天蠍週年之旅 @ Phuket 2011- day 2 (1)

早一晚時, 天蠍E睇左我本旅遊書

佢話想去睇wat...最後決定早d起身 ( 7點起)

之後去泰roger網度介紹既地方食豬手飯同cow 忟雞......

先坐酒店shuttle (oh!我無提及, 酒店範圍唔比其他非酒店車進入, 先可以去transfer lobby 再坐酒店shuttle入main lobby......)

我地就正門行出去, 其實見到檔疑似物體我都同天蠍E講, D 食檔就似果D, 我地又無過對面街....行左成15MINS 見唔對路 (因為個門牌NO 開始唔似...又愈行愈遠....)

最後過對面馬路再返酒店....

哈哈, 原來真係我話疑似果間就係我地要找既

有人背影出鏡 ~~~~~~~

老闆好好人,比左本有英文既MENU我地...

有人堅持要食豬手飯....不過佢好想食成隻...但無喎! (呢檔野開8點度, 收5點架咋...---根網上資料)

我就當然要海南雞飯 - 都係水門人妖姐姐檔好食好多..(最正係佢既醬嘛, 呢度失色左少少)

我最愛既奶茶 (左) ,有人要COFFEE (不過下午要野飲時, 有人開始學我飲奶茶了,不過佢話早上我比佢飲既第一啖奶茶係最正既...佢話念念不忘呢....)

食到一半, 又有人走出去睇野食. 又話想試燒肉.....(sigh...食喇食喇....)

有少少肥,不過程度可以接受...係個皮唔太脆......太硬了 !

好似食左 2xx b...

之後..明知返酒店門口都call唔到的士, 想行返去酒店既向沙灘方向...

天蠍E又指我去問老闆...好喇..問左問..

點知門口岩岩黎左個VAN仔司機黎買外賣.....

咁就成功要左佢部車出發去wat (差不多要左佢3-4小時度喇)

呢度係慈恩寺 (Chalong Temple)

睇上幾好天....(check in時我問左staff,佢話係呢1-2日好好天, 之前落足一星期多的雨了)

其實phuket都仲有好多wat, 不過見書有介紹呢個, 又幾近karon beach..所以先選呢個

天蠍E去左拜神 ...佢怕我悶 (定唔想我跟住哂....??) 所以就叫我周圍行一陣 (其實都可以係怕入去有香...怕熱死我卦 ?)

我就去影下相咁囉......

呢度仲可以上到頂

行完哂都係11點多,下一站又係去食野 (想食LUNCH )

不過見時間不對....但都係先找果間食店先, 到步後再係附近行陣再食野喇

我地去phuket town既phuket square (其實似批發野, )行左個圈就去左間懷疑係我地想去果間度食野

因為照個泰文地址, 司機找唔到, 找去又話唔通 (我懷疑搬左舖位)

想去果間叫向前飯店 (呢間就叫up town restaurant) 估應該係呢間..是但喇

有人終於唔飲coffee了 (佢話好怪, 好淡..)

就係佢話飲完呢杯先覺早上果杯好飲好多..(我就覺差不多喇 )

我要魚蛋河 ( 書仔話ok既)

一成不變既天蠍E先生就繼續食thad thai....(一黎到..佢整爛左個蛋包我先記得未影相..)

佢答 : oh! 太肚餓.....唔記得左你未影.....

仲有碟菜.....

食完時間岩岩好 (我地叫佢一小時後黎接我地)

我地未夠鐘架, 不過見佢架車已停係度, 我地就去最後一站 - Central Festival Phuket

呢度有我至愛既central 百貨公司, 行5-10mins去隔離就有big c

(天蠍E不停煩話叫唔叫司機黎接返我地.....) 不過我地又唔知行到幾點...

最後落車時, 司機話佢有BOOKING 唔做我地生意, 而且呢度 / BIG C 門口都有CALL的士服務 (明碼實價.....仲可以bargain一下既...)

我地先去big c 睇下有無我既coffee (有既, 仲有試飲..我已經試埋其他幾款口味..yeah)

不過因明知big c 平過central既超市, 所以決定行完哂central先返轉頭去入貨

買左乜 ???? 下一篇再講 !