{私人網誌}近期....

呢排真係唔太多時間寫blog

因為開始忙...

雖然唔可以講好多學生, 因為中途既break有時都長, 30 mins有, 45mins都有, 有d就每個隔15mins....

岩岩就要就個好夜收工既學生, 所以每次教佢前都要吉左成1-2小時 (因為佢地岩岩幫我收左個, 就變相等1小時就有得教) - 佢仲要一星期上2次 ( 9月中先黎叫人幫佢補趕10月中既5級琴試)

一星期暫時2晚收9點幾, 1晚就收 8點幾.....返到去沖完涼都接近9點多10點

第2朝我通常都9點就起床

上下facebook, 睇下blog...都中午了....

一來亦唔多料去寫Blog....所以少寫了 (可能又有人以為我private哂所以幾日唔見有野出)

禽晚教呀樂理姑姑....連佢都話因為佢既唔明令到我咁勞氣...

呀姑,咪就係因為你唔做功課之餘, 就走去睇多次本書 , 最後攪亂自己囉 !

又話我教佢係major度找返relative minor,數d t l (sofa 音) 唔好, 佢話本書教佢數6th degree好好多 ( 好, 就比個例子佢去搵)...到最後, 佢發現原來唔係數全白鍵, 同樣都係要依據 全音半音...佢先知 我教佢搵3個音比6個音係易既 ! (老味呀, 上堂講左比佢知, 3 個音係易架喇 ) 死唔信, 又要去睇書, 荒死我講少左.... (教左咁多年, 我點會唔比條捷徑佢地呢 )

其實...我不嬲教開, 都係用例子解釋 ,因為一定好過睇幾頁既書

我d學生少至小學生, 差到會考得幾分果d都係咁教.....

一堂唔得, 頂多兩堂都明....之後就做功課...

我最慶都係果句 : 佢不如用睇書去了解講乜,不如實踐多幾條功課, 做多幾次咪記得囉 !

(唔好彩既係, 佢愈睇就愈唔明, 比本書混淆哂之餘, 仲要佢唔了解佢地本書解咩...)

又黎F# 去半音就到G, 所以係G Major, A# 去半音就到B Major (的確我以前會教學生既, 不過因此呀姑已一頭霧水, 我唔敢講咁多, 佢自己記到 G Major 有F# , 咩有咩 #我就想算, 教咁多理論仲花雙方更多時間...)

可惜佢死心不息, 見我上一堂唔講, 就返去自己睇書, 死都要找出答案, 好喇,你堅持要問, 我答你.....至慘係 講完佢自己又諗左去第2個方向.... (係呀, 不過到Conclusion時,佢又話係連繫到circle of fifths喎) 大姑, 半音黎架.....Circle of fifth有５個音架！

最後我又要由頭一步一步再黎過！

我好人到，今早整好左份notes 比佢，仲用中文附加解釋．．．

如果佢都唔明（佢事後話明時，又話睇怕呀囡會唔明．．）你都痴既，你個女唔好去睇書查根究底，聽聽話話明白左個道理就去做就咩事都無．．．．

仲打算星期日同佢補返佢中秋果堂既請假（就埋佢囡學琴時間，一齊黎一齊走）

都話要諗　（職員講左我知，佢以前叫佢分幾次，每次15 mins補返都唔肯）

佢唔肯．．．份notes我真係未必比佢呀.....

(我整係因為佢２星期都仲未買本五線譜比我mark notes 教佢Ｄ步驟，而家教佢，某Ｄ野我係用封inner page 咋！）

＊＊星期日可以補堂係因為今星期唔上big 6 了，天蠍Ｅ要整工作証，之但係簽証果邊要求出示彩色既畢業證書，佢得黑白影印本( 佢地話咩要用黎翻譯咩咩喎，都唔知攪乜，以前都唔使既）佢既正本係家鄉，所以星期一講今個星期要飛返去拎（係，家人幫佢唔到，因為有人鎖左自己既野係櫃，鎖匙得佢一個人有）咁岩國慶會放幾日假．．．佢星期一先返黎．．．

（Ｄ坐完機仲要坐３粒幾鐘先返到家既地方，佢唔會想我一齊走，而且我要賺$$呢）

 

warm reminder

先睇睇呢個牌

你地覺有咩問題呢 ?????????定無 ?????

始終我覺呢個" warm reminder" 既字眼怪怪地.....

仲有果個 "anything inconvenient caused" 亦ｋ怪．．．．．

其實總括黎講，呢個都叫可以接受

因為我見識過仲攪野既...

不過唔記得左佢個文法係點寫．．．．中文係歡迎你再次來臨．．．

下次再去既話，影比大家睇！

日和特盛魚堡

呢隻係麥噹噹既新出品

不過都係睇唔明佢個廣告 (講......"日"的禮讓 ???)

我都唔係專登想試佢

不過星期六....無去又一城, 一出就出左去坐車

咁咪買個包 (係呀, 唔係餐....) , 見到可以散買, 就試一個 ( 佢前排出果個咩雞翼都好好味架, 不過印象中好似又無散買...只可以買完餐後加 $試幾件)

呢個....根本就係一個長條型版既魚柳飽, 加多左d生菜......

主要係收貴左你 ......

試完一次....都睇怕無下次 !

學習的態度

有朋友都好意提過我

網絡世界都係小心用詞, 一陣比當事人睇到就唔好

所以....考慮良欠, 改變少少都要寫出黎

記住呢篇唔係針對, 而係分享....

話說我有份成人學生學樂理

我呢家音樂中心有點特別

要考試先可以升級, 如要跳級, 就要經佢內部既一次滙演, 由中心既顧問評左分 批刻左, 就可以收升級後既學費, 目的當然係唔想老師隨意升級改高一檔的學費喇 !

呢位學生, 唔會考試, 我唔知點解老師又教緊佢5級考試曲目, 咁成人學生係可以特別處理唔使參與滙演既, 佢當然係唔願意比5級學費, 如是者...佢最後無學, 改學樂理

佢同我講, 學樂理既目的, 係想係囡囡考之前, 佢學左先 ( 真係好媽媽....)

