禽日先我負責管轄既部門開左個短短既會議
經理都有sit會, 亦幫我再補充好多點....希望我可以我工作得更順暢
不過我班小朋友都好聽話
因為接手更多的工作, 所以我本身自己的工作就變得難兼顧
我又爆左d小鑊 ,都好彩叫補救到
忍多2日....就有1月1日新年假
今年倒數唔會係hk的了
我會留係big 6,
佢話帶我出廣州食野同玩 ! (要坐地鐵出去架, 出市中心都要30mins, 再轉地鐵, 所以都要成粒鐘呢 )
多謝佢為我做左好多野
佢家中買左紮花 (只係無忘我), 亦問我有無留意, 問我鐘意咩花 ~
知我怕凍買左個插電既暖包 (有時間先影比大家睇下舊野)
總之...佢真係準備左好多好多野 !
當然..佢有內疚, 因為佢天生係一個工作狂, 我試過9點多10點先收工食飯
佢覺得分得比我既時間唔多...所以佢都儘佢可以做到既, 做返哂比我呢 !
班機full哂
人又多, 明明預早留左taxi都可以拎完行李我打去後話無車比我
要我再打去另一間
等左20mins先有車
又有雨, 又凍 (我得件褸再條大圍巾咋)
而家已經1點多, pack好哂野
聽日要返上big 6了 ~
真係唔知點解次次上去都咁大個袋 ~ (無錯, 今次係拎左好多戰利品返去)
呢幾日, 每日都會同佢通電話 (係,呢幾日係bkk,早上係我打過去,晚上係佢打過黎...仲要一講就30mins以上..真係有野前幾日見到面都唔講, 係都要long distance 時講)
佢係一個怪人, 好多野唔會面對面同你講, 電話中就咩都會講
佢而家成日話我折磨佢, 古惑 + 成日話無要求其實好多要求.....
不過...佢係一個你講完佢會去檢討既人...佢真係咩都要問....
佢會講返比我知,佢冬至陪住我過得好開心 (因為早左收工) 註 : 係當日晚上通電我迫左佢講哂真心說話既 !
我complain佢好多野都唔多主動, 要我迫 ; 相反佢會講只要我講,佢會去做.....今早佢話...最多每星期review一次....(咁都得....激死我!)
佢禽晚話佢件衫留左我d香味(我出發前1日我令自己做左隻kaola,痴住左佢, 所以佢件衫有我既香水+ lotion + shower gel既味), 之後一日佢著返, 佢講我知佢好開心(因為我身在bkk, 佢無見我幾日的了)又擔心比人聞到佢身上有我既香味喎! (佢話完全唔想除, 我叫佢留到我返黎先好去洗)哈哈哈...聽落真係好sweet....
仲有2日就返到佢身邊架喇 !
仲有...點都估佢唔到聖誕前既星期日走去買禮物比我 (無錯, 佢果份.....咳咳...我幾星期前post左買乜比佢喇 ) 我真係唔expect佢會買野比我架 !
某人問 : 你會唔會成日想住一個人?
某人問 : 你會唔會好想成日都見到同一個人?
某人問 : 你會唔會好想陪住佢, 時時刻刻都見到佢. 而唔想其他人霸住佢
某人問 : 咁果個人係邊度呢 ?
身份問題, 要考慮…..ok 岩 ! 某人問 : 可以考慮幾耐?
呢d野唔係感覺黎架咩, 總之比左機會既, 感覺過左就無左, 機會就會無左, 到時再做咩都無意思同無用
點解係要迫先講出黎, 男人之家, 扭扭拎拎…問題仲多過女人
不過…多謝佢…一迫之下咩都講哂…..
多謝佢 : 我感覺好溫馨
多謝佢 : 今次好實在
多謝佢 : 令我覺得自己好重要, 佢好鍚我
我真心覺得佢對我好好
因為表態後既第一日後,佢話秘書問佢點解今日成日都咁開心; 有人請假要佢批, 話佢比平時更開心….
