09 夏威夷 - day 4 -Hilton Waikoloa Village Part 3

打埋今篇, 酒店篇完 (仲有果d跟每日行程再出) 總之第一日到步酒店後果d就post完喇

去完queen marketplace入左食糧

返酒店沖個涼 (因為好熱) 著靚靚影左幾張相(緊係影自己喇 )

就出發遊酒店 (其實係找食野地方, 因為...地圖無show, 一邊找一邊遊酒店 , 後尾係酒店指示先見到)

ocean tower係右邊最後一站, 一出閘就見到酒店既reception (只係for問路/ 指示方向, 唔係for check in既) 我係泳池果邊經呢個餐廳行去monrail站就感覺近d, 係information desk 坐lift上房就好似繞多左路

係餐廳周圍都有魚魚, 不過就唔係錦鯉, 而係呢d似熱帶魚魚既黃色魚 (好多架)

今次選擇坐boat, 經過呢間餐廳, 樓上係kirin 中國餐廳

呢隻唔知咩花, 不過係勁香既, 之後我係lagoon果邊見有個籃放左d摘左落黎,我拎左一朵插左係耳仔後

一路行都一路睇下邊點日落

呢度我房都望到, 不過當日岩岩下完一場雨, 又唔想久留,無坐係度hea ; 之後有日見好好陽光想hea係度睇書,不過次次都滿座, 我一次都無坐過呀 !

行到去我住果邊, 粉紅圈估計係我房黎既

呢度真係好中國式, 近門口位有d 壁既雕刻, 無情情又有個budda係度...

個亭就係Kohala Pool同lagoon beach中間

行無耐就係wedding chapel, 對bali果d比, 真係蚊同牛呀 ~ 太細了 (不過幾 日後我見有人係門口度影相- of course係日本人喇, 得1對父母觀禮 ~)

得果3排櫈 ~

人造沙灘, 仲有吊床, 不過又係趕住去找地方食飯, 無試下坐 (落完雨嘛, 怕濕呀) 又係隔幾日再去, 咩都比人霸哂 ~

呢隻肥貓好好玩, 任摸都得 ~

lagoon grill係lagoon旁, 可以見到海豚 ~

中間果度係食早餐既地方 ~

上面就係紅色既雞蛋花, 我轉左支len去影, 所以聞唔到係唔係真係唔香既 ~

找唔到我想要果間餐廳, 事後睇多次酒店既牌 (唔係紙既map)先找到餐廳位置 (紙既map真係無show到出黎 )

呢條走廊既擺設又係好oriental ~

途經....一見就知係日本式喇 ~

呢度就有間日本餐廳

經過palace tower, 入左去影左張相

唔知點解, 唔係好鐘意呢幢building

食野果間餐廳就係附近( 食左咩下一篇再post)

食完...因為坐架monorail 坐後左, 到左站都唔知, 坐住返lobby位 (我都覺自己白痴, 不過太黑了, 認唔到..我坐最後果卡....都唔怪得自己既)

這是晚上的lobby, 最後一張係我房既夜景 (當時應該係8點多)