佢試左我一堂.....我亦好榮幸咁, 佢學咁多年都堅持既30mins, 改為跟我學後就45mins

職員亦提過我 : 佢一學就自行skip左 g. 1 既theory, 一開波先自己買左本 g. 2叫老師教...

(其實真係有問題架, 因為某d term, 第一本教完, 第二至五級係唔會再重覆講)

而家上左3堂...sorry...佢從無做過一次功課

頭2次, 佢都話真對你唔住 . 我既答覆係 : 唔緊要, 不過你唔做, 我唔知你有無錯, 我怕再教多d, 你原來唔明既會加深,  = 浪費佢之前既時間....

亦叫佢橫掂囡囡遲早都會學, 不如買返本 一級既, 我剔低邊d係重要既, 叫佢copy果部份, 整本就留返比囡囡用.... (當然暫時都未行動)

亦叫佢買返本五線譜方便教果時jot notes (我無打錯, 係jot, 而唔係drop)

最後呢個當然係都無買既....

到第3堂, 佢再無做功課既時間, 我改為用另一句 : 成年人, 你自己會識處理及安排 !

我都好大體架喇.......

其實....我都唔明, 佢可以有時間去思考反問我野 (佢話佢有睇書喎) 仲有時間去備課...

咁點解唔去做 ??? (呢個先係我想講既態度問題)

教佢scale, 我會用sofa音去教, 再教佢分邊度係半音 , 全音....咁就會記得有咩 # / b,

佢拎起本書, 話咩 tt s tt (即係tone , semitone) 其實即係全音, 半音 (我加埋sofa 音教, 我唔知叫岩定唔岩, 不過起碼有個依靠去諗返咩係tone & semitone, 唔會蕩失路之嘛 )

我都答佢 : 佢用咩方法都ok, 總之佢明白個道理就得!

之但係....試左一條....答案當然係唔得架喇.....

又問點知睇完key signature點知係咩 key (佢當時答我佢已死記左, 咁你記得, 我緊係唔再教你點搵 - 我唔係唔教, 而係...唔想教多樣野, 令佢煩上加煩)

咁你既然真係話記得, 無謂學多樣令你再有疑問呀嘛.... (咁, 佢一時失手唔記得, 定咩...我不得而知, 成人既野, 唔好樣樣篤爆會好d )

我淨係知, 開始學minor, 佢再唔做功課, 真係會死得人多......

仲要...佢成日依賴部琴去聽sofa音, 而先發現佢既全音半音係錯既.....先係問題 (我提左佢架喇, 諗左咩先去彈, 唔係彈呢個唔岩, 果個唔岩先黎彈幾個)

最攪笑係 : 我叫佢記得邊頁係教咩, 方便搵 !

佢反問我 : 乜考試可以open book架咩 ?

我 : 唔係, 咁你而家唔搵多幾次/ 揭多幾次去記, 你考試點算??

無錯, 佢而家連半音係邊2pairs都唔記得, 仲要揭開第一頁我幫佢寫既貓紙........

3星期仲要學緊 grade 2......(我叻果d....2星期ko一本架喇 )

我唔敢講 : 我怕你學到你個囡開始你都未準備好去考呀......

(其實呢...我又覺得佢係只想有個idea, 到時可以幫下個囡....之但係, 我覺佢自己個概念都係好弱....只係佢覺自己ok - 明哂果隻..)

其實我唔理佢成人定小學生, 最緊要係做功課, 咁我先幫到佢....一咪上堂一咪學, 但唔去實踐...有咩用 ?? -------->>>>>> 呢個先係我呢篇既重點..... 

 

生抽vs老抽

中學時代, 因媽媽都會返下part time

所以好多時放左學返黎, 我都會幫手醃下豬扒同雞翼

( **無錯, 所以我醃野都有一手, 我真係識架 ..係煮野就差少少)

小時間, 都唔多明, 老抽同生抽有咩分別

還記得, 都問左家母幾次.....

到而家,

問我既係天蠍E

呢條友仔, 都唔知真傻定假懵.....我都答左不下幾次

(咪見我唔寫就想考我, 生抽係味, 老抽係上色)

其實佢有記性架, 記得初識佢無耐, 佢煮撈麵比我食

因為煮完我地都慣常沖個涼先食 (無冷氣嘛, 好熱架)  點知D麵就凍左D

我又食得快左d, 食完頂住個胃......

唔舒服左好耐, 最後......嘔 !!!!! (打完自己都笑...)

當然係嚇死佢喇, 因為又怕佢煮既野唔岩我食

上星期買既印尼炒麵....佢好有記性咁話, 先煮好水 (定佢已煮好麵, 放係煲內)

等佢沖埋涼先一次加醬料...怕我又食凍野會嘔喎 (我都估佢唔到佢仲記得)

今個星期整咩好呢 ??

The Lost Symbol 失落的符號 By Dan Brown

天蠍E 星期日買左幾本書

我又周圍睇, 見佢買野, 就執埋呢本書

真係平呀 人仔 38咋, 一頁書店都要 $78 (雖然係簡體字, 不過我睇得明呀 - 多年前睇Harry potter既簡體版時就真係仲未掂 )

睇左2日 (因為禽日既break太短, 所以無帶電腦, 反而帶書去刨)

都睇到chapter 55

--------------------------------------------------------------------------------------