係…早上見佢無情情都會係度笑
係佢 : 先會問我有無掛住佢
係佢 : 每晚都同我講接近一小時既電話
係佢 : 先令我覺得自己既付出好值得
even 而家我身在bangkok, 佢都會打比我,講左45mins既電話; 佢會同我講佢好掛住我, 好想見到我……
佢會care我講既對佢既comment, 佢會前思後想, 會問返我點解, 佢會諗點可以做得更好, 亦會問我仲有無投訴
係…今次愛的感覺太真了!
終於等到聖誕喇
半小時前應該已到達機場
因太夜又想早d返酒店, 而且又收到酒店既service email
可以安排係arrival gate度接我,再經fast track過海關, 亦有酒店職員陪我去拎行李及送我去坐車
希望假期後我充完電再努力工作
因為岩岩應承左某人, 返黎後要好認真咁接手工作 (我問佢我唔認真咩 ?)
今日又比徵召回hk, 無錯呀, 又叫我帶野呀
今次係太子打黎 (係, 因為無人叫得郁我架喇)
你老味呀 ~ 又話3幾條
最後係1x條有多 ~
我已sms 太子頂佢個肺, 佢打黎hehe haha...
返到office, 我忍唔住頸
成個袋拎入老闆房 : 呀sir我要投訴, 佢地蝦我 !
sir : 蝦你咩呀, 叫你拎野返黎呀 ! 你個袋都唔大
GG: 唔大, 你拎下呀, 次次都咁多條, 想拎死我咩,
sir : (佢真係拎下 之後話,） 邊個蝦你, d野邊個既, 我幫你出頭
GG: 你睇下幾多點, 我3點幾都未食野呀, 你個仔就肥c大隻, 我咁瘦.....
sir:邊個唔幫你叫車過車，要你坐船返黎
GG:我點知呀，我次次都被老點！
sir :得，我而家打上去幫你鬧人
之後，佢真係打比太子炳餐佢既，話以後再有野一定要車轉車咁送我返ｈｋ，；仲話咩唔重呀，而家成個袋係我前面，我拎左架喇，真係好重架 ～
then，老闆將成袋野拎入老闆娘房幫我投訴
end up 老闆娘話以後有車先叫我帶，無既同佢地班人講我唔返ｈｋ，我唔帶 ！
佢亦話叫ｄ女仔自己上黎拎走！我亦乘機投訴豪包餅比我事件等．．．．．
呵呵 ～ 真係大快人心了！
merry x'mas !
岩岩既星期二..
老板娘來電 ~
吩咐呢樣 , 吩咐果樣....
我都係當日已好休閒睇緊email, 未出發離開我個位
我最唔鐘意係, 佢以為hk 好多野幫我做哂, 我淨係追其他野, 我無咩野做
所以理論上我應該有好多時間兼管好多野同睇理 好多野~
sorry~ hk果邊只係同我做收發 ~ (even幾時發我都唔知, 我只係check big6 sent出去既email我先知囉 , 運輸需時, 佢地幾時收到再send出比客我係不知情既)
答客既野我自己負責返, 我自己既客我自己跟返....我又邊度得閒呀!
呢頭整完, 呢頭被call去開視像會議 (妖 ~)
經理知我被老板娘哦完, 走入黎問我比人哦乜 ~
講講下 (其實真係唔多想傾) , 我伏左係枱上, 叫我經理走開, 由得我 ! (死佬....唔走喎! 又死蠢唔知我咩事.....我頂唔住, 我真係流左幾滴眼淚, 佢睇唔到, 因為我已雙手掩臉, 講左句sorry, 叫佢比我冷靜下 ~)
lunch time, 佢同我傾 (太多野都唔知點同佢講, 佢既想法真係唔同我, 佢又唔係我, 佢又唔使跟客,佢鬼Q知咁多煩野)
dinner都再傾 ~
返到家, 我係飲左幾杯酒先瞓 (因為我真係唔想亂諗瞓唔到) oh~ 我上星期帶左支紅酒上去喇 ~ 成個雪櫃乜c都無, 除左4支baby moet~ 酒仲多過水~
呀經理係擔心到打黎同我傾左成個鐘 ~
我諗佢點都估唔到我會喊囉, 佢覺老闆娘係炳左我餐勁既, 仲覺我有野瞞左佢仲未講出黎 ~
忍多一個月到新年...d貨應該趕哂, 無咁辛苦的了 ~
岩岩過去既星期日係IFC附近度遊下遊下
都唔知食邊間好
最後決定去呢間, 因為有85折呢 ~
B仔呀 ~
見到menu竟然有oysters....食呀 ~ 加多杯Carbenet rose
4隻夠架喇 ~
好大隻呢 ~
已唔記得係咩汁lu~
要多個lamb rack, 麻麻地, 唔係唔好食, ok架, 只不過唔係我想像中咁囉 ~
當日見到梁愛詩呢 ~
要多杯cappuncino, 心思思加多個hazelnut souffle (都係sheraton果個最得我心呢)
最開心除左有折, 仲要呢張credit card係IFC dining 有10倍積分 ~
我而家都攪唔清我係咩職位
禽晚同經理傾計
佢話以為我係Assistant M. Manager, 痴Q你線.....得中間個inital係岩架o者!
