上星期好忙
last day後, friday先黎個早場,再去做facial
星期六賺$$ (不過有個聽錯星期日上, miss左堂,我又要假後補返比佢, 蝕呀!)
之後回家pack行李 (出發前再pack多次, 次次都發現漏少少, 又漏少少,所以同事叫出發前1日食飯,我都拒絕左, 我知我實唔夠時間既)
晚上去修眉
因為book左1730, 所以早d去, 早d食dinner
去左新裝修既Thai Basil, menu都轉左
要左杯Thai Lemongrass (好香, 可選alcohol OR non- alcoh)
估唔估到我食乜 ??
咩事有個cup ??
因為我要New zealand green shell mussels (green curry)
加多個白飯
好正 !好大隻青口!
當大家睇到呢篇網誌既時候
我已on the way to the airport
機位....太full了
所以早於月頭, airline已通知我可以upgrade
我唔多相信有免費午餐
與其要等, 何不.......
所以...我係改左booking class (價錢亦有所不同) ,目的就係想被upgrade既機會大d
( Y class 既booking 都分M H V U ......)包羅萬有 ~
而家當然如我所願, 我可以有得瞓個好 + 瞓個夠了 ~
我無左一半mileages~
I am looking forward to meet all my friends !
今早睇1030
上網check過,AMC PP開930
所以最後都選左JP Cinema
Comment :好睇,好睇
呢套, 就算比原價我都覺值
黎緊, 我想睇埋Mummy 3 ~
對上一次去澳門係...大學時期
今次係第一次同同事去
目的係吃吃吃
而家先剛剛回到家, 沖完涼
相....遲d先補上
一到步,先食.....翅 ~
不過未開門, 排住隊等
等呀等, 1215先開門 (呀工人一齊陪我地等老板娘返)
好彩排左隊咋,因為我地霸左2枱, 入埋排我地後尾一行3人...full house!
叫左個海參魚肚翅
再叫多個豬腳薑
之後...再行去食..豬扒飽
黎個一開4
我地一行9人...次次都分2枱坐
每枱叫左2個
炸squid
食完...再轉個彎去食豆腐花
我呢碗係無加花奶既
太熱喇 ~
又打唔到的 (因為...哈哈,人又多,而且原來澳門的係一架坐4人...我地去程時係超載)
我地係坐巴士去返碼頭, 再坐shuttle去威尼斯人
本來係食葡京buffet, 金莎都想架,不過2間都無位了
最後試左威尼斯人既鋒景 ($2xx)
無sashimi, 另有長腳蟹,不過我無食
grill lamp & Pork都可以接受
無影天婦羅, 好味 ~
好開心有椰子雪糕
(蛋糕就唔係太吸引)
同事既spicy +++++++ 丸丸麵
咩碗碟都有logo - Cafe Deco
Lemon Tea
星期四last day
同事們齊齊整整出發食hotpot (不過唔齊腳的說）
本來打算去同事家食
最後選左去蘇c 黃介紹既不倒翁
地址: 佐敦佐敦道23-29號新寶廣場2字樓
http://www.openrice.com/restaurant/sr2.htm?shopid=15113
好多款湯底
同小肥牛一樣，好多配料比你自己落（右上角既xo 醬好正）
小吃
我地叫左竹蔗水
we order兩隻湯底 （２窩，因為我地有10個人）
沙嗲及冬瓜
其實叫左好多野食，不過後來有ｄ無再影
黑柏葉，好大隻既餃(一隻有３隻蝦）
右上角仲有魚滑及影佢唔到既蝦滑
四寶丸及炸魚皮
冬瓜湯底好好飲
肥牛（叫左３碟，最後果碟係另一部位，好味好多）
蝦．．．．好好味
仲有無影既．．．．oyster (好大隻架．．．）
文昌雞飯
仲有被唔醒目既伙計穿左煲”壽包”
有生果、桂花糕及紅豆紫米布丁（jelly size)
我地知大家都好掛住我地
咁就等大家見下我地喇
大家姐
至lazy既二家姐
巧梳乎呢
正面
姐姐話我地至乖就係等食的時候
小win
係呀,我剪了毛毛..因為太長了
我至鐘意有野"朗"係我下巴
例如: 痴住GG姐姐, 下巴放係佢大脾
我既造型可愛嗎 ? 係工人姐姐紮架
今早去左睇Wall E
雖然對白好少好少, 我諗開場20mins, 一個字都無 ~
10點買飛睇1055
入場後, 想係sofa度坐
不過見有人男士, 全身著哂batman 服式
包括 : mask, 黑衫, 有斗篷, 黑褲....
