識佢係blog友 alice 係fb度提過
後尾search到 cwb都有間, 不過開2點.....呢幾星期無法去
岩岩有次要提早上, 之後又有個半小時break, 4點先教, 所以出發去食lu!
呢間位於伊利莎白大廈 (係正新星酒樓對面)
精選 ($98) 一次過試云3款 (真係巴閉地貴.....一個...我當tea都要成百蚊....佢唔開早d, 否則我當午餐架喇, 晚餐我都想架, 不過一定超多人....唔打算等位呢 )
呢個布丁好得呀, 係凍食既....我估下次可以試埋個古古力奶凍.....正 ! 唔太甜 !
呢個心太軟都得, 雪糕可選vanilla, green tea or 古古力.....
最唔得係呢個apple crumble, 個脆面都可以接受, 最怪既係裡面既蘋果餡 +士多啤梨醬, 一來可能食左果2樣, 已飽左大半......呢個漏到我食唔哂...... (唔知單食佢時個感覺會唔會好返d呢 ??)
補返張有古古力流出黎既相
下次試既目標係....蛋型果個布丁蛋...........
哈哈哈
1 day only
yes.....得一day架咋
去完toilet見無人, 快手影張自拍 (我好少係大街大巷 / shopping mall既mirror度自拍....)
因為想新年前剪髮, 另外要去影特區護照相...得返星期五得閒去剪 + 影 , 再食lunch後返工.....
(影相度星期日唔開架, 星期六又怕剪髮度多人....總之就成個星期岩岩好得呢日得閒喇)
唔係電髮, 係佢吹完再set...一沖涼比水蒸氣焗焗就咩都唔見哂架喇 (因為有用hair spray去定一定型...所以晚上返黎都要洗頭....一樣咩都無 )
** 我張身份証都一樣係set 鬈左先影架, 因為直髮似比人cut哂外圍 (key頭剪貼咁) 我張id card影得好靚架 !
希望今次張証件相先得喇 ( 因為又passport轉左白色背景, 我果時係藍色 / pink, 所以必須影過哂)
呢期有3個考生準備考明天既樂理考試
(1) 澳洲留學女生, 兄姊全部都係考到5級就無繼續, 因為全部無考到 theory. 佢話想係hk時做返少少野, 聰明女, 問野好有point , 一星期上2-3堂...(不過後繼無力.....但佢都應該有80分以上)
(2) 10月考試的逃兵, 我後尾先知佢以病為理由, 唔使再比 $ 就報返1月尾呢個考試
咩7都唔識, 唔記得, 每次都用學校考試做project做excuse (佢話唔係excuse喎, 係fact...) 好一個國際學校的學生 (唔識寫中文架, but識講) 唔做咪咩都唔記得囉.....正常架 !
叫左佢一月份都要加堂, 家長又唔再follow, 到上星期我話佢應該會唔合格, 呀主管話最好通知佢媽媽一聲.....換黎就係上星期 及今星期, 一星期上3堂....( 早加咪好囉.......) 原來有人口響響話會pass喎! (真係有戲好睇了) 而家2仔"拿"仲傾緊邊幾日加 (早講喇, 我仲有一個學生等我加堂架, 佢地好教好多, 佢既堂易賺過逃兵架)
(3) 2星期前先黎學既, 係呀. 乜都未學就報左考, 而家先黎上 (只係問左朋友借左本中文版既黎""""睇""""") 之但係佢報既係英文版 !
佢話係媽媽話唔使學好耐, 所以咪唔早d學囉 ! (真係多謝佢呀媽喇, 無錯 , 聰明既真係唔使學咁耐, 不過都唔係一星期上幾堂, 學/識都唔係問題 , but 唔= 做得切d功課)
都好彩, 專用佢操past paper, 上左3堂，估計佢都應該合格既 （但為逃兵上堂，呢隻肥雞隨時會轉比其他老師上．．．．．ｓｉｇｈ．．． ＄＄呀）
呢幾個呢個月都係一星期幾堂＝我多左３個學生，２月一開始．．咁就＝無左６個學生．．．哈哈．．．（ｂｕｔ又收左個樂理生了）
果日......咳咳...掛住玩cw遲左出門.....
