懷恨在心【私人網誌】

今早因8點要帶學生上課室

又要比老闆聽多次二重奏 (因為佢教錯學生 : 我教學生2個企位係八字, 方便望大家, 亦可望下評判, 點知老闆睇完第一次rehearsal就改哂, 要佢地鞠完躬, 望住入之後就要轉各評判。之後老闆同另一訓練老師講, 同事好醒目, look 大對眼話唔得架 ~~~ 所以老闆今次順人地意見, 即刻叫我call齊學生, 由佢提返學生佢講錯)

真係你老味呀, 我講你就唔信, 分分鐘仲話我態度唔好, 駁佢咀 ~ 人地講你就accept !正Beggar ~~~~~~

講返哂懷恨在心 ~

今早Music panel (學期初就係我講左d野比佢知, 我被老闆話我同佢講negative 野既人)

對我友善咁單聲：老闆禽日放學上左黎，話你工作唔積極　！佢對事唔對人既，可能佢會叫你落去傾，你有心理準備喇　！

GG:好，唔該哂你　～

不過．．．．今早叫佢黎聽完之二重奏(牧笛）之後，無野喎！

好喇，我又送自己入虎口！因為又有打針通告比佢簽

又無事，只係問＜我禽日同panel傾左音樂既野，佢同你講左未呀？＞

GG:未！（我點知人地有無講漏，何況我講左有，我點知老闆你有無玩野，引我講多次自己既weakness)　

之後佢再話：有ｄ獨奏學生雖然唔係我地教，不過我地都有責任跟，禽日果ｄ彈得唔多好，ｄ學生話老師都未聽過）

GG:下，（自保）我有聽哂我教果幾班，因為我怕佢地彈錯歌！

老味：係喇，我無ｃｈｅｃｋ邊個負責架！（你同我講，又唔見你查下邊個負責）係我，你又入我數架喇！不過今次你無位之嘛　～

事後，我同panel講．我點答老闆(佢未同我講呢件事）

隔到食飯時（１小時後）佢同我講，其實老闆記左一句說話好耐，佢話你曾講過星期六係私人時間　．．．．

呵！呵！呵！！！

係，我的確有講，重點係呢句說話係我　５年前講既！！！！！

不過．．全意係佢唔知講咩，我答佢（當時係返下午，放６００，開埋會就７３０先走得）：咁平日返工時間咁多，我諗同事都想留返星期六既私人時間陪下家人．．．．．

你老味呀　～　無前無後，就得呢句:星期六係私人時間　！

我係天蠍都無咁記仇，呢Ｄ女人邊得罪得，佢仲有３年先退（如無任何意外的話）我點可以忍佢３年呢～

５年黎平安無事，今日先剿返出黎講！我留係度，仲邊有運行！

再黎：PANEL出比賽表發生左小問題，１１５既時間，佢寫比學生係２３０，所以學生遲到左，無得比賽

如係我整既，老闆會媽到我上頂，話我唔小心呀．．下刪１００字

但換轉左呢位panel，而家老闆話下年由我同另一位組長一齊整，再交panel check,之後再比主任喎！

我地２個答:好呀，下年喇　！

事後我地２個都有相同idea (佢係醒目女，都知老闆既din 事）我下年仲係唔係度都成問題，應承左無壞既！

我只想平平安安過渡埋呢幾個月！

另：禽日請病假果２位，仲有一位未返！　

--------------------------------------------------------------

今日４點多，叫多次佢上黎聽，佢叫埋阿假一齊

聽完，唔知佢真心定假意，話好喎！阿假話：老闆話好過星期２好多喎！

不過今午係老闆房，佢懷疑咁問我：你星期二先派譜比佢地架？

GG:唔係，不過有ｄ年３０無返，咪果日先拎囉！（明明得一個唔返，最後多左３個無黎，咁我又可以點？）