咁既老師都得..

岩岩既星期五,
主管話幫個MTU老師 做MOCK EXAM
佢年年都會叫我地呢度既老師幫佢學生做個考琴前MOCK
全跟考試咁..
呢次係孖女黎既
考4級, 用2009-2010 琴書..
先黎曲目......
唔聽由自可, 一聽....好得人驚...
手指不靈活, 甩既....又唔清楚音色...
佢仲敢叫其他人去聽..佢真係威囉...
仲要甩到個考生問我可否再黎....
第3首仲要....歌書全寫哂音名...下.....4級仲要???????
scale....仲死, 全部指法錯既, 無1條彈岩....
Sight reading : 全死.....連位置都係錯既....
AURAL OK, 不過明顯老師無咩點教,,,,
最得人驚既係　：　個學生踏PEDAL 係。。。腳跟離地既。。。。。。




之後...問主管同個老師熟唔熟, 因為本來我想比埋分, 而家唔敢喇...
我一定比6X....
我話如果佢呢D都合格, 我果D應該報6級囉...
我個5級....歌OK, scales我都未教完, 我都怕囉....


主管話上年都係有老師咁講, 佢唔得....
不過呢位老師好power, 成日介紹好多人黎買琴喎...n仍然有人跟佢學。。。
呢ｄ咩人黎架。。。。。直頭影響學琴界呀

Brat @ Lee Garden

呢日唔知食咩好.
本來好好地....一心以為老外唔學
月尾可以一腳伸佢走
點知.....係樓下撞到佢...佢話呀女唔舒服....今個星期6會返
我得月頭見左佢一次, 之後全部ABSENT
我唔鐘意賺佢 $, 因為佢唔通知要我白等....有日接佢之後既學生請左假, 我白等1.5HR
百佢個佳
所以.....坐左係agnes B cafe 度食yoghurt....
之後,,見對面有間小店唔多人,
行過去見到係食HOTDOG既...

好死貴.....$7X......不過見真係唔多想郁, 亦想唔到食咩...
是但喇

裡面有BAR位, 出面門口得3-4張枱....不過永遠唔多人的說

先黎個薯片, 好味呀..
可自選幾款唔同既香腸, 仲有咩MUSTARD, 同CODIMENT....
杯野飲唔包既....

我見仲有推荐薯條, 不過要另比...多人SHARE就OK囉...
太貴了, 好無心機唔知食咩先算....
必唔會再翻食住.....

瑪嘉烈葡撻

第2日早上,10點多先到關口,
入去原來仲有點心食... (我好耐無食點心了)
叫左鳳爪同陳村粉..仲有少少其他野食...
之後去左過關,
坐shuttle bus去左ponte 16, 行左陣就出發去食....魚翅
呢間我去過了...係添發...已有不少人排隊.
等左半小時先有得食, 不過時間岩岩好,因為落格了
之後...又去左食....
佢帶我去食好味葡tart

佢話呢檔係老鋪, 門口又有人排緊隊落order

巧多人耶......
一人一件..加杯咖啡同奶茶...
我話要影相, 佢放好比我影架...哈哈

好香蛋味, 又唔太甜...
之後去左官也街食我無食過既大菜糕...hehehe
上次同朋友去, 閂左嘛....
食左雞蛋同榴槤味...10個正!
之後因佢手痛..(係呀..成隻右手都痛, 岩岩星期五針炙完, 之後行得多卦....佢d手指都腫埋)
所以4點多就返hk喇.
怕我一陣返去又話飽唔食, 所以行左去佐敦道食魚粥...
全日都係食食食之旅....

珠海澳門遊oct

岩岩既星期六日去左珠海同澳門玩
原本係想去睇水舞間, 不過要到11月上旬先有得再做....
故遲D先算喇...而且星期六D房會好緊張同貴.....

因為就我2點多先走, 坐3點多既船先到九州港
係星期五晚先上去訂(佢都係用agoda....哈哈, 原來仲有apps)

都攪左一陣,因為前枱話找唔到資料,LOBBY有WIFI...HEHE

之後20MINS,先又話有了.....又話無哂普通房,升左級...
車..升咩呢.....4-6樓先係房, checkout時見到前面有d房仲大間,有細枱仔, 仲要空間大好多...所以..sure無升咩豪華房喇...
仲要聽到晚上d人唱k (2-3樓係唱k既)

toilet個窗又透光....無錯...要熄toilet燈先可以瞓....
不過$500樓下價..佢話無要求喇....
之後去左酒店行10mins度既新海行度食海鮮....
好味呀, 食左花甲喇, 雞喇. 蝦喇, 同一條黃骨魚.....(不過無影相...)

那些年,我們一起追的女孩

幾星期前, 見我D舊生POST 片, 仲要係唔止一個為
睇完..覺首歌又唔好聽, 又唔多知故事講乜..
點知去睇IDOITS時, 睇多次...
覺真係好似幾正
所以第一次聚會後, 叫..呢個新男友改咩名好呢 ?? (多謝友好關心, 天蠍先生選擇自己一個人...為份工好, 為佢自己好...佢放棄我...) 因為LINE的出現...令舊友搵返我.....叫D 先生喇....

