電業城泰妃雞

泰妃雞上次介紹過喇　－－－　泰妃雞

不過上次果間係灣仔既

佢地係電業城果度２樓新開左

仲係街度派單張話＄１５一碗湯河

其實佢唔派我都想試下佢既海南雞

佢呢個應該係油飯，雞就好ｏｋ，飯就乾左少少．$45(唔記得價喇，不過無加，包野飲喇）

星期一去修眉後我就去食，因為得４５ｍｉｎｓ度

今次就淨係湯河，唔要野飲（因為唔包）

我要左雞絲，我估個份量應該係比正價少既，不過夠我食架喇

正！有愛ｓｐｉｃｙ舊同事問有無辣粉，有頂喇，否則我係唔會食湯河既

（可改金邊粉／其他野，不另收價）

＄１５ｋｏ個ｌｕｎｃｈ，正　！

只限呢間分店，只限堂食，全日供應！！！！！！！

呢篇公開返先．．．．

文化差異

今個月岩岩踏入簽約琴行的一週年

教就無教足一年既, 簽完約都2個月後先開工 (training 嘛...)

上個月係人工最勁既一個月

不過今個月又會回落返d既 (班外籍人士外遊哂, 佢地通常佢唔學, 9月先再黎過 - 再regist 囉..到時再編返比唔同老師架)

anyway, 總之人工都叫ok先喇.....

今次講既差異 係 :

我2個多月前收左個加拿大藉妹妹

佢老豆第一堂陪佢黎就話just  for fun, 死都唔肯買書

(本書係一set 4本既, 我見佢咁, 係後欄拎左本書先 )

呀串咀後尾知, 話做咩唔叫佢買....呀姐, 唔係你教45mins, 我無本事無書都可以教足45mins囉....仲要第一堂係welcome家長陪上堂既

佢當日係學1點, 第2堂先係 1245, 點知佢就1245黎左, 死都話係媽媽提呢個時間 (其實 handbook 係mark左1點)

佢傾傾shoulder, 一面臭串的咀面, 我習慣早到, 所以提早上無問題..

第2堂佢比 $ 陪上堂 (呢度rule係家長陪要比 $30 @)

之後佢再教下個月學費  (oh!, 一開始第2堂, 我都問會唔會買書, 佢又咀妙妙話好喎! -- 註 : 佢話唔買的話, 我會唔借本alfred書比佢, 我會是但拎本難到死既john thompson囉 ! 因為我目的係令佢唔學, 我唔mind 收少個呢d )

ok, 學完, 串咀同事問佢選唔選擇一次過比哂 家長陪上堂 $

咁我問囉.....加拿大爸爸話 : 我唔係睇個女上堂, 我係睇你(老師我呀) 囉,第一次你淨係叫佢you should do this, you should do that ( 咁第一堂教手勢教音, 咁就係咁架喇 ) 不過第2堂你就多左encouragement....

我都打左個突...

之後某堂同佢comment個女既情況, 提佢一句,佢手指有個位唔好, 佢話small hand, 我答佢係 : 我唔mind, it　is ok ...同意係手細難控制

點知佢突然好大反應　：　話我disappointed 佢．．．．話即係我無奈認同佢

我答佢我唔係，　佢話你答it is ok　＝　無奈認同！

？？？？？？？？？？？？？？？？？？？？？？？？？？？？？？

好喇，到前幾日，佢話星期二sick leave, 星期一主管通知我，話佢無醫生紙ｂｕｔ都要補（無醫生紙係唔補堂既）我問點解，佢話佢鬧足串咀一朝（一朝？？有無咁誇，不過．．．如我所講，佢某ｄ情況係好straight, vy mean 既）

事後我同主管講返我既遭遇，主管話算喇，頂多一個月佢就放假唔學，到時找機會轉走佢．．．．．（即係唔收佢囉）

其實要補比佢我唔ｍｉｎｄ，因為佢係第一個學生，我最多唔返咁早，仲可以留家係食埋晏先返工．．．．

好過星期三果個法國妹，老豆黎嘈話點解唔舒服一定要睇醫生．．．佢中間佔我一個鐘，我坐係度白等囉．．．仲要有人唔同我講，找某堂補返比佢　（我係ｃｈｅｃｋ返先知呢回事，因為我明明記得佢嘈過呢回事，不過又找唔返佢sick leave果日既資料，我叫職員查先知２月我補左（？？正常上堂日何來咁補－　所以我咪知佢地應該係無收佢果堂，將２月其中一堂補返１月病假的堂．．．咁我咪無收一堂學費囉）〕

