x'mas NZ大自然之旅 －出發了

原定當日係坐晚上７點既機出發，不過早上１０點多，當我係salon洗頭之際．．

（請在本篇完結前找出答案）

我要delay 出發，即時通知既係的士果邊，叫佢遲ｄ先黎接我（幾驚呀，因為以為佢４點先開工，點知佢地已改為２４小時on call)

６點多出發了，到左機場因仲未開counter,去左pacific coffee度飲左杯free chocolate,因為我用埋最後一張coupon ,hea下

仲見到有４團既guide已standby等開counter時出飛

（不過到 check in 時，已見有幾位外籍人士排隊，乜佢地咁叻又知係邊度排，因為螢光幕根本無show airlines)

之後．．．衝入traveller's lounge度上網同飲飲食食（今次有帶citibank 張member ship card喇）

炒飯同果ｄ　似KFC炸雞真係巧巧味耶！仲飲左２杯金桔檸蜜耶！

之後有位．．．上網呀！最後拎多支水上機先

check in 時，係來電既職員叫我找佢個staff(我都唔明，佢叫咪做囉）點知比grand staff問我咩事，照直講：

GG:今早你地有職員打黎，話我原來坐７點班機over booked,叫我讓個位出黎

grand staff:你係唔係GG小姐？其實你唔使找陳小姐架喇，我地會幫你整架喇！

各位：果位男職員打黎係好有禮貌（當然啦，有求於我．．）不過佢話我絕對可以say no,我見遲幾個鐘都無問題，我都係周圍八之嘛！何況佢開出既條件係　：upgrade我上去premium business(有得瞓喇，flat bed黎架）

似魚骨，自己獨立一張，情侶又唔多好，無得傾計

我無記錯係７行ｘ４排，即係全機得２８個business(佢呢架係７７７，７點果架係大機，係７４７）

上圖右下角係．．．travel pad(回程我發現同premium economy 係一樣既）

下圖杯welcome drink係放係上圖左下角既TV左個四方格，一按就打開架喇

按table icon就會係放腳位旁席彈開少少位再打開形成dining table

左邊果４個就係椅向上，下，放低定回原位等

唔post　menu了

望下右邊乘客果張你都知咩情況的了

睡了！張床其實又係按制，佢就係覆轉，即係椅背放左落黎，放好床墊就得了

明明睇完五星級大鼠，睇埋周潤發有份做果套加勒比海海盜，最後都係頂唔住，瞓　！！！！

起身飲杯smooties,黎埋早午餐．．

我好少影機上既雲．．差不多到了．．．landing

x'mas NZ大自然之旅準備篇

呢個trip都唔係專登既

我都唔記得咩事會找上air new zealand既網頁, 又check到佢做緊各樣promote (當然平唔平我就真係唔知, 話哂大時大節)

本來22 dec出發,不過剩返 $15xxx既business class ~

再查23 dec, Y class都無哂 (一定係旅行社hold起哂), 得返Premium economy (座位闊d, 位前d, 亦唔多座位既, 衰在呢隻位係要比$既, 貴幾千蚊度喇, 我無得比較, 因為果幾日聖誕前Y Class都無位, 無從得知) 之後就係勁貴既Business class(呢間公司無頭等既)

好彩.....暑假買左本旅遊書, 都大概知少少野, 只係花左2日時間決定留邊同幾多日, check下local tour就去出飛

又因為有domestic flight, 用multiple flight又變成無得選位及得返Business 既選擇!最後我係打去airline度問, 佢教我當第1日就坐domestic flight,之後再即時打上公司轉日子 (佢仲好好先幫我hold起位, 等我網上訂完位再打去cancel就得 ;佢唔同我做係因為...打電話book位要收$ )

最後..我係坐Premium economy (10粒鐘, 我唔mind比多少少, 又鬼叫扯起左我條筋)

出發前the best secret果篇, 真係就咁岩就係我會去既地方.....更令我期待呢個假期

from U magazine

咁而家你地明果篇野我想表達咩喇 ~

上網check NZ既野, 真係very user friendly,因為佢會有link幫你check唔同region既料, 更介紹Local tour及其他玩意

我都係因為咁check到當地既i -site (即當地town既旅遊局, 唔係offical new zealand果個)

找到hotel既料...wine tour....總之就十全十美喇　～

亦要求佢地寄野比我，最後當然我係收到喇

的確令我可以plan得更好！（因為有map係手了）

出發早上．．．收到來電．．有好消息（下回再續）

因為美國之旅既經驗，今次仲唔大細孖拍住出發！我情願call的士去呀，我都唔想拉住去坐雞場巴士呢　～

I 'm back!