佢以為我上網買TKT, 點知知道我要出MK買時, 唔比我去, 最後佢自己上網買左...

仲要PRINT 張紙時比妹妹仔見到..笑佢唔岩佢睇 (佢大我5年度...) 哈哈
不過...最後佢話套野好好笑...
我亦以為會有喊位, 完全無呀..勁好笑呀...

鐵甲鋼拳

story ~
在不遠的未來2020年，觀眾不再滿足於傳統拳擊肉搏，取而代之是更具官能刺激的機械人拳擊。過氣拳手查理（曉治積曼飾演）生活潦倒，只能靠帶著次貨機械人參加黑市拳賽維生，同一時間多年不見的11歲兒子麥斯又突然出現，更令他苦惱不堪。一次意外，麥斯偶然從垃圾堆中檢回一個殘破機械人阿當，決心把他改造訓練再上擂台，麥斯的努力感染了查理，父子同心作戰竟令被人看扁的阿當創造了一次又一次的奇蹟，更打入冠軍聯賽與不敗神話宙斯大帝一決高下。強弱懸殊下，阿當一直處於挨打劣勢，查理父子檔最後能否扭轉局面？

這是無心去專登睇既一套戲
咁星期一飯聚後, 有人話去睇戲好唔好....咪去囉....
^.^
ROBOT....唔靚, 係個男仔幾型,
佢話成本勁低喇, ROBOT打..可以用特技, 又無咩場景.....

sunday brunch @ Tosca, Ritz Carlton

見到為食朋友試左
(其實係上次食完TEA已知有得食BRUNCH, 叫朋友去試TEA時, 朋友話無興趣 只想去102度食BRUNCH)
見人地話好FULL, 打去BOOK位, (有OZONE 及TOSCA)
一開始係訂左OZONE, 不過又好似TOSCA COMMENT好D
最後轉左去TOSCA, 不過要10月先有 (我5月尾打去的了)
OZONE就話8月尾都有位...
禽日去到....食完1點多仲好多位...
同哥仔傾左陣, 佢話因BOOKING太長, 所以到時真係無咁多人黎..
COZ 金融喇, 出左門喇...
佢話如果幾位以下, 可以試WALKIN

食到咁上下都開始無人....3點多....時, 全場得幾張枱

朋友先到步, 叫左支水.....$95 ( 如果我係度, 我會要普通水, 佢夠膽話無事算.....)
價錢分3種, 只包一杯鮮橙汁既$628, 加多$60 即係$680 就無限香檳任飲....再到$1XXX, 就貴價香檳...)

佢分3區, 最近門口既係沙律同海鮮....得蜆同青口...

HAM就勁多囉...仲有芝士...好正,好多款.....

中間係甜品, 我就去左最遠果邊拎HAM, 個FIG係最好食既...
仲有鵝肝....放係麵包面一流呀..

再食青口....因為都無咩好選了
有Lobster 架..沙律....個個只挑d 蝦呀, 帶子咁..無人食沙律架..哈哈

食左少少, 已有職員黎問你想要什麼.....main course

我同友人要左LAMB

另一友人要左雞....
我地覺份量少, 覺得以前既CONRAD正好多...(不過而家無去, 有無變就唔知了)

甜品有左下角既espresso creme brulee (正) 古古力係Lemon wine (好食) 同唔知咩NUTS, 都係甜品哥哥介紹必食既
CHEESECAKE 都好食..係難切左少少
個杯tiramisu 都好得...

最後要杯茶, 茶味勁香.....

Greyhound @ IFC

話說星期二有時間, 落左去上環睇一睇星期四幫學生伴奏地點點去....
之後見有時間, 就去左IFC行一陣
(因為我連Amanda 開果間cake shop係邊都唔知)
不過....一心係BOOK左修眉先出發, 點知一落到地面, 就衝左去坐巴士....
一開車就記得無去修眉....(我已經幾個月內試左唔記得一次架喇)
明明返工都不停提自己..真係..個心唔知去左邊度呢....
Greyhound 係去曼谷朋友的至愛
無錯..佢既單骨雞翼同有冰冰茶既lemon tea.....
唔知佢幾時開架...
有朋友話上星期日日打去都無人聽喎
佢位置就係中庭有人表演果度, 以前starbucks 位置......simply life對面...

我1145到步, 門口靚女問我可否1245前還枱
緊得喇....

一個人唔食得太多......
$68 chicken wings, $38 lemon tea
有人話貴, 不過朋友亦話係IFC既位置...比埋租金都要喇....

隔離枱好唔好彩, 成枱人野飲都齊, 佢果杯漏左, 仲要追左3次先有...( 係我嘈左佢好耐, 得最後一個真係有幫佢追, 仲話黎緊..之前果2個都唔知跟進左去邊....)

