攰

呢排都無咩點update

因為假期真係勁忙

新生唔係話收得多

係多左加堂既學生

ESP 樂理....

一個要伴做既學生, 返去做就勁錯

我坐係度時, 個腦又function 返...(星期五已上1.5小時, 而家星期一又黎多次,因為太多錯, 改完正次次都唔夠時間學新野 --- 佢考左一次架喇, 都唔知點解可以4X分返黎)

另一個本身已跟MISS 學緊, 不過有D野唔明, 家長話PIANO MISS 態度唔多好, 所以個仔唔敢再問...上完第一堂後, 佢又再一星期加多次, 所以黎緊幾星期又係一星期2次...

呢幾日都係返11點多, 放8-9PM, (唔係直踩, 中間又係幾個break 咁囉...)

前幾日..有個6X AGE既資深老師問我教幾多日 

我一答完佢, 佢就話: 咁你即係有海景房喇 ( 其實望唔到海架, 比呀SINO果幢野左住果架) 不過係勁開揚吧了

又到訛稱有$既男同事:又講多次我間房好正

今次我還擊　：　你好似我咁教多幾日，　佢地咪比間有景房你囉。。。。

（好似得４間有景房）

好開心。。。呢期又有伴奏做，又有呢Ｄ外快了。。。。（即係一年一次咋）

but８月黎緊都勁多學生去左旅行。一連請２堂。。而家Ｄ人真有$......

新地方

琴行今日正式係14樓營業喇

我前幾日先上過去睇一次我間房

OH! 唔係我專用...係我唔教學時間亦會比人租琴既

星期六下午我唔教都接住有老師用

不過係唔使我日日都唔同房,SET死一間比我吧了

我係望...電車路方向

可以望到D人過馬路果個位 (呢..好貴果檔魚蛋牛什小食檔)

而家仲可以扮OL, 

因為係轉用寫字樓果邊既LIFT返工...

唔使用商場LIFT......次次都同D自痕友迫, 比D 操普通話既細路撞埋黎霸玻璃位睇風景....(真係一野衝埋黎, 都唔理得根本有無位...)

toilet亦係店內, 唔使次次星期六去都要排隊......

我間房 (or全部房)都唔近showroom, 唔使陪人試琴, 試saxophone同violin 咁教住琴...

大左好多, 有2倍喇, 以後學生靠後無牆頂住背喇 (佢地好ENJOY喎有果喎!)

張chair 好正囉...以前果d張張唔同, 又d又無得較高低, 又爛, 角度都爛哂既...

我呢邊開揚d, 另一邊走廊望既應該係登龍街, 感覺迫d...我呢邊好正

我呢邊係望電車路方向....

眼紅症

話說公司有個佢地稱＂有錢仔＂的男老師

我只聽到佢自己某日講，果日好少學生（因走左Ｄ老外）

返黎都蝕車＄，又話計過是日低過最低工資云云

話佢車＄都要＄60(  or 80??)

我都唔知佢住邊，問又唔講（咁你就咪起呢個話題）

到星期四（佢果日多Ｄ學生）晚上約左人去食板長（都唔好食，又貴）

話佢去都次次食＄４ＸＸ　（一個人）

下，呢間都食得＄４ＸＸ，我去榮川ＯＲ和三味喇。。。。

我話板長唔好食，佢話佢次次一定食魚　（咩魚。。。魚生？？）

禽日問我，選左邊間房教？（我覺佢試探我）

我答佢，我無上過去，佢地選左間有窗既比我

咁你問得我，你知有得選房喇（我唔知佢點知。。。）

咁我問返佢有無選。。

ＯＨ！黎料喇，＂我邊有資格選喇！＂

哥仔，我唔知你咩料，不過你有得教５級以上，都好過我只可以教到５級。。仲抱怨。。。。

主管上次話因為我教得多，先比我ＳＥＴ死一間教，教幾日果Ｄ就唔比選架喇。。（哥仔你又明呢Ｄ道理未？？）

佢地上次又話佢買得起咩燕窩蛋撻，又話叫佢買間masarati (car, may be spelling mistake) 

去追女.......我先知咋.....

我都係下次扮傻 ,唔好話自己有得選 (其實我都無選, 人地比我之嘛)

主管問果時,幾位老師都係度架.......

教協証-號外

真係呢頭講完呢頭出事

今日教書時間好長

由1130教到1730先休息, 中間得30mins break

(因為新生一個,代課2個, 自己學生本來請假,事後唔請,不過個位又比左人, 最後遲d黎上返....今早學生個工人姐姐黎話禽日打黎幾次都搵唔到人....覆唔到想今日黎補課,用埋我6點一個45mins既break....)

我真係連lunch都無食 (食左一包餅, 專登帶返去食既)

挨到晚上730

所以....呀哥打黎我知但無接 (我唔係上課時接電話, 費時比學生報串)

佢sms我, 話我dropped his memebership card in the office....someone picked it n return to office...