所以．．有好有唔好既．．．．．．我都知前線人員受氣係唔好，我同情架．．

所以佢計又好，　唔計又好，　我都無得出聲，自己受左佢就算．．．．

今日問返同事，佢話唔係鬧，係電話度來來往往咁囉．．．．大家都有大家既堅持．．．仲要老外真係買左個琴　（我估佢一定買二手既．．．）估佢應該唔會ｓｔｏｐ，不過佢又堅持唔會黎比７月學費（因佢地提佢月尾要交，否則要罰＄２５）佢話佢唔ｏｋ個罰款囉．．．佢都痴膠花既．．唔交咪唔留位比佢囉．．．

墨丸大王

本來星期六想去試埋豆豆既

(因見佢可以轉通粉 / 米粉, 又唔使加$)

不過都係試埋文輝墨丸大王先 (係正翠華對面之嘛 )

都係殘既裝修, 所以都係 $23... (今次飲熱飲 , 凍飲佢  +$2之嘛 )

我要左個沙爹牛肉 +炸菜肉絲 通粉 (如要一款餸就有多火腿 +夕煎蛋)所以睇你想要咩喇

第一口食牛肉覺佢咸(死喇, 我而家食哂都覺好咸咁既)

不過食食下又無野, 亦唔係話好多味精

飽哂 ~~~~~

豆豆餐廳 @ 謝斐道

係總統商場果邊, 有呢間好豆泥的餐廳

外面都ok, 裡面就好細

我估所謂既卡位都坐得幾辛苦下 (真係面對面2個人架喇, 多一個都無呀)

我去左食tea, 因為都見平

 $23, 唔加一....伙計都仲係用原始寫單的

都好味架, 不過就比太興果d油左少少囉 ! (不過3點多, 都仲好多公公婆婆係度係三文治, 有個伯伯仲將食唔哂既排骨飯倒入膠袋內拎走)

隨你鍾意@ CWB

呢間知道出名, 岩岩前幾日hea時間行左教協果邊,

路過門口見到menu

咁就星期三去食喇

可以自選sushi, 亦有飯及蕎麥麵提供 (冷都都有架)太多到我都唔影喇 !

好想食魚生飯, 呢個當然係首選喇

三文魚+魚籽+海膽飯 (記得以前係榮川度食過.....而家唔係間間都有架)

另包一碗湯,不過可以加$ 要汽水.... ----$80 (有加一)

 (另有熱茶提供)

上次去元氣食到把火....d魚籽咸同痴埋一齊, 好似雪得太耐, 仲要落漏單, 不知所謂 (我係朗豪坊果間食, 唔係為左友人去visit佢間新店, 我都唔會花$食完先出發 - 不過點知友人無覆我, 要我白行一趟 + 食到成肚氣....)

呢個完全得呀 ~~~~~~

係鵝頸橋底之嘛, 見到教協再向伊利沙白體育館方向行就係, 佢仲有2間for 堂食手卷及刺身, or 買回家既packing....

瑞士咖啡室

呢間野

位於灣仔道，係正新世紀廣場對面　（同大快活同一層）

見住佢開架

不過好少行過去食

見ｂｌｏｇ友呀ｂ去中環果間食過

咁我先去試下（不過第一次去時，見到越亮,pho 1988, 就無試到）

好多野食，多到我都未睇哂，哥哥姐姐就黎左２次問我要落乜order

我見到雞翼就雙眼發光．．．

要左個瑞士雞翼撈公仔麵（＄４２）

凍飲＋＄３，即係$45喇

見周圍好多人都食有奄列定炒蛋物體

估計佢地應該係食常餐

（有牛油餐包，蛋同　腸／肉丁／餐肉只可選一的粉麵類）＄３０咋

怪不多咁多人食喇．．．．．．．．

呢ｄ茶記服務快（好”主動”走黎問你落得單未）上野快，執野都快（食完即執，鬼咩等你無得hea 嘛！）

個雞翼另有汁送上．．．讚！

馬玉山

呢隻係台灣出品

因為上次買果隻泰國wheat germ已搵唔返 (之之島thai festival買既)

sogo都有另一牌子, 不過好大盒, 仲要 $6x, 話係美國定australia product, 但個盒就全中文..