係...我認得低死.....
1230先出門口....點知...無車又塞.....
成1點度先落車, 不過我係教1330.....
所以就去左一落車就見到既池記度食 (都想試好耐架喇, 咁岩今次唔見人龍, 好事呀 !)
佢都幾貴下
有幾款唔同既SET
有粥/ 麵, 可再配菜 / 小食, 另加 $3 可要豆漿 / 薏米水
我要左豉油蝦籽撈麵 (我想食蝦籽嘛...我好少食架...) 又想試呢樣
炸雲吞想食好耐的了
本來碟麵係有影架, 不過事後係相簿就找唔到, 因為係我影時只係SET左個Focus (其實即係無影到....)
呢度太多遊客食了 (以前個鋪位成日都有日本客拎住書仔找佢架)
不過要提一提佢杯薏米, 原來有薑架, 飲完好暖呀....10個like !
哈哈, 食上引了
星期五唔夠時間 (因又岩岩食附近食完lunch)
所以留待星期六收左工先去食當lunch
今次係mango味既乳酪...
我選左hazelnut cookies cumble + creme brulee sauce
一個字 : 正 !
仲有呀, 呢間b仔 大間d架, 星期六下午2點半仲有大把位比我坐住食完先走 ( 出面得4張枱, 不過我等杯野時先發現內裡原來仲有好多位....)
「二十世紀霍士影片」榮譽發行，本年度暑假黃金檔期最強動作+浪漫+愛情+喜劇片霸──《戀戰特務王》(Knight and Day) ，由開拍至後期製作一直被全球影迷高度注目，肯定比《史密夫決戰史密妻》這齣經典鉅製更加精彩！此片男女主角，正是當今荷里活非凡身價的天皇天后──湯告魯斯及金馬倫戴雅絲，他倆於異鄉浪漫邂逅，正當戀情快要萌芽，卻荒失失捲入接二連三國際大陰謀之中。此時，其中一方的特務王身份驚天曝光，這對逃命情侶誓要聯手反擊，以最巔峰的默契與幽默、身手與智力，把所有惡敵殺個片甲不留！出人意表的過癮劇情，令觀眾拍爛手掌！
半年前做過, 有人買左碟....得呢隻我想睇 (起碼d主角我識既)
不過.....點解tom cruise會"睇中"佢幫手收埋果個發明...
又唔明點解會咁勁, 不過逃過咁多耳目.....連部plane都可以控制得果幾個人上得機, 又炸唔死主角 (真係主角唔死得.....)
總之怪怪雞雞.......(有人睇到半路又去左瞓......)
好彩唔係我叫買...否則又哦足我半day!
果日遲左出門, 想試hokkaido 牧場餐廳
點知一去到就見門口勁多人...轉去皇室堡果間freshness burger ( 去到先記得係牧場附近好似都有一間....行遠左tim)
怕食burger會勁飽, 最後食我至like既hotdog
不過叫錯....想食芝士...係有芝士呀, 不過加埋勁多onion ( 唔使返工都ok, 返工我就怕怕地生onion既味...食左2粒 "曬駱駝"都唔掂呀!
d薯角熱到.....就整損我口腔了......
仲有杯柚子soda...
正 !
呢間...1點多都得小貓幾隻.....不過多得佢我先唔使周圍搵地方坐.好先叫野食
ho ho ho
已經想試幾次
星期一岩岩試到喇 !
就係得cwb 名店坊 (即食街, 明珠廣場)果間agnes b cafe先有既
$30 (一款topping)
topping都有好多, 下次等我唔要fruit先
仲要話呢隻唔係原味乳酪, 佢係passion fruit
另可加一隻sauce, 我就要左peach (好香呀)
呢個勁可以再試呀 !