我唔知係唔係整估人..所以唔敢行埋去坐
toilet又整緊,唔比人入..
好喇, 終於可以入場坐喇
入左場無耐....見batman又入黎
坐係B16 (即係我前面幾排) 手拎住一杯有batman 裝飾既汽水及一盒好大size既popcorn (佢係由staff幫手帶入場, 係佢自己話自己張飛係坐B16既)
我直覺係:會唔會見未夠鐘開batman場, 未同得觀眾影相,所以入黎睇睇
當時好多人都好 " 好奇"
我身邊又2pair 人, 後尾入場果對, 男的說 :batman黎睇Wall E 呀
點知．．．出事喇， batman : 呀，我好慘架！（回頭望下我地，又同我地say hi)
batman :我盒popcorn好大盒呀，你地要唔要？（此時，佢真係將盒野ｐａｓｓ比呢位男士，又指示佢問我，又再指示佢問後面既觀眾）
另一邊果ｐａｉｒ，我同佢一齊係度笑．．．佢地仲靜雞雞拎部手機出黎影左張相
（我係第一個坐低．．我當場都有影喇．．．）
註:佢成場戲都係戴住個mask無除過（個mask係只露眼同鼻以下的位置）
散場，我去完ｔｏｉｌｅｔ走，
見呢位batman又再次入場．．．．．
有無人講到比我知．．．．呢位batman係唔係．．．
戲院請返黎架？？
係CWB JP cinema
今日last day了
問左office同事, 得知今日會拎到reference letter
佢地八比我知, 今年係最早比同事既一年...
當然, 呢封野都係得人工, 剩返幾多日病假咁, 咩comment都無..
叫做有係手好過無
而家回左家
因為又有人送禮....
哈哈...多謝好愛鍚我既同事
所以,,,,,要拎左回家先, 因為今晚係最後係ee家度留宿 (我仲有衫同旅行袋仔係果邊,所以今晚一定要返去)
而家出發同同事食dinner
唔使等我門喇 ~
今早8點前返到
所以...先pack好第一轉要拎既野
中午時段, 帶住個大crabtree打孖袋 (袋中袋,怕佢一陣穿左就倒瀉籮蟹) + 一箱野
校工好好人, 幫我拎到門口外等的士
不過..真係...要果時就咩都無
所以我都係打去call 車
正 !有折...平好多呢 ~
大功告成 ~
我見仲有同事未收拾好呀
鬼咩...我要扮last day,當然要快快手ko左佢
明天約左同事食飯
學下甘蛇 : 唔好等我門 !
明後2天都要返8點
後天.....唉 ! 今早叫我星期四要返去當值喎
每人暑假返3次,我已返左2次星期六...
8-1300, 但係.,....1300係開始開會
我而家都未知我可能點食晏...
買唔係一個問題
之但係我唔係在自己位當值,
果度根本就無我自己位既....我可以點呢 ???
聽日要早起,
仲要call的士黎接
因呢度無直接車返公....我呢幾日係轉車.加上一個鐘車程..
所以...咁早起都係打的穩陣
今晚ee最後都係無返黎....
工人仲prepare湯同好多菜添
good nite ~
諗住呢幾 日都唔係講公事,
費時自己都要咁煩, 你地睇都覺我好煩
不過今日...
