我係潑婦

哈哈,

話說岩岩既星期六我地又住酒店

不過天蠍E FWD完個住宿資料比我後, 我覺貴, 不過佢又唔願打返去轉 (是但囉, 又唔係我比 )

我上網search完, 知道係邊度..

去到酒店轉入去, 門口個食蕉話無位,

天蠍E都即時話我地係入住既

唔知食蕉聽唔到定咩, 佢都堅持話無位, 叫我地轉入Car park

咁...住過幾次, 無位而入地下car park係正常既, 我地無理喇

不過係天蠍E嘈話都唔知泊係邊

又要倒車, CUT返去對面線, 行左少少再cut返入car park (呢條路好多車, cut黎cut都已煩)

本來佢想揸車去找食, 我話都係附近食, 唔好喇, 呢區真係唔方便出出入入

到第二朝, check out時天蠍E問我要停車張卡

我拎埋櫃面 (因為有時呢D要問酒店拎卷先可以FREE)

呀大堂經理話張卡唔係佢地泊車既地方

下 , 神馬神馬....?????

我出聲了 : 禽晚係你地既人話滿哂, 唔比我地泊, 叫我地去停車場既

經理問 : 係咩, 你地幾點入住既 ?

GG: (我地上房係7點多...不過費時答錯 ) 我checkin時你地有時間架嘛, 你地check返咪知囉 !

經理 : (緊係自己check喇 )再問我地 : 你地駛埋大門口架 ? 你地有無揸到正門

GG: 無, 係條斜路度都已經被你地員工話無位, 指使我地泊去停車場, 我點知咁多呀 !

經理話要內部查下先, 天蠍E已煩話係你地內部問題, 點解要我係度等

到我出口了: (此時經理係打去保安問禽晚有無人咁答過) 咁如果果個人話唔記得 / 佢無講過, 咁點 ????? 咁事實佢係有講過喎!

之後..我地等.....5分鐘都無

經理過黎問 : 你地架係咩車, 咩車牌, 當時你地係唔係2位都係車, 點對答...

(我地2條友都記唔哂個車牌....因為big 6 既車牌水蛇春架,我地記頭記尾, 唔記得中間個英文字)

之後經理過我地可以開車走了

去到閘位, 我都叮囑天蠍E講多次話酒店講左唔使我地比

(事後天蠍e話可以要比都over 100人仔...)

係...所以我死都唔會比....何況係食蕉死蠢....關我地咩事

我就好似潑婦上身咁, 推哂責任比食蕉.....

天蠍E話....你粒腦轉得咁快既, 我都無諗過佢唔認/ 扮無呢回事咁點....

(見得學生多, 咩7都話唔記得/好似無, 你吹佢咩)

我講野流利, 呢D 野緊係我出口喇 (講煲冬瓜我就未必咁聲大了)

**呢間野話係國家級, 你估佢唔怕我嘈大架嘛.....100-200人仔價就話佢睬我都傻.

不過話時話, 我都好少咁出聲嘈 (唔嘈既, 係理直氣壯咁囉 !)

潑婦....我誇張吧了....