談一談 @ Al Dente -TST

好耐都無同都得媽 + dora 3個人一齊聚一聚

咁岩都得媽又去左個聚會有八卦野聽, 我地當然去八一八喇

地點係我上次想約 tal時找既其中一個

Al Dente, 好多年前試左soho果間

今次係尖沙咀寶勒巷開左.....近近地唔使過海, 又唔使花時間行條行人電梯, 試下喇

如openrice所講, 真係唔叫野食, 唔比包你.....

個飽麻麻...唔鐘意個底好硬.....

雖然係星期四, 不過....都full左8成.....

呢個係都得媽點既青口.....(哈哈, 今次個青口唔係我叫架 ~~~~)

都好味, 岩岩好每人2隻....

呢個係我點既, 魚子醬牛油果煙三文魚沙律

happy hour既野飲唔多岩 (全部都係有酒既) 我地改叫....左邊係都得媽既 sherry temple

右邊既係我既 : teqilla sunrise

dora既 : cranberry cocktail

間餐廳係正粵海酒店對面 (見到newway個牌行前少少就係)

dora點既....意大利腸pizza...

我地無叫steak, 因為有3個人可以叫多樣野...最後由我發板....叫左個白汁雙蝦天使麵

(雙蝦係指lobster + shrimp, 不過英文餐牌度指仲有sea scallops)

呢餐每人 $200有找 ( 佢地仲有個set係 $198 再加一既 )

但係頭盤只得soup / salad,  main course唔係steak( 幾款） ／pasta 就係 risotto ,　包dessert / coffee / tea

所以散叫都低既！

食飽哂就行左去k11陪都得媽買野我地就各自回歸喇！

{私人blog}試焗(1) 之香茅魚露雞翼

問左天蠍E佢想我整咩

佢當然答我無所謂

最後...因為我買多左一pack香茅,所以決定整香茅魚露雞翼

(佢問我 : 乜我地有魚露咩??係呀....上次青瓜有魚露架, 我買黎架 !!!)

因為唔知整咩, 所以都入左少少調味粉...(左邊果2支未開,唔知咩味..) 最右果支.....一陣先講

佢用個攪拌器打左d香茅同garlic (定洋蔥.....) 我都唔知, 因為佢叫我講一次有d咩調味

講完我就入左toilet, 一出黎佢就咩醃料都放咩入去攪.....係攪完......

(佢整完我果d, 先走去攪爛d牛油果,再加入yoghurt,then放入冰箱整甜品食 )

激死我喇 !

之後我地出左街喇

返黎佢話怕唔夠鹽, 所以我就加左支garlic salt落佢 (都輕手架喇 )

最後....入爐...

真把鬼, 成日估估下, max先得果15mins....用盡佢, 幾分鐘後放雞翼入去

岩岩fit哂放8隻 (好彩都預左8隻)

行近個爐又熱喎,. 但又要不時check住佢得未 ,有無燶...

中途整左10多分鐘我試用筷子刺佢, 見有血水即係未得 ( 其實我覺都ok, 因為我都仲會翻佢一次架嘛 )

之後加左pasley flakes (不過....聞係有味, 唔知係我落得少定點....食時係無咩味既)

參考多個網址, 係先焗底既

相中已係埋尾....望落唔錯架

** 可能我放左d 攪爛既醃料渣, 所以先會燶....下次唔要先..(不過下次會試其他味)

已有朋友比左少少意見我, 下次我會

(1) 加張錫紙係面 / 變佢做單骨--> 唔怕唔熟

** 我今次已好叻加左2層錫紙係底....唔使洗死我 !不過比人起雞翼時整爛左, 洗完野又要我整過張.....

(2) 自己醃, 唔比佢整....

***********************************************************************

激死我激死我, 上次係之之島明明見有豬頸肉, 今次去想入定放入冰箱, 找云都唔見....仲比天蠍E 話點會有....佢話佢都唔覺......

不過幾日前同佢傾電話, 佢不停回味d香茅雞翼......

