chocolate library @ Ritz Carlton, LCC

時間 關係, 聽日先post

唔係blog友既, sorry, 你無緣睇lu!

日日入黎打卡check in果位呀姐, 你晚晚10點-12點就入黎...真係好討厭 !

早餐@ 太興

當知道呢間太興係正翠華對面

就當然試埋早餐, 咁下次就有多一個選擇嘛

佢個早餐有成9個choice

翠華得3個合理價既早餐, 另一個有焗豆我唔要既, 要成 $3x 定 4x... no way!

我要左叱個雪菜米, 有多士(like) 仲有2條腸 (like)

要杯熱奶茶,咁就唔使加 $3

佢仲有午餐肉公仔麵喇

仲有好多好多....真係多到唔知選咩lu

可能星期六會食多幾次就返去翠華......

cafe zozoi @ CWB

知道呢間餐廳係因為係天樂里過馬路時, 有位派單張既伯伯 好敬業樂業

佢90度彎哂腰咁派比你, 仲要勁有禮貌,

唔似新朝陽出面果d,  對埋佢面前, 我次次都好驚d 紙會界到我

岩岩有次是但見咩車就上咩車

落車就醒起一試

佢個set應該唔變, chef個個穿到italian / french chef咁既白色廚師衫

又有湯 (是日係忌廉磨菇湯 ) 又有一條麵包條

我就叫左羊扒.....不過有少少筋, 都唔係太值呢個價囉...

包餐飲一杯...

我有同姐姐講果位伯伯好有禮貌

可惜呢位姐姐唔多social, 亦無點so我...

唔識social, 又點留得住客人呢 !!!???

紅螞蟻 @ CWB

前幾日星期三,有一個多小時既LUNCH

又係時間去食野

本來想去耀華街新開的重慶酸辣粉...不過幾次去門口都勁多人 (唔知等位定外賣...不過有幾次都係等位既)

所以行左去LEE THEATRE果邊

路過紅螞蟻, 都睇下門口menu有咩食

見到都ok, 而且仲有位, 就入去試下喇

份量都叫多, 不過就無包無湯等

得杯野飲, 另有湯麵套餐 around $3x

我呢個係芥末汁羊肉天使麵

 $52 ( 凍飲 +2 ) 唔知幾時好多間都改左係 +2 唔係 + 1了

** 重慶粉試左了, 遲d再 post, 我問主管有無人試過,佢話唔記得, 又好似有人拎過外賣紙, 不過又找唔返....叫我去試下再拎張

好喇, 拎完, 比某位間唔c都串既staff scan完, 話個價咁貴, 我地係唔會叫既

okok,  收返....當我無比過 !

榮記 @ cwb糖街

呢期呢個blog不停飲飲食食, 我都覺過份左d

不過無奈而家返工時間長左, lunch / dinner都一樣係呢邊食,

sogo感謝日, 日日好似唔使 $咁, 多人到呢

見到blog友 alice check in fb話去完榮記食完就去sogo掃貨

我又去search下呢間野

點知都幾好評

車仔麵...

好多人呀, 我1點半有多黎都好多人

我知牛 x係出名, 仲有雞翼尖, 豬大腸..

太多野想試

我叫左牛腩同豬血 , 加 菜 ( $26)

3餸就 $31, 佢牆上有哂收費資料....

不得不讚2位哥哥, 都唔點記d人食咩, 一叫埋單, 佢企係邊都講得出你埋單幾 $

佢有mark 落單紙 - 舊式紙 (呢....寫完沾水貼係枱果d紙) 我無八卦佢點比煮野果邊

總之張單唔係櫃面, 唔係我張枱, 都唔知佢貼係邊...

仲要成場好多單客, 成2x人有多...點記呢 ???

ok, 講返d野食

好多餸, d菜又多, 見到人地食翼尖我又想試...豬大腸啊 ~~~~~~~~

麵都大好多, 我係家附近果間, 幾"註"就無哂...d菜都係喇, 都唔知係配菜定要比$既

榮記真係好足料....

雖然野飲得soft drink , 豆漿等....

呢間, 岩時間又想快, 又想食車仔麵! 首選 !!!!!

 

西多士

想食好耐, 星期六已經好想食, 不過呢區無出名既, 最近要去赤柱

星期一行經太興見到有下午茶set (2點開始) 約左230修眉

不過...太多人, 無可能有位住

印象中又記得sogo果邊仲有間...

時間又唔夠行去食完再行返去修眉,

所以決定修完先食...

3點度行到謝"飛"道果間 (即係翠華對面, oh! 以後早餐可能唔使次次都翠華, 都唔知點解我唔覺有間太興既??????)

都要等左一陣先有位...

 

$25.

