做運動

無，我無時間，我無做運動
雖則我好想，不過無奈以前跑開的足球場，因開沙中線，無左
原來我家前15分鐘的公園遊樂場都係因為沙中線剷走左
九龍城天橋底果個公園，同樣無埋
我想跑，無地方比我跑！
我唔甘心比＄ 做GYM，一個月都去唔到2次，仲要大包細包帶去！
另： 早上家父不定時佔用洗手間，我試過想早起，點知最後起左身都無得用， 之後怕好趕返工！無去到！
有朋友話點都要去做，佢忙都間唔C 抽1﹣2次去跳舞（佢好似係pole dance or yoga 等等）
但係呢， 呢D 話忙既人， 半小時都抽唔到去g market睇自己要既野， 話咩人去做運動？？ （好好笑囉！）
我每日返1030 ﹣2100 （ 返工前好趕，因為太夜） 星期六好早起，收工都3點，午餐都未食，我邊有時間去做？？
星期日， 我好想安樂醒， 唔想早起， 之後休息上網， HEA下，做面部清楚 ！都無左半日！
另一友人， 返工放工準時， 最得閒； 都有唔得閒時候 （ 佢都話星期日係family  day, 唔係特別，都唔會出街同我地食飯） 咁又話乜人地唔去做運動（當然人地係星期日早上陪家人行山） 我無咁既閒情，我家附近無山行

所以，我只能以spa 機同飲食入手 ～

我﹣﹣﹣思覺失調

就黎放假，學生的時間轉到八彩（應該講請既好多，補既少）
呀馬拉今日上唔到，我又無睇清日子，原來家長話下星期二先補，點知我前日上左去
今次我話要收返車費，因為要我非scheduled 的日子上去（即係佢只比左3堂車費，要我上第4次，咁我無可能蝕時間同車錢）（註： 上個月的星期日我蝕左一次架喇， 仲要果日唔使返工，我要花＄過海）
佢話前日上完，呀女要下個月月中先上（有人連請3堂嘛）， 所以話可能下星期二都叫我上去多一次 （好野，錯有錯著，可以收多堂 ﹣ 不過未FIRM實）

無聊事兩則

呢2日公司都見識到D得啖笑既事
（1） 呀乖女職員前日問我意見
作話佢想租左格仔店既格仔（真係一個箱大小既格仔果D）去賣佢自己係淘寶買返黎再自己整既手作仔。
我問佢淘乜黎整， （我問係唔係上次整既珠仔 ﹣ 係有個模，放D 珠仔落去， 再用熨頭整熱，甩出黎就係一個公仔） 佢話珠仔已整清哂，今次想整模型。但想睇下質素如何先 （ 嘩！你叫我幫你買“手信” ， 你D 甜頭只比公司同事， 我無份之餘仲問我意見租唔租好，我真係想講 ： 你都唔係路既～ ）
我問幾＄租一格，佢話幾百度？ 我想你計下條數，買入作料再賣出， 扣埋租金，蝕幾十就話，幾百，算吧喇！
佢話唔係為賺＄，只係享受整既過程（ 其實而家我先諗到： 開個Facebook  fans page, 網上賣仲唔使租本 ； 但....費時多事教精人）
（2） 想約補堂，家長次次都無左回事（係呀，由easter, summer 都無下文） 今回又問多次；我同串咀講問埋今次我唔再問架喇！
串咀答我： 你唔補無糧出之嘛！--> 註： 唔係無糧出，係果堂無＄分返比我O者!（ 我拒絕補架？？ 我問到我都覺自己煩，過左時限，個堂自行收歸國有，我都一樣無＄）
呢D人，講多我都費時～～～
總之就： 努力搵多D 私己！！！

尊重～

考慮左幾日，都係決定問個馬拉家長補唔補一堂先走（我係為＄），我話而家開始報4／5月考試喇！但報你就要自行決定你是否冒呢個險，因為黎緊無上唔到4堂。我估計唔到佢地既進度（之前都話9 月開始， 1個月只上到3堂，12月請2堂，1月又第一堂唔上。加上又懶，我點估到） 我接住寫明一月第2堂到我上唔到！
今云好快就回的： 話自己只係19號去到5號，點會係4堂（呢D人唔睇清楚野既）； 我即係數比佢知，加（ ） 註明最後一堂係我請。我寫明Dec 邊日的星期日上去make up lesson, 點知佢又睇錯1月，又話OK 。之後知係12月，又話要睇下點先！（我寫話聖誕我都要補堂，請她ASAP).
另一個學生，問左幾星期都未覆我12月上幾多堂，琴日whatapps 多次，（因為星期二不是公眾假，理應係上足既，佢又唔會坐機出門）我話星期二我可改下午2點，又或者星期一早上來都OK， 目的都係因為長假，我可以補（上次因係因眾假，我唔mind 佢地請左去玩，因為前後大家都忙唔會補到）
到今日都未答我～～ 
問左3星期都未知，咁不如比哂咁多堂學費囉！（佢 4月考長笛之嘛，又唔係琴，我咪遲D 先夾伴奏囉， 唔夠時間咪加長時間同加堂囉！）
-----------------------------------------
上面呢位家長覆左，好乖咁上5堂（我話可以轉星期一，佢都問上幾點）
至於呀馬拉，我offer 佢12月上make up, 佢開頭誤會左係JAN我已寫明唔係！佢今日覆話12月唔得，問我1月得唔得 ！ （ i replied : sorry I cant) 因為我真係唔得，所以好開心rejected  佢！（咪以為你想點就點， 咁鐘意放你咪放飽佢囉！4堂唔上堂，有本事等我上堂前都唔好練（佢地絕對做得出； 我講明叫佢自己take risk 考唔考試）我一月尾都會請，但我必唔會講，等佢交完學費再出聲！（到時迫佢補堂 ﹣ 我亦怕到時佢又話返馬拉。到時唔係我請，係佢“又”請） 總之無堂上就＝ 唔使練喇！EVEN上完堂到出發日有幾日係HK都係，都係唔練既！我係唔會再哦，由佢唔合格啦！ 又唔係我報，又唔係得比＄ ！又唔係琴行學生！