無奈之三

打漏左一次佢係有約過
但佢性格真係太優柔寡斷
話說星期六想約我教完見，問我幾點收
我答佢2點3
佢話佢4點多做 YOGA （我好怕佢又唔準時，我餓住定佢，之後佢又趕住YOGA）
佢又話做完應該6點，又話TEA好晏 （下，飯都食得，你想TEA）我估佢暗示想食DINNER，不過我已放棄作出任何意見 （我唔知佢覺TEA太遲，DINNER又太早，所以先唔好意思出口定點 ； 但係我角度，佢小姐次次都遲到，基本上食DINNER時間我都預佢半小時後先出場
佢之後又話考慮想唔去YOGA （即係點 ？ 我當時諗，不如你考慮清楚先同我講）
去就去（YOGA），唔去就約 ！好簡單 ！（決定權不在我度，我緊不主動提議）
佢又自圓其說 ：同你食，就緊想食好D 既，找個靚既地方食TEA。（我唯唯諾諾 ﹣ 因佢只是說得口享，到時就搬出果D ﹣ 貴WOR，月尾，或者你地OK我都無問題，大家都想去）
總之一時一樣，我聽完都唔再當佢認真 ！ （ ＝ 狼來了一樣）

此時就告一段落 ！有咩重要事又發生先再同大家分享 ！

無奈之二

分2篇，大家睇得舒服D
成個暑假係我最忙既時間，多新生，準備考琴既，幾乎天天返早收夜 ！所以我從不主動幾任何人
岩岩既11月佢WHATAPPS話好攰（忙），我一野入位 ： 你有暑假有假期，我乜都無，我又點 ？
當日我火都黎，係FB寫左呢段 ： 我忍左好耐，比我發lo so 一下 ！我真唔明，係唔係得你最忙 ？學校，活動.... 忙又話忙，得閒果時呢 ？ 又唔見你提 ？？！！ 放假去玩去食又點計 ？ 我真係要讚我個學生，呢2個月大有進步，原來媽媽同佢SET目標，每日練20分鐘 ！1個月見成績 ！所以 “時間”係你自己安排 ！有D 人可以處理得好好！我真係對“你”勁失望，直頭連回應你我都唔想 ！我都懶得理你幾時“得閒” ！

佢好驚死咁半夜凌晨回我 （WHATAPPS）話唔知講既係唔係佢，佢作息時間不好，我應好明白佢（唔知點解打打下，個MARGIN攪成咁，低B YAHOO）總之就長篇文章 ！佢都好少約人 ／ EVEN約左都因為開會OVERRUN ／病左而取消 ！（好彩朋友明白 ﹣﹣ 係，明多幾次就好似我咁）
呢D 人不打自招 ： 話去睇演唱會（草猛呀）同睇波係因為已買票（係喇，同約左人食飯咪一樣，點都SHARE出時間既）咪就係TIME MANAGEMENT既問題囉 ！
之後佢都有話約過我，係時間唔岩（我印象中就係拎書果次囉，中左招一次我仲敢比個WEKKEND你咩）又話怕我要拍拖所以唔敢約星期六日（所以紅日假就最好既，無奈你自己不主動我堅持唔會主動）

FB段野我的確係暗示 ！但學生主角是真的，我想表達出，少少時間都處理得唔好，講乜都無用 ！練琴我不要求多，20分鐘係要專心既，乜都夠 ！（我亦想暗示代買COFFEE果位既）
事情告一段落，總之友不動我不動 ！我D時間只付出比有心之人 ！

