{私人blog}泰式酸辣青瓜

係facebook見到samwei既介紹泰式酸辣青瓜 

特別鳴謝Tomato 既分享

呢排天氣咁熱, 都要學下整先

材料 :

日本青瓜2條

青檸 (要d汁)

雞醬, 魚露, 麻油

家中咩都無 ( 雞醬以前有架, 不過應該食哂找唔到, 想拎上big6 整比天蠍E 食, 所以買左支細既 )

先將青瓜切好 ( oh! 我整時都考慮整要唔要清埋d 囊, anyway, 下次我會清走佢地) 用鹽水浸一浸

之後抹乾後再拍一拍佢 (唔使切大細, 因為我一拍之下佢一開左二)

之後落6湯匙雞醬, 2湯匙魚露, 2湯匙麻油, 另加青檸汁

我買左一盒4粒既泰國青檸 (思思縮扒有隻 $5既澳洲青檸...) 無咩汁既, 都係泰國既正好多

將 sauce 混埋一齊, 再加少少糖

(我初時都懷疑 : 要2條青瓜咁多 ?? 6湯匙醬 ??) 點知.....係要架....

將d 醬加埋d青瓜一齊雪凍佢就食得架喇 !

後記 :

因為偷食, 發現有水, 影響到自己都覺得ｄ汁好似太稀 ( 係呀有味, 不過硬係覺唔多夠咁)

故我上網再找, 原來鹽係要醃佢10分鐘度, 目的係要佢出哂水, 再用kitchen paper 吸哂d 水 (我以為抹抹ok嘛...點知原來要一滴都無架jet)

下次會叻叻的了 !

*********************************************************

註 : 睇怕要整比天蠍E,

食材都係要由hk運上去

..................因為......................

- 日本青瓜....好似唔多覺

-青檸...更加係無既.....

-雞醬....有, 我見過 ;

- 魚露......無為意有定無

不過為左第2晚有得食已雪凍既, 都係我親自帶上去方便d

雖然我都想試多d整野比佢食, 不過因為環境因素 (果度有吉豬島, 不過去順德果間要20分鐘, 一係就要出去廣州先有) , 真係比較難 !

我好想整通少果d菜式比佢食架 !

另一原因 : 我無咩機會係家中試整左先..無可能整有機會失敗既野比我honey食架嘛 ! ( 家人未知有天蠍E既存在架....故我咁神心煮野食比家人食, 會被懷疑 - 雖則而家個個星期都上去過weekend都引人思疑架喇 !)

而且....佢廳 (公司租既宿舍)係無冷氣/ 風扇, 佢唔想我煮到身水身汗, 錫住我唔使我煮, 頂多都係係雪櫃度拎野, 洗米, 洗菜, 開罐頭呢類野比我做)