呢度)

我已select左相, 無post哂出黎!

開始準備日落, 黎張4合1先 ~

之後, 架車再駛上d, 大家準備影日落喇 !

間間公司都好似知道自己既地頭咁, 我地呢個位就我地2架車, 日本人果d又唔知泊左去邊個位 ~

好鐘意上面呢張, 好想寄去d 新holiday / u 雜誌度投下相稿 ~

佢地話呢度日日都咁清, 必定睇到日落架 ~

岩岩好20張, 不過要再edit過add相入黎 ~

真係等哂佢黑都要一定時間 (又凍喎 ! 我已戴埋佢地比既手套架喇 !)

唔信...你睇我著到 ! (我已覺佢地果件都唔夠, 著左自備既fleece + gortex,再加佢地果件)

個咸蛋愈黎愈勁 ~

唔夠半小時, 山頂既人開始唔見哂, d車走哂 ~

呢個就係山頂位喇, 果幾間都似係自己揸車既車, 其他公司既車唔知泊係邊樹呢 ?

下面呢張我都好鐘意架 ~

影完相去邊呢 ?? 咪就係返去旅遊中心, 去多次toilet, 之後架車再出發去呢間自己既基地 ( 係一片空礦既地方 )

做咩呀 ? 原來係拎出一個比第7張相中更勁既天文望遠鏡 (座地既 ) set好後再同我地一齊睇星星同講解 (睇到北斗星喇, 天蠍喇, virgin喇, leo 喇....)

滿天一抬頭就係星星 (唔使問, 影唔到相既, 我想過買快門線, 不過又要配合個b快門, 又要整張黑色卡..又要曝光....仲要只用一次-->係 我只用一次o......所以味傻喇)

因為有2車人, 所以每車都有自己一座天文望遠鏡, total都睇左5-6個唔同既星星

有個似萬幾粒鑽石一齊擺埋咁閃....

講過用天文望遠鏡唔係對眼埋去就睇到, 因為第一次我就係咁, 點解黑漆漆既, 原來望既角度唔岩, 係咩都睇唔到架 ~

睇左成粒鐘度, 就黎埋尾時, 就有cookie同熱飲提供 ! (團價包埋既 )

我唔敢肯定其他公司有無呢d野提供 (我指有個私人既site放天文望遠鏡比我地睇 )

所以呢, 睇星團係值架...雖然返到酒店都好夜 ~

我專登選呢日睇星, 因為第日我就check out走, 可以瞓晏d ! 本來plan先睇星再第2日玩dolphin quest, 就係怕左第2日要早起, 所以5月中時, 再plan好d既, 所以你地要去, 都最好安排睇星後果d下午先有活動)