散會前....突然叫我地唔好走住
有野宣布
話呢幾日雖然唔係個個都要返黎補習班
之但係仲再大客等客仔走..
所以...聽日起, 要著到返工咁喎
可能係
- 今日我地多左人著牛仔褲返黎
- 今日有坐出去做會議紀錄既同事著牛仔裙
- 佢今日開會呀, 老闆都仲係度話點解成日提我地衣著呀, boots呀,靴呀, 水鞋呀...
都係因為仲有人著返黎 (下 ???boots 都唔得, 定夏天唔比我地著呀 ??)
---------------------------------------
今日下午返去時,發現枱頭多左盒禮物...係警犬送比我架 .
未知係咩黎住, 因為我唔會拎返去ee家
講到我已通知老闆我外遊
禽日....警犬問我今日可否返黎值日
(得......費時拖住個 " 你欠我一次值日"既罪名)
(以往, 暑假APSM 及主任應該每人值2次既)
所以今天返10-13pm
---------------------------------------------------
禽日, 廠長 (同事代號) 佢知咩原因有此號 (不要問我點解)
告知佢昨天早上簽了appraisal, 比去年高分
不過都係唔過200 (總分係...500)
不過...好多友人都係around 200-210 (我熟果係, 老闆唔敢鬧而又有求於人果d就唔知喇)
我去年 (其實係2007年9月後先評返06-07年度既, 因老闆去左beijing工幹, 無時間同主任討論各人之評分)
無錯....呢d考績係是"卵"但既, 主任喎 ~ 咪又係老闆比既分..
ok ! 講返去年, 我被指責負責輔導組,不過仍有改善空間 ; 要積極 ; 出錯通告
我係...........197/ 500 (我找回以往既, 果年好努力, 老闆仲叫無難為過我 )我都係得207-500
鄧鄧鄧鄧 ~
今年..咩叉comment都無寫, 果欄係"吉"既
我見左都打個突.......紅火蟻主任咩都無講, 我瞄一瞄個總分
210/500 (嘩, 即簽 !)
我香蕉佢個士多啤梨
我走你先黎比咁高分....有屁用 ~
-------------------------------------------
忘記告訴大家一個大意外
係真係有意外
第一次既小息, 有個3年級發生意外
他被同學踩到後跟 (我唔知係鞋定腳)
佢成個仆左係地, 血留不止...
聽同事講, 成件校服係染滿血 (衫吸哂血.. 濕哂)
踩到人果個....已失控: 我係唔係殺左人呀...佢有無事呀....
我地聽後,當然係擔心小朋友, 不過亦咀咒老闆 :咪就係多得你, 人地成個暑假都過得唔安樂囉....邊個整d咁既無聊班..
有無老師值日, 係有既, 不過老師身在隔離班房叫緊"唔好再跑....."
呢幾日都收拾左好多野回家
呢d野買果時有d都幾貴下
所以唔捨得送比人, 何況...點知以後用唔用到架..
都係留低先喇
因太多了, 所以先放入鐵盒度作出篩選
呢度只係冰山一少角
當然, 咁多年囉.....收藏品點止咁少
查實....係
我係用工具箱架...3層幾好放野...
鐵盒果d...而家全部塞滿最低果層..
亦掉左一袋 (果d係無色及唔可愛公仔果d )
禽日…因某人既唔細心
上年得2級資優班
今年係4級, 亦因無校車
有人低估左家長人數
所以….加設人手安排
佢老味 !!!!!!
我上第一節830-930, 早上仲要係門口當值 800-830
家陣….話停車場開左閘, 放學要老師值日 12:00
痴筋既, 930我等到1200同你去當值
我真係唔係好明點解唔叫其他老師去
要我地呢d APSM 同主任去做…..