《失落的符號》共濟會驚天秘密揭穿
《失落的符號》是丹布朗以哈佛大學符號學家蘭登博士（RobertLangdon）為主角的第三部小說。第一部《天使與魔鬼》是講述光照派偷了反物質，企圖炸掉梵蒂岡的陰謀；第二部是《達文西密碼》，以巴黎羅浮宮的兇案揭出聖杯之謎。今次新作帶領讀者揭破共濟會，埋藏在美國首都華盛頓的驚天大秘密。蘭登要在12小時內偵破一連串謎團，發現失落的符號，激發正邪大決戰。
斷手指着華盛頓油畫小說開始是奸角馬爾阿克（Mal'akh）出場，講述他自宮後，成功滲入共濟會權力核心，一心想尋找一個失落的符號，以達到邪惡的目的。在他的佈局下，蘭登應前導師、共濟會高級成員所羅門（PeterSolomon）之邀，乘飛機到華盛頓，準備在國家雕塑展覽館發表演說。蘭登抵達後，才發現根本沒有人安排演說，相反在大廳發現一隻滴着血、屬於所羅門的斷手，懸在地下通道的正上方。手臂上有共濟會的紋身，指着一幅1865年的畫作。畫中的美國國父華盛頓是共濟會成員，他被畫成異教神子。蘭登相信這隻手的意思，是要他打開一道秘密之門。為了拯救所羅門，蘭登在中情局最高機密科主管薩托（Inoue Sato）的帶領下，闖入國會的地下世界，走到SSBXIII室，裏面有革命之父富蘭克林所建造的神秘金字塔，藏着世界的秘密。但秘密未揭開，又遇上一連串危機。蘭登其後發現原來整個華盛頓市，是由地下隧道連接。同時，馬爾阿克正向所羅門的姊妹思維科學家凱瑟琳（Katherine）下毒手。她避開危險，與蘭登會合，一起尋找所羅門。但危機密佈，蘭登一度被馬爾阿克囚禁在急速灌水的密室中。若蘭登不能在60秒內破解一個有64個符號的方陣，就會浸死。蘭登成功破解方陣，再憑各種符號的線索，找到共濟會基地。此時小說推向高潮，馬爾阿克相信他已找到失落的符號，但不到數分鐘後，他就死了，靈魂被魔鬼接走。小說最後一篇，解釋失落符號的秘密，而小說最後一個字是「希望」。英國《衞報》
共濟會神秘謎團解構丹布朗的新作以共濟會為題材，共濟會18世紀在英國成立，是世上最龐大的地下組織，其後在世界各地滲透，目前全球約有500萬會員，財雄勢大。由於許多分會都不公開活動，令共濟會披上神秘面紗，丹布朗大玩箇中謎團。謎團1：華盛頓隨街是共濟會標誌丹布朗指，美鈔上的五角星和美國國璽上的神眼，是共濟會的標誌。但其實五角星的歷史比共濟會更悠久，並非共濟會首創。謎團2：共濟會源自聖殿騎士團現代共濟會成立之初，確實有成員聲稱繼承了騎士團的秘密，但當時已經沒有騎士團成員存活。謎團3：華府街道隱藏共濟會標誌共濟會成員可能有份建設白宮和華盛頓市，但華府街道設計師朗方並非共濟會會員。謎團4：共濟會員統治世界歷史上不少名人是共濟會會員，包括華盛頓、羅斯福和喬治布殊，但共濟會在國際層面上組織鬆散，部份分會互不承認，會員大多是有獨立思想，抗拒奉命行事，因此該會根本沒單一階層的組織，難以說他們有統治世界的野心。謎團5：是一個宗教或教派成員沒有共同的宗教。謎團6：要有地下聯繫才可入會共濟會不主動招收成員，只收納自願認識和接近共濟會的人。
轉載請注明出自著數網 GetJetso.com - http://www.getjetso.com,本貼地址: http://www.getjetso.com/forum/thread-333590-1-1.html

 

泡沫之夏

呢套係天蠍E問我有咩想睇時, 我叫佢買既

點知買左幾星期都未睇 (掛住開爐煮Cafe world, 上星期又開足5日工 - 雖然係下午only)

呢套劇呀大魔喵提過下好睇, 又話想買埋本書睇

所以咪買囉 ! (我岩岩星期日係國內都見到本小說, 有成I, II & III 3 本咁多)

記得有人講過- 話大S 唔多似小說中既女主角造型....

故事 :

洛熙，他是像風一樣不可捉摸的復仇王子。
夏沫，她如櫻花一樣堅強絕美、卻也如櫻粟花一樣帶有毒性。
尹澄，純真的他棲息在夏沫這株大樹的枝幹上。
而歐辰，則如藤蔓，他傾一生的力量纏繞著夏沫，
她生他生，她死他死…

這個美麗如泡沫的美夢，就發生在陽光耀眼的夏天… 夏沫和洛熙都是孤兒，少年的他們在養父母家相識，因為童年留在內心的陰影，也為了爭奪養父母的愛，他們彼此充滿戒備和防範。 洛熙在學校的優秀表現搶盡風頭，成為學校的風雲人物；又跟夏沫住在同一個屋簷下，深愛夏沫的富家少爺歐辰開始感到壓力。洛熙成為歐辰的假想敵。歐辰、洛熙的角力戰開始一路漫延，兩人勢均力敵，在學校各自擁有一群忠誠的支持者…

當夏沫和弟弟參加電視歌唱大賽遇到尷尬狀況下，洛熙為他們解圍。他優美的歌聲讓他們成為歌唱比賽的擂主，洛熙、夏沫中間的堅冰逐漸融化，開始了一段快樂的家庭時光。歐辰覺得自己被排擠在外，為了分開兩人，歐辰命令夏沫的養父母放棄收養洛熙，洛熙被迫被送出國留學……

五年後的洛熙成了擁有無數FANS的天王巨星，而夏沫作為唱片公司的新進藝人與洛熙再次相遇；遠從法國回來的歐辰雖然失憶了，但卻接班成為歐氏集團的負責人，旗下擁有許多娛樂產業；三大主角愛恨糾葛，在成年之後再次激烈上演…

洛熙難以忘記他履次被人遺棄的往事；但他卻不知道在他被送出國時，夏沫的養父母也因自責，出車禍雙亡。小澄雖倖存可是從此身體虛弱，讓夏沫長期為經濟所苦…

夏沫陪同公司女藝人到廣告公司試鏡，卻遇上負責人歐辰，失憶的歐辰竟指定夏沫當廣告女主角，夏沫再次走進歐辰的生命…歐辰的深情、洛熙的癡情，能否挽回心如死灰的夏沫?童話般的唯美結局，如夢一樣的愛情故事，三位被命運捉弄的主角，努力走出命運的陰影，努力開創屬於自己的人生！

---------------------------------------------------------------------------------------------------

未開始睇下, 因為今個星期又唔多得閒

下星期希望開機喇 !

