09 夏威夷 - day 5 - Grand Circle Tour Part 1

今日先黎個Grand Circle Tour (我係跟Hawaii Active, 都係我一時大意, 無睇清楚, 佢係轉個tour比 polynesian adventure tour ,其實亦即係grayline,價錢仲要平同已包稅 ! (所以在day 2 果篇circle tour時, 我都建議大家跟grayline既團 !)

其實有d團係就本身果日有無團, 另都就自己....

呢個係whole day tour, 玩成12小時, 7點度pick up (到步後要打電話等佢再reconfirm 一次pick up 時間)

早上出發前係露台影既 ~

右下角既係lower lobby, 無影仲有部份似check in既枱椅, 可以坐係度涼住冷氣等車, 出面亦有石椅 (因太早, 否則相中全部有職員坐counter幫你報團, 以日本職員為多, 左右2個counter都係專serve for Japanese)

坐左成粒鐘車, 先到咖啡店度試飲 (我都唔飲, 家中又無咖啡機, 唔買 )不過我有倒少少黎試, 雖然我唔飲亦唔好....

↑右上角係黃色及紅色雞蛋花既種子

第2站帶左我地去麵包店 (借toilet又好, 買下野食都好喇.....左下角既麵包係比客人試食既, 我全部都有試 ) 左邊無記錯係guava 味, 右手邊果張相係呢度好特別既Taro 芋頭味 )

有相為証, 真係轉左另一間公司既團.....(呢日好多人, 成車佔左9成位)

之後去左Black Sand Beach睇海龜...好大隻呀....不過唔比行得太近... 影左無耐, 有一隻自己爬返入水了 !

唔係太好太陽, 所有無咁藍了....粉紅圈果度係...好多蟹係石附近

另一站就係去睇火山呀....

之後都諗，坐直昇機團會唔會睇到紅色既ｌａｖａ呢？？而家呢度得煙咋！

張相係我2合1拼成咁架咋, 唔係咁岩一路睇d煙一路有個牌介紹架 ~

( 傳說話唔可以帶走火山區既任何石仔離開, 否則就會帶來惡運, 亦話每年都收到唔同國家既人寄返佢地曾帶走既火山石返去喎!)

呢棵紅色既植物據說係火山區先有既 ~

睇埋個museum內關於d 火山石既野..就坐返車出volcano House (其實即係酒店一小間) 度食lunch, 可以入餐廳食, 咁我地呢d唔想貴既人就食快餐 (即係自己self既)

呢間係一間好有hisotry既酒店....房間數量不多, 不過好肯定既係, 每間房都可以望到出煙既火山口....

下次係一個art museum , 前身就係一間蚊型hotel, 我影完走廊, 正想影下間房有幾細, 點知一影完, staff就話我影果間房要唔比影既 (下...影左囉喎! 其實佢聽到我影相聲, 佢唔知我已影左既.....oh~)

咪係呢間房喇...可以d 展品未公開住卦......

之後就去另一地方睇lava tube, 經過一個似jungle既地方, 個tube似我地去鐘乳洞咁, 好黑, 好濕........

之後又坐車去另一目的地 (因下一站既相比較靚, 分開黎出 )