大豐收(1)

聽日先開始放假～

所以今晚見唔使教琴，我出左去行街

本來係打算去買鞋，不過．．．．試左２對都太大．．我想考慮下先～～～

第一站去左旺角，去睇網友介紹既tripod, 唔係３隻腳ｓｅｔ係地果ｄ，係可以扣係椅背，欄杆等既３隻爪～～～　＄２８０（細ｓｉｚｅ）我見好似．．．好化學，IT哥哥今日同我講，佢話佢有幾個．．（下，佢話係買電腦magazine送既，又唔知邊一次又送左個．．．）所以睇完後，我結論係唔買，叫佢比一個我試下都好～

第二站係百老會～～～

買左個iPod,其實我部MP3都無事（入電芯既），不過．．．都係想有部型ｄ既，而且做分期之嘛！

之後加左＄１９８，有透明套，保護貼，同USB power adapter (呢個方便呀）

之後送左個hello Mimi既袋一個．．．

（因要upload相，故即開個adaptor，而家叉電中）

　

第三站去左睇鞋，想買對金色既，不過試左２個size,都係大．．．睇黎都係要考慮一下先！

　第四站：行行下本來應該去baby Jane度買衫同紅色鞋，不過唔知咩事．．．唔多想買添～～（因為．．．考慮緊應唔應該用呢個quota買野呢？？）

　卒之無買，去左第五站買左今日已打算買既Kuromi黑色袋（以為係全黑，原來都有少少透）

不過唔多覺眼既～（我又無野唔比得人睇裝左咩）（註：方便晚上返學時放筆袋，水樽notes 同書等，　仲有本人午膳既飯盒一個）

第六站：連根拔．．．．ｏｈ～～～～死得喇，睇中左２對鞋．．本來打算試對Marc Jacob,不過期間竟然得返一個男ｓａｌｅｓ　ｓｅｒｖｅｓ緊幾位客，都無人理我．．．好～～～咁就唔試住，都成＄３０００（未折前）比多次機會我考慮下先

（雖則我都幾敗家　＋　亂使＄，但係呢．．．我買野好少係好突然既，有時仲會多番考慮架，你估即見即買咩～）