天蠍E今日講我知, 又有咩XX升職記好似好好睇 (我係facebook見又有朋友提過又係好睇野....我叫左佢買架喇 !)

Three Rivers 換命先鋒

在這個世界上每時每刻都會有人需要有人體捐獻自己的身體器官，同時也有人需要這些捐獻的器官， 當然這兩者之間最重要的聯繫者就是器官移植醫生，“Three Rivers”顧名思義就是這三條河分別代表器官捐贈者，病人，器官移植醫生，而這三者都是息息相關，缺一不可的，故事正是講述從事這項工作的醫生和病人 之間的三角關係，

Andy Yablonski 醫生(Alex O'Loughlin扮演)，一個擁有高超器官移植醫術的外科醫生，不僅工作專業而且在同事和病人之間相當受歡迎，

Andy的同事Miranda Foster醫生(Katherine Moennig扮演)，是一個帶有叛逆心理的外科醫生，自己已故的父親曾是一個在外科界赫赫有名的醫生，為了能像自己的父親成為一個出色的外科醫生 Miranda每天都在奮鬥著，

David Lee醫生(Daniel Henney扮演)負責醫院病人的入住，David很受女性歡迎為此和他在一起的女人與被他拋棄的女人不算少數，

Ryan Abbott 醫生(Christopher J. Hanke扮演)，一個剛剛獲得器官移植醫生資格的新手從事著器官移植協調工作，正是因為有了他器官捐贈工作才使人體器官從那裏來那裏去有條不紊進行著；

Sophia Jordan醫生(Julia Ormond扮演)，，一個把自己的事業獻身給醫學界的外科主任；

還有Andy的工作助手Pam Acosta(Justina Machado扮演)，同時也是Andy最好的朋友。在“器官移植”領域裏每一個手術都是與時間賽跑，而這些外科醫生和他們精湛的醫術就是病人最後的希望。

雖然每集都係講有人死亡, 所以先有捐贈者捐出器官....

當然唔係每次都咁好彩, 有人捐, 或者係捐得合時.....

Ikea 食食食

上星期五幫手代堂

下午茶時間岩岩有個break, 之後直踩到730先出去同家人食中秋飯

所以.....決定行去ikea ( 因為都有成1.5 hrs既break)

想去試下個出名既肉丸

不過...見到有呢個套餐

$10, 一杯自助既汽水 + hotdog....低呀 !

我當佢係午餐 + tea架喇 !

食飽飽後就行左陣 先再返去上課......

勁開心呀 !

上星期四

我係545先有琴教

中午, 琴行打黎話呢個月尾會有一個新生 (11歲男仔, 未買琴書, 未學過)

(其實次次見到來電顯示我都有點怕, 我係怕我記錯返工時間)

哈哈, 因為而家每星期都有少少唔同, 有時就幫人代堂...所以好難去記

到出門口等緊車, 又收到電話, 又通知我月尾既星期三又會多一個 (星期三2點後全full了, 只係得45mins有個break比我)

好喇, 星期四 (16/9) 上到615pm (因有家長要交費,佢一齊入黎睇個仔上堂)  職員講我知7點岩岩收左個 (本來break2小時到9點先有學生既, 變左得1個小時多d既break - 我要去買印尼麵嘛 !)

到等緊9點既學生時 (我係出面既starbucks度上緊網) 又收到職員來電, 話10月又個學生轉左比我教 (星期五).....

一日有4個新生消息......

果日係度又計9月份糧...係度諗..代多1-2個學生, 條數就岩岩好進位.....即係 $90 入多$10就有 $100咁囉.....

無師自通果位成人學生, 禽日我只聽佢第2首, 見佢拍子ok, 只係欠流暢同感情 , 我就等佢自己黎, 即時幫佢開埋第3首 ( 我轉左首新既比佢 ) 因為佢自選果首係無拍子記號, 又多chords, 我轉左首好feel d既比佢

勁呀, 果堂同佢練左一半分手喇, 叫佢彈岩個3連音拍子, 我話下堂幫佢練埋雙手

(雖然唔知佢10月仲學唔學到考試前, 但我點都要留點時間比佢練多d, 無可能佢話學我就慢慢黎, 幫佢執好前面果d, 第3首就10月先教佢架嘛 !)

雖然臨急先黎求救, 佢既attitude點都好過學理果位呀姑 !(遲d先講呢位呀姑既事)

最後仲有個申請伴奏interview, 見完顧問都就黎一個月,都未有消息 (因為呢幾日都聽到有人伴緊flute) 問左職員, 佢話無收到通知, 話會幫我問 ,  自己事當然要自己上心喇, 我星期四打上去問, 隔左陣佢覆我話ok !

又多一項可能賺d既收入了 ! ( 我申請左5級呀, 正如職員講, 個價都差唔遠, 最重要係5級以下果d唔使練太耐 + 唔太難囉 !)

Indo Market

上次我去買印尼甜豉油,

教琴坐車經過既就係呢間喇

不過.....原來我上次買既地方, 係叫印尼美食中心, 即係...2間係唔同既

呢間, 大好多, (係怡和街, 直頭就係維園旁)

印尼美食中心果間就係糖街 ( 不過係怡和街, 近商務附近都仲有間 )

支豉油, 呢度仲平, 大支既係 $10, 細支係 $4.5 (不過就無咁多牌子選擇)

天蠍E唔知咩事提過撈麵, 我就去八下價錢

一pack 5包 $10 (買2pack就 $18)

佢話得一種味, 不過我見又有好多.....款.....(撈麵類)

有湯果d就當然有更多款喇 !

天蠍E以前都係印尼度做過野, 所以都識少少印尼食物.....

買左喇, 上面既係辣味撈麵, 下面既雞湯麵

$10 1 pack, 雖然我買左2包唔同款既, 但收$既時間係 $18 2 pack

 

咁又一年喇 !

