被屈之事【私人網誌】

今日我被屈...仲要係佢諗, 無事實根據

事源 :

今早我係停車場值日

815就係班主任課, 老闆係805-810既時候親自行黎找我 (都有一段路既 - 想像下由第一個課室行到第5 1/2既課室)

真係大架光臨~~~~~

佢就係黎通知我 : 一陣你去代3C 班主任課同幫手收 $ (我禽日開會都知要收$, 不過唔知收咩既)

之後就加多句 : 今日何 xx 同李xx請左病假..(打左個突...2個一齊請, 咁既事都可以發生, 佢一定又覺我地係陰謀論)

佢續 : 林主任就因為教一仔多, 我叫佢代 (你使咩同我解釋??) 你就去代3C (我無教3仔喎 !)

後尾我先知, 今早第一堂改為班主任課 (我係見時間過哂都無人黎,我問學生乜唔係視藝堂, 佢地先話比我知 )

我想講既係 : 即係上面大把人可以代....咩事要我去 ~ (就係因為佢係我地自己人,所以比我硬食)

我亦想講 : 星期一我得2堂休息, 已代左人地一堂....點解我今日仲要代多次, 仲要多左個15mins既班主任課 ??

我生氣, 生氣係 : 病假果2位....次次有事(即我地圍內人有事) 被召見既, 都一定無佢地份....

今次...我就係受害者....要代堂之餘 ( 我星期六表演, 好多時候都用哂黎訓練, 比d休息黎改簿同做document得嗎) 仲要被屈  -- ---- 我指使佢地2個一齊請病假

此消息係醫生太同事講, 佢今日係樓梯見到我 , 佢係我後面問我 : 你朝左聖未 ?

我 : 無呀, 想講請假單野呀 ??

醫生太 : 小心d, 無咩事唔好講咁多野..

我真係唔想留係度, 我唔想短幾年命, 我唔想我開朗既性格變成抑鬱病 ~