09 夏威夷 - day 3 Circle Island Tour

June 10, 09

今日同樣都係跟團,不過今日係whole day tour

同樣地我都係跟E Noa Tour- Royal Circle Island Tour (環島遊都有幾款團號架)

早1日我去左Pearl Harbour, 就係因為Hanauma Bay星期二係唔開既, 所以咪星期三先黎囉 !

呢度係snorkeling既勝地 (不過睇d人自己去既comment, 一係自己揸車, 唔好坐公車去, 因為....上唔到車,等左好多架都唔得 - 仲要好耐先一班)

你睇下幾多人 ~~~~~~

我個團只係去stop, 唔可以落去既 (因為要入場就要先睇一套片, 之後先租用具)

黎之前途經diamond head 以及夏威夷既"Bevely Hills " - 連呀士丹利Ho都係度有間屋 (導遊講架)

睇完Hanauma Bay,就出發去另一景點, 呢個叫Blow Hole

望到相中d水係個hole度噴出黎嗎 ??

睇返相先知....較較色後.....真係更藍呀 !

你覺呢個島似咩呢 ?? ( 結尾時開估)

再出發往State Park ,其實我估黎呢度係影返張panorama

之後再往呢間日本廟 (導遊話我唔知點解要黎呢度, 總之就黎左喇, 已包入場費, 真係無咩野睇, 附近亦係日本人過身後葬既地方)

趣事一則, 呢位導遊勁攪笑, 話說有一家3口( phil 藉既)係上車時間都未返, 導遊叫我地一齊玩, 見到呢家人快將行到上條橋先, 就通知佢, 佢會開車走人.....但佢已知會我地佢一定會駛返黎既.....仲話到時一定爸爸就鬧媽媽, 媽媽就賴個女,個女就會埋怨返爸爸.....。好喇, 見到佢地出現喇, 導遊仲要吩咐我地全部人唔好望佢地, 全部望另一方向....駛到呢路盡頭先R波倒返去....點知一上車...個女真係埋怨爸爸.....(成車人都勁笑)

(因為好多團都興每去一個景點,都會list哂出黎, 所以當時睇完都唔知去邊, 原來呢個stop係一次去幾個景點, 先坐船仔睇fish pond, 呢個pond仲借出hollywood拍過好多戲, 不過好多我都唔識既......)

之後經過呢個ranch既生果園 (好多生果架, 講得出既都有)

最後車我地去買下Macadamia....(有得食完先買)

幾間公司團都唔會包午餐既, 以為要在某d景點自己買快餐食

點知原來係停係指定餐廳, 自己叫野食

無咩可以選 (有buffet<不過我無興趣)

叫左杯Guava + passion fruit juice (呢度好興呢隻mix juice)

餐廳對出可以望到呢舊石, 又估下佢似乜 ? (又係此篇尾開估)

呢間餐廳都幾攪野, toilet對出養左幾隻parrots, 點知未入餐廳度仲有花同雀仔,連rabbit都有呀 (我係見到團中既小朋友企係度,我先又八埋去先發現呢)

呢度呀.......我都唔知想介紹咩,可能係果個洞卦 ~

喇喇喇, 又有島估喇 (其他差d影唔到, 因為好遠架, 我專登返上車換支len再影架)

sand beach ↓

最後一站 (另一公司寫明有得坐express) 某幾間就寫明得15mins

好多唔同品種既菠蘿

影完幾張相, 已發現唔多夠時間, 又好多人排隊買菠蘿雪糕/ 思樂冰 ......死人都要食呀, 仲多遲少少跑返上車囉 ! (買到,無遲...早知咁多人會遲, 我係店內睇下有咩食物喇, 我完全無時間睇下有咩食物買呀 )

好喇, 夠鐘開估

第一張果個係Rabbit Island

第二張餐廳對出果個山係Lion

第三張係Turtle Island

估唔中就快d scroll返上去望真d ~