Bali 之旅- day 3 - Jimbaran Seafood

睇完bali dance都７點幾有多．．．

表哥女友問我地想食咩．．．

問我地去Jimbaran 食seafood好唔好

我答:OK (因為．一來聽日我唔會跟佢地行程，大家轉酒店，我未必有機會食　＝奸笑中，　二：你話唔好，又要佢諗去食乜，我地唔知咩黎既時候咪仲死）

答完．．．JJ係我身邊講：果度食seafood好貴果喎！一陣表哥又係我地唔覺之時去埋單架喇　（係架，佢次次唔係去toilet或者行開食煙就埋左單架喇！）

所以．．我地３個係後座決定今次我地找唔找位靜雞雞去埋單

係停車場一落車．．．．嘩．．．煙霧迷漫．．勁呀　！

因為呢度全部都係BBQ seafood...

我地係呢間度食．．．．（呢區都係名牌酒店區，沿大路我見過有Four season resort 及intercontinential ，前者全部係villa,我比唔起，亦唔覺villa係我想住既　；後者ｄ房無咩景．．．）而且我亦覺向正大路比人一眼就望到酒店門口既唔夠privacy...

我地到之時，仲有位既，我地坐埋邊，行出去可以向著沙灘食　（不過連埋風及沙一齊食．．．）加左閃光．．．好黑架．．得枱上既燈架咋　～

之後．．．表哥叫埋我地一齊去選野食　（岩喇，唔好比表哥亂叫貴野）

表哥不停問要唔要lobster (NO NO NO ,唔食人隻車）ｃｒａｂ．．都唔好喇，又唔知點計．．

好大隻椰青呀．．．．仲有肉食！

黎喇黎喇．．．有２碟蝦（死囉，一碟都咁多，仲叫左２碟）

少少ＳＰＩＣＹ既菜(X2)，不過好味！

再黎多碟蝦，呢款同第一張唔同，呢隻係大隻ｄ既（無錯，即係３碟蝦）

ｃｌａｍ（x2），肉好細．．而且．煮法太特別．．好似食蠔油咁

魚魚魚．．．．都好味，好少食燒既魚

咪睇少好似好少相，其實都好多野下，食到一半,J生扮野去toilet後去埋單，我地就扮唔知傾計；不過２個表哥都好醒，總之一唔見J生，佢地都會周圍望下，因為當時cashier埋緊另一張單，所以．．．最後係唔成功既，仲要表哥識呢度既老闆．．．．講明唔准收我地＄

我知網友話呢度扮明呃遊客，亦有bloggers話呢度既野麻麻好食，相反，我覺ｏｋ喎！（雖然我唔知價，我唔可能講你知值唔值呢個＄喇！）

唔記得係表哥女友定wedding agent好似提過，想去呢度食，可能打去比餐廳，好似會派車接你黎食　（未經嘗試，不能作準）

走果時，表哥女友話我架酒店係再入，都要成10 mins車程　（嘩！好彩今日食左，黎緊聽日開始要避世架喇！）

＝　＝　＝　＝　＝　＝　＝　＝　＝　＝　＝　＝　

之後，表哥女友都問我地仲有無野想去；返酒店時佢都專乘車我地經過ｄ　pubs,果邊真係勁熱鬧呀！

不過成日都好攰，而且佢地仲要返酒店拎wedding agent比佢地既相黎選（睇完當我無講，因為．．．係唔比選１００張相入相簿既，ｄ相應該係由AGENT選既）

仲要．．佢地無帶notebook,要借用JJ講左２次我部好慢既netbook黎睇，話驚睇唔到

（sigh!明知自己request選相，咁你唔自己帶；仲要我部netbook係無disc位，咁岩我有隻8BG USB,都係我借比佢地比agent　save起相先）

最後．．．係由10點多整到１２點多．．（我睇左一陣都無理佢地，去沖涼，睇tour．．．．JJ係睇到發lo so,因為佢話好核突，直頭唔想整本相簿，最後選左９ｘ張咋．．．）又話影得佢面好肥（佢身型唔肥，只不過係面圓圓囉，that is why佢一開始set 頭都話唔整起頭髮，不過天公不做美，太大風之嘛！）

選完，為方便，由我開excel幫佢入number,再email比agent負責人（係呀，好彩第１日我無因為唔低or whatever reason而唔買張上網prepaid 卡咋，否則何來有得上網用email呀！）

喇！食你表哥幾餐，我呢舖還清架喇！