剛剛沖完涼涼

班機仲要比預定時間早左半個鐘 (對呢間airlines真係幾有好感, 除左收費上)

打比的士,去左3號停車場接我 ~ oh~

哈哈 ~

因為有人話我事先張揚, 所以今次無咩邊個預早知我去邊 ~

不過...好姊姊GG, 係估唔中喎!

今次太好玩了, 不過我至鐘都仲係italy, 第2個就係呢度 , I will be back !

想知我去左邊,請留意放映日期~

Greeting to my BLoggers

Sorry ~

Didn't online for a couple of days!

It is 9:30 am, N I am waiting for the bus from here to dolphin watch in the afternoon!

I enjoyed myself very much here!

I can eat seafood, drink wine, watch animals.....

I bought  more than a dozen of wine and I asked them to ship to HK for me.

But....I felt sick yesterday , may be too much wine tasting in a day ~ N I even couldn't have my dinner ~

Nice Weather tdy ~

Hope to find and watch the dolphin as more as we could.

N I didn't visit all of my friends since I cannot read any Chinese Characters.

Clara : The wine here is lovely. The quality and the size of the vineyards are even more more more bigger than Napa Valley ~

I found u bought many things...happy Boxing day then ~

-------------------------------------------------------------------

I will leave tdy n catch a night flight. See n chat again in New yEar 's eve!

My baggage is already 22kg.....wonder they will charge me for overload!

time is up ( I paid for the internet n just 30 mins allowance)

Merry X'mas

唔知大家既平安夜點渡過

聖誕節又點過呢～

我就當然開心喇　～

有我鐘意食既海鮮，又有美酒！

 

平安夜

放假喇～～～～

祝大家聖誕快樂！（我用左隨意門）

今早１０點多收到個令人鼓舞既消息！

但係而家２１００既我已經好想瞓喇～希望今早呢個消息會令我有覺好瞓喇！

呢份鼓舞既消息絕對係一個預收既聖誕surprise,美好既一日快將開始～

見曙光喇！

小G＋Piglet你地唔好走失呀！

 

過冬

因祖母夠期搬墓　

家父家母今個星期已回左鄉一次

諗住睇完果個無問題就由得家鄉既姑丈去整，點知又話見到個仲好既，兩老唔放心，星期五決定星期六早早出發

星期四我開OT，星期二先黎話星期４同叔叔祝壽（啊哥當日都有約，咪暫時改期，星期六就自己係家煮～　唉！等成日出街食好耐，點知得個桔）

點知仲衰！禽日出發埋，中午時ｅｅ打黎得知無人係家，叫左我晚上跟佢食飯！

CWB既利苑．．全場full

９點仲見到醫神嫂（都懷疑係唔係佢黎架）

一坐低就炳個經理：你唔得就唔好應承我話有位，要我等到９點先有得座

佢入黎之前，我uncle去完toilet返黎話見到成虫個仔，又話好多記者（以我uncel發嗡風性格，我都以為佢講笑）原來醫神當日有節目出街，我仲見到佢位千金

到我地９點半度走人，見到外面仲有４－５位記者（比我都火喇，要係外面等位又無得入黎，仲有見到記者）

不過禽日真係．．．．．我從未試過係果度食，無人換過碟，連食甜品都無比過碟ｏｒ叉

走果時，幾個好熟既部長同傳菜呀姐都不停話唔好意思（因呢個直頭係uncle既飯堂）連我uncle都無唔高興

ｅｅ仲問我去唔去佢果邊瞓（不過今早要教琴呢）

走果時，uncle又以為我跟佢地返家

ｏｈ～你地２個真係太錫我喇！

提早出糧的聖誕節

今早去ATM度整返張卡既password (因張卡upgrade左，我以後password一樣，點知禽日想過返＄比同事，先知．．．）打去card center,佢話係張通知書下面有新password,係喎　～我剪左出黎之後又無左回事（你話忙到我係唔係咩都失憶呢）

我仲差ｄ連琴學生張考試分紙都掉埋（真係都唔知發生咩事，luckily發現得早，又無清房間既rubbish bin)

順便入銀行打簿，ｏｈ！出埋糧既

呢個都叫做係一個好好既福利　（新年就無既）

不過．．．左手黎加手去，因為扣起家用，無左一半有多

呵呵　～　聖誕節耶～

Holiday MooD

終於挨完喇

不過....今日先被副手話我禽日返工件one piece 少少泡泡裙唔岩返工喎!話我果條係Party dress ~ (我加左對襪褲 )又話我好用boots包住對襪 ~

oh~ sorry~ 原來襪要包返住對boots先岩既呢 ~

同事話 : superman呀 ??