我都即時覆唔係我跌，係manager....

sigh ~~~~~~ Never hv next time.....

之後岩岩學生遲大到。。。

即時打比呀哥了解，佢話教協果邊野比佢通知佢

因唔知教協幾點收，我叫呀哥問一問，我點先方便代佢取回。。。

之後３小時。。。主管黎我房通知我唔見左。。佢地找左幾個鐘。。。。

我先講卡主找到我，話有人執到。。。（我又好直既，我唔會玩佢既）

佢都有講代我去拎返。。。不過唔知要咩手續，我話我去得了。。

所以。。。一食得飯先去教協囉。。。。

最後。。。食隨鐘意度食飽先返去開工呀。。。。

教協証

唔係呀主管whatsapp 我

問我借, 我都唔記得呢回事

 可以搬舖, 所以要買文具, 所以咪問我借 (知我以前教書, 教協又近會平d)

我都係問呀哥借....不過上次....sigh

咪又係串咀囉.....

以示友好, 所以佢10個月前問我借, 我都問人借 (佢見張卡同一姓, 問我係邊個, 我答佢係朋友only, 費時講咁多)

我明, 借完唔可能即日去 (因佢地返放工時間) 點知..一借就幾星期, 

係我呀哥催我還, 佢先話幾日後先比返我 (佢老味就真)

我唔知我叫還時, 佢去左未...

因佢拖我太耐, 所以我估主管果次係無去到既....

今次我精喇, 先問佢一星期內還得唔得先.... 

佢快到答我即日還 (我估佢我星期一比佢, 佢即日去買卦....)

我知主管星期二休息....所以佢星期三比返我都ok既

我問完呀哥佢都話佢要用, 要快還 (我都知衰, 所以都答佢一星期內還)

講真, 問邊個借都好, 都唔係借成個月囉.....隔一條街o者!

張卡又唔係我既, 都唔係要我出面借咁耐, 好彩住樓上樓下問都方便,

要我山長水遠要約朋友同事黎借, 我睬佢都有味

anyway, 今次借完, 比串咀見到我都唔會借比佢囉.......

美白泡泡 by estee lauder

呢支野好好玩

已用第2支

一支平均用到4個月以上 (我無Exactly 計過,因為用完無買一陣, 之後想買又無貨)

就係呢支叫 Extra intensive purifying treatment

好似gel咁既texture

o即完出黎就搽云佢係面上 (當然係想白既地方喇)

之後等一陣, 佢就好似右下角咁起哂泡泡

佢會自己泡到變無既 (不過都等幾耐架喇..) 我通常等佢起哂泡1分鐘度抹走架喇

(tissue off) 頭先係手度示範, 抹完真係白左....

我通常一星期用1-2次度, 之後會用埋美麗日記既mask.....

如我一星期都keep住做, 無錯, 我既斑斑係會淡d既 (上次布吉返黎後, 無用幾星期之嘛, 比個長輩問我做咩d斑出哂黎...)

$450 @

好味...@ 澳門茶餐廳

呢排既星期六都係呢度開餐食早餐

食左一次沙爹牛麵, 又食過豬頸肉公仔麵 (包厚多士及煎蛋白)

 再食多炸菜腸仔一丁麵

以呢個最正

茄汁牛腩通粉, 加奶油豬

不過呢....有次食食下, 有隻大MOUSE 走過呀.....哈哈

豚兵衛

本來又想 去試隨妳鐘意的

點知一落車發現....有間日式野未試過

佢就係灣仔道利景前少少 (係車行附近)

係門口睇左一陣牌

就試下喇, 佢食吉列野多....不過最平既set 都係＄４Ｘ，貴既蠔＋蝦都係＄１１０（平過吉列專門店喇）

太多ＳＥＴ喇，有Ｄ連烏冬（冷／熱）我見又唔係太勁餓　（雖然是日由１４４５直教到２１３０先工，仲要得１５ mins break, （不過學生太準時，應該得５ＭＩＮＳ左右）

要左個日式醬汁吉列豬，個飯有少少沙律－椰菜。。。。

個２支醬，一支係之芝麻醬，另一支係豬扒汁

我覺個豬扒太厚，唔係咁好趙。。。我食剩左一舊仔。。

菜好味，　個汁仲好味

＄４７加一。。。。。。

好味既。。。。

有機會試埋其他。。。。

一平安拉麵

本來想試北海道拉麵, 不過見條龍頭都唔知係邊樹

轉去行前幾步4樓既一平安

一位底就見串咀(事日佢休息, 不過佢返黎拎parcel -- 佢地訂外國野, 叫UPS SEND返公司)

佢同友人一齊架'

佢都好有禮, 同友人轉位坐係我旁邊

同介紹我食咖哩飯, 話好味

不過我叫左個細豉油麵, 要左個唔使加$既炒飯 (因咳, 唔敢食CURRY)

佢既curry要加 $架

要多杯熱檸茶 (唔知凍飲要唔要加 $)

沙律係送既, 

個麵幾好食, 個飯就一般左d, 不過亦唔太差

加一...埋單好似 $5x.....(個set係 $4x)

串咀話北海道果間唔好食果喎 

三 粥, Bamboo room @ 食街

星期三終於抽時間去睇醫生了

 (因早一晚食完雪櫃既車厘子該晚咳足半晚, 早上坐車返工又見有返少少鼻水...)

