呢個絕對係錯體版
上網睇清楚地址
係就係想去呢度,不過..攪錯要食既野
又唔記得咩係出名既...只係.....絲襪奶茶
可能又比另一間個名好接近既混亂左...
去左邊.....蘭芳園
睇左我食乜, 就應該估到.........
下次試金牌豬扒飽先 ~
呢個....麻麻地咁喇....
-----------------------------
報到 !!!!!!! ( 落大雨之日,又去左影相..之後230出動再去開餐 : 呢d叫死心不息)
已切開左一半既飽 + 出名既絲襪奶茶
全部size好fit個飽既大細, 唔會食得好"輪盡" !不過....除非你食左個好rich既早餐, 或早你今晚會好早食dinner, 呢個我當lunch..都覺唔係太飽 ! (我見好多人係撈丁呀....仲有我未試個厚厚西多士...)
是日下雨天哄, 呢度出名係一坐低就有人棟係你旁邊, 似催你落order...我一面收緊遮, 想叫野, 點知亞姐好好, 只係放低個白色膠袋比我收好把遮, 叫我慢慢整好先落order, 之後既哥仔仲提我230到, 有下午茶餐 !
除左之之島呢期好似做緊泰國節
思思縮扒都做緊
見d野飲ok, 又有得試飲
買左呢2款
仲有一隻唔記得咩名.....飲落似我地既酸梅湯.....
山竹又幾特別! 野飲 $9-20
最好似都係果隻有jelly (似涼粉既野飲) 已比我ko左,仲要無影 ~ 今個星期再去入返幾罐先 ~
本來都得媽想7月1日黎個食聚
不過我怕當日我唔得閒,
之後佢再就我提早係端午節聚會
上次約睇戲之日, 都得媽已經好想整....紙米卷 ~
餡有鴨胸 (哥哥食左一舊知道有鴨...佢唔再食喇 !) + 桃 + 生菜
點解影2張,因為先影左下面,不過唔想後面咁朦, 所以影左張整清返個背景
不過紙米都幾難控制, 濕太耐就太軟包唔緊, 都得媽最後試左係濕3秒..佢話仍有改善空間
↑呢張..一睇就知我用dc影...d 粒子...幾大 ~
紙米卷點呢個醬食, 我只食 + 聞到好香既紫薑味 (我好鐘意架) 原來仲加左咸檸檬及喬頭 (正, 我細個好鐘意食,不過而家果d又細粒又唔好食, 已無再買了)
南乳雞翼..哥哥又唔食南乳, 所以都得媽又要整幾隻叉燒醬醃
加左柚子落柚子汁度..都得媽最愛,不過佢食緊中藥..唔飲得生冷野 ~
唔小心加左閃燈既.....牛肉檬
加入魚露更好味...仲要唔係太咸 good!
ice cream mochi ~ 好正既綠茶及紅荳 !
食得開心, 傾得更開心~
一直都想買
估計supermarket一定有
點知...唔見
最後係park n 超級store見過,不過好肉酸
係思思縮扒找過, 幾間店都唔見 (每lane都有望,不過真係找唔到)
找到第3間.有了
yes...點火器,因為點aroma candle時,支candle會越燒越低 (我家無人食煙, 所以無打火機, 火柴有...不過..好怕未點到已燒到手指)
唔鐘意槍型既設計, 火柴型果個勁like,不過就貴左ddd 。果度有4款,我選左呢支
希望朋友仔鐘意喇 ~ *我都買左支 ~
滂沱大雨既一天
呢排不停想試d香港既美食.....
教完琴,不如就由旺角去ssp喇 !
網上話北河街既新店靚d...
到左喇...不過找唔到,近近地,是但喇, 去返福榮街
原來新舊舖就係隔離 ! (食完先影返既...無陰公..勁大雨, 回家後,全對socks 濕哂, 鞋都變水鞋...因為d街邊位,水位已過腳背)
人人都係豬潤麵 /米 , 有d人叫潤牛(+牛肉) (或者係丁牛 - 即係5香肉丁呀)
多謝 $21.....野飲 $11
情願唔食哂d麵, 點都要試埋加央多 $8(加央西多 $11, 加央飽 $8)
豬潤好好味.....有少少薑 (不過d潤痴左埋佢, 眨眨眼睇以為係好細既潤,要咬入口先知係薑...唔食薑者要小心了 ; 不過呢.....細到似肉絲, 咬下去都唔係勁薑味,放心喇放心喇!)
好滿足呀, 終於試左喇...下回....試咩好呢 ??
