臨走前做件好事

其實上一個月開完校車委員會

(sigh!而家好多公司, 都已經有乜會乜會...好多都請家長幫手做代表, 一齊去傾公營問題 如: 冷氣委員會,午膳委員會.....咩野都有校長,加副校, 加2位老師代表及家長代表)

我地通常都找d 知家長係好人呀...無咩野果d先做代表既

就係傾完校車, 有批一仔家長想叫校車入閘,係屋苑樓下

校車唔肯,但我的確知而家既位置唔係好安全

雨天又會有呢個站同停車場站比佢地 (car park唔會被雨淋,but無雨就要係閘口)

就係有新家長唔知, 第一次接唔到小朋友

前日又黎多次接唔到

因為2個站真係怕有事,保險唔包..

--------------------------

問題係開完會,褓姆就通知家長, 話校長唔建議入屋苑,又要2個停改1個

班家長咪火起囉 (不過同我傾時就無事喎!)

我c忽鬼, 教佢地寫信比校長去要求....叫佢聯絡埋其他一齊簽名..

書記好叻,d來電係比我,仲找唔到我,打我手提 (我留緊客仔堂, 唔係自己位)

收信後,我咪轉交比老闆..

佢第2日叫我找佢,話咩事家長complain (人地都無用呢個字眼)

我答得好妙架...:老闆,咁你有份建議唔入,咁家長緊係找你喇 ~

佢咪叫我即時聯絡家長開會....go go go !

負責家長好好,即時幫我聯絡,共4位家長黎,余太仲叻到叫仔仔畫左路線圖, 連我呢個外人都睇到好明...

最後...校長話個位真係唔好 (果次你又唔係咁講) 叫校車負責人改改站

講真,邊個站都唔關我事,不過我體諒家長,我亦明白而家個位真係有問題, 我係有心幫家長既....

仲有江太..都有出現! (某blogger你應該知邊位,佢地講既入閘係康x苑, 你公司對出)

幫完佢地,我都唔知幾我開心呀 ~