當晚6點先出發, 養和無人睇喎~ 

睇完就出去食飯

因當日太早食晏，所以dinner決定食飽少少

經過呢間幾次，

今晚就試下喇

要左個炸醬撈粗，凡幫襯＄２８＋

就可以以半價　（＄９）要碟菜

唔收加一。。。。。

＄４７ KO dinner

菜好得，不過麵就麻麻,可能要叫出名既野先得LU (不過唔知咩出名呢)

千秋樂

某次見呀姐又係街度派單張

見有得減幾蚊, 又有得食海膽三文魚飯

好喇,又去試下喇

此度位於黃金廣場 (即SOGO對面, 同座咪係一門同客家爺爺囉 )

本來想食 $15既泰妃雞,不過見呢度3點後休, 不如聽日先食泰妃雞,今日岩岩2點多, 就先去試喇

落左單, 收銀姐先話無海膽,要改蟹籽....(呀Waitress 仲要此時先埋黎講多次)

問多句 : 一樣$呀...(係呀....妖, 唔低呀 )

送蜆肉湯 (都有幾粒架) 同個甜品仔)

埋單比埋tips $60......(哼, 有海膽就低喇, 無就麻麻喇)

芝士麵

成日快

手上左FACEBOOK / 微博就唔記得BLOG

都唔記得幾耐既事

上次去呀vi介紹既新世紀廣場度睇鞋, 發現呢間野

之後見到門口好多明星相

所以專登去試下佢既出名芝士麵

腸仔加豬扒, 都ok架

食完勁飽喇...呢d一個月一次夠架喇...

串咀同事－２

發生怪事

話說我明明有次聽到串咀叫佢個Babe 老師叫力高。。。。

我亦聽到某男同事係咁講

有次去洗手間，我見力高係書局內，　

我多口講左句（岩岩串咀係洗手間度出黎）我話力高係裡面喎！

佢反應：下，力高，邊個係力高呀？？

我一心以為，唔通我聽錯？？（咁我即時就扮聽唔到佢講野，我無再理佢）

不過隔幾日，我的確聽到男同事係咁講，加高乜乜乜

明知佢叫力高，我一講時，佢無可能唔知我講邊個囉。。。使唔使咁呀。。。

知你地熟到一齊去按腳同食完ＬＵＮＣＨ先返囉。。。。

客家爺爺

CWB

成日都有派單張

見到有人拎住個牌同單張, 話呢度既SET $4X起

咁就搵日去試下喇

真係有好多款菜式

好多附近既人group 埋幾個同事share 餸

多到我都唔知叫咩好, 價錢由$5x-6x (唔見有4x囉, 定我一見餸唔岩我就連價錢都無望呢 ??)

佢仲送湯, 唔包野飲 (都有湯同茶喇)

野飲好似+$5 (??) 我無留意了

要左個我好想食好耐既甜酸骨-- 麻麻喇, 食完全日唔係話有味精, 係d 炸粉好勁...feel到成個口都係d炸粉吧了

仲送糖水..

我呢個set要$56......

oh ! 佢個飯可以叫三色飯or 白飯

新聯威 N 樂心冰室

前幾日生果報介紹左位於渣甸街既茶記

同一老闆, 分樓上樓下2層 (唔同名架, 野食都唔一樣)

我就係TEA time 時幫襯左呢2間 (分2日去試)

第一次去食係新聯發 (因為樂心無放menu係門口,唔知有咩食)

佢下午茶都有飯麵食既, 都勁多人, 亦好多位坐 (我指係大好多, 呢個時間都好滿下)

我要左個西多, 加紅豆冰都係 (+$3)'total 食左 $23 度好味

第2日就去試埋樂心

今次門口有menu了

種類唔夠樓上果間咁多

亦無樓上果間咁平囉

最後睇完要左個脆脆豬扒飽, 埋單 $26

個沙律醬唔錯呀, 豬扒都滑

博多道場

停左好耐無blog 了

因為一來好忙, 二來前幾日部腦有事

呀哥借左部比我, 不過又唔多WORK

所以最後都要花$買部新既

返黎又要SET過D野, 又要ITUNE過哂 (呢樣最煩)

上星期又去食新野

本來想食吉列,不過覺成$2XX好貴

最後試左同一場既博多 (world trade center)

要左個三文魚生飯

貪心試埋個串燒, 有牛舌同菇菇

不過不失喇