咁快就去到day 3喇, 都停左工一排....
要開快寫埋佢先...你地明架喇, 舊既唔去, 新既唔黎架嘛 ! 哈哈
是日邊度都唔想去, 食完早餐, 就開始hea係泳池邊..
飲杯好凍既lemon tea + 幾本雜誌...正 !
下午餐決定唔食, 早少少食dinner
係酒店對開, 6點多7點就有好多小店開門...
(都係c 貨 + 手飾 / 似泰國入口既家中小擺設)
沿住條路睇下有咩食...行到去holiday inn 度 (都遠架, 呢間酒店都幾舊, 仲要分兩翼...有條天橋隔住, 好彩我無住)
最後決定平平地食大排檔
(不過都係賺遊客 $既)
附近幾枱都係遊客, 有d我第2朝係我酒店見到佢地食早餐
有d就住另rasa sayang既..因為坐shuttle時見到佢地
呢度想食咩都有,
有粿條, oyster仔煎, 咩福建麵, 海鮮, 串燒, pizza / 印度 (??定印尼)野....
korea food都有架
我要左個炒粿條, (原來係炒河粉, +入唔同既海鮮, 仲有少少蚵仔...一流呀)
又貪心試炭燒串燒........
食飽飽, 行返酒店對開既沙灘影下日落
都幾靚架
仲有馬騎
之後返上房上網.........
日落 VIEW....正！
ReplyDelete[版主回覆03/29/2011 10:49:00]係, 又唔熱, 又唔大風 !
你話d大排檔專賺遊客錢, 我仲 諗住一定係好難食. 估唔到又 睇得又好味.
ReplyDelete[版主回覆03/29/2011 10:52:00]可能我係中國人, 食返好中式既野就ok囉 ! 大排檔夠鑊氣 !
我對馬拉 / singapore既大排檔好有信心, 又唔貴又好食 (雖然都係專for遊客)
相反呢度比餐廳更多唔同類型既選擇 ! 酒店太貴了 (又少野食, 我果度一間食buffet, 一間前一日試左 - 呢 ! overcook牛扒果間) 隔離酒店仲貴, 又有dress code!
請問沙灘係邊架? 因為就黎去檳城想睇去行靚沙灘
ReplyDelete[版主回覆03/21/2013 20:15:47]我住shangri -la , 酒店對出就係屬於酒店既沙灘範圍