咁我不如買隻台灣野lu

呢個牌子仲出咩薏仁粉, 黑芝麻 (家父朝朝早都加落oatmeal度)

佢呢隻無我上次買既咁粗, 所以杯底無咁多野食

but anyway..禽日見到舊blog友 (thanks for 菠蘿酥, 等車時食左一粒), 朋友話我瘦左, 哈哈, 唔好氹我喇 ~~~~

我無係之之島度買, 因為佢要$39 .x 一樽, sogo都無佢咁貴

我去左華潤堂度買, $36.x 

21/6 update：　教協賣＄３０有找．．

聰嫂星級甜品@ 霎東街holiday express inn

見blog友check in去食, 我又去search

原來一直都係將軍澳, 之後係times square後街都開左間

即去喇...

咁多張相係我食埋食埋一次過先黎post (費時出咁多次, 否則post左乜我都唔記得)

第一次試既係薑汁意大利涼粉

唔知點意大利法,不過涼粉 +薑汁好正 ! (試過外賣回家吃..ok) $22

見唔見到每張相既上半有d 陰影, 初用iphone唔知咩事, 以為貼紙無撕走, 用用下又無事喎 !

之後再去試芒果唔記得咩冰(係芒果椰果冰), 勁凍, 凍到上腦, 如果熱到中暑去食一定好正, 不過我就唔多岩咁凍feel ($24)

最頂果個係勁好食, 我好鐘意既榴槤黑糯米, 佢加入芋頭同粟米, 好有o趙頭 ! ($30)

再黎上面係芒果奶昔燉雙皮奶 ($28) 係就係幾特別, 不過個雪糕匙勁難 "杯"黎食, 芒果同個匙都唔配合, "杯"完芒果都唔知點 "杯" d雙皮奶)

下面係榴槤水晶珠 ($30) 把鬼, 怪不得有人要求呢個走水晶珠, 無錯...比個水晶珠破壞哂......(咁既價, 食黑糯米低好多lu!功夫都多d喇 )

椰汁芒果黑糯米 ($26) 初時睇返相, 都唔記得咩黎....因為d椰汁遮哂d 黑糯米, 上次食食下, 都以為自己叫錯野...食到最後先記得因為多左椰汁...攪到無哂上次食好好味既黑糯米感覺

芒果涼粉  ($220) 都好match, 因我唔好豆腐花, 所以唯有試加左涼粉既喇

最後係前幾天食既紅豆茸涼粉 ($22) 紅豆正 !!!!!! 

總結 : 芒果, durian好好食, 紅豆亦不容錯過

 下次想食小儀話都入味既龍眼冰先....

我咁記得價錢係因為拎左外賣紙

越亮 －Pho 1988 @巴路士街

係openrice找唔到地址呀

我淨係記得佢叫pho唔知1988定咩.... （２１／６　update返名稱）

食vietnam野既 (係食臭豆腐出名果間泉昌後幾個位就係)

旁邊仲有間食日本野既

本來想去食瑞士咖啡室

見到呢間野就去試了 (都係午餐時份)

呢個係紅燒牛肉檬 (不過serve果位姨姨就唔得了, 唔熟位- 將我碗野比我身旁果枱. 食檬又唔記得比汁我....)

要左杯奶茶

個香茅雞翼唔包既, 不過我鐘意食雞翼($15)

否則呢餐應該係 $45左右....

佢好似有個大廚出馬既sticker係度.....

可以再試......