見v女介紹腐乳茄子....下次試下先 (不過唔知點解上次我地蒸茄子, 蒸左好耐都唔淋, 我就話佢將d茄子疊得太高...所以蒸唔淋 ?? 我岩嗎 ? 因為茄子太長, 切完好多, 無咁大隻碟可以放偏哂佢地.....最後要全部放入水度滾淋.....)

NZ 南島自駕遊 - day 10-Auntsfield, Mahi + Villa Maria

呢間係Saint Claire既職員介紹我去既

因為同佢傾開計,佢問我係做關於wine既工作定黎玩..

咁佢就介紹我去左呢間,佢話佢地好smart

(不過車程都耐,又荒蕪.......周圍都沙塵滾滾...)

不過佢地既chandonny的確唔錯....

佢地既設備.....連泊車位都唔知係邊, 我是但泊咋 !

門口就係咁架喇......

佢地既葡萄園就依山而建..... (都好大下)

有d仲包左膠袋.....

因為都無咩車, 所以我可以中途停係度影下相

之後再去一間叫Mahi 既

外面都幾靚,不過又係周圍都係石仔地....我成架車都very dirty!!!!!!!

好大既提子呀......影張相先 !

之後去最後一間 - Villa maria, 呢間07年時跟wine tour黎過, 果次嘔到百佳,乜相都無影...

因為好似試酒又要$, 我已唔想再飲.....好熱......

佢戶外無咩人, 所以坐係太陽傘下傾左一陣長途........

最後都係決定早d出發到機場 ( 因為又要搵路, 還車.....)

所有參觀完喇 ! 今日都去左9間參觀呢 !

Checklist :

Day 8 Check list :

Mount Riley

day 9 check list :

1st Stop : Wither Hill

2nd Stop : Cloudy Bay

3rd Stop : Allan Scott

4th Stop : Hunter's

day 10 :

1st Stop:Sanit Claire

2nd Stop: F Series

3rd stop : Wairau River & Naulitus

4th stop : lunch @ Highfield

 

{私人blog}整蠱唔到，反比玩~

點解會穿煲既??

話說有人星期五晚打比我時,

部爛鬼SE 講講下突然會出左call waiting聲, 

佢話已經幾日架喇.....

星期六同佢sms, 成個星期早上都無理我, 果朝回我喇, 點知叫我幫佢買電話

當日早左成粒鐘出門, 點知又一城既老百會同豐摘都無 (賤野老百會仲當我問有咩送時, 數哂比我聽, 我話要部時先答我無貨...玩我咩老闆)

之後快手出去旺角度再睇

成條街有3間百記同豐記, 點知間間都無....

sales答我係沽清後, 樂基呀無再入貨比佢地喎 !

果時都一點半....心大心細去唔去專門店....(又唔記得太子果間有無摺)

sigh! 最後....都係由bank center行去太子果間...(3條街呀 !!!)

註 : 一準備行, 我已札起馬尾, 開埋遮...點知一入shop條頸都留哂汗....( shop無摺, 不過移前左一個舖位)

 

咪就係呢部E72, 都09年年尾出!點解咁好賣．．．天蠍E話太子岩岩都買左部無耐，如果係咁舊／有問題既，太子唔會買架？？

好彩既係專門店有貨...比其他貴左 $10 (豪比佢喇 ) 但就少左野送 (少左舊電同汽車充車器, n 一張記憶卡)

買完行返去直通車站都係2點...

講完買野過程, 整蠱咩呢 ?

我send sms講佢知無貨囉 ! (本來打左話後尾買到架, 諗諗下整鬼佢話無囉 )

佢又鬼死咁精, 無耐問我 " then ?"

我又答得妙 : " I didn't buy at there ?" --> 咁我的確無係果度買呀 !

之後佢接左我, 個樣謝哂......

仲沿途不停話去邊度邊度睇下有咩電話...

