其實我都唔太鐘意教大人學生
我都試過邊讀書邊返工
所以, 我好明返工已佔去大部份時間, 邊有時間去練琴 / 做樂理功課
不過......都唔好考前一個多月前先找老師補下
仲要...果d唔係補, 係 3首考歌度
有1首得個殼 (即係只彈岩), 拍子都係錯既, 不過叫做有老師教過下
1首音錯, 拍子錯, 只係彈哂 (應該無老師執過, 因為無可能d拍子錯成咁)
最後果首......2個小節我都頂唔順叫佢唔好彈, 佢自己選既果首, 因為....得一頁喎! (最後, 得佢同意下, 選過另一首, 彈哂喇....佢唔甩都ok既)
希望各位成人學生, 要考就真係要早d找老師, 唔好無師自通....你一彈錯太耐, 我真係好難去執返岩哂 (仲要係1個多月內......邊有時間執1首教2首)
亦唔好以為自己重考就掉以輕心.....scales亦不見得ok
叫左你第一頁要影印返, 方便唔使page turn....成個月都唔見你做, 所以次次去到果度 , even我幫你page turn, 你都甩......sigh!
祝你好運 !
註 : 你禽日last lesson我都高興, 因為我唔使教你之前, 次次都要花一杯野飲 $去hea係starbucks 成粒鐘黎等你上9點果堂......教完返去都10點半...我都好攰架 !
最慘係要等咁耐...
ReplyDelete成人學生....well，都未必聽教既.....(自己已有自己一套，點肯聽你講？)
[版主回覆10/16/2010 00:17:00]今日職員打黎先話原來係禽日星期四上既已完, 星期一既就上埋下星期先係last day....
佢都肯聽你講,不過好多野都要寫低係旁邊等佢提自己, 連放手, 定hold都要寫.....
只係...佢力不從心吧了 !
咁樣半天吊要等到咁夜都真係好慘! 我以前都試過邊番工邊學樂器, 真係有時間都冇心機練! 最後都係考埋個試就放棄, 根本都冇可能學得好
ReplyDelete[版主回覆10/18/2010 13:09:00]所以我唔係complain佢唔練, so far佢都叫有練...不過..真係為佢為老師都好, 早少少學返嘛, 好難執野架
最慘係次次我都要等佢一粒鐘先有得上堂 !
成人要生細路,then跟住細路學
ReplyDelete[版主回覆10/18/2010 13:10:00]又唔同學法既
佢太睇得起自己或者係佢太睇低０的考試歌啦
ReplyDelete[版主回覆10/18/2010 13:11:00]可能佢覺係神比佢既考驗卦 (佢不停叫我返去見証...)
一路都錯真係好難改番正架
ReplyDelete好似揸筷子咁, 唔岩手勢, 點學都好難學番正架
[版主回覆10/18/2010 13:13:00]要改都唔係一個月可以既事, 仲要唔多練喎!
練琴真的好重要..........
ReplyDelete我之前婚前去學彈一首歌, 但平日OT真的冇咩時間練.............巧彩後來搵到個地方係公司附近可以LUNCH TIME去練呢~
OH........教完成10點半, 辛苦呢~
[版主回覆10/18/2010 13:14:00]係返到屋企10點半o者! 挨埋今晚得架喇 !