佢都奇怪.....(所以我先唔再願做太多太多野)
太子今日下午仲叫我要同我下面條team開會 (真係唔知嗡乜spring)
我扮死, 唔肯開, 叫佢要開就自己開...(死野成日唔incharge會, 叫經理代勞...)
我心知 even 要改job title都唔係呢2個月既事, 因為一改, 我人工一定會調整.....
而家都唔知幾好, 我又好使, 真係乜7都關我事 !
今日又忙足一日.....仲要黑經理口面.......( 係...唔Q睬佢, 問野唔應佢)
聽日返HK講比大家知我最新磅數先......成個肚腩仔唔見左了
好想快D忍到下星期, 我要去養病 (心理病)
黎緊星期3又開始凍喇 ~
見太多物資自己拎唔到返big 6
今天下午咪打比老闆娘, 我拎去佢家
等佢今星期上big 6時, 等司機幫我一次過車上去
不過我自己都好多野帶上去
次次都一大袋 (今次去夏威夷個lesportsac真係買得岩, 我次次都一袋上, 吉袋帶走)
老闆今日問我, 話老闆娘問星期三果日做咩唔帶埋我返黎~
我答老闆 : 你令公子下令唔比我返架, 要留到我星期六呀....(老闆聽完又笑笑口)
老闆娘問我星期六有無返到公司, 我答佢無 , 本來330船都改到530先返黎 ~ 因為要爆箱 (咪問我咩叫爆貨, 總之就係check貨喇 ) 老闆娘話 : 又關你事, 又叫左你去幫手?? (因為佢話放左d野係我個位既底下喎 )
sigh~ 真係你真唔知定假唔知 ~ 家下公司乜7都有我份架喇 ~
當然某d野經理都叫錫住我, 無叫我去開會架喇 ~
星期日我下午都食左餐勁豪既, 總要事後發現又有10 times 積分 ~ (當然又係有85折喇)
星期三公司buffet 一定無我份 ( 我都唔多想去食)
黎緊new year eve 都唔知有無得返hk呢 ??? 真係賣身呀 ~
本來今天 (星期六)係打算坐3點半船返黎
點知又有大件c出現, 被2個男人係度吱吱左左
最後改坐530, 仲要問我點解要返, 咩事 ~ (我想買野喇, 聽日教琴喇...)
前日先投訴一星期真係瘦足我4磅 ~
-----------------------------------------------
工作量多左, 要顧及既野多左
因後尾個位吉左.....佢地暫時都唔會請人
我今天叫左個OA幫我轉哂部腦去後面個位
因為.....我真係唔想hk既同事黎到時, 次次都坐係我後面, 而佢又唔係高級過我,
每個人都用我部分機 ( 即係前後位share一部) 我間唔c都要幫手接佢地電話
我又要做野, 我真係好怕係我後尾枕 (我誇張喇 )度嘈嘈嘈..
呢2日都要幫手in人....(hey< 突然覺自己高級左好多)
明知今個星期一定走唔甩, 所以已送左3支moet rose上big 6....已飲了一杯
今星期....拎埋紅酒一支先 ~ (我仲要叻到運埋2個香檳杯上去...)