無奈之一

而家就黎講我朋友件事 ！（我用紙寫左﹣﹣因果日長LUNCH BREAK，而家先打）
對上一次聚會都已係去年10月 （無錯，成年前喇）
仲記得對上2次約都係我負責 ！我問時間，我找地方食飯，連位都訂埋 ！
其實我都好厭再做，所以去年後，我次次都推，亦唔主動想試乜試物 ！
貴的雖然人地唔mind,不過成程掛在口邊，一時話OK，一時又話一次半次同大家一齊無計 ！（聽得多你都覺有問題）到佢想食貴時，又話月尾，又話好似好貴。（其實另一友人都肯既）不過呢頭人地讚成，佢就埋呢D 原因，咁你咁答當然無人堅持去 ！（一次又話老公成日話我地去試好野。。。。講真，海鮮站係我叫去，之後佢同老公去左幾次）接住就係RITZ CARLTON果次，所以咪話連幾次都係我負責，我身心都攰哂 ！
（大家可能話去平既都得）無錯，我都唔介意，總之有間唔使限時，或者分2段時間就得了 （因為有人例牌遲半小時以上）我無數次試過係街度等，行都行到腳K了 ！（所以而家約會一定係食肆，坐住等）
之後友人入院做大手術，預定1月上旬做，話12月XMAS約。到我問佢（因我見假尾都無影），佢又話約左代課傾交接 ！（我真係唔明，吃飯要全日，晚上幾小時都無 ？？）OK，咁又改為手術後佢返工前 ！（佢建議既）
點個到2月尾亦不見影（佢有次WHATAPPS我話同老公講當日約左我，佢去邊約左邊個﹣無謂問同提喇）我亦不再約。。。。。之後又係佢主動問我復活節在HK嗎？（問左2次有多）好喇 ！到紅日假，我見我得閒，我主動問左先（因D生果幾日不在HK）點知，星期六佢唔得，幾日後我再問星期二，都唔得 ！（我放棄喇）

我真係想講，我呢D 得新年放假既，除左我想去旅行，否則我唔會為左食飯而請假 ！但佢教書有紅日假，亦有長假 ！我真係唔信EASTER放AT LEAST 一星期，半日幾小時都唔得 ！

最攪笑既係離EASTER紅日假前幾日，有人要我還返BKK本胡XX書比佢，佢要借比朋友（大家知我下午至晚上係最忙既時刻）我話我收工起碼9點度 ！（註：佢問既時間唔夠一星期，果個星期六日我又唔得）所以得WEEKDAY！（我自私D講句：佢又忙，我又忙，我係佢會唔借比朋友﹣ 係，我好死自私； 因為。。。咩同事咁重要﹣佢成日話無知心友果喎！）一係我講明比同事知，我拎到就借，無時間拎就SORRY～）D生話我：書係你借，你當然要還！
（我見SF果D COURIER不送學校區，所以先打消念頭）最後決定星期四，佢有問我一齊吃飯嗎？ （打C我都唔應約，一來收工我不如回家，你知佢例遲）我仲想到好方法就是放出面RECEPTION度，入公文袋，寫住比佢 ！等佢咩時間都拎到（佢話收工先到TST拎野，食少少野再到CWB； 咁佢時間安排得好，踩唔使等我太耐）結果：我估大家睇完會冷笑 （我收工佢都未拎，我WHATAPPS佢點行，因8點後有專LIFT上來，不用登記既）佢無睇，到我回家沖埋涼先見佢話岩岩取走）

其實（我PLAN）一個人明個約左朋友，可以將工作提早完成 ！當然佢D作息時間係勁唔掂 （如一收工返去攰到係SOFA瞓左，11點多先起，做一陣再瞓到4點多5點再做）假期如是，話我教過書應該明白佢 ！（SORRY，我真係好唔明囉 ！我大 把朋友個個假出門去觀鳥團，暑假仲去2個團）人人可以睇戲食飯 ！得佢先係咁情況 ！（佢又唔係APSM ／ 主任喎）

