註：如果你識相中任何一人，拜託唔好揚．．．我唔想比學生知GG老師有呢個blog!(此仍個人私隱，同地址電話一樣唔想比學生知） (deleted pics) |
睇下我呢班小頑皮~~~~~
今日去左九龍寨城公園( 主任話都唔知幾醜, 邊個建議去呢度)
因為 :
(1) 呢度真係參觀多, 去旅行都係1次見
(2) 3, 4年級共11班....好嘈呀佢地
（不過事後有另一學校都黎左，好野，有人陪佢地一齊嘈，轉移視線）
(3) 地方又唔係大....都唔知有咩玩 ( 賈炳達道果邊唔比過)
(4) 又無空間比佢地玩集體遊戲
職員話唔比野餐 (即係唔比佢地佈枱墊係地下坐喎!)
臨走時, 我班 ~~~~唔見左一個...找完我地留既場地(因我已叫佢地唔准離開呢個範圍)
最後 ~~~係集合地點見到4年級既老師帶住佢 ~!
之後點 ~~~~比我炳喇, 叫住唔准行開..佢未死過 !（爆喎幾個一齊去，自己顧住影相，人地走哂都唔知，最後唔識返黎）不過同學既口供就係：Kelly叫我地走先架！（返到學校，係４個再比我炳多次，你地有無攪錯，明知佢唔見左，你地無人出聲講我知佢行開過，當無事發生呀！下星期一你地就一齊比我罰！）
仲有其中一個唔知死，係學校去完toilet返黎同我complain另一同事（唔知跑定咩．．）我話：教你地幾多次，你自己都有錯無權去投訴人，我叫你唔准行開，你有無呀．．．仲話人地～係咪比我未鬧過
佢地先識收聲！
呢班真係成日要比我炳先得架！
次次收功課收我１５mins,上次黎一劑，遲幾耐就無午膳小息幾耐佢地第２日我入去前已收好哂！（所以都話唔罰唔嚴教佢地係無效既！）
小心 俾家長發現 你 個 blog......
ReplyDeletehahahah that is what I worried, but I don't think they have time ! Only their colleagues will do so!
ReplyDelete真係好迫好少地方喎,尤其第二張合照 。
ReplyDelete合照唔能夠反影地方大定細，不過只能講玩得既地方真係有限（你地去一次就知）
ReplyDeleteGG，BU都明白點解你會咁擔心，一個老師看著幾十個學生，真係好辛苦！ 最慘係D學生唔會明白點解老師咁緊張... 好彩BU今年班仔都算乖，唔係真係「一返工就想放假」 ！ BU以前都係做P3班主任，自從調左做P1之後，老細就唔調番BU，佢話無人想做P1班主任，難得BU同小朋友相處咁好，不如就繼續啦...P3始終識事D，教P1最大問題係要「一切從頭開始」。BU訓練佢地自己收功課，而家宦總算運作正常，10分鐘內一定收哂:-) TAKE GOOD CARE.
ReplyDelete你咁樣post 相上網，好難唔俾人見到架喎﹗
ReplyDelete