試焗 (3) 之西蘭花腸仔芝士焗意粉

因為太熱, 唔想整太多餸

佢又有包意粉一直未開....

整南乳雞翼果時,佢又好乖咁去左買個厚身少少既焗盤比我黎焗意粉

今個星期六先係體育中心站既jusco度買左西蘭花同mozeralla cheese (本來想去家樂福, 不過坐開部車拎左去維修, 所以無拎返個GPRS, 唔識點去...誤打誤撞去左另一間jusco)

** 但都係係唔見有豬頸肉賣.... 借問聲, 想整泰式豬頸肉, 買唔到cheek可以用咩代替...)

因為天蠍E 成日係街度唔食菜....又唔想焗野之餘又身水身汗去炒菜...(行完八完個天河城都已經10點有多, jusco原來收 1030...好快快手買野....)

所以買西蘭花,

佢雪櫃太多雪凍既野

先有脆皮腸, 再落2粒蝦丸...肉片 (係腸仔肉片)

有人靜雞雞又走去切蟹柳....

*** 叫左佢一條腸切4片就ok, 點知有人就打直切, 激死我......無耳仔既 !!??

芝士切左一條條, 再有部份係切粒粒...

個盤 $10就有3個任選, 不過...因為個底既貼紙撕完有印...所以要加錫紙係底安全d...

下次整tuna....(仲有意粉..不過我又心思思想整螺絲粉)

先切左d西蘭花  (好平咋, 選d細棵既, $5有找), 滾熟佢

再切d腸仔同丸丸 + 蟹柳, 呢d無再整熟, 諗住一野焗埋就ok

意粉跟包裝煮熟 (放左大半包, 可能我地多餸, 都食唔哂, 所以下次一半都ok架喇 )

放入盤度加少少olive oil, 之後放左盒裝既肉醬 (好彩未過期, 有人冷不防咁提我一句 : 我屋企果d野食睇下過期未先食呀下 ! =_=|||) 拌云

之後加入所有材料.....最後放西蘭花 , 最頂放芝士

*** 下次會係意粉面先放少少芝士, 因為今次覺芝士唔多夠呀....(其實d肉醬都覺唔多夠...)

天蠍E話好味喎! (因為方便卦, 又唔使整好多功夫)

問佢下次整tuna好唔好, 佢又永無say no!