星期一行經太興見到有下午茶set (2點開始) 約左230修眉
不過...太多人, 無可能有位住
印象中又記得sogo果邊仲有間...
時間又唔夠行去食完再行返去修眉,
所以決定修完先食...
3點度行到謝"飛"道果間 (即係翠華對面, oh! 以後早餐可能唔使次次都翠華, 都唔知點解我唔覺有間太興既??????)
都要等左一陣先有位...
$25.
最不滿係 : 5分鐘後我都唔見我份野 (hk茶記出名快, 我真係估佢唔到咁耐)
好喇, 莊到2份野係水bar, 遲遲都唔見有人去拎
到見到呀姐去拎, 點知遊個花園先黎(好似繞路咁送哂其他野先送黎我度)
最攪笑係...先黎西多, 第2個round先去拎野飲
又係....人地遲過我落order既, 都同我同一時間有 (oh! no, 唔係同一時間, 又係繞路送哂比人先黎我度....)
杯lemon tea唔多甜, 太多冰...
西多, 我好餓, 所以都叫得過 !
$25, no complain 喇 !
下round, 挑戰下早餐先 !
真是又肥又好味...
ReplyDelete[版主回覆05/26/2011 08:26:00]我呢幾個星期係咁食晏 又有dinner, 都覺肥了
我都好耐冇食呢樣野喇....
ReplyDelete而家係減少晚餐既飯...希望可以瘦下
[版主回覆05/26/2011 10:38:00]我而家有時係早午下午茶一齊食... 睇時間而定喇..... 星期三時間多就午 餐同晚餐都有得食... 好似今日咁, 叫左個theory學生補返堂 (佢5月無學, 6月4就考) , 之後佢地唔知幾時叫左個星期六學生返黎補堂, 我都係禽日見紙仔先知, 返130, 得230 有45mins break, 之後要等到745先再有半小時break, 教到9點.....你話夠時間食乜 ?? 哈哈, 所以打算返到去先食lunch, 食飽少少, 7點多就食個包喇
我都想間唔中食下tea
ReplyDelete[版主回覆05/26/2011 21:48:00]我係d時間半甩咳....食完午餐又有個tea時間唔知去邊, 一係就中間教太多, 無食飯時間,....唯有咁做 ! (有時真係早午晚3餐group埋囉 )
西多!!!正
ReplyDelete點解冇牛油???
[版主回覆06/01/2011 22:32:00]上文提過下佢咩都遲.....我又唔可以等齊先影, 所以牛油已落先等到杯檸茶, 所以牛油已消失....哈哈