好幫手

琴房冷氣勁凍
以前師傅都整過類似既野, 不過....無見過人用.....
今次....
見住師傅開工整既
當日即試用

見圖只係一筷版

師傅話經以前經驗, 今次係加左magnetic, 果4粒就係, 呢舊野係封左個冷氣風口位...

因為magnetic位有虛位, 所以仍可有少少冷氣出黎....唔會焗死....
以前舊式係用.....魔術貼 (不過唔係膠, 我無見識過, 只係見風口位有魔術貼係度....)

而家1x間琴房得6個封口咋....成本都幾貴, 要成接近$200....

不過好評如潮呀.....

3 idiots

星期日專登出去買星期一睇早場
因此星期二要成1點多先有, 睇完應該趕唔到教5點....
因為片長3小時
呢套果時見中文片名覺唔多好睇
點知FB不停有朋友話想睇, 好睇
所以...決定去睇
好笑, 好彩後尾應該有外藉人士 , 所以好多位都有人笑, 係我前面同旁邊既退休人士先無笑.....(可能睇唔切字幕卦??)

雖然長3小時, 不過間唔c有d 歌舞, 所以無咩悶場.....
係...................睇到一半好急wee wee囉.....

特務ON J

星期二, 本來收左個私人學生 , 不過因要趕住5點返公司幫個小提琴學生伴埋幾堂, 唔想因私人事而遲到
因為無可以1630 係山頂走...1700返到CWB....打的都無可能

最後決定去睇戲....
得返呢套想睇, 因為一定好笑...無謂睇D唔開心既, 一時發洩喊到眼腫返工....

都OK好笑, 星期二 $50 低睇喇......睇完去食碗$15 泰式河就開工... (而家呢間野唔係全日供應呀, 要2-6PM先有$15@)

下星期想睇3 IDIOTS......

月尾果堂開始正式私人開工....一次教3個..正呀 ! (不過無得上去教2星期, 無左好幾百呀...不過...蝕少算數...好過遲到燒左個森林)

agoda

本來好想今年生日唔係HK 過
不過幾星期前係信箱見到某議員派既2012 年曆卡
原來1月就係新年
請1-2日假我就可以放5-6日
好過生日請3-4日 (損失無咁勁, 而且新年好多學生都會請, 佢地又放假, 要補都易D嘛 )
所以鐵定新年出發
呢幾日都上網睇價...因為新年係本地同當地peak season
價位比11月去, 高好多....
亦怪不得...我上個月check 機票....點解唔得既, 以為係未出價
點知係原來已FULL......(無錯, 仲攪我要轉接買完, 先發現點解唔買另一airline ,分3張單程買) 而家要分2間airlines ( 因我要轉機)
因airline A : full 左, 唔使選
airline b : 經佢轉機時間都一樣, 仲要等, 個價= 我坐平時既bIZ CLASS , 咪傻喇.....(因好似有程係無位, 佢自動幫你選biz class)
所以而陣, 我要先坐airline B ,再轉airline A, 你話din  唔din

好笑既係,買完先諗, 點解唔分開買airline A 既單程 (把鬼公司, 無得multiple cities) 叫人分開黎買...

好喇...第2日入去八多次...好彩, 根本上我買既日子係無位既, 唔使花心思以為自己笨左....

今次想介紹既係 http://www.agoda.com/asia/hong_kong.html  (agoda)
好似係HK BASE既, 個價都接受, 一樣有review, ,仲有寫埋得返幾多間房
因以前聽網友講, 某間外地公司, 會你先比DEPOSIT, 無房先退返D 比你 (過一排先) , 如你一次BOOG幾間, 或者以前既無房, 你又要再比多次訂再比過$$,
我呢頭訂完, 唔使10MINS就收CONFIRM email 喇
快靚正
唔使鄧我去玩而開心　，　仲有幾間酒店未訂，　因價錢＿

達磨

某次行開耀華街打發時間
發現新開左個拉麵店
幾星期定個多月後先去試

因好想一次試哂叉燒同豚肉
所以叫左個最貴既 (因為係呢款先咩都包)

有朋友話貴, 係...不過我想問...而家味千幾$架 (我唔係串呀, 我真係好少食味千, 仲有呀板長果間烏冬店..)
呢間平既好似 $58-6X ( 不過就得淨叉燒/ 豚肉)
我一心諗住試一次就算, 好味又好想食拉麵先翻兜, 所以咪叫最貴囉
咁貴又唔好食既話, 佢死得了...

呢度既紫菜同玉子都包埋, 一風堂就要加$ , 至於豚王都好似幾貴...(都要加架)
最後, 呢間連加一都無.....相比條數都係返度....

最重要係; 1230PM去食都仲有位, 唔使等...GOOD喇....
但我覺個麵好似少左D (定上次一風堂叫左其他野食, 等前幾小時又食左NY fries...所以飽飽地, 覺份量多左