最不滿係 : 5分鐘後我都唔見我份野 (hk茶記出名快, 我真係估佢唔到咁耐)

好喇, 莊到2份野係水bar, 遲遲都唔見有人去拎

到見到呀姐去拎, 點知遊個花園先黎(好似繞路咁送哂其他野先送黎我度)

最攪笑係...先黎西多, 第2個round先去拎野飲

又係....人地遲過我落order既, 都同我同一時間有 (oh! no, 唔係同一時間, 又係繞路送哂比人先黎我度....)

杯lemon tea唔多甜, 太多冰...

西多, 我好餓, 所以都叫得過 !

$25, no complain 喇 !

下round, 挑戰下早餐先 !

island seafood @ Fashion walk, CWB

星期三有成1個多小時的晚餐時間

去左食好ddddd (下個月慘喇, 個學生考完樂理, 又未收到生, 起碼2個多小時呀, fine dining都得lu)

行云 fashion walk既食街

都係想食海鮮

先黎包包, 好食

再黎半打oysters...3隻aussie既 (無咩驚喜)

最好食都係french既 gillandeau (差不多spelling喇)

最差係隻cherry clam, 咁大隻一d都唔甜 , 失敗 !!!!!! ($55 @ 去得死了)

青口有驚喜, 個汁好得....

唔好問我食左幾多$....我覺我加多幾百去sheraton 既oyster bar食仲好味 !

pineapple wine from Okinawa

xxl話想睇菠蘿酒, 禽日返2點幾, 早上襯記得就即時影左先

就係呢支喇

本想星期日想開黎飲, 點知發現係木塞.....即係開完要塞返入去...

所以都係遲d先開 / 有party幾個朋友先一齊開黎飲

讓子彈飛 Let the bullets fly

亂世出英雄！為了可以殺出條血路，人人想盡辦法，令自己可以生存！而錢就係生存之道。想在短時間賺得更多錢？當縣長就是最好方法！江湖頭號土匪張牧之 (姜文飾) 在一次劫車行動中靈機一觸，帶著「戰利品」湯師爺 (葛優飾) 及其夫人 (劉嘉玲飾) 到鵝城當縣長。怎料，錢仍未得到手，城中的惡霸黃四郎 (周潤發飾) 先以「借刀殺子」一招作為見面禮 ─ 牧之最疼愛的兒子自殺身亡！自古有云：「來者不善」，四郎就想讓牧之這位「來者」知道自己的勢力有多大。一場腥風血雨的戰爭即將展開，兩人大施三十六計，扭轉乾坤，鬥個你死我活。湯師爺更無意間成為兩方的?人，互通消息，令整件事情更富戲劇性。究竟三個「壞人」如何各施所長，在亂世中稱王稱霸，因時得勢做英雄？

拎左隻碟幾星期先睇, 又隔幾星期先寫BLOG

3 大勁揪人物做主角, 真係幾好睇既

不過...我覺最期待就係果位C / D CUP 女演員果幾秒露胸既場面.....哈哈

都值得一睇

程班長牛肉麵 @ cwb

星期五見到朋友check in (打卡)

醒起都未試,另一友人就話佢男友話d牛肉ok

所以星期六教完琴去就去試

2點多都好多人, 我要搭枱

因為係weekend, 不設套餐 (蝕哂 )

要左個紅燒牛肉麵 加多杯冬檸甜心 (佢話係冬瓜茶, 都唔知咩..總之甜甜地喇)

野杯旁仲有d 冬菜 (??)比你加, 都幾好品

我麻麻鐘意佢個麵既口感/....牛肉都ok , 蛋唔夠入味  (都係滷肉飯果個蛋夠味 -- > 呢度 -- 茶軒)

呢個, set lunch都可以再幫襯

Surface @ 金百利

又係食晏時候

點解呢排成日有野食

因為星期二至四都教中午, 所以一定有時間囉....

今次想食西餐

本來去左7樓, wulala, 不過門口又唔係果個牌 (係la cafe muse...係咁上下喇)

午餐好貴, 又唔想食扒

最後落返5樓...

呢間叫surface

好多人呀...全場full哂 , 我都要搭枱

叫左呢個 $32 (凍飲加 $2) = $34 (無加一)

包湯....白湯, 勁多一片片磨菇...

加左杯ALOE LEMON TEA, 唔係特飲, 只當凍飲 +$2

呢個係青口長通粉

好多汁, 青口好大舊, 所以佢係一開二既

同枱有人話麻麻, 我都覺OK既

怪不多都多人, 因為都飽, 而且都叫低 既

茶軒 @ 明珠廣場

果日食紅辣椒時見到呢間茶軒好多人, 知道係食台式野既, 

所以前日有時間就去試下 

要左個滷蛋燥肉飯,  加 $12要左個陳醋海帶絲

個飯好討好, 因為教到8點, 所以呢...2點多食完後都唔使再食野(正 !)