而家晚晚都開電毯瞓
令到我臉都覺有少少乾
有幾日我都連用mask, 真係唔敷唔得呀
有朋友去完台灣返黎買左d新野比我試, 佢話買完先覺hk又有入
岩岩想去入貨, 見到萬0有新野了 !
$58一盒有5片 (因為新款...另有隻舊既白金版, 我覺佢更貼面, 更好用)
呢隻花味有4款, 有美白, 有控油, 有保濕既
我呢2款係美白既 (因為佢都一定夠濕的了)
咁岩又遇到買一送一....(ho ho ho)
仲要我利用埋d cash dollars...
所以...最後呢2盒係唔使 $呢 (我幾精打細算)
呢隻就係朋友送我試用既 ( 佢比左一片我試)
朋友係我工作地點附近返工
佢整開brownie比人 (接order)
順便整左少少比我
所以我地就約左星期五2點食lunch (食完佢就返去公司開工 - 人地有正職開工架下)
有幾年cookie係有條魚仔架...好盞鬼耶 !
thanks dorothy!
係V女廚房度見過土匪雞翼, 一直都想去呢間譚仔
上次係CWB度路過....
岩岩今星期教琴到1130AM, 要到2點先再有學生
係附近行左一陣就決定去試
(不過係open rice都知...佢唔低食, 一陣大家就知點解)
一碗米線只配一餸就已經$26, 加多一餸就加收 $5 (竹笙就要加 $6)
普通湯底就無問題, 要麻辣又要加 $
加多一樣風味小食就可以加少d $要多杯野飲
ok! 我就要左墨丸豬潤小辣既麻辣湯底
之後要左個雞翼 ($20 - 3隻, $28就5隻)
再要杯凍檸茶 (百佳囉,咁就無左 $59)
所以呢 !都咪話星爸爸既野貴..(要係佢度hea坐幾粒鐘既話, 我覺係佢度消費就超值囉 !)
去相 !
米線已加有芽菜, 腐竹及九菜.......
呢個星期好忙呀
一來忙呢個愈黎愈多要求既cafe world
一早起身, 玩得黎都11點多.....之後食埋lunch, 1點多2點就出門教琴
不過呢星期.....都唔知時間表攪乜.....好多時都返2點 (因為個樂理學生囉, 一星期學2次, 要係我最早學生之前學, 所以好多時都要返2點幾教佢)
黎緊呢星期, 又有d係教2點既......
12月走左2個學生 ( 一個係爸爸學琴果位...另一位係英國學生, 佢要去旅行又要請多過2堂假, 所以無學) 不過..................................
只係呢2個星期, 我已經收左4個新生 , 黎緊呢星期仲有4個新生
即係...total8個.....
我都覺好勁下 !
星期六全full喇
星期三本來都有d 轉左時間, 點知....佢地中間同前面既1點幾位都收左人......
而家最弱係星期一 ( 因為走左個英國生, 又有個轉左去星期二學)
每日都有好幾個喇...
而家total有幾多個呀 ?????????????????????????????
咁average一日返5個hours度 , 咁有幾多就自己計下喇.......
最好就返2點放8點.......返早少少都ok既
不過有時唔鐘意放太夜, 因為太夜食飯唔好......又唔想太夜返
esp 星期五晚, 星期六要7點多就起身......老人家唔夠瞓好橙架 !
所以...lunch係家度食多.....dinner又有愛心飯盒...
出少左街咪無咩blog好出囉 !
何況亦有無謂人日日入黎睇....真係吹佢地唔脹囉 !
註 : 我打左個中文名去search 爸爸學琴....搵到喎! 佢都幾猛人....應該係美國讀左好多年書....new york, maryland , kenington unvi california.....仲有個MBA架.......
11/1今日睇埋聽日個timetable, 英國學生回雞喇, 原來就係攝左去break既30mins (佢本來學45mins, 仲要因為30mins學費平d, 唔知邊個幫我升左佢 做 一級..正呀...唔使再經果d咩評估就順個便幫我升佢呢呀...., 等我遲d叫接住個學生改遲15mins先黎上堂, 咁佢就可以加時喇)
仲有聽日又收左個大人 (見個時間又以為係為左學校教樂器既學生回雞返黎學, 點知原來係男性既theory學生....)