早幾個月前已mark低左呢一日

9月份時都仲記得

到呢個星期就無左回事

係前幾日係度打定blog時, 數緊要出到星期日果篇時

先醒起呢個日子

................................................................

.......................................................

..................................................

..........................................

...................................

......................

我個blog係06年9月18日開始寫架

到今日...岩岩4週年喇 !

想搵anniversary....不過搵唔到, 是但要個happy birthday喇.....

好開心係度識到好多blog友, 亦可以同朋友互相keep住update, 保持聯絡 (雖然有facebook, 不過一唔開機太耐就太xxx + 既update, 好多時都會miss左朋友既update status)

雖然有時都未能保持每日一篇 (因為開始無咁多野寫) ......但我都好開心有你, 你, 同你既支持留言.....

好多野, 係facebook未必講得咁盡, 但係度, 我可以private哂 (呢度點都安全過facebook, 果度太多新措施....)你知...喇, 有時玩遊戲, 都add左少少人 (雖然我都一定add我識既人) 但太多野..家人唔知, 所以我只可能係呢度講下, 發洩下 ~

天蠍復活海南島之旅2010－Day 4- last day !

呢日好hea, 第2日已經request左酒店last check out

因為2點多3點先去機場

早餐後留係房度hea住 ,

禽晚係春園海鮮廣場對面買既榴槤

早餐食左佢同另一生果....

(正 ! 至鐘意榴槤.....9月呢2個星期都食左2次...天蠍E 買果D次次都好靚, 苦中帶甘...佢話咁既榴槤先叫好味喎 !)

之後我地就去左酒店度食個late lunch, 因為都飽飽地, 不過唔食就頂唔到返去..

我當然都係檸茶, 佢當然亦係coffee (好似係cappuncino)

個view都幾好架, 望正泳池

叫左個sandwich share.......都好食.....

食完返上房拎埋行李就打的去機場

** 不過....真係頂唔順check out, 會員專用counter無人坐既, 5條隊都唔知邊條check in定out, 我前2個既男士, 係度擲筆發脾4, 因為話佢地張單出幾次都錯既.....

我排左好耐 (係真係好耐) 都未郁

我頂唔住, 問隔離隊既職員, 出示埋我張會員卡, 問佢係唔係有會員服務區, 佢話係, 我答佢咁點解無人坐counter

之後就見d著西裝既人出黎, 我咪行埋去, 問佢, 再話我要趕的士去機場....

佢serve緊外籍人士, 就叫另一西裝職員幫我...先快手少少

返到hk, 我知一定有問卷 ( 次次都有既 ) 我寫左呀呢件事呀 (其實仲有一件我都唔記得寫, 就係門口果d bell boy唔會叫客人排隊等的士架, 完全唔helpful架....)

仲有d 泥"鰍"(點寫架 ??)van仔, 收幾貴去機場呀, 仲要同唔識既人share van...我地先唔會坐.....

 

好喇好喇, 咁又完左呢篇遊記喇 !

唔使問我下一次去邊...因為有人要拎passport去辦工作簽証, 佢話上次遇正奧運, 拎走左佢本passport成半年...()   所以10月呢次, 又遇正亞運, 需時不詳....一切有待佢簽完証拎返個passport返黎先算

希望黎緊係一個唔多花$既trip (因為工作唔多收入喇, 又要應付每個月既保險費呀, 銀行退休計劃既供款... 真係頭都大埋...之前幾個月仲要無收入住......) 所以決定睇下可唔可以用我既mileages換到機票喇, 酒店又住返酒店會既 (應該可以free到3晚) 淨係呢2筆都可以慳得多 !

by davidoff

呢支係唔使 $既, 因為係我用思思縮扒既seasonal coupon (即每個season買完一個額就送 $50 / $150 既cash coupon....)

天蠍E 勁鐘意飲咖啡, 日日都飲返幾杯 (無錯, 係幾杯)

晚上放工返黎都要飲過先安樂

識我既朋友都知我只飲Cappuncino/ latte/ mocha, 真係寫明coffee既, 我係完全唔飲既

識左佢, 唔多唔少佢痴少少飲左 ( 例如開車走人時, 佢有時會買凍咖啡, 我又會痴返啖 - 唔飲, 仲有成半個鐘先返去..會渴死同中暑架...)

不過我都係幾啖, 好少自己一杯飲哂...

佢去starsbucks就會飲latte既...

呢支davidoff既espresso 間唔c都會缺貨

呢支aound $6x ( 我查過貴價趴街同思思縮扒架喇 ) around呢個價架喇

你估國內賣幾多 $$$$$????

...................................

.................................

.................................................

...................................

..........................................

...........................................

................................................

.....................................................

......................................................

$8x......(所以我唔比佢係國內買)

佢飲開nescafe既, 不過我都會買多支好野益下佢....(通常係我係度我就沖davidoff比佢飲架, 我試過, 真係同nescafe好唔同架)

唉 ! 一個唔飲coffee既人, 到而且可以入口少少, 仲要識沖....連我自己都 " 我估不到 "

它來自....泰國

係8月尾時

約返d 作戰多年既舊同事食lunch buffet (是日為小一迎新日, 有d要返, 有d唔使返)

多謝佢地去完日本及泰國, 買左好多好多手信比我

呢隻野, 我係hk都買過比呢位同事食, 多謝佢成pack送比我呀 !

仲有d係hk未見過既, 不過食完第一張相果d已出左一粒暗瘡, 呢批未試住

波浪形既lay"s chips....未開.....

呢批就係另一個同事去完日本比我既

左上角果隻係nachos. 我已拎左比天蠍E食....佢話勁辣呀

呢個同事仲有少少土耳其既小手袋比我....(放tissue咁大size度)

好耐未試過收勁多手信喇, 勁開心呢 !

檸檬香茅焗豬扒

因為星期日無得外出

所以星期六先去之之島入貨 (因為又有人想食表哥, 廣州東站果間仲未開. 所以決定先入貨再揸車去果邊度食)

見到有豬扒 (不過太薄), 唔想個個星期都係雞翼, 所以轉為焗豬扒

份量( 哈哈, 因為另有餸, 所以我整左2片, so.....醃料份量多左...)

