跟進服務

今日係手術後既第2天

今午出左去比人洗頭 (去返自己stylist度, 起碼佢一定叫洗頭果個好小心 ; 樓下果d認你係老鼠)

洗完頭途中接獲醫院電話, 打黎問下眼有無特別問題

亦查問下滴完有無苦苦地咁

當然係有架喇, 不過...我呢d滴左半個月有類固醇眼藥水既人....呢d算得係咩..

姑娘之後教輕按眼角位,等藥水吸引多d, 就唔會留咁多入口度..

我其實都唔知幾時叫眼乾, 所以我每2小時就滴一次人造淚水

又因為下星期有事真係走不開去覆診, 再為再下一星期, 我都係果度買多一盒藥水 (雖然佢話屈人士度有...大間d果隻先有)

我都買定一盒做後備....

仲有....想知自己做唔做得, 千其唔好問我

我都係只會叫你去聽講座, 再去book一次 $800既檢查, 等專業既醫生跟你既個人情況等作出分析吧 !我睇唔到你視網膜有無事,我亦睇唔到你角膜厚定薄 !