你唔低得我著得起之嘛 ~你估我唔知你咩老闆

今日..我印象中明明唔係老闆生日, 點知....果層同事要被迫咩都唔做, 連食飯既自己時間都要犧牲等佢講完重要電話出黎陪佢切蛋糕 ~

唔怪得聽日先黎通知今晚唔使開會喇

仲要未夠鐘就唔見左佢部車 ~ (公事定私事早走左呢 ?)

唔知下年我生日可唔可以request 唔開會, 未夠鐘就走人呢 ??

今日趕起哂所以report, 咩都比哂交哂喇 ~

我今晚可以早d瞓, 聽日唔攸6點起身喇 ~

今晚亦好開心咁飲左杯white wine ~

希望在明天

今晚930先開完OT返家

1015度沖埋哂涼

今日派哂野比客人check

今日趕起哂份會議紀錄, 不過仲爭車果單既report未打, 希望聽日有時間整埋

頂埋聽日...我就一片光明

我可以好好去享受我既不長又不太短既假期

我思我想

呢個星期完全係趺落新低點 ~

聽日又黎OT (10點前走得未呢 ??)

星期5....6點走得未呢 ??

聽日要趕好多野放假前清哂佢 ~

我好想好想瞓過夠 ~

好想好想放假

好想好想唔使見老闆同班客仔

好想好想唔使日日6點起身 ~

好想好想......

                           好想好想......

仲黎? (私人網誌)

好多樣仲黎

 先係今日唯一一堂休息無左

- 因為....出卷同事已同我地各人事先張揚會考哂, 咁當然我地有出練習 (同一份野)比學生做

 - 佢自己講左比某d學生知幾分

- 咁就出事喇, 而家有家長打黎話佢同某學生好關係d, 所以加分比佢, 又話叫左學生背野喎

- 我只係同學生講, 出左2份野比你地做, 2份都係考試既範圍, 而個book report,對你地interview中學都可以有關 (因學校可能叫你講下你鐘意既一本書) - 即係擺明要佢地重視

- 2份考試作文, 得一篇係有用 (小測都有問, 不過當然無咁深入)

- 而家今日果堂用黎開會, 講呢件事! 同事要出過份writing2部份既野 。

- 同家長解釋係 : 有人背書既範文 (因本書真係講哂一篇book report) 所以考唔到學生真正的實力, 所以呢2part要考過

高唔高興就無諗過, 只係煩要改多次o者! 因個個都有份通水, 不過我打死都無提過考呢d野囉 ! (不過有實力果d真係背得出黎, 得少數唔知寫乜)

----各位 : 我第一間野試過係我鄰班都聽到出卷老師叫學生溫咩, 我聽咩我就講返咩, 擺明話係大家一齊聽到人地老師講既 !

對於出卷, 我絕口唔提同學架, 我真係有品的 ! 雖然我內心對某位同事有微言, 因為佢真係講比學生知有幾多篇文 / 作文....or 有幾多parts咁, 我係好恨心咁咩都唔提 ! 因我知一比人知, 以鵝轉鵝, 出事既一定係我 ~

 至於校車單野, 無咩事lu~ 所以野都衣正黎做, 家長根本唔係衡我地而黎.. (雖然班細路都無咩點變, 嬉皮笑臉咁 )

我今日下午, 忙完呢單補考後, 仍然頭痛, 最後"pac " 左一粒panadol

就係因為無左一堂, 我係監作文卷時, 我企係度改左大半常識卷 ! ( 作文無哂大單事會發生, 所以安心d, 如果監其他堂我就無咁大謄既)

利用小息同午膳既短短時間..我又改埋大半另一班既卷

做咩咁趕, 一來星期4要派, 二來聽日我要負責英文週會既短講, 多得呢位出卷既同事,佢比左篇reading comprehension係有關我聽日短講既topic

總之, 講完就擺就 ~ 5mins又好8 mins都好,我只要完成, 我唔要好既comment (我老闆話咩要互動喎 ~) 岩岩考完試, 點互呀 ~

而家要開工去讀下我篇講稿先 ~

 另一補習消息 : 禽日有突發時, 所以我要打去改補習 (我都係想補埋今星期)

點知, 媽媽話 : 你係咪好頂佢唔順, 我都唔想難為你, 我都見你教得佢好勞氣, 我聽日過返$比你?

