Bali 之旅- day 5 - 再黎酒店設施

食完晏,返房放低d野再出發

收到JJ SMS,話可能再約多次攝影,問我去唔去

當時我收到消息都3點多, 我情願留係酒店喇, 我仲未用哂呢度d野

食完野, 我都周圍影左d景

原來upper swimming pool既下面另一邊係兒童池,有3條滑水梯

下面係villa房...果時好多housekeeping係度執房中,所以我先係門口八左一八

下面係在villa附近既其中一間wedding chapel (呢間酒店應該有4個chapel,我只去到其二, 另外2個應該係villa頂果忽..)其實我一心想睇下另外villa既餐廳, 不過見到個指示,但行左入去villa就get lost咁, 所以我放棄唔去 ; 如果想去,都建議去lobby叫酒店安排golf car之類好了 ~

官方照,

 

官方照既夜景

我影既實景

第2間chapel, 好近我第一晚食意大利菜既sami sami, 當日下午應該有人舉行婚禮, 因為我見有職員開始係草地整緊setting

當時就係整緊下面官方照的白色布

我見過網友話呢度可以坐馬車, chapel一出呢度就係新娘房 (好大間,成間烏溪沙平房渡假屋半間咁大喇)

呢條路應該係實客入場的門口, 所以你地見到有呢d佈置

下面呢度就係海邊食lunch落樓梯時影既, 知唔知紫色箭咀既係咩黎架呢 ? 其實黃色果間都係架 ~

zoom近比你地影 (zoom得最盡架喇 !)

幾天後先開估 ~

之後我要再出發既就係呢個收費既Aqautonic pool ( US$40 2 hours)

呢個係seawater therapy, 唔同地方for唔同身體部位, 計有腳底, 背。

下面一個個位, 每人會2mins轉下一個位, 有水柱射向唔同地方, 一開始由腳眼, 小腿, 大腿, 下腰, 腰, 後腰..向上移位

另有一個似jacuzzi既 (不過都係每個位for唔同部份,佢特別在可以爬係果樹睇日落...當時咁岩落毛毛雨, 個feel幾似在北海道落住雪浸溫泉..... )

(oh!我打漏左, 玩完個pool,有shower比你沖身, 之後仲有薑茶飲架, 我飲左2杯呀)

呢度亦有golf 場 ~

玩完, 我又走去享受左一陣steam / sauna

吹埋頭先返房都6點多7點

我見聽日就走, 仲有好多cash,我走左去gift shop度買野 ~

dinner果餐再post ( bali之旅會隔1日先出)所以...應該23號先開估果個亭仔係咩黎既 ~