上年呢條百佳, 亂安排架
我上年返第三節,條38安排我早上當門口值
呢間公司無人性架 ~~~~~~~~~~~~
我話去starbuck坐到夠鐘先回歸
亦想去對面屋苑度探同事個仔
H同事話,帶佢地返黎都得架
I主任答:咩呀, 嘈呀, 上次星期六(家教會)收工前半小時2個仔黎早左之嘛,老闆嘈呀!
GG:咁 “ 妻憑夫貴”果位主任呢? (佢係大肚先去結婚,老公係某學院既講師.,所以我老闆唔敢ge gut呢位主任) 佢果日由朝到晚都帶住個仔喎!
I主任: 佢話人地預先申請左喎?
(痴架 ~ ~ ~ ~ 你話咩都得架喇!, 當日大把同事係收工時段帶左仔女出現)
家教會嘛, 人地唔可以有家庭架??
你地話呢d老闆係唔係變態架!!!!!佢唔like同事將家庭生活帶入公司範圍
星期六日係公司就唔可以有family day,帶仔女返黎即係你地公私不分?? 暗示公司無比family day佢地(記唔記得佢話我果句:星期六係私人時間呀??)
所以…我好心淡….佢係愈黎愈心理不平衡, 佢根本要去睇下醫生
禽日坐van仔同同事講起 (佢今年轉黎既, 年資一定多過我) 佢話有人叫佢唔好再嘈咁多
我多口答佢 : 係, 乜你唔覺講完都無咩用,相反仲衰過舊c ????
有新同事睇唔過眼,曾同警犬講: 咁開會法唔掂果喎, 開完返去連卷都無時間改喇 (呢句說話係上學期測驗時同事講既) so far, 有改嗎? 你地見我不停話開會開到不似人型, 你地就知, 會只係愈開愈多, 並無因此而減, 係唔係要多謝同事進言呢 ??
(後補 : 點解我仲要申報, 係因為我要返去值日, 我唔講, 佢一陣又話我欠佢地既 ; 如我講左佢安排唔到就係佢地問題, 我理得佢死 !)
我last day 係end of term 31/ 8 ,不過整個8月我都唔會返, 所以我老作回程係8月31日, 所以佢唔可以8月叫我返去值日, even係我欠佢值日...9月之後既事就唔奸我樹
無錯呀, 即係我淨賺佢8月份糧而唔c出力 ~
今日聯同另一同事,
一齊交外遊申請
(申咩請, 佢無得唔批既, 不過叫做知會一聲)
一齊交, 有多一對眼見到我交左, 唔好扮野話無收過
but知會左又點....我夠收過公司打黎通知我8月幾時返黎開會之嘛
一個call收左我HK$1X,幾想扼死佢~
改期既會, 如期改於佢講既日子舉行
我亦乘機知會佢我已上機開唔到會
(佢話會通知老闆.....由你囉, 最好你去通知我唔講架喇)
今日同事先問我拎左reference letter未.....(我地企埋同一線架)
(為免引黎大家誤會, 日期唔公佈...)
總之24號果幾日, 我仲會發表blog及回覆喇....
再之後, 我當然會消失一段短時間, 回來再同大家分享我既luxury trip !
禽日某位男同事話,佢某日找下找下,唔知係公司main drive既邊度找到下面文件
(我再search時, 已找不到, 不過同事save起左....呵呵 !!!!!!!)