檸檬 - 一個要搾汁 ( 人地一家5口食先要一隻...我估2片....手搾佢一下都夠...所以我又預多左)

香茅 - 因為雪了太久, 我用了2條 ( 不過頭頂果d係唔用既, 有一支就有少半爛爛地....否則靚野用一支都夠)

kecap manis 印尼甜豉油 - 好濃(即好厚身) 所以我都係落左1/2 大茶匙 (我用飲西湯果隻匙)

3小粒from一隻大蒜, 切茸

手指公大既薑又磨茸

醃多過2小時

我先焗其中一邊 (用左5mins) 之後見都ok, 另一邊只係焗左 3mins

不過...................係就係唔硬, 不過都唔係話太軟囉....因為佢太薄, 所以應該煎佢會好d ( 天蠍E 要炸佢既五花腩....所以我唔想佢又去炸)

(此仍天蠍E炸既南乳炸五花腩, 佢至鐘意食肥野, 我只比佢用半條)

另一味係烚油麥菜 (佢問我用咩去煮, 我話打邊爐都係就咁用水烚熟...唔想野整喇 )

 

***************************************************************

碟豬扒真係勁多香茅味, 我估係太多檸檬汁, 所以呢....甜豉油就唔上色喇...

仲有得改善既地方 : ----------------------------

(1) 第一次焗豬扒 , 未熟控制豆泥爐既時間

(2) 個醃料要好好控制 (得2人份量, 都幾難估)

 

{private}教琴生涯的少少update

今個星期應該係出糧日了 (佢有幾日allowance, 所以我都未知係邊日)

第一個月當然唔會係太理想喇 (佢每次教完都會print out一張當日收入比我地, 所以自己都計到咁多)

期望9月開始會好返d喇

(不過....事實真係好返d, 原因唔知)

估 :

一來9月開返學, 好多暑假請哂假去玩既會由外國返黎 (係呀, 呢度既policy係只比請一堂, 仲要補返既, 咁d 唔講中文 + 讀唔係傳統hk學校既, 就一去2-3個月....呢批人當然係會唔學住, 所以.....9月慢慢會多返d)

二來, 教part time果d可以自己都要開學 (當佢地係大學 / 大專生喇) 一日未開學, 一日都唔知自己咩time table, 所以我就會等呢d唔岩時間, 要改既....學生又唔能改既...轉哂比我 .....哈哈哈哈 !!!!!

因為到今天為止.....照呢2個星期既學生人數黎睇, 我9月份既收入應該係幾級 (即係幾倍) 跳 (唔好以為好多, 記住我8月份係超少收入)

我都乖架喇, 間唔c仲幫手代課 (老師開得唔多天數, 又要快手補返否則影響琴行收入嘛, 所以一定會找人上埋d堂去...) 黎緊聽日天會代2個.....(有得入好過無, 2個我都返架)

而家返工時間多數係3點幾至8點度, 係有一個自修5級既, 10月考試....而家先黎一星期上2堂找人執執.....(第一首得果7成, 第二首錯哂拍子, 第三首....我話我要全部同佢重新教..因為佢根本都未ready....) 第2-3,係佢無師自通架...勁呀! 佢話早排連瞓都無時間, 所以無找人學返囉......(佢話佢已考過, 見差少少先合格, 所以覺問題不大喎)

sigh~~~~~~~ 佢已control唔到慢返哂黎練.....都唔知點入手..... (多得佢, 我中間break左接近2小時先教佢..佢要上9點......) 我返到家都10點半.....岩岩既星期四攪到我成12點多先瞓到.....

我既全部學生中, 以英文教既係多過用中文既...哈哈.....

有個仲攪野, 佢同出面既職員就講中文, 同我就轉返英文 ; 有時我玩鬼佢 :

做咩你同佢地講中文,同我就講英文架....

佢笑到傻傻之後唔答我喎!

 

 

希望守到年底可以衝破我第一個expect既數字喇 !

它來自印尼

多得T&P 的介紹

先識得呢隻甜豉油

見佢有幾樣款既菜都用上

上次準備整雞翼時

見佢呢個新菜式- 檸檬香茅雞翼,

材料 : 檸檬有, 香茅都有, 就係無呢隻豉油

所以今個星期就去買返支睇門口先 ~

呢支係最細size, $5, 有大支少少既, 就 $13

因為唔想放得太耐, 都係試支細既

我係邊度買呢 ?????

以前教琴經cwb 富豪酒店對面既維園, 就記得有間好大既印尼超市

所以星期四教琴前就係sogo果邊出地鐵, 原來糖街 (即m字天橋既橋底) 都有間細少少既

唔就腳既朋友, 當我係網上找時, 我發現原來hk既八珍甜醋都有出品 !

*** 註 : 印尼超市有超多種品牌, 全部價錢一樣, 分別在於個蓋

我呢個係平蓋, 其餘有2款係錐形尖頂既....(我怕弄得唔好, 蓋頂會dirty, 所以都係選平蓋方便d)

試學煮完再post雞翼比大家睇睇喇 (希望靚仔見得下人喇 !)

中秋的祝福

多謝珍妮仔專乘送上佢親手做的酥皮奶黃月餅 (仲有傳統的蓮蓉月餅)

仲專登親自送黎我工作的地方......

禽日早上食了個奶黃

勁香蛋黃味

因為唔想麵包焗爐, 所以只係包左個kitchen paper叮返熱佢食

個皮勁鬆化呀...

真係多謝哂

收到你既祝福, 也同樣祝福妳 !