所以此事後我已完全放棄 ！到5月中，佢主動蒲頭約6月（佢一講我都打個突）人人6月都最忙，你就約呢個時間（？？？？）OK，同D生早講，叫佢可以安排上廣州做野 ！今次打C我都唔提議去邊度食（佢一時SEND 朋友食BUFFET既相話好想食）我答佢OK，找間佢想食既囉 ！佢又應話貴，友人T 都好熱心找左少少資料 ！佢又話唔係想只食OYSTER，想食海鮮（連我都誤會埋，所以我即時收聲）等等等，一直無再理，唔知星期3定4 ，話去CWB既吉列（妖 ！搵完得個桔 ？？）我唔肯去，因為我上次食到疴 ！友人T 好彩都反對話熱氣 （正 ！唔好得我一個出聲）到星期四再夜D， 約會告吹，有人話臨時有EVENT要做，趕出POWERPOINT喎 ！友人T 問POSTPONE到下星期六 ？？佢話下星六要食FATHER ‘ DAY！再約
呢個約當然到而家都唔見喇 ！（我嬲架，因為同D生講時，佢都約左人係廣州傾野，我又悶個WEEKEND）

到7月，話佢去BKK，問我要買COFFEE嗎 ？我拒絕左，一來明知大家忙，無謂買完唔拎 ！（而且我都又打左個突﹣﹣ 好突顯佢果D 唔嫁又嫁，出爾反爾的性格）因為佢有時都話一齊去BKK， 口雖然話 ﹣﹣ 雖然去過好多次，不過再去都OK架，你又岩SPA，我又岩 。）到之後，又會來個反口 ﹣﹣ 去左咁多次，再去好像好咩咁 ！唔想岩岩去完又再去）OKOK！！！！ 咁而家呢 ？？！！！？？！！？？！！
及後唔知幾時，WHATAPPS我，話轉左電話，本來開左個3人GROUP約食飯，因係佢CREATE，而家無左佢，叫我ADD返 ！我試左唔得（係無CLICK 咁多野去查）佢死“LUR”我，仲教埋我點整 （當時我睇緊PPS，不斷咁入MSG我已好煩，叫佢開多個GROUP咪得，我都唔明點解咁死纏）開左亦不見得佢約我地 ！

唉 ！

完全唔知用咩TITLE呀
比我又發 下LO SO先
2月我去泰國
有舊同事叫我代買野 （係到步，我尾2果日走先叫）
好，滿哂喼都幫 （一件野之嘛）
之後，叫左佢要拎去開我呢頭就講我知
我都忘記佢有無約過我
但，呢半年， 都有幾次見佢FACEBOOK CHECKIN係我公司附近開餐（註：都係8點後）
到幾星期前我再見，我開口問：你黎開呢邊都唔講聲？？
到前日星期六，佢11點多問我當日是否休下午，
我答佢我1415收工 ！
佢再問幾點我會離開呢區
我答我即走 ！
因佢暑假去左泰國
我順便提提當日遊行封路，問下是否有野比我 ？
佢才話再唔拎野驚比我話 ！（）
之後我電話死左（後尾係我上唔到網我再開個機先知佢有回我）
回覆係 ：咁你唔好留比我喇 ！
我睇完，好火 ！
（1） 係你要求我代買
（2） 你代買既野唔係我口味（係綠色PACKING既COFFEE ﹣ ESPRESSO，我唔飲既）
基本上，佢唔拎到最後過期我都係掉，但而家你咁講明唔要就真的有點兒哪個
（3）我無朋友飲！
8月都有朋友去泰國問我要再代入嗎 ？我多謝左人好意，因為我知果位朋友更難約，更興放飛機。所以拒絕左 ！
呢D 人，真係無下次！！！我而家想放相上FB問有無人要，間接話佢知，我唔飲既 ！！！！（我知我好衰，不過佢咁做真係不負責任）我預左唔收佢 ＄，亦從無想過收 ！但佢唔要就係另一回事 ！
好討厭 ！
仲有另一朋友事令我不滿了好久 ！前幾日我係FB講既唔得閒，唔處理好時間就係暗示佢 ！（當然我用左學生練琴來做題目）敏感人士當然對號入座，打左篇野來解釋，又話個個朋友都好體恤佢情況 ！OKOK，都係果句：我懶得理你幾時得閒 ！我無心情回應 ！