唔記得幾多$, 不過送紅茶 / 綠茶野飲一杯, 我今次飲熱, 所以唔使加$ (不過好似有加一) total 好似 $55 (??) (因為我加左 $12小食, 否則應該$35度喇....

moo moo mia @ Sogo

係fb度見到alice 介紹 sogo有間新開食yoghurt既

果日見有時間入左去八

姐姐即時比左小杯我試味, 係當日係士多啤利

見 $30 , ok試下喇

不過syrup = topping, 所以即係 30只可選一樣野

um.....我鐘意b仔多d囉, 佢多yoghurt味, 而且一topping,  一syrup

感覺低d囉 !

麻辣肚絲 @傷心酸辣粉

下午茶時間黎cwb金百利呢度度食

(不過,佢已經係set, 又要無加一, 所以無咩所謂下午茶平價...)

試過口水雞, 干撈牛肚 (最唔好食) 

上次係另一間試左外賣, 不過賣相唔靚, 無影

今次再叫黎影返張相喇 (口水雞都ok, 不過我覺唔多肉, 所以唔叫)

切得好幼, 我叫左小辣, 因為上次2樣都叫中辣, 不過收銀呀姐話個粉叫小辣得了, 因為個肚絲都有汁, 唔夠就加埋入粉度

都完全夠辣, 所以今次全部叫小辣

好鐘意佢個粉既賣相, 又有花生, 咸酸菜

只係無水飲, 個餐一定要包埋凍飲.....(即係加 $喇 )

呢餐 $41......

pandan indonesia 香蘭印尼餐廳

之前係珠海starbucks 睇左一本magazine

佢好介紹好多廣深港澳的美食...

之前都睇佢介紹左一間德國餐廳 (下午無咩人, 都幾tradition, 晚上應該勁多鬼)

今次就去呢間印尼 (因天蠍E曾係印尼做過野好多年, 佢勁鐘意食印尼野)

本來星期六唔去架, 因為唔想佢行上5層樓回家拎部GPRS (無去一定唔識路)

去到一半...佢都話會唔會捉虫, 一陣唔好食就死得了

去到...岩岩有一個車位 (都係泊係店舖既旁...都唔知事實上係唔係咁泊, 不過就有食蕉睇位同場睇場囉 )

間野門口勁多人...要拎號碼等位 (前後都有1-2間法國餐 - 對面果間叫BRAVO仲勁高貴; 仲有一間土耳奇餐廳, 都有人, 不過最勁都係呢間)

 所以心想都應該OK既 ( 因除左本地人, 都有印尼人同日本人幫襯)

呢度係 廣州市環市東路 475號 東都大世界1樓A區16-19號舖

見到MENU天蠍E都唔知幾開心

咩都想叫

唔係佢, 我一定唔會叫的苦餅, 少少苦味, 都幾得意 + 好味

巴厘蛋. 係蛋再有豆腐 - 好味 (都好多人食佢既豆腐 - 好似炸咁既, 唔記得叫咩名)

印尼奶茶及 Cendol (珍多冰)

奶茶似泰國果d, 珍多第一啖覺麻麻, 之後又覺ok (我飲哂)

巴東牛肉, 天蠍E話唔正宗, 正宗既應該乾身少少, 以及無咁多汁

炒大黃麵, 叫個係出面見MENU已知佢一定叫 , 因佢好耐之前已問HK有無黃麵.....

佢比左少少我, 自己成碟食, 係我食完想再要先比隻碟佢再分少少比我咋

黃薑飯, 又係佢既至愛.... (本來間野介紹食雞翼,不過見佢叫咁多野, 個黃薑飯套餐又有雞,無叫囉 )

最失色之一, 唔差既, 不過相比呢個失色D囉

呢個係 9蚊人仔既自磨辣椒醬, 佢話好味既..

(幾野味既  - 左邊先係個醬, 睇少左位...)

峇巴炒蝦, 佢又話個豆太硬 - 我覺OK喎! 佢又話個蝦太多汁.....

2個人食左8成喇....

想食個印尼椰汁糕都唔敢叫了 (雖然都係幾口無哂....)

最後送上幾粒糖, 上面係似焦糖味, 下次係軟既薑糖...

2人合共食左 200人仔....食滿 100就可泊車架喇....

** 太子4月尾時已搬離, 不過keep住key唔比返天蠍E, 呢2次我地都無再住酒店LU!

okinawa - 黑糖蛋糕

這是很耐之前朋友送的手信

不過一直無時間post...