聽怕下星期都留足一星期架喇
星期三公司請食buffet, 我都唔會返了 ~ 我email覆話我會叫果2個成日扣留我係big 6 既男人補償返比我的了 ~
家下打緊blog既時間係晚上８點５１分
我仲留係china office．．．．．
除非有粉腸迫住我聽日返 （為左粉腸我就唔多願）
否則．．．我被２位男士扣留係ｂｉｇ６至星期六（人家今星期長週放１點的嘛）
我除左禽日係７點半走人外
我晚晚都係咁夜
所以唔好講咩我食得好，又點點點．．我辛苦你唔會知，你唔會感受得到
到上星期為止，我可以講你知，我已瘦左３磅了！真係多謝哂喇 ！
（註：今天有人使ｂｉｇ６同事問我，明天是否早走回ｈｋ，話又有野急喎！我問係咩客．．．．超 ！又係咩咩同事．．．無品果位）
佢禽日有黎呀，仲要話發現銀包有６４人仔，話記得未還返比我（ｂｕｔ．．．講完又唔見佢比我喎！）
真係６４蚊就見人格呢 ！
呢間食過幾次
不過都係tea, 次次都係跟ee同魚腸去
今次星期日教完琴, 都決定先修甲再去食lunch (唔想等tea, 因為都幾多人下架)
呢間係Pacfici Place 既中間lift到5樓, 行去island shangrlia 方向, 係夏宮旁之嘛 ~
佢地既cake唔錯架, 好多人黎訂蛋糕架 ~
我鐘意佢地既lemon tea, 可以加honey, 個壺可以夠你沖5-6杯以上 ~
我要左個燒牛肉三文治
我絕對會同自己好好, 我唔會要果d9點半後先有既飯食 ~
我識得自己比$食 ~
我知我知
出左n世喇
係.....可知成個月都唔多係hk , 得返星期六日先會坐低唔急咁食早餐
通常星期日我都會係樓下茶餐廳食
不過岩岩既星期六食完, 星期日唔想黎多次
決定去食麥噹噹 ~ oh~ 都唔知有無2個月無食呢 ~
要左呢隻豬c豬柳蛋 ~
我都係鐘意配包多d,但天氣凍時食佢都一流囉 ~
岩岩過去既星期4度
咁岩係big 6 上左facebook
又咁岩check到朋友留左言係wall度,否則我又miss message
(big 6上唔到面書, 想約我都係SMS會好D, 有時忙到我都唔好意思上網,
netbook我多數留係公司, 因為返到去瞓都有時幾夜 ~我又唔想早晚都要拎住部腦 ~
舊同事們約我聚舊
先黎個下午茶@yamm
好開心同事既一句 : 好耐無見, 掛住呀~
人大左, 真係好珍惜朋友間既友情, 畢竟 真係共事多年, 共患難, 苦同當 ~
多謝大家關心我而家既工作 ~
yamm 都ok, 見到刺身不過只for dinner buffet, 下午茶得sushi~
最正係有鮑魚片食...yummy~
不過...我地都係傾八卦事為多 ~
之後再去睇同事既千金 ~ 仲有我至愛既豬腳薑 ~
期待聖誕節既BB蕉 ~
真係唔買唔得~
無錯, 我又買野 ~\
無辦法架喇
我忍左佢半年架喇
佢間唔c係我唔覺唔覺之際就自己熄機
一直都忍手唔買,
係我未找到一部好鐘意既
最後...都係決定買返iphone,因為已用慣, 二來唔使帶多部ipod
各位又係上次位同事呀
我今星期留到星期五先回港
係因為真係有野要帶比客, d野我早一日已知係趕唔切比我既,
早上, 呢位無禮既同事又打黎
問我係唔係有野有帶返hk
我一句就答佢 : 我要先送野比我既客 (直頭想講我唔會返公司)
佢得2件野喎! 你都痴既, 我10件呀 ~
之後佢收線
係department呀頭,佢話當我幫佢, ok ~ 我真係比面呀頭, 因為佢呢星期真係好幫我手咁趕哂全部野出黎寄客 ~
大家估返到公司, 呢條茂利講乜 : "呀唷,真係唔該哂你呀, 今次真係要講你食飯喇 ~ "
G: 直頭要喇 ~
茂利 : 緊要喇, 都第2次o樂~
G: 係第3次呀 ~
茂利: 下, 乜係第3次架喇 ~ 拿, 你今晚等到9點半後喇, 我一定請你食飯 ~
你條杏 + ORANGE~
.....................