果日去i square既log "in" 見到呢隻餅
不過唔想拎住同iris食飯
所以約會後我就去左思思縮扒度八喇
呢隻有勁garlic味, 仲有2款芝士味既......
都幾好食呀 !
就緊係靠朋友喇
真係麻煩哂iris.....
買唔大包都買盒裝返黎,......
唔該哂佢好快手一返黎就通知我拎野.....
感激感激, 是日就係我地識左咁耐第一次見面...(其實我地都住得好近下 !)
岩岩收到張卡去試下佢地既make up base + foundation
(真係幾潤, 又有少少閃...不過唔知咩價位, 無問, 亦唔多想買住...)
見到佢sell下呢set野, 包括我用緊既呢支lightening gel
一出果時用過, 到而家都差不多就用完...所以見有set裝就買返支
$420一支, 不過我買set (送埋一支sample size既水份精華, 呢支最正, 60ml都賣成 $1000 , 我呢支有8ml.... 仲有um...first care serum 同 whitening cream) 都係 $490
講返呢支gel, 有磨沙粒粒, 不過因為gel加埋, 所以磨完都唔會太乾, 應該講係唔乾 !
放係浴室, 我鼻痕 (想生暗瘡就會咁) 見天氣凍我就會用呢支 ! 夏天就同fresh果支勁磨既磨沙隔住黎用.....
因有白人蔘, 所以都幾潤.....
如果想磨沙又唔想磨乾皮膚, 又想清潔...呢支真係好用 !
考慮左一陣先影既
亦考慮左一陣先post (因為已private, 所以睇得都係自己人...sharing 吧了)
先去相................................................
影佢...一來....見佢10次, 佢8次都係呢對鞋......
當然我唔係話要每次都唔同鞋先岩既...不過.....對鞋既曝光率都奇高.....
另, 成日諗, 佢呢對...跳TAP架 ???
星期二呢日仲要得果13度.....我都唔敢著leggings, 怕入風,佢仲要唔著socks ( 我係著boots)
我老了...................................我係down 背心, 另加條長既down jacket (不過室內我係除左條長down褸既....)
d人都唔怕凍既.................但我見到都覺凍呢 !!!!!
上次提過有個轉左老師, 而我day one已唔想教既
就係呢位爸爸級學生
收生之時, staff打比我, 話佢個仔都學緊, 所以全部係同一時間上 (即3個人3個老師)
以為係仔仔已學緊, 爸爸後尾先學
當日先知唔係, 係3個月一齊新學報名既
3個都有琴書
有個仔係已有級數, 爸爸就學過下, 識睇音找音等
當然係慢. 佢都講明係想鼓勵個仔學返同練, 所以佢先一齊黎
(即係....擺明呢d學唔長既, 當刻感覺係 : staff玩我, 點解唔比個仔跟我, 呢d學唔長既就pass比我, 以咩為收生標準 ???)
ok! 上第一堂.......之後因為x'mas , 又話係個仔生日, 要改期, 又話31號果日又唔學得
(註 : 只可請一次假 / 調一次) 點知...最後staff打比我, 話佢2堂都要請, 所以2堂都會搵其他老師代.....------- 下, 我一星期咁多日既時間都唔fit佢 ??)
ok ok , 唔岩就唔岩....唔理 !
第2堂見到佢 + 代課老師, 原來時間我岩岩有學生
到第3堂....到我教返, 一上堂發現轉左琴書....
佢話因為想學某首佢鐘意既歌, 代課老師話有本深少少既 (爸爸用緊果本話淺喎 --車,. 拍子又唔數, 音又唔係入得岩....憑什麼話淺 ??) 仲要...為左一首歌買本新書本.....(everybody 3 )
好喇....試左右手, 搵音都係要時間.....拍子仍然唔岩 (我緊唔理, 大人呢家野...又唔係為咩, for fun only)
到左手...佢彈左幾下, 話boring....話無melody可言 (爸爸呀爸爸, 呢本everybody就係左手學chord為首既, 緊係無melody喇...)
