私人網誌 -----成功了 !

4月尾辭職後既第一件事, 練琴 !

因為想教返琴

一早知道面試 "柏B"琴行要彈2首曲 (多謝都得媽提供資料)

亦多謝都得媽提供琴書 (因為我唔知彈咩好, 咪問她意見, 果2本書我咁岩又無, 所以她借左比我)

所以呢, 你地明點解5月份我見得佢咁密 !

練左2星期.....練得8899, 我先去send CV

係....我怕一陣send完信, 人地2日後打黎叫我去in, 我又咩都未prepare好

所以我要有充足準備先....

之後....琴行打黎叫我2星期後去in ( 早知2星期我就再早d寄) -- 我都擔心成個月無收入架嘛 ~ 不過...呢d有早知就無乞兒喇 ~

5月28日.....in我既係琴行顧問 "陳siu fun"老師....好慶幸我係浸大畢業, 所以陳老師識得我以前既教琴老師 - 岑老師..

當日表現我係普遍既, 因為.....我彈錯左拍子之餘, 另一首又彈得慢...

不過陳老師都好幫忙, 我都怕職員懷疑以我quali 及工作的經驗係黎私收學生.....BUT陳老師話我以前份工真係好辛苦, 根本自己練琴時間都唔會有, 仲點會有私人學生, 佢話佢d學生星期日要返教會果d都話仲加忙 +無時間....又建議琴行我可教果D 莫札特班~

其實in完後幾日我都7上8落, 不停上網找下有無人in過, in完幾時簽約同點...

都係見到2個blog既人話in完 + confirm都要幾星期....我先無咁驚

6月1日終於收到電話喇....約左我6月4日去簽約....

個心即刻定哂 !

多謝都得媽既一直支持, 無論係職員打黎約我interview同in完後, 佢都有支持我同比左好多寶貴既資料我.....其實每次我都係一個想起你, 不過...為左某人唔呷醋, 都得媽係我第2個必通知既人

第一個當然係果幾星期,每日都會問我練左到未, 練左幾耐, 練成點既男友....

因為我interview當日, 佢有要事而出左埠.....佢又以為我嬲左佢 (緊係....果個星期無得見佢, 佢自己掉底我走左去.....如果唔係個interview..我都有點懷疑...佢會帶埋我出發嗎 ?)

我又唔想成日出街使 $, 屈係家又成條虫咁....佢見我咁, 叫我出街食飯入佢數, 無limit食咩都得喎~

好期望快d返工

真的好感恩呢 !

***後記

今日簽左約, 但並唔代表開始收生教了 !亦唔好問我邊間center....唔知

因為佢比左套書我,要返去做功課, 寫下comment 及review咁.....之後一星期再等佢call我返去training..... (又浪費我多一個星期)

training後....先會收生...到時再告知大家我去左邊間教喇 !