破哂紀錄

勁呀 ~

一直都未有人破呢個紀錄

本來唔想講架喇 ~

經過今日, 唔發作唔得

講既係我個琴學生, 上年2月開始學埋樂理,

我自知7-8月會請4堂假, 我已無計果一個月, 預7個月走盞

考10月份既樂理

我最叻既學生係學左3-4個月 (@1 hr) 最後果個月係佢做哂幾份past papter

學琴時拎比我, 我全部改哂先叫佢黎一次解返比佢聽及改正 !

呢個學生亦係最細 (當時係5-6年級, 唔係名校, 仲要英文卷)

最差係收左表兄姊弟3人 (唔係我親人,係佢地3個自己有表親關係)

3個都係學足8個月 (要遲多一期先考)

不過...延左期都考得好好既 (呢3位都係會考得果幾分既) 全部都一樣係考全英文卷

而家呢位....GOD!!!!!!已好擔心 + 好心報中英文版

仲要係通告都出英文果間保x局陳守"人"學生既畢業學生....

果然不出我所料, 佢數學的確好屎...所以... = 粗心大意, 教完既野錄埋音都唔理

我亦未試過做完EX Bk 1-5,要再買多一本幫佢溫習....做左03-04 2年past paper及2005既其中一個分卷, 未曾合格過

1)05果份剛岩改, 44拍子佢話係68,

2)transposition 唔睇題目, 人地叫唔用key signature,佢用哂

3) 最後果part寫I II IV V, 上堂先叫住佢要留意cadence....無記上心

4) 作曲講左9萬幾次, 要注意cadence, 叫埋佢記住sofa音, s- d,t-d 或者r-d (今日果首....sight! 第一phrase 無左一個小節; 第一行完結, 無喇喇整個2拍係行尾, 第2行繼續未完既小節.......................妖, 真係無喇喇整撻"喇"係度....

5) 我已唔想早上930上堂 (係呀....要我730起身) 我前幾堂已改佢1030先開始

佢又唔同媽媽講我改左, 好喇....1000打黎問我係唔係改左, 佢話原來想去探病,時間就岩岩,我改左就唔岩, 你lo味呀....我當時已係ee家出黎, 坐緊隧巴中...你唔好1030先打黎....之後改我第2日 (唔係樂理 + 琴, 哼 !我收硬你$, 唔改唔補 !)車$都蝕埋 (不過都好, 就係因為咁, 我返左家先知家母唔舒服,. 由我陪左佢去睇醫生)

6) 今午1210打黎, 問係唔係2pm (我話左1030, 不過(5) 呢件事,佢話改下午2點喎!好...等你個懶惰女留返早上做改正..咩都好) 佢話去飲茶, 人多, 怕遲左返, 230好唔好.....

是但你呀 ~

點知一上到去, 係家度食晏 ( ??) 媽媽仲要問我 : 你呢排有無睇戲呀, 頭先我地去睇赤壁, 好好睇呀 (.....睇戲??????我2點上黎係比個上午佢做野..唔使星期一至五晚上返黎無精神做, 又唔使星期六要補完習先做..你拎個上晝去睇戲...唔係呀化 !)

我唔like, 係因為..千金只係做03 -04呢2本共8個past paper既改正, 已改足一個月....係呀. 我怕左佢, 次次要改乜要做乜我都寫哂係封面.....即係似由老師幫學生寫手冊呀,佢 !!!!!!!! 一係改錯, 一係無改....10題無改3題, 其他錯既, 頂多岩1-2題....)

我陪佢坐足一堂係度改正 ! (係呀...咩野都唔使做, 我係陪改老師.....要叫佢教返我做, 刺激佢思維, 一路問,一路叫佢mark返低個process.....之後叫佢睇返自己寫錯左d乜.......題題都係咁...真係吹啤啤到脹哂 !) even你mark埋邊個小節佢錯,叫佢自己check, 佢都可以睇個"錯"唔到 ~ 就好比你提佢呢條街有狗c, 佢都兜野踩埋去 !

我都費時串佢去睇戲 ~ (去喇去喇, 03年4頁改正, 2頁改錯,2頁無改..GREAT JOB!)

批左佢唔合格....

教左咁多年theory, 都未試過有學生低過82分返黎既 ~ 影衰左 !

(我都唔想佢報, 不過已拖左一次, 再拖唔係辦法, 我只可照報, 唔得起碼比家長知, 好過我單方面堅持唔比佢報)