過 $$?? 我聽日可以黎, 你須唔須要我黎呢 ?

我見你都唔想教佢, 我真係唔想難為你!我先生都話如果你真係唔想, 咁就快d出埋d糧比你喇

我見就黎放假, 咁我都可以補埋今個星期既

ar, 我見你有時病都黎, 真係好辛苦, 佢又難教, 咁你真係唔想教,我都唔想你咁趕

x太, 我今日真係有突發時唔黎得 (我唔係想耍佢) , 咁你是否想我聽日黎呢?

我明你今日真係有事, 咁都就黎放假, 我聽日過返$比你

(內心: 是Q但你呀,仲好呀, 星期3想同同事食飯, 家下唔使同你請假) 好呀, 又唔識寫我個名, 講盡都唔明, 真係吹啤啤 ~

不過, 我今日check左, 佢未入$$ , 等埋聽日再算 ! (我都信得過佢既)

 最後仲黎既係...3個紅色炸彈

不過, 我地已有10多位同事夾賀禮, 因為我地都唔會出席

(今日呢單, 有友人問 : 佢都無放利是入去! 我反問點解有利是 < 同事話係要回禮先有利是果喎! 咁唔去即係...唔使回禮 ?? 有無人知架 ??? 係唔係真架 ? 不過收得人地封餅卡, 我地最多買d 見得人又唔太cheap既 )

某年有位合約同事, 擺明會走人,臨走個個都有喜帖, 最後每人夾左差不多一張餅卡既價錢送左份見得人既禮比佢 ~

今次睇下買手買咩先 ~

仲黎??

疲倦轟炸 ~

是日好好既唯一一堂休息, 又變相無左 ~ 唉 !

headache

我今晚10點先返到家

我今日3點25分先食我個lunch

我今日咩休息時間都無

我好多野想做但無時間做

聽日後日仲有大把野比我趕住交

點解??

上回既apricot orange事, 大客因司機既褓姆既不友善態度, 佢地當日晚上去左報警

而係當日下午時份, 亦通知左醫低B (今午同攪事者見面會談, 今晚7點就見呢個去報警既 )

我今日就係聯同高層去處理呢個問題

今個星期要交既會議record< 我未做

星期三要上台短講英文20mins (要配合主題, 不過....我連主題既英文名譯做咩我都未知, 內容亦未諗..真係諗起都頭痛)

星期四要交卷 (聽日有2份要改)

星期四晚開OT到9點多10點

星期五放工後仲要開會

天呀 !我家下個頭好痛呀 ~ 

 

One cream for a Lifetime

曾係度介紹過Giorgio Armani既Crema Nera系列其中既黑曜石礦物乳霜

我好好彩, 夠定力之餘..力保不失 (不過都有買野....總之唔係呢盒$2700, 我買返支concealer only)

comment: 到口唔到肺, 30 mins only

我只係feel到佢呢舊整熱左同整冷左既黑曜石係度按下按下, 之但係, 我真係feel唔到果d cream (佢話係咁果喎, 唔似facial果d推得咁順, 因為佢真係會比皮膚吸收, 又可能我比較乾, 吸收得更快.....oh~ 我禽日先做完個唔使 $既貴野facial, 無奶油果喎!)

另一原因係 : 佢按果時, 我只係feel到佢對手....好鞋下.....試問我又點試到你講果d功用呢 ?

that is why吸引唔到我買 ~

相反禽日果個就真係舒服到爆, 又有浴衣比我, 又按肩頸, 只係 $420一次...豪左d 浮誇左d (我估找間家附近, 裝修得豪d, 似食左自己果d, 可能分分鐘會平少少既 )

最開心當然就係, 佢洗得我咁乾淨, 我無可能就咁走, 我叫左staff幫我化返個妝再轉場去修眉 (今次個男staff又化得幾靚下)

禽日收到citibank寄黎又係呢個facial massage (都唔明, 12月7日至31日,但我禽日15號先收到) land crawford & Element唔用得 ! 今日經Charter house入去問問, 佢地話無facial room (咁即係全hk得2間做得喇 )

返黎打去booking,佢話12月full哂, 我問返佢月尾到期囉喎!點知佢話無問題, 1月一樣ok!我又book左lu!試埋今次睇下係唔係手勢問題先 !