其實佢一上堂, 就比左隻cd我聽, 又話鐘意呢首,又話鐘意果首, 想我幫佢找譜 (你當我開琴行架, 要咩有咩....???)
呢d唔知係唔係叫高不成, 低不就 ?? 淺你話淺 (但我覺對佢黎講係岩用既) 深你話boring ( 你連音都搵唔切) 我解釋話高級既歌, 好多都係melody + accompaniment
(我當時都興個代課, 記得主管講過,代課既就當都唔多理, 唔好多事, 教左佢就算, 要執既野..短時間佢改到既就改, 改唔到既就唔好講, 留返比原來老師教返) 岩呀, 唔好多事
所以...我覺個代課多事, 當然我亦明白呢d爸爸覺有改變,又唔mind比 $, 就緊係買喇.. $50 around就有本書, who care !!!!!
好喇解釋下, 我好少鼓勵學生為左一首歌買本書 (其他果d彈過比佢聽, 佢又話唔好 聽喎! = 唔想 / 無興趣試喇 ) 亦解釋佢想contin, 亦要面對呢d左手唔係melody既野
點知...換黎呢句 : ok, enough for the theory !
我登時都黑左面...ok 我收嗲 !!!!!!
之後佢自己話轉返原來果本, 首首都叫我彈下聽下邊首好聽, 呢首又話無聽過 (好hit既都話無聽過 )果首又話唔好聽, 卒之係我成本試完....
ok夠鐘.....我都即時走 (因為有另一老師問佢個仔可唔可以考試....)
之後唔夠半小時, staff打比我, 話爸爸要轉老師 (好呀, 堂堂都唔知教佢咩歌架喇 )
至於邊位教, 我真係唔知...
好彩既係, 佢走左, 雖然唔係同一時間, 但係我就收左個1小時英文人新生...($又多左, 小朋友又會stable d)
星期五後尾都收左個家長話要轉老師既小朋友....(雖然 1/2 hr) 不過呢個小朋友都幾有禮貌, 又拎左少少學校既音樂書野問我....
所以...真係唔mind唔教佢囉 ! (睇黎, 我都唔多合適教成年人)
聖誕前朋友都問幾時可約食飯
不過我知我呢個期既schedule會好亂
所以只fix左係朋友去完旅行返黎
好耐以前提過下去食海鮮
所以pm左條link比朋友ok or not
再約多個一齊3人行..食多d試多d
下午食完harlan's, 晚上再黎飯局
目的地都係尖咀, 不過係東邊既海鮮站
原來車厘蜆要訂,下次會醒目的了
一人2隻螺
再黎一人3粒蠔 ! 當日得3款蠔: 珍寶蠔, 蘇格蘭同法國
(3款都好好食)
再黎最出名既龍蝦2食之一 : 龍蝦生果沙律.....個蕉好正,又唔生, 又唔係熟到爛
個garlic bread 送既...仲熱架.....正 !
d野都好快黎, 因為一來遲左叫喇, 二來係要趕8點多還枱呀 ! (我星期一先打去book, 星期二佢地先打返黎confirm 我.....都已經好驚無枱都唔知要改期到幾時先有得再約齊人呀)
籠仔菜, 我地要左芥蘭.......蒜蓉蒸好正 !
見有人食聖子, 因為唔多食 (家人唔會食....要食又一定要去中菜先有....) 所以叫左
每人一隻....因已有蒜蓉, 所以呢轉要豉汁 !
最後係個龍蝦伊麵....已經好飽喇, 最後食唔哂, 打左包......
多謝kk 送既cookies, 個紫菜cookie好有得意動物餅feel !
仲有tal既mask !