我緊老死唔比, 叫佢用住同事好耐之前借佢既舊野先  (仲前幾星期買左部假野E72..笑死, 上網找云都唔知咩model黎既)

去到廣州都話記得附近有電腦城, 去果度睇下好唔好...

妖 !!!!最後都要穿煲話我買左喇！

問佢點解咁叻知我買左，佢話以我性格買唔到應該多多野講

仲有就係我通常１７３０會打比佢提佢好執定野準備黎接我時，叫左佢唔可以太遲走，否則佢今晚一定後悔．．．．

佢話佢專登要去睇，睇我忍到幾時講．．．．．．

嗚嗚，人家本來諗住吼佢沖涼時放係佢張床度等佢勁開心架嘛．．．．．

****************************************************

花左成個星期日入返哂ｄ電話，一來佢無save 係sim card度

二來係佢轉左入人名既方式．．．佢話search 快左好多喎

太子見到都問呢問路，點解唔叫佢買咁．．．．．

日本野

同dora睇完toy story

係i square度 睇水牌有咩食

最後決定食日本野,睇低下幾層既日本店menu都無咩食 (因為dora話佢而家少食日本野喎, n 果個場下午都唔係太多選擇)

所以最後去我上次去過果間----匠 伊兵衛

dora : 牛柳定食

我要左壽司

最後仲有甜品

以set黎講呢間野都算貴,不過...睇返壽司既料..海膽, 帶子...都ok既 !

 

NZ 南島自駕遊 - day 10- lunch@ Highfield

影完幾間wineries

就出發去食lunch喇...呢間係highfield

呢間...係比個view吸引既 (係佢地既travel booklet度已見幾次介紹, 今次有得去了)

不過揸車都幾遠下, 好似上山咁

樓梯上去只係似開party既地方 (都幾似樓上有人住咁) 我只係在外面望,無得入去既

餐廳同試酒就係相中既門口入

被迫係露天度食, 因為....旁邊果d位full哂了, 又無甘心坐全室內

好熱......支水係必要既 (好彩唔使$)

booklet就係上面既相......

睇到menu有生蠔. 雖然天氣咁熱...都要試一試...左邊係mustard....

正呀 !唔想因為下午我唔會食太多野, 又想留肚食其他, 否則黎多3隻...

餐廳對出就係vineyard......好多人都行埋去影下相

太曬了.....又無遮係頂....見到有免費帽借 (就咁放係室內既某張枱上)

唔好怕唔好意思, 唔想中暑呀......

main course要左個羊....好味 !

係去toilet時,見到下砷就係佢地既容器....

門口就係試酒既地方.......

無人係度, 所以我都無試就走了

day 10:

1st Stop:Sanit Claire

2nd Stop: F Series

3rd stop : Wairau River & Naulitus

 

 

 

Toy Story 3

故事來到第三集，小主人安迪經已步進大學階段，離家上學。與此同時，胡迪、巴斯光年、三眼仔及薯蛋頭先生等一班玩具同志們則慘被冷落，被捐贈到日間托謢中心。究竟他們可否克服重重困難，再次返回小主人身邊？胡迪和巴斯光年，老友聚首，今番又會有甚麼奇遇？史上最大規模的玩具『難民潮』馬上展開！

上一次同dora食完飯, 咁岩佢話想睇, 所以咪約埋一齊睇囉!

Woody今次係由tom hanks 配音, 係呀…我地睇英文版

Buzz lightyear 係度跳舞 同講西班牙文好好笑…

Ken & barbie呢一對又好攪野…..

有無睇第1/2集既都唔係問題…….(雖然我有睇)

 

 

 

應該…無第4集喇卦??

 

買左oven la !

係我無提過

無要求過

無暗示過既情況下

有人自己買左個oven返黎

佢上個月話想要microwave既, 不過初識佢時佢抗拒架,佢話唔健康

所以我叫左佢唔好買microwave....(費時買返黎擺)

上星期六突然見佢拎返黎...原來早一至兩日去睇豆漿機時買

佢話平喎 ! 99蚊人仔 ( 豆漿機佢係受佢媽媽所托買返去家鄉既)

星期日受試行單雙日出車既亞運準備....早上就先用黎試整熱菠蘿油

餐枱全部都係野, 所以我搬走左個湯煲, 放住先....