PP既x'mas tree

與blogger之約會 (已upload相)

呢位blogger係因我去美國而識, 雖然唔係係美國見佢

亦因另一原因而令大家有更多話題

佢臨別在前, 點都要同佢見一次

係佢百忙中, 真係偷到個時間一齊去tea (因我知佢日日都太多booking了)

禽日果件事,我幾怕要我今日返去整埋d手尾, 又怕佢誤我今日個free facial呀

學下好姐姐                     待續先 ....

禽日中午我係上個月已book左Kose Cosme Decorte度做free facial (係積分度redeem既)

真係絕不欺場, $420 既1個半小時 (先黎一杯洋甘菊,再影張相做皮膚分析) 有細細地更衣室仲有鎖既

全部都係用AQ Cosme Decorte既product

最後仲有得化埋妝整返個靚樣先走 (係寫字樓內, 得2間facial rooms)

臨走時, 仲左包samples比我

仲有, service非常好, 完全無hardsell你去join course

之後, 我就趕去ritz calton同Clara食

(本來想食high tea,不過成 $2xx一位,所以最後選tea buffet; 環境舒服, 野食選擇就唔係太多 ; 不過佢杯檸茶, 好香茶味) 我只係在晚上時係lounge度飲過一次時!可惜佢月尾就close了!

多謝clara送既body cream,好香耶

第一次見面, 都已經好親切的了, 希望你到左美國同Antony生活,遠離呢個行業會更開心

等車時,見到遮打道呢棵聖誕機好特別, 影完miss左架巴士

apricot + orange day ~ (私人網誌)

先講今日發生咩事

講左今日1230放學, 我105先睇哂校車走 (禽日115先走哂)

130 要去開會,分別開4個唔同既會接住黎

530先收工

130個長命會我仲要負責做會議紀錄 , 一星期後交 (咁即係放假前囉,仲要下星期要2日內改哂2卷, 頂佢個髻話要20號派卷比學生睇)

慘事黎喇 ~

開到330 ,副校急叫我覆家長電話 (我問係唔係某個學生, 因佢家長係125打黎, 話接到個細仔, 接唔到大果個, 話唔知比司機拉埋去邊度唔知.....我答佢我見住佢上車 - 因上車前比我要求佢sip返恤衫落褲內) 最後我係比左車公司既負責人手提佢叫佢打比佢問

總之同車同級呢幾位都唔係好人黎既

原來係條pk係車度唔知點飲水, 噴左出黎, 被司機鬧 (F同學話佢地係講有人倒瀉水, 不過唔多嘈果喎 ~~ 呵呵 ~ 你估我信咩 ! 你地緊話唔嘈)

出咩事, 咪就係司機火黎, 推左佢一下 , 話 :你走咩呀，咁鐘意就留係車度玩！

之後家長話司機好禁錮佢地幾個，（事實係點我未知，因我無聯絡司機）

我估計係司機想車佢地返黎比我地鬧，可能家長電話到,最後就車返佢地返車站, 而司機又lock車門, 行埋落車同P學生家長嘈 (係條街度)

無論係點，佢推學生　＋無通知家長既情況下唔比佢落車, sure佢處理唔好(咁咪蝕章囉 )

而另一當事人（即係噴水果個，叫P同學）佢今個月先衰係校車講粗口，不過唔認，我有幾個証人，佢都可以係班主任面前喊住黎唔認！(不過今晚係電話度被F同學踢爆, 呢d人有事就推, 話咩都無份佢, 係P架咋,講粗口都係佢之嘛 ~~~)

而家F同學既家長要追究

P同學因家長識我，暫時比我擺平 (何況佢咁多單野一齊黎, 又六年級找學校, 我有信心用唔記佢缺點黎令件事告一段落)

因考試，F同學mother叫我地星期二考完先查，但兩公婆都唔知有無溝通,father就在F由補習回家後叫我打比F問, 仲要佢父親不停問我點處理（你估我開架架車公司，而且我緊唔答實你住！件事又未查，你估你個仔好人呀）