仙踪林

以前的仙跡岩就有去飲下台式飲杯

之後都好少去

果日見有時間(係無野做, 就去左cwb地帶行)

見到呢間野 (其實成日都路過個場, 不過無入) 見門口有牌, 都係$40樓下一個set

所以呢日就去呢度食喇

好多野都想試中, 不過2隻雞四翼 + 幾條腸咁又 $3x, 都唔知夠唔夠我頂到收工回家

都係食麵lu (我又係下午茶去, 不過無特別tea set,全部都係lunch set, but有多士set既)

要左個四川榨菜腎片花枝丸湯麵

一杯野飲 (佢無特別話凍飲加 $, 不過轉咩標準裝就加 唔知幾多, 咩又加幾多咁)

我呢杯就唔使加

先收$, 後上菜 ($36) 無加一....

我鐘意茶軒多d....哈哈 

義順牛奶公司

搵食又黎喇

今次係下午茶

好想食奶油見, 不過...而家食野真係貴

 一件咁既奶油多要 $9(雖然係粗花生, but....who care...咪又係食落肚)

口痕, 要多個薑汁燉蛋 ($23)

咁個下午茶就ko左 $32.....

我的串咀同事

我呢位串咀同事點串.數下先


** 只係for sharing, 不存在針對或什麼 (我亦不須大家認同我, 你話我不對我亦欣然接受)


-        有次”味男”同事被屈請食tea (我唔多知咩事,係sell到貴野定點, 佢地話請雞脾, 最多飲野自己比唔要味男請) 串咀唔多like呢位味男, 一聽到話佢請,即開心到同佢babe(另一老師, 好日本妹feel, 幾靚女下) 講 : babe都鐘意食雞脾,叫埋佢果份;我當時係櫃枱附近! (位老師係教緊琴既, 我亦唔知人地幾點break有得食..) 咁我咁講得, 佢當然就係無問我喇 ! (不過..呢d情況, 我覺得問係一個禮貌,你都叫得你babe, 點解無我份, 雖則我真係唔會食, 一來我唔餓, 二來呢d 人情唔要得,唔知要點還


-        有次某位離職男同事買左蛋撻返黎, 佢又係叫佢babe食, 話你鐘意食冰震蛋撻 (我估係已經放左一陣,唔熱卦) 當然亦係無問我喇, 我只知, 人地買黎一定有多, 真係人咁多就買岩數咩…(算, 我又唔係餓亦唔口痕…)


-         最串果次就係拎左渝張外賣紙返,佢瞄左下就話over $50唔會食


(因為, 我極少見佢係度食, 我估一星期都無3次) 有次晚上都係見佢食包…..(可能人地儲埋黎買chanel同巴黎世家小手袋吧)


當然我明白,餐餐都要$70係貴,不過一餐半餐咪當張紙”睇門口”囉!


佢大把野串架, 我學生家長串佢, 佢黎同我講 (share only,唔係話我)





**sigh, 寄人離下,我唔會串返佢, 我連要求都唔敢多(對任何staff都係) 有時早一日睇第2日既schedule, 先知多左個自己學生補堂 (都唔知幾時約, 無人打黎通知我)


今個月有學生原來唔學, 拎以前欠的黎補堂 (合理既) ,怪不得前日佢唔返係absent (我問返先知咋!)


今個月岩岩係返呢度既一年喇….


(哈哈, 我以為報稅 – 電子, 可以遲3個月,點知原來都係一個月, 星期一先報返, 遲左2星期….)

澳門茶餐廳

食左幾次翠華, 太興都有2次, 今次改為去翠華旁既澳門茶餐廳
(呢間唔多人,好多位, 仲有樓上一層)


早餐亦係多過翠華, 要左呢個沙爹豬頸肉 (都好入味, 亦唔太多味精)


好鐘意佢件多士 (其他店要呢款多士要加$的說)

凍飲而家度度都+$3, 真係貴....

仲有2件蘿蔔, 好入味呢 ~~~~~ 個湯底都好食呀, 我飲左少少

茶軒 - 今次食麵

星期六唔多地方提供set
lunch


果日想去ikea買箱 (因要放風扇, 唔想放地下, 買左個坐得果隻箱同2個加蓋既藍色箱放雜物)


所以去左茶軒 (唔想翻兜架, 不過附近真係無咩野食, 同最重要係無set)

個豬扒好味.....
上回茶軒飯的食評

御膳韓國餐 @cwb

上次食金羅寶其實本身係想找呢間


不過無發現佢係巷仔內 (入去先知, 大利清湯腩都開返係度
– 係近vtc果幢野摺左起樓中)


