09 夏威夷 - day 6 Dolphin Quest @ Hilton Waikoloa Village

Jun 13

入住呢間酒店既另一方便之處就係唔使坐車就可以去同海豚玩遊戲

官方網址 : 係Oahu (= honolulu ) 或者Hawaii Island先有 Dolphin Quest

Hawaii Island即係Hilton Waikoloa呢度, 係酒店網內仲可以直接訂,一按你入住既日子, 佢就會一次show哂你入住呢幾日有幾多位訂左, 仲有幾多位剩 或接受 waiting list

Dolphin Quest by Hilton Waikoloa Village (外來者要自己坐車黎或者velet parking都要比$既)所以我先選擇唔係oahu度玩, 係呢度玩 ~

 

張相係第一日影既, 因為要睇下邊個站落行得近d

呢度有好多個programme, 有20mins同海豚一齊既, 40mins, 定半日做trainer ~

係沙灘前既位度影既...(有欄杆架, d人只可以係草地度睇, 入唔到去架 ..比左$咪入得囉 )

佢地跳水玩緊呀 ~

我個係2小時度既programme, 先黎去左lagoon pool度snorkeling, 原來呢個人造沙灘

原來底有乾坤

水度有好多魚魚....係斑馬色喇. 黃色喇, 藍色果d喎!

係瀑布度...職員仲帶我地去睇大海龜呀....我好開心咁游埋d游埋d, 一枱頭先發現自己已好近石邊, 自己用手一推 ( 因為著住救生衣,好浮..., 無咩力了) 所以要推走自己....點知...一郁手, 被石介到了 ~ (當時即出左少少血...到今日仲有2條疤痕係度)

玩左一陣, 再換個有摩打既輔導器再玩 (舊野好死重)

大約半小時有多, 就轉去返去海豚pool度玩喇, 先由職員比魚仔我地餵下d海豚先

我book既時段及呢個programme, 共有6人, 分左2組去玩, 所以更多時間接觸海豚呀 good ar!

一開始時, 佢會問要唔要拍video , 我答左唔要 (要左都無時間睇返喇, 要黎把鬼咩)

不過....全程係有2位職員負責影相及拍video既 ~

呢張相係教我地做動作, 令條海豚會同我地hand hand黎揮手

之後職員會就命令條海豚擺個好靚既post叫我地行埋去影相

仲有張kiss kiss相架, 不過我無買到 !

職員係某一時段都會比我地問問題架 ~

玩完一陣, 我地再入baby pool (即係個pool養左幾條bb dolphin) 佢又教我地做幾款唔同動作 (我地3個人, 每個人次次都唔同指令架)

我玩過用手指R 佢頭頂,佢會係度hehehe笑囉 !

另一張朋友唔記得做咩, 令佢頭頂上個窿會噴氣 ~

仲有d係吊高波仔叫佢跳高掂喇 (似海洋公園表演果d )

真係好好玩 ~ 大人小朋友都岩去呀 !

註 : 相片係要另比$既 ( 玩完換完衫就去睇相, 可以選3, 5, 7 或全部要哂既package ) 咩size都係同樣價錢, 亦可以叫佢燒碟 (當然就最貴喇 )

比完$就一小時後取 , 所以我係在附近食lunch (因為玩完都11點多12點了) 再返去拎相 ~