佢不停係度發表不滿，激動既情緒！當然我有表明我地都覺司機係處理唔妥善（佢話直頭有問題，我用詞好ｏ者！）

不過你要指責學生係車上行為唔好係褓姆責任，你姓賴架

我話佢地根本無擺褓姆在眼內，我反轉話我都比佢個仔唔禮貌回應過呀

講多２講，佢咪收口，比我了解完再同佢報告！

真係老味呢　～

明明５３０走我，事後都要傾電話到６０５先走得

你話唔係apricot + orange都唔得喇

 

apricot + orange day ~

講到明今日開會會好忙, 由130開到530

第一個長命會我仲要做會議紀錄 ( 頂, 仲要1星期內交)

至於杏橙事件 ~~~

有緣先傾

透支

體力透支ed

禽日補完習返黎, 死左一半 ! 又要整野, 最後11點多先瞓

今日, 改~改~~改~~~

慨歎今時今日既讀書人, 唔珍惜擁有既

亦不得不唾罵身為父母既, 對子女成績及學業既不聞不問以及不關心

唔理欠功課, 日日唔簽閱手冊。見個仔唔主動, 就由得佢 (果屎個大女又唔見係咁, 唔知邊個想當年哦足我老死成粒鐘, 最後佢遲左個多鐘黎食cafe too buffet)

考試2篇唔作 (但2篇佢欠足我3日, 前日先交完。佢夠膽死答佢班主任佢睇唔明題目)

咪用d咁既籍口喇 ~ 無人信架喇 ! 一係果2篇功課唔出自你手筆架喇 !

我都唔勞氣既! 總之我盡左我本份,我就算 !

又唔係我升學,又唔係我考試 !哼 !

出左成績喇 ~

禽晚返左學生既成績

唔係高, 唔係低, 總之就係我預算之內

上年考3級, 平時書都未教完, 家長又話要考4級 (本來想考5級呀)

又唔知唔多練, 幾年前已叫你買琴, 你又話可能搬, 買左個你堅持媲美鋼琴既digital piano (係無o徒位既) 佢只係放左係飯廳個唔多用既高身酒 + 茶杯櫃既前面

禽日打去報告成績, 就問我係咪都應該要買琴

家長啊 ~ 多年前都講過digital 一定唔同piano既touching,係你要自己要令自己相信部digital係媲美鋼琴之嘛

又唔係wood hammer,又唔係自己用力彈落條弦度，點會一樣呢　～

佢最差就係sight reading (鬼咩，人地幾本書，佢一年一本都未用完，為左考４級；所以2年都無彈哂！教佢數陪佢數，我有我數佢有佢繼續錯ro play it correct by  trial而唔係真係明！）你問我點解佢成日都呢ｐａｒｔ差，你就真係要好好叫貴子女自己好認真咁去數先喇，本書乾淨過鬼，全部都係我mark既，叫佢地自己練時去mark好似叫佢地去死咁！

其實佢練曲ｏｋ，相反另一個我就真係打定輸數（又要會考stop左幾個月，又要short term memory　－　成年都背唔哂scales)

因為報左毅進，星期６先返有琴既家，練得幾多成佢自己知（會考仲要得幾分，全個家族都係同一命運）

我已同補習果邊講，我報埋呢個聖誕就同佢講88

而家加返個theory（考完琴果個要開始學了）條數都已經係度，我無謂又要攰，又要勞氣　（禽日佢留校練田徑，留哂全部英文功課係學校，又要做錯頁　－真係check少眼又黎欠交的了）

我真係唔想份工都已經夠我死得，之後仲要我咁攞命

馬會請的 ~

禽日買既其中2支酒, 今日由馬會送贈比本人

因為, 我贏左馬囉

扣除成本, 有$3xx多 ~

本金由本人出, 今日出左去街 (無入馬場,否則, 頭馬相一定有我份影)

點解贏咁多, 因為.....我買中左條單T囉 !