我地咒罵他不早一點通知我地笑餐飽呢 ~
全文如下 :
一間校風純樸的學校，有賴各同事的努力及支持。請各同工注意以下各項：
1. 端莊得體的衣著：
教師的衣著是代表教師的身份，必須簡單樸素，過於新潮或奇裝異服都不宜穿著回校，以下是不能穿著回校的衣服：
1.1 牛仔褲、牛仔裙及吊帶裙。
1.2 短褲、三個骨褲、四個骨褲及有多個口袋的褲 (只宜穿西裝褲)。
1.3 上衣要有袖、不可低胸或有透明厘絲作裝飾的衣服 (宜有袖及有領)。
1.4 除體育老師外，不能穿著運動服及運動鞋 (課外活動時除外)。
1.5 女教師的裙太薄或透明及可以看見裡裙的都不宜穿著回校。
1.6 不可穿著露趾或露踭鞋，亦不可穿拖鞋式的鞋回校。
1.7 男老師宜穿著裇衫西褲(體育老師除外)。
1.8 女教師的裙長度宜適中，不可過長或過短，長度及膝即可。
2. 保持教師形象：
2.1 請勿染髮，可保持本身的髮色。
2.2 請勿在耳邊佩帶耳環。
2.3 請注意說話措詞，避免用語粗俗。
2.4 戒指宜帶在中指、食指及無名指上，不可佩帶在大姆指或在尾指。
2.5 請勿在趾甲或指甲塗上有花紋圖案的甲油。
睇怕今年會補返:無芭蕾舞褲
我一定會找找此文有否落入會議紀錄.....有佢就知死, 我一定save起証據 ~
佢1.1-1.8 已全犯上性別歧視條例..佢無so的說 ~
有時既野, 真係咪開心得太早..
咩事 ??
緊係又中招喇 ~
中午時份, 有好心同事通風報信 : 喂.我地個xx小組會由xx改到去下星期一喎!
(下,咁老味既事又發生??)
咪成日改, 次次改, 改完又再改先得架!
即係唔係24號收爐
同事話係口頭通知
最後警犬係2點多先同我講
佢話未定架....盡可能24號前喇, 都唔想拖到再下星期..
我唔理, 我未交外遊申報,我會訛稱我27日已飛
我都係跟NET學返黎,因為人地今晚已飛往SingApore...人地已找到新工
人地一樣8月出糧,.佢咩會都唔使開就走,
我開足2星期,仲要上埋咩咩所謂既"資優"班! (咪作得就作..暑假草菅老c班就有)
同事叫我有咁早寫咁早....
-------------------------------
今早警犬intercom上黎,話有大客打左3次黎,
問今早睇新聞話有架shuttle 係TKO度撞左
係唔係我地既shuttle (office既人已答佢無公司來電報有意外)
但佢都繼續再打黎問
(呢間公司好交帶架, 我630睇新聞先知咁大單,如果有咁勁, 公司早就report左了)
最後我唯有820就打去人地公司叫人查一查..
回覆係行家..唔係我地既車...
(講真, 新聞度睇人制服都知唔係喇)
今日再次收到同事送既一份小禮物...
(不過今晚太攰...聽日先post喇)
------------------------------
今日出左張新既開會通知
只係最後2日中,有2個會對調了時間.....
今日第一次pack野回家...
應該仲要搬多幾次 (已掉了好多)
只不過係我既野太大件, 一次過拎唔哂咋 ~
今日係blog度回左網友,
24號係最後一日補習班
亦應該係最後一日既開會日
16xx , 我係度mark低開會日子
點知肥仔路過,......
佢話:呢張舊架喇, 頭先遂個位收返呀 (我釘左係partition度)你比返xx喇
GG:下,唔係呀嘛.
呢d事見怪不怪,都唔係第一次係咁
次次傳閱完叫我簽名作實,點知就有更改
呢幾次都已經係咁
我真係想問,你出比客仔果d, 又唔見你話收返...
又有咩理由,叫我地簽署,之後就去改...咩意思?
你會唔會叫我睇完文件, 叫我係張紙度簽名話睇左, 之後話文件有事.收返,你到時改咩我都要接受,因為我已簽左第一份....(無得反口??)
老闆有時仲攪野到...自己講得粗俗左少少, 跟手話:我收返....
所以我地金句: 哦 !我收返 !