呢間係openrice 見set lunch好平, 最貴既人蔘雞都係 $70 (不過收加一)


我要左個牛肋骨


入味呀, 前菜見我得一個人就比2碟only, 走時見到人地既前菜唔同, 我估你唔食某d野可以叫佢換or 要求你想要既


可能我去食時都1點半,唔太多人…


低食喇 (我唔記得幾$喇, 不過around $60 ,晚上無食..因為收8點)

佢係灣仔道, 利景酒店見到間家庭式bakery shop果條巷行入去就係

上回金羅寶

渝 @ 耀華街

因為時間太多

有時我無周圍行下去睇下有咩食

岩岩就發現呢間, 好細既店

門口次次都排隊等位 (門口都已細, 仲要幾個係門口等, 所以去左2次都無得入就走人)

較岩時間去食dinner, 原來set只係6/7點前先有, 一係就外賣

所以第一次去散叫

第一次叫既係左邊的

包括小辣的酸辣粉 (都ok, ) 另加蛋 (我口痕想試)

另叫左個桂花冰粉 (即係桂花上另加d 似豆腐花果d黃糖粉)

入口好淡, 不過食完...oh! d 辣味全消

(我係fb度post完, 朋友個個都問係唔係小儀節目介紹果間, 我應該岩岩miss左果集, but我估應該係果間了)

第2次再去, 就試個個都會叫既 担担麵, 真係好得呀, 不過都spicy架

今次係set黎的了, 配埋個口水雞, 仲有豆漿 (佢仲有個青瓜豆漿不過好似加$8) 

我仲叫多個只可以堂食的麻麻地布甸, 麻麻地的意思係 sichun pepper, 所以咪麻麻地 (即係麻痺呀...) 哈哈, 個碗底係會見到有d pepper既, 

好想食佢既青瓜同好多小食.....不過真係貴左d (就係呢間...我拎完外賣紙返去, 呀staff話貴喎!)

Sunday Brunch @ Busy Suzie

見舊同事同老公食左3次

本來打算早2個星期前去試, 點知無位

所以就改左星期六同友人去ritz 度tea

個booking就改左星期日, 

同家人去食, 賀父親節及家母預祝埋生日 (一次過ko哂)

$350一位, 是次唔知點解有hsbc每5送一 (4月就好似係citi discount)

每人會有一份鮑魚及刺身

 我地叫埋和牛 (好似澳洲的...唔記得)

咁既價錢係因為啤酒汽水任飲 (啤酒都好得呀)

仲有鵝肝及炸蠔

上圖最下果2張既串燒 ---勁咸, 超咸.....其實都應該有野醃左, 加少少salt都已經好得, 唔知師傅灑左幾多鹽上去呢 ??

牛舌ok, 全部魚都好食

好耐無食過海膽了...好味

另有bar枱可以望住師傅燒野

喬麥麵真係一人份..

oh! 唔記得一提, 因為想試更多野, 所以我地5個人只叫3人份, share黎食...咁就可以試更多

所以任何野食, 都好少翻兜再叫

大頭蝦係最開始叫, 中途先送到...好大隻啊 !

沙律一般喇,無咩驚喜

除左一般既可樂, 雪碧, 呢度仲有ginger ale (我bro話特別啊, 好似仲有tonic soda)

我就飲左佢2杯啤酒, 一家叫左total 4杯, 3杯ginger ale及2杯coke

毛豆(枝豆)都係一般

天婦羅 我無食, 呀嫂話都係個皮唔得, 蕃薯得炸先有 (燒就無), 都唔甜既

甜品有生果, 柚子jelly, green tea ice cream及hokkaido 牛奶布甸

尾聲, 呀嫂叫露荀及南瓜 (2樣都得)

以及sweet corn及mushroom (燒物 - sweet corn甜, mushroom都ok, 所以呢2樣佢都再encore)

中圖露荀旁既係日本細薯, 麻麻地....

個dessert最好食係柚子jelly及布甸..真係飽極都要左一份 !

brunch from 12pm - 3pm (個開始時間真係唔上唔落, 因為一般brunch都係11/ 1130開始)

我呀哥話佢只係sell 環境, 坐得無其他放題咁迫, 食物都唔係話勁高質數...