 

無懈可擊之美女如云

<<無懈可擊之美女如雲>>講的是幾個女孩的浪漫故事，纔華橫溢的馬嘉麗(董璇飾)、外冷內熱的尤小柔(戚薇飾)、攻於心計的朱麗葉(鄭希怡飾)、率真爽朗的呂笑笑(趙柯飾)，她們時尚、優雅、富有魅力並且非常叡智，在工作和情感生活中面對各種挑戰，勇敢抉擇，不斷突破自我。

左起 : 戚薇, 趙柯,闞清子,董璿

電視劇《美女如雲》主要演員：
董　璿  飾 馬嘉麗　　鄭希怡 飾 茱麗葉
何潤東 飾 卓　原　　佟麗婭 飾 Subrina
胡　兵 飾 何老師　　戚　薇 飾 尤小柔
趙　柯 飾 呂笑笑　　葉項明 飾 黃　凱
田　亮 飾 石　堅　　連　凱 飾 林沐風
闞清子 飾 冉　冉

　　職場新人呂笑笑誤打誤撞進入了全球最大的公關公司——朗雅公關，這裡有一個特別的傳統就是核心部門創意部的成員必須是『絕對美女』，除了最高層管理者，任何男性不許踏入創意部。在這裡她經歷了職場的各種酸甜苦辣，也遇到了真命天子卓原(何潤東飾)，更被卷入了行業壟斷戰爭之中。

　　隨著《杜拉拉昇職記》的熱潮，職場勵志劇已經成為一種流行趨勢。《無懈可擊之美女如雲》不僅包括格子間的勾心斗角，揭示職場生存法則，更引入不同商業利益集團相互安插臥底的博弈斗爭，一步步揭開真相，引領劇情層層深入，堪稱美女版的《無間道》。將勵志劇的精英理念、偶像劇的時尚浪漫和美劇的懸疑元素三合一的《無懈可擊之美女如雲》應該比『杜拉拉』更具可看性。

呂笑笑是個典型的『白骨精』——白領、骨乾、精英。在職場和情場勤奮打拼的她，一直期待著屬於自己的美好未來。只是在感情路上想要獲得最終的勝利，對於這樣一個堅持個性、寧缺勿濫、同時又恨嫁的『白骨精』來說，實屬不易。談及劇中角色面臨的愛情，趙柯笑言：『或許他們必須拿出唐三藏取經的毅力和決心，不畏艱險、披荊斬棘，纔能到達幸福彼岸。』而讓她如此感慨的對象則是由帥哥何潤東飾演的卓原。趙柯與何潤東同時參演了新版《三國》的拍攝，但當時並沒有什麼交集，不過此次《無懈可擊之美女如雲》給了他們合作的機會。何潤東更是突破以往貴公子的形象，當起了清潔工。盡管如此，帥氣的他還是被評為『史上最潮的清潔工』。而談到他倆在劇中的諸多對手戲，趙柯還真有不少趣事與大家分享，雖然拍攝時正值隆冬，攝制組還趕上了拍攝地南京不多見的大雪天氣，但言談話語中，足見倆人在戲內戲外都培養出諸多濃情蜜意。當被問及，倆人是否在劇中有情人終成眷屬時，趙柯還賣了一個關子，讓大家去劇中尋找答案。

另外，『跳水王子』田亮的加盟也是該劇一大亮點。他飾演的富二代石堅糾纏於戚薇和鄭希怡兩位大美女中間，與趙柯間也有不少精彩的對手戲。而見面會現場播放的劇中片花，更是上演了一幕他與連凱之間相互『仰慕』的微妙關系，可見對劇中復雜感情糾葛的拿捏對於非表演專業出身的田亮來說也是個不小的挑戰。觀眾見面會上，田亮一再強調他飾演的富二代不同於大家印象中的富二代，是一個不斷努力，用實力證明自己的年輕人，而不是普通理解中的公子哥。

====================================================

國內播既電視劇好興連播幾集

咁岩睇到呢套劇既開頭, 只因為認得鄭希怡

呢套野真係美女如云,個個都真係好靚女 (最唔靚都係做呂笑笑果個……)

天蠍E後尾係街度見到有成套賣, 就買返黎比我煲返 (因為唔知星期幾做, 我只係幾個星期日睇少少, 少少咁…唔知頭唔知尾….)

而家先追到30集

個故事背景講公關公司又幾有趣……

我最鐘意既係做馬嘉麗既董旋, 覺佢有少少似黎姿…

小柔就好舒服 , 唔做作, 冉冉就純, 如鄰家女孩一樣

男主角就慢慢認得何潤東……何老師原來就係胡兵 (同劉嘉玲好熟果位) ; 石堅原來就係泳隊代表…..扮演攝影師既林沐風就係胡凱……

粒粒都係明星呀 ~~~~

---------------------------------------------------------------------------------

不過呢幾日都無睇過, 因為要幫天蠍E做公事囉

佢要整powerpoint呀….佢整左少少,不過又無時間再整……

又要將d相分類再打字同圈起d要點…..

我星期二先用左半日做好9成第一個powerpoint (因為我覺個present有問題, 唔敢整哂, 要問下佢可否按我意思修改先)

第二個powerpoint就唔做整, 我用photoscape幫佢整, 而家先發現原來簡體字既title係打唔開既….我要全部改返哂做繁體字先ok

又用埋半日先幫佢整好哂

睇怕今個星期六都係唔好出街,同佢整好哂, 留返星期日先去行街街 &食飯喇!

 

 

又黎單雙號 ?

又黎試了 ??

咩事 ..............????

請看以下

广州将举行亚运临时交通演练 11日起单双号限行

2010年09月07日 07:09中广网

限行日期：本周六至下周二 限行时间：“朝八晚八” 外地车入广州将收到短信提示

上周本报率先报道了佛山禅城将于本月11日至14日与广州进行单双号联合演练的消息，引起市民的广泛关注。昨日下午，广州市交委发布最新消息，确定9月11日至14日期间实施亚运会机动车临时交通管理措施第二次演练。不过，此前曾表示佛山禅城也将与广州参加联合演习的佛山交警昨日表示禅城是否参加联合演练尚不确定，这也就意味着禅城是否参加联合演练或有变数。

本周末至下周二

广州单双号限行

昨日下午，广州交委召开新闻发布会，称此次亚运临时交通演练，将在广州行政区域内道路通行的机动车按车牌(含临时行驶车号牌)最后一位阿拉伯数字实行单号单日、双号双日行驶(单号为1、3、5、7、9，双号为2、4、6、8、0)。单双号的限行时间从之前的“朝七晚十”放宽至“朝八晚八”。

**************************************************

又黎玩過....

