09夏威夷 - 出發篇

其實一開始唔係真係已set左目的地

我係想先買左本, 先決定去邊度

目的地有夏威夷、關島..總之係藍天白雲, 有得游同曬太陽的地方

不過後者找唔到書 (係呀..唔知點解....我又唔係果d鐘意網上睇野既人, 我意思係咩野都無係手, 只在網上睇既人, 我鐘意坐車又睇下, 瞓前又可以睇下, 咁print出黎都可以,不過就浪費print左一d無用既)

最後...睇落好鐘意夏威夷 (其實10年前應該去左,不過果時報左團而唔成團之嘛 !)

睇機票, 酒店,同團都花左我唔少時間..又想等有無平機票..

吸收左上次拉爛喼既經驗, 今次一開始已打算大中細3個喼..雖然誇左d,不過當我放哂d野入去時, 我覺呢個決定係明智既 唔信click入黎睇下你就知 (他們都只是護膚品, 仍未計衫喇, 食野喇.....)

(嘟嘟嘟......我事後2個行李都係超重既, 要再重新pack返d野入細喼先ok,所以...3個喼係要既)

我已習慣唔係家食野, 係機場既lounge先食 (我覺得hk既lounge係最多野食,而又最飽肚既, 有d lounge真係把鬼架)

第一次坐 ANA,覺得好正呀 ! 最差只係我戴唔穩佢個headphone,太大了 ~

為左下一篇就即可介紹夏威夷, 忍一忍,呢篇會出多少少相 ~

mark左機位係31, 因為2x果排全部係望機翼 ( 官方網度有seat plan顯示既)

野飲上得又快,好過把鬼既UA,又唔比帶水之餘,仲要遲遲都無野飲 ~

飛機餐一般 (不嬲都無咩好感) 不過真係要讚下個麵

有soy sauce及紫菜....唯一呢樣野我係食哂既 ~

hk係無一間airline係可以直航到夏威夷既, 大部份airline都會在日本或者korea度轉機

4個多小時,話咁快就到NRT喇 (4小時我真係瞓唔到,仲要最慘 d movie我睇左8成, 無睇果d係日文字幕或者係得日文....)

一到部當然睇下有咩買...忍唔到手, 入左少少貨先, 野食就等返黎自先 ~

由東行到西,再由西行返去東, 都係睇下有咩食, 有咩shop, 得呢間食日本野...

黎杯啤酒先....

我要食魚生飯 !!!!!!!!

食完飽飽,本來想去最近既KAL lounge,點知無開...問左information, 我想去果間話去唔到喎 ! (我唔知係唔通定點) 最後去左NWA (係呀...好彩有好多間既選擇)

呢間lounge又大又正, 亦勁多野食同飲, 計有2x台apple電腦以供客人上網之用 !

呢張相上回亮過相了,不過唔好被數量所欺騙..點會得果1,2份呢 ~

無呃大家, 真係好多野食同飲 ~ (汽水或茶都有10多種)仲再啤酒 (早知唔使食野時飲, 啤酒杯仲要係雪櫃內雪左既)

我食咁衣試左少少

食埋下面UA既飛機餐, 7小時多點既航程就到夏威夷了 (又係瞓唔到,)

所以第一日落機我已接受20小時未瞓...7點未夠就起身 , 9點多飛機 ( 2 hrs), 14點多到日本 (6hrs), 留左日本2個多小時 ( 8 hrs), 再坐7個多小時 ( 15 hrs), 出境等行李等shuttle....(17 hrs)

9點已在酒店check in,為左爭取時間...我當然報左團喇, 留係酒店咪又係出去八, 你估我會留係房瞓咩...咪玩喇....我情願玩到攰, 晚上返到酒店一上床就瞓得著呀 !