呢套片上畫時好想睇,後尾無時間又接住有其他, 捨棄左佢
賓湯馬斯(韋史密夫 飾)事業有成，婚姻幸福，美滿的人生似乎並無所缺，但一次奪去七條性命的嚴重交通意外令他的命運徹底改變，意外中他痛失摯愛，揮之不去的悔疚感使他意志消沉，生無可戀的感覺更令他打算了結餘生，然而絕望沮喪的他卻決定挑選七個陌生人，透過幫助他們改變厄運來為自己贖罪。
七個名字，七個各不相干的陌生人，唯一的共通點是他們都正處於人生中刻不容緩的境況，賓精心步署並實行他的救贖計劃，一切似乎在他掌握之中，但愛情的來臨永遠都是出乎意料之外，他萬萬想不到在人生最後的贖罪之旅中，竟遇上生命的曙光……
患有嚴重心臟病的艾美莉(羅莎莉奧當遜 飾)，本身只是賓的救贖名單上的其中一個陌生人，但她的出現卻重燃了賓絕望的人生，令他再次感受到生命中的愛與希望。
隨著救贖計劃開展，一個不為人知的秘密亦逐步揭開，賓將面對人生中最困難的抉擇，亦是生命中最奇妙的恩典，七個陌生人的命運將因他而永遠改變……
睇完唯一令我想起既,係早前醉酒駕駛令多個家庭失去親人果單新聞.........
最後佢尋死既方法........係邊度睇過呢 ????
星期四又係在大坑度食野既時候
上一個月已好想試
不過...未教琴前到, 未開門咁款....最後無食到
今次...醒喇, 教完琴先黎, 無奶油4點多都唔開門喇瓜~
如果係中央圖書館行,見到7仔轉入就係,呢個牌都應該方便揸車人士
我就由李x小學果邊既,所以唔會經呢度,我係走果時坐車回家影既
佢個位話好唔係,衰亦唔係。好係在轉角, 可以利用埋後巷既位....變大空間, 唔好既係在內街, 真係要名人效應先得lu~ (不過呢頭大把係內街既...)
我試左特濃牛奶薑汁撞奶.....薑唔夠....5%都唔知有無....特濃牛奶...亦唔多覺 ~
找次試埋陳皮紅荳沙同荔枝xx (唔記得咩!)
呢排真係成日食呀, 因為....遲d想食都唔再方便架喇 ~
証人
張家輝同廖啟智因為此片而得到金像獎既最佳男主角及男配角
次次租碟, 我都係架上不停睇下先醒起曾上過咩戲而我又未睇既!
內容
一宗車禍，徹底改變了他們的一生。
沙展唐飛(謝霆鋒飾)在追捕通緝犯張日東時，發生了嚴重車禍，之後更開鎗誤殺了一名小女孩。沉痛的他終日活在陰霾裡；檢控官高敏(張靜初飾)，親眼目擊大女兒被唐飛開鎗打死，從此她的愛就只能寄放於小女兒丁玲身上。
車禍後三個月，昏迷的張日東終於醒來，高敏第一時間要他踏入法庭受審。
亡命之徒洪荊(張家輝飾)接其命令往活捉丁玲，碰巧給唐飛撞上，卻未能及時把丁玲救回。高敏收到恐嚇電話，要保女兒的命就得撤銷對張日東控訴；一旦報警，定必撕票。唐飛誓要救回丁玲，以贖自己當日犯下的過失。
唐飛在舊同僚新爺(廖啓智飾)的協助下，逐步逐步邁向洪荊的賊窩。然而，最重要的線索卻在高敏的手機內，高敏對他恨之入骨，絕不肯向他透露半句，唐飛在別無選擇之下，唯有忍辱向昔日有爭執的舊下屬求助。
高敏面對兩難局面，不知如何是好，但她仍堅決拒絕唐飛的協助。為救女兒的性命，她決定不惜一切，偷走案情的關鍵文件。
唐飛與新爺終追尋到洪荊，惜最後還是被洪荊逃去。唐飛把事情鬧大，匪幫以為高敏報了警，向高敏聲言要傷害丁玲以作警告。高敏得悉後，死命阻止唐飛繼續調查，但唐飛卻拿出有力證據，指丁玲應該就在咫尺之間... 如現在放棄找尋，丁玲可能不能活過當晚...
就在此時，洪荊察覺唐飛三人已找到來，急忙之下，洪荊即帶同丁玲匆忙離去，留下躺在家中，半身不遂的妻子阿麗。唐飛三人發現阿麗，要求與洪荊交換人質！
然而洪荊不肯妥協，更施計從新爺手上搶回阿麗！唐飛憑著一點線索，追蹤到洪荊，終救回丁玲；高敏得知丁玲獲救，及時把証物提交堂上，張日東終被繩之於法。
豈知洪荊死不放手，一直追殺過來，唐飛不敵，丁玲獨自逃走之際，竟遇上意外，被活埋泥沙之下！唐飛追至，丁玲已奄奄一息...