咪以為我買好多, 我用膽拖左3隻, 每條買左$50 即係成本 $150

另加一條win $100

共 $250成本 ~

好開心咁收左 $6xx

唔係對呢隻馬咁有信心, 我係唔會買T既

 (其實一直我只識買QP / P/ W )係表弟上次教我買T 同四重彩 (都叫好彩無買4重彩, 否則唔會贏架喇 )

咪話我去賭, 我只係對某隻馬有信心我先會去買, 真係最多$50 (呢隻馬就$100)

真係輸左當食左場buffet, 輸少就當贏,. 贏左就開心咁囉 ~

(今次都叫做贏多囉 ~)

ShErwooD

今日出開去CWB,去左city super入酒

買左新歡Ontario,之後sales介紹左隻飲得過既

無錯, 呢期都飲NZ既酒 ~

佢仲介紹隻法國, 不過...飲得多唔同國家既, 愈發現...好酒多的是, 咪貪歐洲貪貨 ~

BeSt SeCreT

禽日被本雜誌既一個標題吸引左, 買左本野

一睇....今期無買錯

好鐘意佢呢句 :

人總有自私之時, 愛show off又唔想太高調, 最好就係Keep it Secret, 識貨者自有法子

你睇唔明??? 岩果喎

你睇得明??? 我會懷疑你係唔係真係明

明與唔明都好, 唔好問我講緊乜 ! 哈哈

當然我真係知自己寫乜....因為呢個就係BeSt SeCreT

大少奶之生日聚會

今日真係好開心可以同大少奶預祝生日

 今晚10多位bloggers一齊約係飛E介紹既餐廳度

包埋成個場

大家嘻嘻哈哈

咁又由8點食到11點多

今晚除左大少奶收到好多豐富既禮物, 好多bloggers都收到唔少既

當然唔少得就係餅神整既蛋糕

先黎cindy買既壽飽

再黎係餅神vanlily整既士多啤梨蛋糕

其他既聽日先出

飲完酒, 真係好眼瞓呢 ~

相片出場

先上翡翠螺

水晶蟹及加拿大蟹

再上維珍蠔及 澳洲蠔 + 車厘蜆

龍蝦沙律另加淨龍蝦肉

同場加映好好味既Garlic bread

花膠湯, 借minicorgie 既龍蝦湯

豆苗,白菜都要影既我, 好耐未食過聖子喇 ~

唱聖誕歌賀大少奶生日 (我好叻呀, 我裁過架, 無哂人樣架喇 ~)

@海鮮站 : 尖沙咀港晶中心地下 (近消防局方向) 在corner位

望穿秋水

今日收到信

張卡到手了 ~

呵呵 ~

conrad, inter con.....

哈哈, 黎緊要約沙田家姐去試下先 ~

今日係留左班學生補默既第4日

由星期二既8個人,默到今日既5個人(即場改,唔合格第2日再留) 到星期一 (聽日開例會留佢地唔到) 既2位VIP

呈分, 點到我唔緊 (不過...班客人話:阿爸話咁屎，早就應該留）

我寫得文雅的”分數稍遜”阿家長好人到幫我寫係旁邊　－　”好差”

啊水唔知貴子弟食蛋咩！

我敢係手冊度寫得咁白先得架！ 

可以進行聖誕倒數未呢？

今日最後一份卷都ｏｋ埋喇！

本來今晚係預左整書單，不過隻手指留左係公司（ｏｈ～以後整完卷唔使拎隻手指添！今日想整，點知又無左個吉堂）

Good News

今日收到個missed call, 見有留言, 打去一聽, 知道係邊個打黎都已經由心裡笑左出黎

因為係語常會 ~

負責人話係打黎confirm一下個address,因為我果筆進修費ok左, 佢地會寄cheque比我

哈哈 $呀 $呀 ~

不明來歷的bloggers ??

呢排成日都見到好多我唔多識既bloggers入黎睇我blog

奇就奇, 呢d名古古怪怪...如 qweqwe, abcabc 咁 (不過有個我已知佢係邊個, 我都唔明改個好d既名根本唔會比人懷疑, 就係因為咁先比我check佢係邊個 )

至於某位blogger, 其實我好想係blog度寫你的了 ~

你唔係每日入黎,就係隔日入黎, 我又唔知我識唔識你, 你對我咁好奇 or對我寫既野咁有"興趣", 咩先唔留下言呢 ? 等我知你想知我咩都好呢 ~

你唔知我講緊係唔係你

你係你blog從無寫過網誌

你有張花相做頭像 (咩花就唔好要我講到明呢 )

 我已係你留言板度由11月留到12月 (你一碼一星期入黎睇3-4次)因為你每次睇完我都係mark係你blog既留言板度 ~

我都忍足一個月先問你架喇 ~

我唔係唔歡迎, 之不過, 除左你, 仲有好幾位bloggers, 諸位要睇得咁密, 我真係好有興趣想知我blog有咩咁吸引o者~