星期五早上警犬代annouce
星期一喎，會由專員給我地簽閱黎緊開會既日子．．（唔知開幾耐呢？）
總之．．．星期三後就一天都光哂
（其實過埋星期一都ｏｋ了，因為6仔客不在，我要負責既已不多）
等老闆批埋張shuttle既contract，就可以比車公司簽 （ｋｏ左佢）
仲有．．．特別室既椅子，老闆試坐了（頂，３間公司得１日肯車椅黎睇睇）
亦選左邊間邊張，等老闆畫龜就可以落order,我又ko埋呢件事
等收工大吉
禽日一早返工,發現我張chair度有份禮物, 問左最有可疑既, 都話唔係佢
最後...當事人主動投案
今日...再有另一同事送上禮物....
六角形盒係英文阿頭送既 (我估盒子係佢細心既太太準備既 - 裡面係我至愛既Peter Rabbit Tissue Box) 另一盒係我今個月借左我張sim card比佢月尾去pattaya 旅行既同事 (佢上次都係呢個時間問我借) 係一對耳環
多謝哂 ~
註:呢張相,同crabtree candels張相,都係用新相機影既 ~
聽日好有家教既會又有function (全年last one)
好希望聽日係收爐前最後一個OT
今日老闆係lift度見到我, 問我月尾係唔係出門
又問我..係唔係有親人係果邊.
搵到工未 ?
又話如果有機會, 我鐘唔鐘意留係果邊? 親人可唔可以申請我過去
會唔會係果邊找工...
我既答案如下 : 有親友 (老作都要,費時比佢知咁多) ; 未找工,因想放埋個暑假先算;外國找工會難 ; 申請居留唔易,又唔係直系親屬 (都將近退休,又有咁"
學識"既高層...咁既問題都要問, 唔通佢無野好問乎?? 我鐘意係外國,不過留低又係另一回事, 最好每半年可以返黎香港or 去另一度遊玩下,咁就very 骨喇 ~
今日去換返個相機袋 (佢比錯左個我)
之後去crabtree & evelyn度買野
佢寄黎話以shampoo價可以買埋conditioner (即係一個價錢就可以買到一set)
包括La Source / Jojoba / Aloe Vera ($195)
買滿唔知幾多$送一set candles
買滿唔知幾多$就送一set candles同上次我已擁有既Tote Bag (今次唔係粉紅色係purple)
(相片聽日先post , 禽日條頸開始好痛,我要按按佢了, 希望星期六可以book去推拿喇)
此仍今次送既紫色袋 及2個candles, incense stick + holder
下圖係上次送既粉紅色, 等佢地可以compare 下
今明2日係客仔去新公司註冊既日子
比我...咁大雨...又可能客仔既新公司遠...唔返都好正常
何況...公司應該一早set呢2日唔使佢地返黎喇..
好多間都係咁安排
奇就奇在, 唔set不特止, 仲要訂埋飯...
我地用力暗示佢地唔好返....
又有d找唔到好公司既, 我都建議佢留家等消息, 咪又早退,又要通知我地...
(校工多得佢地唔少, 每日幾次咁上上落落通知佢地帶佢地落黎)
今日甲: 12人 (有d走左, 又有d下午先返) ; 乙: 8丁; 丙同丁就最多人...(2x人);戍 (睇唔到無數)
教咩書...做咩野 ???
最後有2班係睇movie....其他不詳
下午孖堂...老闆同警犬巡邏....
半小時後, 敲門叫我地帶同客仔齊集係hall度...話要比d 上課氣氛比佢地喎!
之後...警犬先黎好讚揚今日有返黎既客仔....
又話返黎好有意義...咁先叫返公司....
等等等老闆上黎 (15mins後) 佢又發表佢既肺腑之言15mins...
又每班問2名客仔, 有咩意見, 你會點安排你地既時間..(睇書, 打波, 游泳, 上暑假班...打機...)
回到基地..我同佢地講,你地見喇, 家下熄電視, 收棋...派worksheet ...做野...
聽日都係咁架喇, 禽日叫左你地註完冊就留家休息..你地又唔聽...
