上海杭州之旅正式開始 - day 1

花左一個多鐘去整相, 編輯下, 而家可以先可以正式開始

等完行李, 行得出機場, 都已經係......2點幾3點..之後先去

第一站 : 城隍廟       湖心亭     九曲橋      上海老街

下面係湖心亭, 呢幢係酒樓, 我無影城隍廟同九曲橋..(第一個點因為只係路過,停都無停, 因為要比$入場 ; 另一個因為...又唔係高處影向下, 係平面影根本唔會知點曲, 不影也罷 !)

導遊娟娟講完集合時間我就四出影同食 ~

先睇書仔, 去食臭豆腐 ~~~  (西施豆腐坊) 唔多衛生咁, 好多flies ~~~不過我本著痾c 把就既精神 (仲好...當減肥 ~) 食左 $1 = 2件 ( 全部人仔計算)

photo 1 係寫住上海老街 ; 不過對面就係高樓大廈, 都幾特別 ~

之後係時候行返去食上海好好味既小籠飽 ~~

地下係16隻既 (最平,數量亦最多,不過壞處係好多好多人排隊, 第二層, 開始平d, 不過都有8隻 ; 最頂層係貴, 因為最少 )

咁我自己唔想食咁多, 因為好快就食晚餐 (而且果時都已經係4點幾 ) 所以我食左最貴果隻 (仲要係有蟹粉既)

下面就係價錢牌 ,  $40可以接受, 不過等左 15mins先有, 食緊第一隻我已叫埋單 ! (無茶比, 要就比 $喇 ; 我無要到 )食完我都遲左 5mins (因為真係好熱....5mins都無我食哂 ~~~衝落去集合)

團友話 : 下面薑絲都要比 $喎~

事後佢地話早知都去上面食, 唔使一次過食16隻 (最好笑係.....團友唔知一籠16隻, 以為係8隻, 叫左3籠, 一人一籠...食完晚餐都唔多想食 ~~~)

車上隨影 ~

呢邊就真係幾懷舊既建築物 (諗起真係失禮, 祖國自小一去過桂林外, 我真係無返過去祖國, 相反西歐就去過4次...)

後去左

 

黃浦外灘, 影東方明珠塔

(睇相時, 感覺佢幾似早上既Las Vegas)

花花隨影 ~~~

日本同台灣呢期好多櫻花, 呢度唔係, 不過.....我當佢係喇 ~~

因為今晚要睇SHOW, 所以早左食飯 ~

真係好熱....汽水唔多有氣, 所以咁多餐, 我都係飲啤酒既 (真係少返BIG 6 , 而家每團都有一支汽水同1-2支啤酒 )

每餐都係8送一湯...真係白飯任莊 ~~~

之後去睇雜技 (最好睇既係最後有個大金波, 有人係裡面揸電單車, 我都係第一次睇, 最厲害既係.....最後係5架車係哂裡面 )

睇完都9點多, 9點3準時去到南京商店街 (仲有得行....原來係收10點 )不過4間百貨公司都係舊到唔恨 (永安喎.....先施呢D牌子,唔想去 )

不過話時話, 有間賣女性CLOTHES既, 就真係幾得 (仲再MK KLEIN)似香港既 b +ab咁, $300多就有

睇完夜景, 又再一次証明...佢又幾似Les Vagas ~

---------------------------------------------------------------------

下午要返浸會了 (走了一堂星期4既 ) , 我一陣會整相先, 希望聽日可以繼續day 2

請blog友留言下, 支持下我喇....(你知嗎, 整相load相....再寫係好辛苦架 )

我已唔會再係某網寫遊記, 因為我唔想自己花完時間無人回 (點解 ?? 唔知喎, 眼紅人地好豪咁去左3星期歐洲 ?? 仲要打比好多人叫人唔好回....)我唔係佢, 我亦無同心打聽此事, 只是上個月有善心人告知,我才明白點解一直得自己人捧場留言吧了 )此仍小事一樁, 道不同不相為謀....如sawa所講,我才不會為這類38勞氣,她不配!