星期日又要被困一日全日了 ~

 

天蠍復活海南島之旅2010－Day 3 dinner@春園海鮮廣場

食完tea返左房又hea左一陣

又出發去食dinner喇

留返呢晚去出面食海鮮

都係睇書仔介紹

不過唔熟路, 所以睇完人地既blog都好, 唔記得細節

到步後, 先去選海鮮

之後就選心水食檔讓他們為我地烹調

(係咁樣收費架....)

真係唔多記得網友話邊檔好

人少果邊...唔去了 

呢度係自助, 連野飲都係...(檔口淨係負責煮, 無野飲賣既)

我就要左支海南啤

叫左以下食物

似nann既薄餅

蝦同墨魚

蜆 (不過好多都甩哂出黎)

仲有隻和樂蟹

間唔c仲有人拎住結他叫人點歌, 鐘意既可以當卡啦ok咁高歌一曲 (d人唱得好high架)

呢個番鬼荔枝係飯後果 (係春園對面生果檔買既) 又買多個durian...當早餐食....(無錯, 仍係榴槤, 因為我鐘意食...)

 

 

潛行凶間 inception

inception

Dom Cobb (里安納度狄卡比奧飾演)是一名精於潛盜的神偷，專門趁目標人物於睡夢狀態中思維最軟弱的時候，潛入他們的意識中盜取機密資料。Dom的天賦技能使他成為商界間諜活動夢寐以求的的合作伙伴，但同時亦令他變成失去所愛的國際逃犯。此時，Dom接受了一項新任務，只要事成便能得到一個重生的機會，但是，他卻要做到潛意識犯罪中最不可能的境界：潛植意念。Dom與他的夥伴並不是如以往般策劃完美的盜竊行動，相反是要潛入目標人物最深層次的潛意識中，植入一項意念。如果他們能夠成功，這將會是開天闢地，史無前例的完美罪行。但是，即使他們如何精心策劃行動的每一步，在這次任務的潛意凶間中，卻有一個神秘敵人如影隨形，彷似能預知他們計劃的每一步……而這個神秘人，則只有Dom能夠感應到其存在……

呢套戲好早已想睇, 不過呢輪已好少入戲院

叫叫左人係國內找找出左碟未

點知岩岩既星期五晚上就有人叫我上網check下飛揚影院上咩時間, 定星期日先去睇

(我好慘咁要找sina. cn先找到影院上影時間, 因入唔到影院既網, search又searh唔到, 係國內就一打即search岩架....)

轉接地...最後花左少少時間就得了 (好勁, 一日1x場)

最後星期六睇2215 (因為去到買飛都成 7點半, 又要食飯, 又想行一陣先..所以預鬆左時間)

好彩有得free parking (佢話free2小時) 10點後就$2 / hr 定半小時, 唔知了 !

7點多入車場, 12:40先走....最後係比左 $15 泊車

講返套戲, 的確好睇

我地一路揸車返黎一路講返個劇情......

國內譯為盜夢空間

一期兩set

有一天教完琴

職員問我當日是否趕住走, 因為有老師臨時打黎請假

想找我代課 ( 正呀, 我代過一次) 而家非常期, 又無世藝, 搵多d $ 仲好

lur 飯應喇 !

本來打算回家食野既我, 最後都要找個地方坐住食, 再等去上堂

(因為離上堂時間都長, 所以要找間可以坐耐d既 -- 因為都差唔多lunch time, fast food唔可以坐太耐)

因為近我教琴果邊, 所以去左sml,

原來呢度有set食, 仲每隔一段時間就會轉款....

當然先黎一杯檸茶 (因為我好怕叫完奶茶發現係要自己加奶果d, 我次次沖完都變怪雞色, 所以我先成日飲檸茶 - 安全d嘛 !)

要左個沙律

個汁好香, 我食係哂既

當日無ciabatta, 改為baguette

comment : 貴囉, 不過呢個building既食肆都係咁上下價, 去starbuck飲杯野 + 個包都差不多價, 唔想轉電梯行黎行去, 是但一次, 希望下次時間好d 去第2度食

basement food court都ok, 都係果句, 果日12點幾....好怕無位又要花時間再找 !

cumin chicken wings

網友教整土匪雞翼，不過我又遲遲未買黑芝麻

又未買五香粉等．．．．

只係買左呢隻cumin （左邊第２支）

呢隻粉勁香呀，佢地話叫孜然粉喎！

我今次只係用左佢，加老抽，少少garlic salt 及蒜頭醃

焗之前我再加左少少thyme 百里香係面

勁掂呀，好入味，完全想再落多少少粉．．(因成日覺佢唔夠咁,不過第一次用又怕太咸,亦唔知放入口係咩味）

因為雞翼會出油所以我唔加olive oil係盤底了，就由得佢痴底了（可能下次我唔落蒜，試試結果,希望無咁痴底）因為天蠍E唔想加洋蔥，佢話加左野係底整到雞翼皮無咁脆喎！

色－－＞有,上次都有落老抽,不過上次既色無咁靚

香－－＞醃完已勁香，焗緊都一樣咁香

味－－＞好入味呀

俱全呀........................................................

因為次次星期六入夜去買，都買唔到肉類（佢地開始pack 埋收埋哂）所以好多時都係買雞翼（不過剩返幾隻可以整多一次吧了***我地係買一大包既）

係雀后度見到有魚露雞翼，等我買返支花雕油就可以開工的了！

天蠍復活海南島之旅2010－Day 3 tea

係泳池hea完

又係時間食返個tea

對正個泳池，個view好靚呢

呢度有一個附有人造既沙灘，及最開邊果個泳池

mocha & Latte, 都係唔太鐘意國內既咖啡，太淡口了

3款都係一樣既nuts....唔係太好吃呢

要左一件蛋糕，同樣都係麻麻地

食完野，hea完，又係時間返上房沖個涼，再出發去食dinner了！