....................
.....................
.......................
何出此言 , 因為我公司ot到9點半係有飯 $ 津貼既 ~
BIG 6 經理話女性係唔係計較D,我答佢 : 我唔知, 我只知呢D係一種禮貌, 人情世故, 雖則我唔會咬住你話請我, 我就死都要你請, 不過你唔覺感覺上會令人接受一D的嗎 ?
佢真係找死, 我下星期上去, 我就同呢位呀頭講, 下次真係佢開口我都無面比 ~
正確D講係天皇都無面比 ~ 哼 !
好多同事係呢個冬天都會戴上手袖套黎工作
咁就唔會整污自己既衫
我見人有, 我又話要
佢地就選左2隻布
我選左呢隻
佢地同我度埋橡筋長度, 車埋比我
都唔知佢地係邊度找黎咁多款布, 我公司都唔覺有呢d野 !
有個仲要係黑灰豹紋黎架 !
幾時先到聖誕
真係有排忙
呢星期都睇怕要留到星期五呢 !
前晚收10點多
禽晚就11點多....
我講左聖誕節我唔上黎架喇
經理話唔得, 最多聖誕當日帶我出去食餐好 !
我唔上黎你耐我咩何 !
不過禽日都係多得佢, 我先唔使陪d 加大碼同事食飯 !
真係頭痛到新年前呢 !
終於試左一次喇
上次想黎,點知太多人
今次教完琴就去食
食完門口開始多人等位喇
雖然仲有少少咳,不過都係想飲杯凍飲 (呢幾日都係熱檸蜜咋)
本來係big 6想飲熱檸水,不過都被經理阻止...佢話檸蜜好d喎!
要左個set lunch, 是日例湯係南瓜湯
黑椒牛柳, 開頭幾啖唔多覺黑椒, 點知愈食愈勁....
要medium都真係medium, 唯一唔好既係, 我差少少就黎飲完就上左main course, 唔知係唔係咁, 牛柳開始凍左少少 ~
仲有...應該隻碟要暖少少, 咁凍既碟, 咩都易變凍喇 ~ (還是我被寵壞了, 變得咀刁 + 要求高了 ??)
都唔係架....經理帶我去邊度食就邊度食, 我都無投訴過 (不過佢話情願我投訴喎 !)
上一篇講到我被徵召返港
無上次咁笨, 見大家都未返公司之時, 我就大支野咁出去食lunch
(邊個嘈邊個死....我會即還拖....)
去左megabox呢間度食 (唔係泰就星馬 /pizza)
野食都唔係一個問題了, 目的係我要自己悠閒 + 順返條氣食個晏, 我又非常唔趕時間 ~
要左個海南雞飯 ~
碟鳳爪係送既, 不過...少少辣, 我鼻涕倒流所以有咳同痰, 都係少食為妙 ~
(連我同事都話我叻, 因為我上星期已帶齊藥物, 連支蜂蜜噴霧都有帶係身 , 喉嚨先好返d, big 6 經理又醒左盒喉糖比我 )
亦好彩我買既電水煲上星期岩岩由老闆娘親自運到 (因為太大我唔方便自己拎, 老闆娘叫我放係車度, 佢上黎時可以由司機直接車上黎) 我果幾日先有熱水飲下, 舒緩一下喉嚨 !
不知不覺咁又5個月喇 ~
6月尾開始返新工
估不到自己咁挨得 ~ ~ ~
係就係辛苦過以前好多
因為某d原因, 我要付出更多的努力, 比人要學得更多, 要更快上手 ~
顧及既地方亦多 ~
舊manager回雞, 同我同日上班既Manager星期四突然就離左職 (雖然都知佢遲早走,不過...咁突然又出奇左d)
不過...最不氛既係連續2星期都被徵召帶重要野返公司,
都唔明既, d野係咁急就早早通知
(1) 1030打黎, 話有野要帶返公司, 話已知會老闆娘 (老闆同manager都在us), 叫我坐1330既船返去, 返到去都1530, 我野都未食...我又唔想人人做緊野我坐係度tea (而且我返hk, 好多文件野都會歸返我做, 我係big6 就有同事代勞) 人做我食...我真係過唔到自己 。加上是晚約左朋友食大閘蟹...ok...忍 !