所以...呢間, 試一次就算 lu! (呢間好似楊其龍有份既)

美味廚

星期三

又係時候出動食野

不過..今次無去食好野

行左百德新街一陣, 睇下有無套餐食  (我估無, 睇錯以為有....入到去又唔見果d menu)我估應該到5點前, tea都係5pm /530 / 6pm就咩都無哂架喇

唔想食粥, 所以試左呢間

要左出名既担担麵 (都係渝好食d )佢都好味, 不過渝係更好味 (而家先知我無出渝果篇, 改返先, 後2日出blog) ------>   go to 渝

好想食粉皮. 不過有雞絲就要成 $45一碟, 所以就咁叫個涼伴粉皮算

呢間食食下都開始多人...應該都得既 

BurgerRoom @ Caroline Rd

位於加路連山道

識訂係因為岩岩既dragon boat festival

見到朋友post完, 印象中呢間野好似係cwb

上openrice一查, 即去  (因為是日有學生請假, 我有成2小時dinner  time再返去教半小時)

想改佢架, 不過佢之後又要學小提琴, 費時要改埋人地呀sir

(點知佢後尾話佢想改, 不過出面講時間唔得 - 唔知我定呀sir唔得lu)

615到步, tea set岩岩6點無哂

叫左個mushroom beef burger, melted cheese fries

及一杯 iced mocha (好想飲hooegarden)

AE卡有85折 (A la carte only)

小店, 得20個位咁上下, 有3-4個係kitchen, 不過....好慢, 可以d野即叩即做...

起碼等15mins, 趕時間, 勁肚餓就咪去 !

Mr Steak 食到痾

要講明,

未知係食物問題, 定我吸引問題

總之食完教完琴返到家, 我就即痾..... (即係食完2-3小時後)

星期三....因樂理學生唔學 (本來打算係上埋最後一 堂, 星期六先考既)

點知, 佢唔黎喎 ~~~~呢條自負鬼, 話要90分以上, 否則比同學笑 (我估係佢自己吹一定得卦....)

我6點教完, 要到9點先再有....

我點左個citibank 星級餐 $378 (好似係咁上下)

先有包包, 都ok, 個牛油好味

再黎鵝肝沙律

個鵝肝條邊脆脆地...都好好味

沙律係有醋既, 好易入

再黎干邑龍蝦湯, 有粒粒龍蝦肉既)

主菜係鴨巴甸扒 ( 係有鴨巴甸3隻字, 唔知咩黎, 總之就係扒一舊. 都好味)

澳洲和牛....(有少少筋, 所以相比, 個鴨巴甸好味d) 

仲有halibut (魚魚)

仲包埋甜品, 係士多啤梨cake

我要左杯house wine (一開場, 我就拍死左隻蚊....仲有一隻蚊滋仔fly fly下...拍佢唔死..)

咩事令我痾既 ??????

WHEAT GERM 麥胚芽

識呢隻野係天蠍ｅ講既

佢話以前係singapore 度買過

係quaker 出品，Honey toasted

不過ｈｋ無，得其他牌子

之後上次之之島我見有咁樣細包既賣（泰國出品）

見平平地，　唔好食掉左都唔毛覺自己浪費．．．就試左喇

呢排都講我雖然食少左餐，不過份量就真係多左既

我都覺自己肥左，點知上磅相反係瘦左幾磅　（２－３磅度喇）

仲要PERIOD緊都無重（會水腫嘛，一般都會重少少）

我係加落野飲度，加１－２ tea spoon

有隻台灣出品叫馬玉山（之之島或者永安果ｄ都應該有得買）＄３３．ｘｘ一樽　（我見ｓｏｇｏ都有）

泰妃雞

岩岩 前日去呢邊街街時發現有間下午茶低食 n 又有泰河食

所以今日明知教到230pm就決定食一陣(本來想去呀vi介紹買衫)....點知...一陣再提

下午茶多係湯河

全部 $21, 凍飲 + $2, 泰式飲就加$6...

我要左札肉金邊粉.... (好開心呀, 又有泰式sauce....) 加奶茶

叫完野食就即收staff來電

問我如即時幫我收左個新生得唔得

我問幾點, 佢話3點得嗎 ? 果時都 245pm

我話315先得

所以快快口食埋, 無得去行街, 早到5mins囉...