很好食

仲有一支菠蘿酒 (好似係菠蘿園買的) 未開, 所以都無影到相

Miss兜風耳

話說上個月我收左呢位老師轉左2個學生黎

一個係因為轉時間, 一個就係先找我補堂,之後再即日轉埋入我戶口

(聽聞係跟佢學完 次次都喊咁口…學完見佢同媽媽傾左幾句, 再轉比我既)

之後我有問呢2個學生. 外籍人士就話係媽媽安排既,(佢呀哥一直跟開我) 不過話呢位老師有shout at her

另一位喊既就本身好乖, 流利英文…但根本父母係hk人…哈哈.

我問佢點解唔開心,佢話老師要求好高,我問點高, 佢唔太識講, 只係示範左d彈既姿勢 (不過我真係覺無咩大問題) 佢話: 係囉,你話無, 佢話有囉..佢覺唔得囉!

(yes,佢係佢地手冊度會mark D Grade比佢地 ) 我衰極都係比b-, 除非超衰先比c (係我手, 都無出過c)

禽日, 我個法國學生同我講,佢哥哥唔鐘意呢位老師 (上手前星期無再教….轉左手比兜風耳) 佢話哥哥上完第一堂後,同佢講, 老師好mean, 不停failure….佢唔多想再學 (細佬就話我鐘意黎呀,因為老師你好funnny)

我唔係話自己好, 兜風耳差…回想我初出道都係咁要求高, 熱心教學..

而家….你同佢地勞氣都無謂. 除非態度差, 否則我都唔太傷學生 . 一係陪下練, 一係再練多一星期….(有d小朋友, 手指唔岩唔得, 都一定要時間, 無野話即時改到既)

註 : 呀神秘人同事…佢而家見到我呀, 都唔多so我呀….巴閉, 我都費時同呢d無禮貌既老師傾計呀

不過呢…我有同兜風耳打招呼架, 佢呢個月教多左2日,我都見多左佢

番禺- 添怡酒店

去完布吉

返黎都晚上8點多

自己就去check in

天蠍E (其實係我比單張佢叫佢打既) 幫我留左房,酒店話唔使比訂

我都CHECK左幾間價架喇

呢間 $2XX喇

去到又話無留到, 不過仲有房, 都係一樣walk in 價 (門口招牌話 優惠 $1xx上次問左已完, 都唔明解仲要大大隻字貼出黎...)

呢間係單人房......

(呢間仲有得時鐘....oh~~~有無人要房就唔知喇 )

浴室光猛, 仲有好多收 $ 急需品......

最差係.....無水提供, 等我去完麥記買dinner之後, 先記得入房後無check (其實一入房都唔多覺 )最後去餅店度買水....

對面就係我上之住既龍泉.....仲有間禺山假日係旁邊 (佢要接近成 $300, 所以住呢間哂囉 )

天蠍週年之旅@phuket day 4

咁就到最後一日喇

真係衰...停工左咁耐.....先再寫....快手埋個尾先

呢個係spa, 都幾靜.....(我意思係環境, 有無人去做就唔知lu)

呢度亦有小朋友playground, 同樣都唔見人(個個都去左泳池喇)

又係酒店開餐

早餐係唔知咩pie 同wrap.......

食完拎行李去check out, 再等司機接去機場

因我要到國內, 地勤唔記得問我拎回鄉卡,..... 佢叻到.....去到退稅counter度找我..要登記返資料 ( 我係international 線度checkin架, 雖然我係坐domestic先到曼谷轉機...)

呢度退稅唔使先蓋印, 要check in後, 入埋海關直接蓋印同拎回 $, 方便過bkk

轉機都無咩時間就岩岩open gate (想去食下野都咩無咩時間)

值得一讚係超準時 (全場程都好準時呀)

同hk同一時間既, 不過睇怕hk果邊有排都未ready住.....

又有雞同豬...2個人一齊就可以試唔同口味...

好好彩.....一落機好快就有行李 (因為轉機遲, d行李遲入, 所以早出卦 )

之後快快去坐機場快線.....等左5分鐘..就有車 (趕到正點既車囉...)

1小時多d就反到panyu.....我就去酒店, 天蠍e就打的回家囉.. (因我早車, 費時佢第2日早上又要車我出黎, 下一篇再post酒店喇)

紅辣椒 @ cwb明珠廣場

位於明珠廣場

一心想食平少少既泰野,

點知.......

見openrice都話ok架...

心大心細叫飯定粉....

要左個清邁風味米線

何謂清邁風味 ? 真的要請教 xxl

佢有豬肉 (不過真係忟得好淋-- 10個正架 )有芽菜, 有豬紅....

唔難食既, 不過唔係我想像的囉...(定下次叫炒河 / 飯好呢 ??)

加 $10要左個木瓜沙律....有花生碎...酸酸辣辣都ok既

佢又刪走 加 $要野飲 (飯果邊又無刪)

anyway, 無叫野飲.....

都係果句 : 咁多野試, 有耐都未到翻兜佢囉....