最不知所謂就係走果時同令我要急返公司既人同lift, 我話多得佢, 我連晏都未食 ! 我小佢呀 ~ 佢應我咩呀 !!!!! 你早講呀, 我豪包餅比你呀 ! ((((((( 小拿聲 ))))) 我還擊 : 我使你豪呀, 餅我無呀 !!!!
(2) esp 前日, 有咩理由1030打個電話黎, 話呀姐叫我坐1130班船拎野返公司(又係呢位同事呀, 不過今次係唔同客人既野咋) 我即時反應 : o下 ! 即係即走呀, (因為車去碼頭要30mins, 視乎路是否暢通, 仲要飛住車去) 無錯, 我要帶個大baggage 帶佢12條短牛仔褲返hk ~仲要係d野未整哂, 我等左20mins, 最後一齊同司機飛奔落樓, 1045先開車趕去碼頭 !)
返到公司1330...我掉低d野......我就老馮出去食晏....食足1粒鐘既lunch hour我先返, 因為...我都無帶卡 "o都"返工時間! 事後老闆娘見我出現都打個突, 我即時打小報告...(...我無詳細講,不過今個星期點都要找個機會complain一下, 我留得係big 6,我就有我要做既野, 我唔係手帶運輸工具, 次次咁急要我走, 我邊使做自己野 ~我亦唔想d人老馮見我係big 6, 就可隨意 "使"我帶野返hk,我既作用不在於此)
連係big 6 跟我做野既妹妹仔, 事後都問我, 點解你走得咁快既, 我轉個頭就唔見左你, 我連交帶佢做既野我都係寫memo ~
最後...我一到步就病發喇 --- 係真係作病果種, 同team既assistant manager係星期二都叫左我跟老闆返hk, 話有車返,唔使我自己坐船咁辛苦。一來我有野跟進緊, 二來我太知我身體, 我明知一返hk我就會仆直......到時咩都做唔到 ~ 果然喇 !!!!!!
係.....我扮可憐 !!!! 我當日同老闆娘要求早走去睇醫生(咳都咳得大聲d先 ), 我係1700走人既 ~
星期五, 唔返工 !!!
我無扮病, 我真係好病 ! 我真係足足一年未試過咁病法 ~
最攪笑既係陪我食大閘蟹既JJ ,佢係FB見到我病就當晚打黎, "你挨病喇, 返去同老闆娘講佢地恰你喇, 當你咩呀, 急既就自己上做跟上黎帶走, 你唔使做自己野呀!下次理佢地死呀 !"
不過好開心既係, 自己係度都有存在價值, 佢地知我跟緊好貼, 跟得好緊! 老闆仲話下次去美國見客會帶埋我去 ! ( 聽住先, 不過都9成真既....唔好鄧我開心住, 因為連機程去得4日, 真係落地唔夠48小時, 時差都未TUNE岩就坐機返hk)
《茱莉對茱莉亞－隔代廚神》根據兩段真人真事改編，由梅麗史翠普及愛美雅當絲領銜主演，講述兩個相隔半個世紀的女廚神，如何透過同一本食譜、同一樣的大無畏精神，烹調出她們的精彩人生。
茱莉亞查特(梅麗史翠普 飾)是40年代一位家傳戶曉的美國女廚師，成名前她只是個跟隨丈夫到法國巴黎定居的小女人，但不甘平餸凡的她決定幹一番事業，以出色的廚藝加上大無畏精神，出烹飪書、上電視教煮，成為廣受觀眾愛戴的一代廚神。
相隔半世紀，年近三十的中女茱莉鮑維爾(愛美雅當絲 飾)，眼見身邊好友個個出人頭地但自己就事業無成，於是誓要來個谷底反彈，展開了一個有點神經質的翻身計劃：365天內根據茱莉亞查特的烹飪書《Mastering the Art of French Cooking》食譜烹調524個菜式，再於網誌撰寫經驗和心得，說不定可以一舉成名，成為另一位廚神！
茱莉在支持及反對聲中，堅定不移地要完成這一年大計，從成與敗、笑與淚當中汲取寶貴經驗，最後發現人生中最大的成就，原來不一定是名與利，而是能與最愛的人共享生命中的每一頓美點……
留意到呢套戲係因為在戲院內既poster, 之後都密切留意佢上影日期
初時都唔太明點解2者有關連
哈哈 ~ 套戲都好in, blog真係太好用處 ~
其實炒人野再加自己心得, 係唔係岩架呢 ?