呢星期都分別有2批友人同一時間出現於harlan's (呢2批互不相識架下)
因為想坐得舒服d, 又岩岩係尖咀....真係時間太急想唔到去邊度了 !
問朋友ok嗎 ? (因係星期三book星期四lunch)
所以先決定再去食多次 ( 不過....真係開始太多人去了, 第1-2次去時岩岩開, 完全唔使book, 今次再去, 全場full house)
都係選 $198 果set
不過因為鏡頭問題...focus都唔多好 ( 下次都係唔好貪輕, 拎支定焦鏡, 太近了, 好難focus - 雖然買支1x-3x mm就會好d )
唔係影得好多咋.....得包包同頭盤
d 菇我個人認為係最好好好好食既.
食物refill得好快, 不過成日都間唔c有d 野飛起飛下.......
是日main course ~~~~~~~~
食左個lamp chop, 食左幾多間, 整得最好既都係sabatini.....
alice話佢果日食既燒春雞好好....不過佢不時轉menu, 我又唔會睇完menu先決定去既...因為都係睇朋友期 / 同自己時間.....(因為我都係咁岩假期,要返3點...先可以去食又唔使咁趕)
本人最鐘意就係佢既dessert...次次都無失望 !
今次係white chocolate mousse + melon sorbet
多謝多多親手整既蛋糕....好正呀 ! (我太多識整甜品的朋友, 我太有口福了)
連個盒都好靚......
個蛋糕原來係mango.....酸酸甜甜...好得 !
多謝牛奶妹既禮物....呵呵...又有3支放手袋size......
開始教琴剛剛半年
我好少回顧, 亦好少展望.....
so far 好多野都上左軌道...學生走左又有新既...
轉左比人既就轉返d返黎....(不過轉走果個我day one已唔想教....好野 )
而家只怕暑假走清幾個國際人士.....但岩岩有個男staff同我住隔離街果日一齊坐車,佢話暑假好多新生, 成日唔夠老師 (係咩....佢老闆呀....我6月in完 + confirm仲簽埋約．．．咩Q事８月先開始教．．仲要得幾條靚.......?????!!!!!)
星期六．．．．經過２個月．．．full哂喇（因有學生由星期二轉去星期六，連家姐都一次過轉埋黎學－－哈哈，媽媽１２月時本來話比妹妹學多幾堂就算．點知繼續之餘仲話我識氹細路，話家姐果個太green, 轉埋比我，今日仲問我要唔要加時．．怕遲左會無咩時間加唔到比佢喎）
前日３１日又臨時代左堂．．．（因老師好似突然有事．．．）本來我收６１５架喇，為左佢，我７１５先走．．．之後主管話家長提過要轉老師，不如就轉埋比我喎！又得左喎！（原來媽媽又同一時間學）
如果而家咁ｋｅｅｐ住人數，收入都ｏｋ架喇．．．．
雖然我被某位家輩串我，星期六咁黃金都唔教全日（我答佢星期一至五都比哂佢囉喎）
點知仲比人駁話 ：你又唔係返全日．．．．
又話我星期日都唔教．．．（妖，你理我係唔係全日．．．．有咩理由星期一至日都教哂，想搵日同人食飯都唔得喇．．．）
我而家已經煩．．．lunch time有時就唔到，tea 就一定唔得（average 一定返３點．．）晚飯有朋友話等埋我８點食太晚．．．．我一星期得１晚收７點．．到我得果時佢就唔得．．．．吹咩脾脾．．
呢位長輩真係想我無咩朋友．．．．天蠍Ｅ話．．．佢係咁架喇．．．諗Ｄ野奇特架．．．．．（當然喇，邊會講佢知我拍緊拖．．．．）
而家開唔開心．．？？？有得必有失既．．．．至緊要無壓力，又有收入，賺多Ｄ既野，我知急唔黎．．．私人學生慢慢黎喇．．．．同拍拖結婚同生仔女一樣，有時係急唔黎既，係你既一定係你既．．．．係唔係．．．．
祝大家都開開心心．．．．．