連麵包都無時間買 (因是日收9點, 想745 break時食少少野)

點知無lu!!!!!

呢間野好好食呀, 可以翻兜呀,$23 低喇.....

金羅寶 set lunch

dora 小妹介紹去呢度食lunch

本來無打算去呢度食, 不過因為時間太長, 唔想食完又地方行 / 又行轉頭

所以都係去金百利算數

佢既set 價錢由 $60- 1xx

不過就無得自己燒.....

一樣有前菜, 仲好-----一個人食哂

我要左個鐵樣拼盆, 

好味...呢個set又有湯又有飯

仲有甜品 -- 湯水, 不過唔好食.....

(註 : 係湯水唔好食咋, 其他係ok既)

(private) Chocolate Library @ LCC, Ritz Carlton

位 於103 (??) /F 的Ritz carlton

真係個個望ritz開返, 望到頸都長

一開業, 個個爭住去幫襯

有2個餐廳有tea

有2個餐廳有brunch..

真係自己人打自己人

一間開早d ( lounge bar開 1430), chocolate library 開 3pm

打算2點去等位喇

點知...係就係2點先開始登記

但d人一點就開始等到有位拎

打算去lounge bar (因不是choco fans)

點知...2點多已經話要食第2round, 叫我預430-5pm...下 !!??

好, 再登記埋chocolate library

話係第14位.....

想留肚食...所以行左落element既sofa度坐.....傾下計

個多小時 (都4點多)

chocolate library打黎有位喇, 不過無哂set

是但喇, 唔等都等左2個多小時, 食其他野囉..

因張sofa係打橫, 2人一齊一邊坐, 前面就係window (不過唔係旁邊, 因行出望向下面應該係ozone餐廳)

睇完menu, 叫左小食同甜品

先黎...ritz carlton signature dark chocolate ($65)

比我想像中好, 一d都唔漏...好滑....我無攪, 飲到一半怕佢"漿"住,先攪, 一攪就見d色出返黎哂...(因唔想攪散佢d泡, 所以唔攪囉 )

ritz carlton club sandwiches,

好味..因為肚饑.... 無食lunch, 你一心去tea就可以skip

要左個金鎗魚沙律, 隻蛋好好味, 個olive亦正

唔好見個沙律好似乾,佢已預先mix左d sauce, 所以入口己有少少醋味, 好ok

唔知個fries係跟sandwiches 定沙律....原條細薯仔...好味, even 之後凍左都一樣咁好食

見有fries就必要問ketchup, 

第一位姐姐唔記得, 再問多次, 

點知一出場既係....

直情未開樽架....幾想問佢 : 可唔可以拎走架, 你都睇怕唔會比支開過既客人用架喇. 

食完, 佢幫我地換碟, 我講佢知可以上甜品, 佢答我ok, 已通知左

先黎souffle, 因為好想試下得唔得 ($100) 

係得既, 不過最好食既都係sheraton既oyster bar....呢個咁既價錢, 我覺就size細左少少囉

呢個開頭知好多味同一時間係哂入, (因佢介紹見好多層咁)

唔試又唔安落, 就試下喇 (ritz carlton choco cake $130)

我地係食哂souffle先食呢個, even 等左一陣, 個皮似脆皮咁

一d都無溶既情況 ---讚 !

一切開, 見有古古力喇, 白雪雪既野喇, 仲有coffee jelly係底部

古古力 ---以為好甜

點知...可能mix 埋其他 

頂係古古力 + crispy, 好脆...正 !

中間有cake亦有coffee味, 加入vanilla icecream, 10個正 !

jelly無咩味, 不過加埋其他層...好特別

食完無罪惡感亦無甜到漏既感覺

真係處理得好好 !

好開心是日無set, 所以叫左其他野試......

toilet view ( 友人影的 )

另 : 呢邊唔太多window seat, 何況呢...我地呢d連set都無哂既, 仲要應該係知第幾round入場既, 難道可以request window seat嗎 ??????? (有位都偷笑了)

View from our seat 

我想最盡頭先有window seat

欄杆位望下, 應該係102/F 的TOSCA 餐廳