聽日返黎都係咁架喇, 你唔好再以為有得睇電視同玩架, 我唔比架喇, 自己考慮下喇 ! (因有d客仔唔想留家對住家人, 我又建議佢地...想同朋友玩, 你地咪去人地屋企囉.....返黎無得玩架喇....)
全間野都din既, 仲要放15xx, 同16xx (6仔都無得免疫), 咩都教哂喇...你又要check簿, 我地咩都唔敢派比佢地做, 一陣收唔返就死得喇 !
真係走遲一步都死得呀 ~
(收人離職禮物, 今日我同幾位同事夾份請食散水餅及水果)
離職禮物..我係可以有 $850 去買一份以老闆說 :有紀念價值的禮物
註: 此說話係後來加上去的
本來打算買．．．．city super coupon (買夠＄,唔使貼之餘，又唔會益佢）
回家想想，想以黎緊一張音樂會（唔係聽左演藝果個）網上訂票作為禮物
點知．．．老闆ban左
理由就係:唔可以拎張票尾（我比佢係網上訂票有我名同地址既receipt 及bank收價statement) 佢話點知我有無去睇，又話咁樣無紀念價值
真係吹啤啤．．．．我鐘意乜就係有價值架喇
我呢期都無咩想買，accessories / jewellery /handbag，我真係無野想要喎！
見佢ｂａｎ，最後決定．．．有紀念既野
（我講笑同負責同事講，打個豬牌比我掛係頸，佢家下辣興我，我下星期３唔會出席呢個歡送晚會 －＞一陣再講另一原因你知）因禮物要當住所有有份出＄既同事度送，同要我講幾句應酬老闆既說話）
當我決定禽晚去買時，同事轉告，老闆話:coupon唔得喎，所以現金代用卷都唔得（老味．．外籍同事就可以買書卷，我地操本地方言既就唔得，discrimination !)
I told my colleage, I planned to buy this
我好大方，我倒貼３／４出黎．．．．
呢部野，２個月前都想架喇，明明已被我打消念頭．
sigh ~
----------------------------
另一唔想去係：我地老闆要編位食飯架（上年都已經係咁），因佢唔like我地自己人就圍埋一齊食，前年無編呀！佢又遲大到，最後賴死係我地張枱度唔肯走（我地明明１２人架喇）
佢呀，上年大陸交流團，已經編我地有指定枱號，所以上年我地dinner就跟指定枱號坐
哼！今年唔去呀！你吹咩！
註:唔去食都要比＄的說！（離職者唔使比）
果日果份快遞 原來真係由外國寄黎
係今次出門既 document….
仲有成個月先係,點解要用express service….
(影左相, 不過禽日yahoo又有事, post佢唔到)
個公文袋就好大份, 餡就好細…..
(接受A4 size咁大, 不過餡就係得收銀行statement既信封一樣咁大架咋)
不過打開就好大既驚喜
今日睇新假期
佢話國泰飛北美線由每人兩件免費行李寄倉由32kg 降至23kg
仲有呀,雜誌仲話continental 同UA 呢2間都先後取消所有內陸航線的免費行李寄倉服務....
仲有一小段話最大既受傷者將會係Y class既passenger
其實都係既...因為其他class既會有exemptions
Y class就焗住要比
(不過應該唔係每件收, 係第2件先開始收費。因為北美線係可以2件寄倉行李的說)
雖然我未必有機會坐頭等or商務位
不過要得到既就係....會員卡既等級問題 (都有so架 )
真係要做個上等人呀 ~
-----------------------------------------
今日收到2次missing call
回家既信箱又有個快遞既info notice
邊度寄野比我呢 ????
睇左喇睇左喇
今日同友人食完brunch
行去海運買飛 (不過係gateway度睇, 1630 pm)
正 !
之後我地仲去左飲野先走 (因為太飽食唔落野了)
因為好多地方都好多人.....等唔到位
所以我介紹左我去過2次dinner既spasso
呢度出面有bar枱..
我地既野飲
估唔估到邊杯係我既呢 ?