新開黎用, 要預熱喎! (有人早一晚睇左說明書, 早上又唔理....等我做)

不過到左下午, 有人清理哂餐枱上既零食喇, 餅乾喇.....執左哂放左個爐係餐枱度喇 !

午餐黎整個午餐肉.....(放心喇, 係美國貨,無咁多肥膏,我唔會買妹淋牌架)

因為無溫度....只可control時間, 都仲須要時間去研究一下 ! (註 : 上面d字同公仔...圖黎架咋....得下面時間制架咋... 連個tray 夾都無呀.....-----> 我找左2間日本城, 係黃x果間度買到了, $7.5 @ , 我唔想次次都用布拎住條邊攞個盤出黎反轉d野食, 遲早辣親我架喇 ! $10樓下買個夾仔喇 )

睇下黎緊個星期會唔會試下焗雞翼喇, 係好多blog友度炒左receipe架喇 !

 

NZ 南島自駕遊 - day 10- Wairau River & Nautilus

去左F字頭果2間winery查看 (而家睇返原本既相,先知係先去呢2間,之後再去f字頭果2間)

又接住去另一間

呢間人唔多

都試左幾杯.......一般喇 !

之後再揸車去

呢間好似當年都有黎過.........

裡面都已有幾位客人係度, 所以我又有得試酒了 !

呢度仲有少少 T shirt 買,亦有唔同favour既oliver oil..... (見d人買呢d仲多過酒呢 )

day 10:

1st Stop:Sanit Claire

2nd Stop: F Series

4th stop :Lunch @ Highfield

 

lemon House

上星期因準備亞運而試左單雙日行車安排

故星期六接完我, 就出發去廣州

次次都係我set部gps, 不過唔set都認得路, 雖然有人唔睇..仲要次次去到某d路口位就問左轉左定右 (呢d相同問題, 我已答左3次)

路經去花園酒店附近既停車場時, 見到呢間野

去左附近睇食咩, 行行下, 都係決定一試

有人話想食subway, 見到後又話一陣比我朋友知去撐枱腳食快餐唔好喎!

一睇個名就知係食vietnam架喇 ! 睇下我幾醒, 地址show哂, 唔使打 !

叫左一杯 (佢request既)唔知咩酸梅檸檬.....(仲之就酸酸地咁喇 )

馬拉盞炒秋葵, 我唔知秋葵係咩, 係上次在之之島買餸時, 佢話我知既, 佢話唔係太多地方有, 如果hk見到有, 都可以自己買返去煮 ( 家母都未必試煮....) 見到呢度有喎, 我即刻話要試啦! (註 :之之島果日果ｄ完全唔似樣架，白雪雪．．．）

香茅雞煲，好香薑同香茅味．．．．不過雞唔係多骨就係一粒肉仔鬼死細粒

想叫佢叫飯，佢又話食粉，點知見到有黃薑飯又轉呔

有人堅持要叫粉．．．．話最多食唔哂就打包．．．（好好好，聽日下午果餐就食粉）

話左夠，死都要叫．．．好好好．．蝦餅，ｏｋ？

埋單１４１人仔，貴．．係．．．因為跟以往去深圳既經驗，每人50人仔就差不多架喇！（不過．．．．．要記住我地係叫多左，碟粉係打左包既．．．所以．．計落都合理既）

最後仲打包埋食剩既雞（其實係剩返少少配菜）同炒秋葵（其實又係剩得唔多）都係有人貪ｄ青椒喇，香茅喇，同ｄ好香既馬拉盞用黎炒粉一流之嘛！（不過話時話，真係入味好多）完全係佢家鄉口味（天蠍E勁鐘意濃味既野食）

之後去左starbucks..買左一件cake & tuna puff作第２日早餐．．．因為無得出去市僑