焗吞拿魚螺絲粉

岩岩既星期日又試新款

買左螺絲粉備用 (食唔食買定都好既), 家中已有吞拿魚罐頭, 好似仲有一隻紅椒, 又有忌廉湯….

問左佢幾次, 佢都話食螺絲粉ok

佢成日都話想像唔到點焗吞拿魚…唔會乾的嗎?

不要叉能廚通少喎, 我又問左d朋友, 個個都話ok係得既…

講左3次比佢聽點整….佢又問左我2次係唔係一次過煮哂就ok???

材料 :

螺絲粉, 我地prepare左一個大碗 (點知都食剩比佢今晚當dinner)

蒜蓉,一粒, 切茸

紅洋蔥 一個, 切粒

罐頭吞拿魚一罐

圓形肉片 - 隨意 (雪櫃內佢既不知時份剩餘物資…..已掉左佢唔知幾時食剩既煙肉)

oh! My God, 仲有蟹柳, 焗粉次次都幫佢手清冷藏食物- 可唔落

紅椒 – 可唔落蕃茄 – 可唔落

(次次都配料多過乜)

 

醬汁 :

罐頭忌廉磨菇湯一罐 (不過用唔哂既)

水/ 牛奶

 

先整熟d螺絲粉,我地煲左1x分鐘,加少少olive oil之後放入焗盤內

之後開鑊炒蒜頭及洋蔥至軟身, 再加紅椒, 蕃茄及吞拿魚….(紅椒蕃茄我無打算落, but佢勁鐘意, 每2星期都起碼買一次)

加入湯, 佢鐘意加牛奶creamy d, 所以就加牛奶,否則可加水都ok, 少少咁加至杰身…. (所以剩返既湯, 我地煮埋黎飲…..加牛奶真係好飲好多,家中以前就只係加水….當然喇….一盒牛奶都一定用唔哂, 盞o徒)

 

整好放埋落個粉上, 鐘意既加埋芝士係面就ok喇

因豆泥焗爐既問題, 我就焗左10mins

我係磨芝士粉既,不過好似唔夠勁, 所以我最後都係切一條條, 問左佢下次切返粒粒好唔好, 因為成條都幾難溶 (係溶得唔夠靚o者) 佢話一條條都幾脆口喎!

磨左果d就唔係太覺眼…..下次慳返唔磨

 

炒野都係佢負責……我只負責焗既工作 同洗碗, 生果及沖咖啡小姐