=======================================================
佢地應唔應該得獎,我唔敢講,不過...此片真係拍得好好 (除左果d 撞車加入既奇怪效果...sorry, 我真係唔接受d咁既效果..似卡通咁)
孖女好可愛,我鐘意佢對兜風耳 (開頭以為一個女仔分開２個角色黎演睇，睇返名單先知係孖女）
張家輝個角色真係好大既發揮, 謝檸檬呢 ~ 唔係唔好,不過..無咩大發揮,佢永遠都岩做d 熱血青年, 好博好勇 (亦岩做黑社會賣命果d) 所以雖然看似檸檬係主角,不過獲提名係既張家輝
呢套真係值得一睇 !
約左dora睇戲
咁就一齊食飯，再去排隊入場（因為套戲係無劃位既）
睇左商場網頁，又可以坐耐少少，唔怕比人趕既．．
最後決定呢間
可能離戲院太遠了(cinema 8/F, 呢度13/F)所以人流唔多，可以講係少得可憐
我入座時已係７點有多．．．全場得２枱有人，後尾多一枱．．我地走時都９點．．人數都係無變．．．
↑呢杯我既，比佢蝕左，明明問左佢係唔係圖上另一飲品既size,佢答我係．．妖！
cheese + garlic bread,唔錯唔錯 ～
platter..個sauce好棠．．其他就一般左ｄ！
廚房真係無咩order,所以我地叫既野係差幾分鐘就一次過出哂
結果係意粉凍左少少，所以好”彈牙”囉......
想坐耐ｄ既，黎高ｄ層數搵食，唔高要求食物質素既．．呢層幾間都應該ｏｋ既！
星期二約左修甲
又出發到中環食野先
本來想去pro burger,不過位少,又話有油煙味
改去怪獸公司果間Monster Burger先
(士丹利街)
好多款式呢
要左個cheese burger combo
單人位得6個,高枱有2張咁大把..所以我又係12點,人潮未出現前食左先 ~
好味好味, 好食過果間時新呀 ~ 亦無Triple O食得咁呢hea~
故事簡介
《翻生侏羅館 2》講述「美國自然歷史博物館」進行去舊迎新大裝修，換上新一批高科技展品，導致「實Q」拉利（賓史迪拿）的一班老古董好友──總統蠟像羅斯福、侏羅紀暴龍化石及羅馬大王屋大維等，統統被移送到位於華盛頓、全美國最大的資料庫「史密森尼學會」存倉。豈料未夠廿四小時，這班嘩鬼已經闖禍︰一單法老王石碑意外令歷史上最猛料的四大惡人翻生，包括天下無敵的法老王五世、美國最臭名遠播的黑幫大佬卡邦、暴虐無道的沙王伊凡四世，以及法國好戰將軍拿破崙大軍殺到，搞搞震冇幫襯！西部牛仔史密夫（奧雲韋遜）見勢色不對，即急call拉利到華盛頓幫拖。沿途歷險驚喜萬分，拉利更與美國首位越洋女飛機師（愛美雅當絲）展開一段魔法良緣……
===============================
多謝Dora邀請,否則我一個人唔會睇呢套戲
睇完又覺幾好笑...聽英文會好睇過中文字幕 (有d gag譯唔岩feel既)
好有興趣睇返第一集 ~
不能說的秘密
小倫(周傑倫飾)與父親(黃秋生飾)相依為命，父親是淡江藝術中學的音樂老師，小倫自小在他的熏陶下，擁有非凡的音樂才華。
這天是小倫轉讀淡江藝術中學的第一天，當他跟著同學小依(曾愷玹飾)參觀校園時，突被一段神秘的鋼琴樂曲吸引。
小倫隨著琴音引領，走進一間百年琴室，發現彈琴者是一位清秀脫俗的女生小雨(桂倫鎂飾)，兩人雖然沒有交談，但在四目交投之間，雙方都泛起微妙的感覺。
原來小雨是小倫的同班同學，由於冒失的小雨上課時總是遲到，故經常被迫和坐在後排的小倫坐在一起，兩人的感情因此突飛猛進，更到達互相分享秘密的階段；但每當小倫問及那天在百年琴室所聽到的神秘樂曲時，小雨總是模棱兩可地回答：“那是一個不能說的秘密……”。
距離畢業的日子越來越近，小雨決定向小倫公開神秘樂曲的秘密，於是相約小倫在琴室相見，小倫以字條回復小雨：“今晚琴房7:30，我也告訴你一個秘密”；怎料字條在陰差陽錯之下，竟落在暗戀小倫多時的小依手上。
當晚小倫在琴室邊奏著小雨喜歡的樂章邊等待著，突然一雙溫暖的手蓋著小倫的眼睛，雙方情不自禁地擁吻起來，直至小倫張開眼睛，方知對方不是小雨而是小依；與此同時，小倫聽到小雨的哭泣聲從門外遠去，小倫瘋狂地追出去，但小雨早已芳蹤杳然。
小雨自此倣如人間蒸發，音訊全無。小倫向同學打聽小雨的下落，同學竟說從不知有小雨這個人。小倫到小雨家造訪，竟被當成瞎撞。小倫翻看點名冊，赫然驚覺名冊上也沒有出現小雨的名字……
直至小倫發現一張父親和小雨的合照，向父親追問關於小雨的一切，小倫方知小雨的出現絕非偶然，一切源自一首神秘的樂曲和一個不可告人的秘密……
好睇好睇好好睇
好多手部特寫
雖然劇情有......丁點兒牽強 (佢找小雨時,小雨媽媽話佢氣喘要停學休息, 果個年份, ...小雨唔係應該唔會係果個年份出現的嗎 ?定湘倫超越左本身 "空間"??第2次時小雨媽媽又話佢聽緊音樂, 果個時間...小雨唔係應該已經不在人世的嗎 ??)