好鐘意julia去學廚既事, 由咩都唔多得到最後可以出本書
Meryl Streep 亦演得出色,雖然無得去比較原著人物既一切, 但比佢演聖訴, mamamia 都完全唔同呀 ~
買左一set掃送係big 6的家
至方便同平平地既
都應該係shu uemera喇呱 ~
佢今次同Tsumori chisato 合作呀 ~
好似買skin care就送個化妝袋, 不過我唔用shu uemura既skin care, 而且又太多袋, 唔要了 ~
你地換左未 ?
今次crabtree送既scented noel bear呀 ~
我次次都收到2張卡
次次都唔同日子換野
唔好問我點解, 我真係唔知
今次第一批換既係大熊,
第2批換既係超細size ~
嘩嘩嘩
11月係食蠔既月份,
果然無錯,因為星期六成間野都好full
我又去左sheraton度食蠔喇
上次既澳洲蠔大部份唔見哂
轉黎既係法國蠔
先飲湯 送包包
下次可唔可以轉下隻湯,次次都係呢隻蘑菇呢 ~
之後我出去toilet, 一返黎朋友仔已送左份禮物比我呀 ~
哈哈, 多謝哂 ~ 一定好岩用呢 ~
我地都係會飲之人 (即係飲落肚,不代表識飲同豪飲) 所以叫左一支白酒 (唔錯唔錯)
oh~ 好壯觀呢 ~
朋友仔就先黎半打, 試過邊d好先再叫同 + d 頭先無叫既
↓呢半打係佢既round 2
味道最濃, 放係最後先食既Belon 000, 你好呀, belon ~ 我掛住你好耐架喇 ~ $88 要左你先 !
朋友想要頭盤架,不過最後我地2隻野都包哂, 係飲都飲飽呀 !
2杯開始上腦,係度hehe haha + 笑笑笑 ~
最後都係叫ginger souffle埋尾 ~
呢個係sheraton必叫之選 ~
*** 埋單時比我發現好似入得酒店分 (係Starwood) waiter話帶返張單去,入返比我喎! (我keep起左架喇, 下次去入返先 ~ 成萬分架...我巧cheap.....小便宜我要 ~~)
試左鴻星
朋友JJ又想食, 又好耐無見
最後決定係海都度食 (係呀, 就哂我係TST,方便我坐船返hk, 不過最後果日都係有急事被徵召坐中午船返港)
蟹粉小籠包都OK
呢個翅就好過鴻星幾班啦
主角出場
不過都尾聲喇, 不過不失喇 ~ 蟹就鴻星既好少少 ~
點解得咁少蟹粉既 ????????????
食唔切開始有少少凍既菜
被人彈得最多既牡丹蝦烏冬
又話係薑茶丸子....咁似蕃薯糖水既 ?? 又真係黎果喎, 丸子呢 ?? 原來果D 似芋頭色 + 螢光粉紅果D粒粒就係, 真把鬼, 比杯薑茶我仲好喇 ~
不過唔使 加一, $260 一位 ~ 無得太多要求 ~
無錯
我一定係食cream既
6月時入既crabtree lotion ( 2個盒size 及2支樽size既)都全部用完
真係唔甘心買貴既crabtree
所以轉牌子
因為上次支verbena 補充裝比我拎左返big 6, 作shower gel及洗手用已無咩, 又係時間入返包, 順道試下佢既cream
未決定開邊盒黎用 ~
上者有閃粉 (我而家果盒crabtree都有)
2者都潤架 ~
都話左我怕凍, 皮膚又比較乾 , 所以而家冬天改為較潤既cream 而唔係lotion了 ~
一直都唔多行呢間野
上次係harbour city路過
點知就出事喇
買左件 $200有找有fleece (平平地放係big 6果邊, 上星期已帶走,所以無得影了 )
呢件係童裝 (係呀, 我又買童裝)
成set野 $99咋 ~
入左2套, 當睡衣著 ~