anyway....部戲拍得好好
怪不得上畫時段d人不停mi mi, mi mi咁喇 ~
16 May果日無意係電視節目度睇到介紹呢間野
(唔好問我係咩節目, 我只知係星期六早上11點左右做既, 一個主持人既名我都講唔岩, 我只係聽完謝西嘉既西嘉航空後唔想聽903,先迫住開左TV)
係節目度睇到門口玻璃既反射,知道餐廳名先上網查
大家都知一定會係openrice找到, 原來就係呢間
(門口等左好多架專線van...完全影唔到個門口..)
不過....喊公仔多過笑既....
1點多d去到...差d無位坐呀, 門口又開始長龍了
招牌野係 : 3吋北海道鮮奶炒蛋三文治, 小樽叉燒飯
先黎杯奶茶(凍飲又加 $2)...(我唔飲咖啡既...費時叫左o徒野就無謂) 不過.....唔知有無hokkaido鮮奶..都過得去既...
主角出場..................真係好厚, 烘底加 $2....好熱好熱....熱到辣親咁...
menu右下角有註明套餐內轉野每樣加你幾多$$$, 有人會將多士轉waffles
下次有機會...都會試下個小樽叉燒飯...賣相唔差的說 ~
是日收費 : $30 ( + $2 再 + $2) = $34
如果像hokkaido milk如1 openrice既人講, 一杯似免費水咁細杯既 (set仲要加$4,不如自己買盒回家仲好)
May 16 終於去左影夜景 (呢個星期都想去, 不過一晚哥嫂返黎食...無出去)
呢日都係6點多出發, 影完先回家食飯
下星期好怕佢落雨,所以迫都迫住自己要去影....不過..天色都係太多煙霞
第一次行呢條星光大道.....原來都有幾間餐廳....正 + 舒服 ~
上圖我想, 應該係在尖東影返hk島最岩影既相...會展....
又去玩快門....2張有咩分別 ????
以為for wedding,. 點知走時發現個帳蓬旁寫住Town Gas avenue outdoor restaurant
花花相都返Marco mode影 ~
上面係專登影個天既....左邊遠處...全係煙霞黎既, 相信set咩mode同點較都無意思的了 ~ (一係唉句氣...都唔知個維港似乜了)
上圖都係呢日內,較為鐘意既第2張相 ~
好我少就咁影雲既, 間唔c一張咁大把, 好少發din咁1x張影影影
真係好想知......↓呢張, 較左曝光,個蛋黃就會唔見左...唔較就鐘樓黑.....
用閃光補償 (我部機可以set到似曝光果d +/-唔同度既) ? set白平衡光內既唔同色 ??定係用P mode等佢程式自動曝光 ??? (巧深奧啊 !!!!!)
最後係7點度開始坐住樹等日落同等黑
腳架送既...仲包埋個袋....岩岩好fit入去上年唔知咩事自己買既背囊度.....
上相機個位,有機關開出黎, 而且上完相機先set返入去既,唔使好似dc送既腳架咁, 成支腳架咁一齊係度擰擰擰....
變色中 ----------------------
比d意見 : 上下2張...你覺有無分別 (唔係考你....係...我用左風景mode同 TVmode,我就覺2者唔覺有分別 ----妖, 而家先醒起,入夜後我無用夜景mode試.....不過未黑前試左, 分別又係唔大, even夜景mode自己用左閃燈)
順帶一提 : 夜景全部自動用ISO 1600
影完都7點半....走人lu~ (very hungry ar)
